كل من له تجربه في تعدد الزوجات,, سواءا رجل او امرأه يشارك بالموضوع

[qatar25]

السلام عليكم,,,

اعرف شخص,, لديه زوجه ,, واثنين هم شباب في العشرينات,
الاخ مقتدر ,, ويفكر بالثانيه,, وزوجته موافقته على الموضوع,,

الثنين يحبون فكرة انهم يعيشون في بيت واحد ( الزوجتين والزوج) ويترسونه عيال


أريد منكم اراءكم ,, الازواج المعددين والزوجات المعددات

بما انه الزوجه متقبله فكرة المعيشه مع زوجه اخرى,, ومتشجعه لها,, هل يعني ان بتقدر تعيش معاها فعلا؟ ولا المشاعر راح تتغير؟؟

رجاءا,,مشاركة من له تجربه فقط

[qatar25]

يعني باختصار,, فيه حد يعرف زوجتين لرجل واحد ,, و مستانسين مع بعض؟؟

[بنت ذياب]

اول مرة اشوف زوجه وبالعشرين وراضيه ان زوجها يتزوج عليها

لااا ويعيشون ف بيت واحد

يحليلها .. :) ..

الله ايوفقها ..وان شاء الله ماتكون الزوجة الثانيه شريرة .. وتنكد عليها عيشتها

عموما ماعندي شي اضيفه

الله ايوفقهم يارب..

[&بوشهد&]

انا اعرف كذا واحد متزوج ثنتين لكن كله مشاكل وعوار راس يطلق وحدة ويتزوج ثانية

انا من ناحيتي مستحيل اتزوج الثانية

[السهم الكلاسيكي]

لو موضوعك عن العزاب كان اول واحد بشارك

لاكن ياالله حظ المتزوجين

مشكور ع الموضوع

[شعنونة قطر]

والله العظيم اكتب لك الحقيقه واحد اعرفه متزوج ثلاثه جاته جلطه قلبيه وربي ستر عليه

[دريمز]

أنا كذا مره سويت بحث عن هالموضوع

فيعني عادي لا تستغربون اذا البنت رضت بضره بالعكس اهي فكرت فيها أكيد وشافت ان ربحها بأن زوجها يتزوج عليها أكثر من خسارتها..

وثانكس عالموضوع

[meme~qatar]

بالنسبة لي
ماتقبل هالفكرة
نهائيا
ويا أنا يا هي

[بوجبران]

حتى لو اهي راضيه بس لما تشوف الثانيه تنقهر

[qatar25]

مشكورين على الردود لكن للحين مافيه رد من واقع تجربه,,

وين المعددين؟
ولا ماعندهم وقت للمنتديات؟

[حليتان*]

الظره مره حتى لو كانت جره


وان شاء الله حد يفيدك

[بـــــــنت النوخـّــــذه]

رجاءا,,مشاركة من له تجربه فقط




هل في امكانيه اعلق وماعندي تجربه بس شفت وسمعت بتجارب ؟؟؟<<<:discuss:>>>:secret:

[عاشقة الأمل]

راح أتكلم عن تجربة وحده من صديقاتي هي الزوجه الثانية وبموافقه من الزوجه الأولى لأن زوجها من الأساس كان يريد أن يتزوج بصديقتي الي هي تعتبر من أهله أيضا من سنوات عديده فالأولى كانت تعرف هذه الحقيقه وأنه راح يجي يوم وياخذ عليها وحده هي تعرفها وتشوفها في الجلسات العائليه والحمد الله الزوجتين في نفس البيت بس كل وحده لها طابق منفصل عن الأخرى ويوم سألتها كيف الأمور والإستقرار قالت لي في البدايه كنت أتضايق وأختلق المشاكل يعني بدافع الغيره بس بعدين اكتشفت اني قاعده اتعب نفسي وأتعب زوجي وأهد حياتي بيدي فحطيت عقلي في راسي وبديت أطنش لأشياء كثيره كنت أركز عليها في سلوكياته معاي أو مع زوجته الأولى وبالفعل تيقنت اني كنت غلطانه وكنت أقول معقوله كنت أفكر بهذه العقليه التافهه والحمدلله الحين مرتاحه والعيال عايشين مع بعض في بيت أبوهم
في النهايه أنا أحب أقول أن كل واحد عقله في راسه الكثير يرفض فكرة التعدد من أن الله حللها لأسباب نعلمها ولكن لانريد أن نتقبلها خاصه نحن النساء فالعاطفه هي الغالبه دائما على مشاعر المرأه يعني إذا الزوجه أخذت من زوجها موقف العدو بسبب الزواج من أخرى أو حتى بمجرد طرح الفكره فالنتيجه معروفه اسره مفككه جو ملئ بالمشاحنات والإنفعالات والضحيه هي الأطفال لكن لو تقبلت الفكره وكبرت راسها شوي ما أعتقد أنها راح تخسر شي بالعكس المفروض تعامله بطريقه أفضل ففي النهايه هي الي راح ترتاح بالدرجه الأولى

[الجنرال2]

هذي المواضيع اللي تفتح النفس :nice: حبيت أشكر صاحب الموضوع وبكون متابع من بعيد :nice: لأن ما عندي تجربة شخصية بس أعرف واحد رفيجي مزواج كل مره اسلم عليه يقولي باركلي تزوجت ما بدخل بالتفاصيل :nice:

[بوحارب]

اذا خذيت الثانية برجع لموضوعك <<< قربف....... ااااي

[بوخالد911]

هلوووو

صاحبي متزووج ثنتيين

ومرتاح جدا
وببيت واحد

ولا عليكم من الافلام والمسلسلات



تحياتي قبل أن تتعدد زوجاتي

[شعنونة قطر]

بو خالد اي افلام


اقول لك شايفه بعيوني الثنتين


قال افلام قال


وين مرتك عنك

يالدب

[ظبي قطري]

صعبه الصراحه خله بس يفكر يتزوج والله لثور عليه

[qatar25]

هل في امكانيه اعلق وماعندي تجربه بس شفت وسمعت بتجارب ؟؟؟<<<:discuss:>>>:secret:


طبعا ممكن ,, ومشاركتك تشرفني

كونك سمعت وشفت تجارب,, يعني انك تحكي من واقع تجربه وليس مجرد خيال

[qatari1]

موضوعك أخوي تمت مناقشته من قبل عدة مرات، وكالعادة:-

فريق الشباب: مؤيد وبقوة، ولديهم الأسباب والمبررات.

وفريق البنات: رافض وبشراسة، ولديهم كذلك الاسباب والمبررات.

وبعدين تعال...

في شيء إسمه نساء معددات؟!

يعني إمرأة متزوجة أكثر من رجل في نفس الوقت؟!

طبعاً أكيد هذا ليس قصدك، ولكن تقصد النساء اللاتي تزوج عليهن أزواجهن!

[شمعة الدوحه]

مشكورين على الردود لكن للحين مافيه رد من واقع تجربه,,

وين المعددين؟
ولا ماعندهم وقت للمنتديات؟


ههههههههههههههههههه

دور لهم بالمحاكم او بالمستشفيات :tease:

اتوقع ماعندهم وقت

وانا عن نفسي اسمع انه فيه نسوان يتزوجون لمجرد انه اسم متزوجه

والزوج ماله اي اهميه بحياتها وعادي لو يتزوج فوقها 3

بالنسبه لي صعبه ارضى يتزوج علي

الا اذا كنت طفشانه منه وابغي الفكه بيكون عادي عندي

على حسب غلاته :)

[الشاااهين]

اممممممممممممممممممممممممممممممممممممممممممممممممم مممممممممم:con2:

انا عندي ثنتين الله يحفظهم وكلهم مبروكين

السؤال: هل اللي بياخذ ثنتين ولا اربع عنده القدره للجمع بينهم بدون ضغط على احد الاطراف؟

[عيون Qatar]

انا زوجته الاولى وبنت عمه وتزوج علي

وانا اعتدت اعيش مع الزوجة الثانية في نفس البيت

وعقب فترة طلقها وترك عيالها معاي في البيت

مع عيالي وبعد فترة قصيرة تزوج مرة اخرى لكن وضع زوجته الجديدة

في الملحق اللى بناه جنب البيت

وانا ماقدرت امسك نفسي من الالم والحزن

والغيرة لكن لا اعتراض على حكم الله

والدنيا دار فناء فيها يبتلى المسلم فان صبر واحتساب

له الاجر والثواب العظيم




بارك الله فيك اخويqatar25

[موضي قطر]

انا زوجته الاولى وبنت عمه وتزوج علي

وانا اعتدت اعيش مع الزوجة الثانية في نفس البيت

وعقب فترة طلقها وترك عيالها معاي في البيت

مع عيالي وبعد فترة قصيرة تزوج مرة اخرى لكن وضع زوجته الجديدة

في الملحق اللى بناه جنب البيت

وانا ماقدرت امسك نفسي من الالم والحزن

والغيرة لكن لا اعتراض على حكم الله

والدنيا دار فناء فيها يبتلى المسلم فان صبر واحتساب

له الاجر والثواب العظيم




بارك الله فيك اخويqatar25


عيون الوكرة تحياتي لك ولعقلك النير باقول السبب على الخاص :victory::victory:

[بوخالد911]

متاااابع

[روض]

كذاب من يقول انه عايش ملك بين حريمه اثنتين ولا الاربع

انا اشوف جيرانى واقول الله يعين الزوج كله مشاكل ويانسوانه لا والمصيبه بياخذ الثالثه كنا مايكفيه عوار الراس الى فيه

<<ودى ادخل مخه واعرف شلون يفكر

[qatar25]

كذاب من يقول انه عايش ملك بين حريمه اثنتين ولا الاربع

انا اشوف جيرانى واقول الله يعين الزوج كله مشاكل ويانسوانه لا والمصيبه بياخذ الثالثه كنا مايكفيه عوار الراس الى فيه

<<ودى ادخل مخه واعرف شلون يفكر

اختي الكريمه ,, محد يقول انه التعدد مافيه مشاكل,,
حتى لما يكون عندك عيال,, يكون فيه بينهم مشاكل ,, ويتهاوشون احيانا,, هل معناة الكلام ,, ماتجيب الا طفل واحد؟؟

كلامج انه جاركم يفكر يتزوج الثالثه,, معناتها رغم السلبيات الموجوده في زواجه من ثنتين ,, للحين يشوف الايجابيات اكثر والدليل انه راح يتزوج الثالثه,,

اكيد الاخ شايف انه السالفه مريحه او مفيده ولا مافكر في الثالثه,,

[aspirin]

تجربتي مع الزواج بثلاث والحمد لله انا مرتاح حالياً بل اكون ملك من كثر الدلال والتنافس مابينهم ,
نصيحه الي يفكر انه يتزوج اثنتين لا يتزوج الا مفكر انه ياخذ الثالثه لان الثنتين بيتفقون عليه عكس الثلاث .

[qatar25]

تجربتي مع الزواج بثلاث والحمد لله انا مرتاح حالياً بل اكون ملك من كثر الدلال والتنافس مابينهم ,
نصيحه الي يفكر انه يتزوج اثنتين لا يتزوج الا مفكر انه ياخذ الثالثه لان الثنتين بيتفقون عليه عكس الثلاث .

ياخي كلامك عسل,, لكن السؤال, كيف شعور الزوجات؟؟ هل مستانسين ولا عايشين في جحيم,,؟

انا مش محاتي الزوج, انا محاتي الزوجه,, هل ممكن تكون سعيده,؟؟
السؤال الثاني: هل ممكن يصيرون ربع؟؟؟؟
السؤال الثالث: هل ممكن اتفاهم معاك على الخاص؟ لانه الموضوع مهم

[الصريحه]

لو يبي يتزوج يفرق بينهم في المكان علشان يرتاح ويرتاحون لان الحريم لابد تجيهم غيره
فاحسن حل يفرقهم
حتى لو رضوا بعدين يسندرونه من المشاكل
وزوجات النبي صلى الله عليه وسلم كان بينهم غيره وهم امهات المومنين وش بالك ببنات وتربيه اليوم
تزوج لكن بعد كل وحده ولاتعلمها اي شيء عن االثانيه ولااي تفاصيل بسيطه
ههههههههههههههههههاه ترى نصحتك
بتجيهم الغيره وبتبتلش وياهم من اولها كل وحده بمكان وعلاقاتهم سطحيه ولايكلمون بعض

[ملاذ الروح]

ما احــــب الشخص المعدد خير شر ، مهما كانت اسبابه
والسبب ...تجربة أبي في أخذ الثانية ، ما احب اقلب المواجع ..على نفسي
بس اقدر أؤكد واجزم ..أن الريايل ...مش كلهم قد مسؤولية فتح بيتين ومعابل
اعياله بذمة....ذمة الرياييل واسعة ...ومش كل واحد كفو يفتح بيتين ..

[هند88]

وين هذه الزوجه الاولى خل اخربها:anger1:

[qatar25]

وين هذه الزوجه الاولى خل اخربها:anger1:

اخاف تشوفينها تفر راسج وتقتنعين بفكرتها وتقولين لريلج يتزوج ثلاثه غيرج

[ع.م]

ممكن تلاقي حريم ماعندهم مشاكل إذا الزوج عّدد أهم شي عنده فلوس مب لازم تحبه.. لكن يرضون يعيشون في بيت واحد مستحيل.. ياااهي مجاااازر بتصيرررر :)

[بـــــــنت النوخـّــــذه]

طبعا ممكن ,, ومشاركتك تشرفني

كونك سمعت وشفت تجارب,, يعني انك تحكي من واقع تجربه وليس مجرد خيال

الله يهداك اي خيال ؟؟؟؟؟؟

المهم الي شفته كثير منهم تذابحو وقليل توفقو:eek5:

والسبب العقل ويعتمد على الزوج بطريقته اشلون يدخل على زوجته بطريقه محترمه 00

بس الاهم ليش يعدد الرجل اهنيه الاهم لان السبب له دووووووووووووووور كبير بأن الزوجه والي حواليها يوقفون معاه بزواجه الثاني ؟؟؟؟عموما انا اعرف وحده زوجها ماخذ 3 لان اهم جذيه ومتعوده من اخوانها واهلها 00فرضت بالامر الواقع وعادي عندها كل وحده في بيت 000واعرف واحد اههههه يعني من الجماعه مهب معرفه يعني ربع ماخذ تنتين واحد فوق والثانيه تحت كل يوم ذبح ومذابح 00000

واعرف وحده ملتزمه دينيا" ومثقفه وواعيه وريلها نفس الشي وتزوج عليها واهي راضيه ومقتنعه بالاسباب وعايشه اهي وزوجهة ريلها مثل الخوات واكثر 000

يعني اخوي من الاخر لازم نعرف:
الاسباب الي خلت الزوج يفكر لانها بتسهل عليه نظره الكل 0
يعتمد على الثقافه الدينيه للشخصين لتقبل الوضع 000
ويعتمد على ذكاء الرجل 0يعني اذا بيقط اذنه للحريم الا ذي قالت الا ذي سوت ابصم بالعشره مكانه النهائي مستشفى المجانين00

ولكن لو انحطيت بنفس الموقف لازم اعرف الاسباب 000000000000لان الاسباب اهم لي من الزوج

[Khaled Qatar]

اهم شي انه يعدل بين الزوجتين عشان ماتصير المشاكل

واعرف واحد تزوج صديقة زوجته وكانو عسل هم الثنين مع بعض لدرجه انهم يطلعون هم ال 3 مع بعض سواء للسوق او حتى يتعشون في مطعم والكل كان يتكلم عنهم وان هم شلون متفاهمين بس للأسف النهايه كانت الطلاق للزوحه الاولى والاسباب مجهوله

[abdullamohd]

السلام عليكم

ام محمد تكفي و اتوفي

[qatar25]

ارجو من المشرفين نقل الموضوع الى الحوار العام,, لكي نحصل على ردود من ناس مجربين اكثر,, للاهميه

[ع.م]

واضح إنك اتخذت قرار الزواج وخلصت.. وماتبي إلا الآراء اللي تأكد لك إن قرارك مارح يتعس حياتك.. وجود تجارب إيجابية أو سلبية مايعني أي شيء لأن تجربتك بتكون مختلفة..

بس كل اللي أتمناه إن زوجتك الأولى ماتكون تحبك.. لأن إذا تحبك وحطيت على راسها مرة وقعدتها معاها في نفس البيت.. تعذيب ماوراه تعذيب.. جيب سكين وانحرها ترى أخف من اللي بتسويه.. عموماً الأكيد إنها إذا كانت تحبك وسويت فيها هالحركة ومااستخفت فهي أكيد بتتغير مشاعرها تجاهك للأبد.. حلوة مشاعر الأخوة مافيها شي..

الله يكتب لك الخير..

[qatar25]

واضح إنك اتخذت قرار الزواج وخلصت.. وماتبي إلا الآراء اللي تأكد لك إن قرارك مارح يتعس حياتك.. وجود تجارب إيجابية أو سلبية مايعني أي شيء لأن تجربتك بتكون مختلفة..

بس كل اللي أتمناه إن زوجتك الأولى ماتكون تحبك.. لأن إذا تحبك وحطيت على راسها مرة وقعدتها معاها في نفس البيت.. تعذيب ماوراه تعذيب.. جيب سكين وانحرها ترى أخف من اللي بتسويه.. عموماً الأكيد إنها إذا كانت تحبك وسويت فيها هالحركة ومااستخفت فهي أكيد بتتغير مشاعرها تجاهك للأبد.. حلوة مشاعر الأخوة مافيها شي..

الله يكتب لك الخير..


هل زوجج عنده زوجه اخرى؟

اقصد هل كلامج عن تجربه؟

[هواجس _q6r]

ياليت الشرع حلل لنا 4



























بس عشان تحسوون الأحساس





أنا مررره واحد من الأهل حلم مجرد حلم في النوم ان زوجته بتزوج عليه خخخخ



قااااام منقهر ..وضايقه فيه الدنيا ...ويقول حسيت بأحساس غريب قهر يحرررق القلب


بل هاااي لو صج شبيصير !!!!!!!!!!




بس اذا كان سبب الزواج ان الزوجه الأولى ماتجيب عيال ..أو مقصره بشكل واضح بحق زوجها
فهني من حق الريال يتزوج
وفي بنات أعرفهم يقولون يتزوج علي ولا يطلقني <<< شراااايكم في هالمبدأ؟؟؟؟

[qatar25]

ياليت الشرع حلل لنا 4





















بس عشان تحسوون الأحساس





أنا مررره واحد من الأهل حلم مجرد حلم في النوم ان زوجته بتزوج عليه خخخخ



قااااام منقهر ..وضايقه فيه الدنيا ...ويقول حسيت بأحساس غريب قهر يحرررق القلب


بل هاااي لو صج شبيصير !!!!!!!!!!




بس اذا كان سبب الزواج ان الزوجه الأولى ماتجيب عيال ..أو مقصره بشكل واضح بحق زوجها
فهني من حق الريال يتزوج
وفي بنات أعرفهم يقولون يتزوج علي ولا يطلقني <<< شراااايكم في هالمبدأ؟؟؟؟



اختي الكريمه الاحساس مب نفس الشي,,,


الله سمح للرجل يتزوج اربع ولم يسمح للمرأة تتزوج اربع
معنى هالكلام انه الله هيأ المرأه انها ممكن تتكيف مع موجود نساء غيرها, لكن الرجل لايمكن يتكيف مع وجود رجال غيره

الله سبحانه وتعالى رحيم بعباده وعادل,, لايمكن ان يسمح بأمر فيه اهانه او ضرر للرجل او المرأه

ولكن الناس اساءت استخدام هدا الحق للاسف,

بالاضافه الى تاثير المسلسلات والافلام على عقول مجتمعنا

[هند88]

اخاف تشوفينها تفر راسج وتقتنعين بفكرتها وتقولين لريلج يتزوج ثلاثه غيرج


هههاااااااااااااااااااااااااااااااه:eek5:
والله بموت من الحره
يتزوج خل يجرب بس:anger1:

[هند88]

اختي الكريمه الاحساس مب نفس الشي,,,


الله سمح للرجل يتزوج اربع ولم يسمح للمرأة تتزوج اربع
معنى هالكلام انه الله هيأ المرأه انها ممكن تتكيف مع موجود نساء غيرها, لكن الرجل لايمكن يتكيف مع وجود رجال غيره

الله سبحانه وتعالى رحيم بعباده وعادل,, لايمكن ان يسمح بأمر فيه اهانه او ضرر للرجل او المرأه

ولكن الناس اساءت استخدام هدا الحق للاسف,

بالاضافه الى تاثير المسلسلات والافلام على عقول مجتمعنا


اسمحلي اخوي بس السبب ان المراه ماتتزوج غير واحد عشان ماتختلط الانساب
مو لان الرجال مايتكيف مع رجل غيره

[هند88]

تصدقون انا مالي خص بالسالفه لا من قريب ولا من بعيد بس ارتفع ضغطي:anger1:

[شعنونة قطر]

ياليت الشرع حلل لنا 4







بس عشان تحسوون الأحساس





أنا مررره واحد من الأهل حلم مجرد حلم في النوم ان زوجته بتزوج عليه خخخخ



قااااام منقهر ..وضايقه فيه الدنيا ...ويقول حسيت بأحساس غريب قهر يحرررق القلب


بل هاااي لو صج شبيصير !!!!!!!!!!




بس اذا كان سبب الزواج ان الزوجه الأولى ماتجيب عيال ..أو مقصره بشكل واضح بحق زوجها
فهني من حق الريال يتزوج
وفي بنات أعرفهم يقولون يتزوج علي ولا يطلقني <<< شراااايكم في هالمبدأ؟؟؟؟


ممممممم :)


صج لازم يحسون بالقهر :)


بس المره تعرف تسوي حرب بارده تخليه ينقهر دبلات :nice:







اختي الكريمه الاحساس مب نفس الشي,,,



الله هيأ المرأه انها ممكن تتكيف مع موجود نساء غيرها, لكن الرجل لايمكن يتكيف مع وجود رجال غيره

الله سبحانه وتعالى رحيم بعباده وعادل,, لايمكن ان يسمح بأمر فيه اهانه او ضرر للرجل او المرأه

ولكن الناس اساءت استخدام هدا الحق للاسف,

بالاضافه الى تاثير المسلسلات والافلام على عقول مجتمعنا




لا والله بذمتك :)

حط مره مع مره لازم فيه مشكل بذمتك شلون يتعايشون مع بعض :)

غلط اخوي مو هاي السبب :)
السبب نفس اللي ذكرته اختي هند


بس الصراحه المره تتحمل ولاده اكيد بتقدر تحمل اكث ر:secret:


تصدقون انا مالي خص بالسالفه لا من قريب ولا من بعيد بس ارتفع ضغطي:anger1:



مي تو :(

[qatar25]

اسمحلي اخوي بس السبب ان المراه ماتتزوج غير واحد عشان ماتختلط الانساب
مو لان الرجال مايتكيف مع رجل غيره



وجهة نظر

[بـــــــنت النوخـّــــذه]

اخوي انت ليش متخوف من هالنقطه ترى بقولك 1 ولا 2ولا 3ولا 4 كلهم ينصلبون عدل اذ الريال ذكي وعرف يتصرف معاهم بحكمه وذكاء يعني من الاخر شغل مخك وشغل الدبلوماسيه والذكاء في التعامل مع الزوجات <<<<اتشجعه اهههههههههههه

ترى يا اخوي اقولها لك ملييون مره السفينه تمشي عدل لان ربانها متمرس ^_^

[شويهينــه]

سالفه ان الرجل يعيش مرتاح مع اكثر من زوجه هذي هي بيده هو

هو اللي يحدد عيشته

انا عندي حالتين ومن الاهل

واحد تزوج الثانيه وبعلم من الاولى وعايش حياته ملك وثنتينهم في نفس البيت واللي يشوفهم يقول خوات مب ضراير (الله لايغير عليهم)

والحاله الثانيه متزوج بالسر وماقال لاحد لين ماعترف بالاخير وقامت القيامه في بيته ومشاكل بينه وبين عياله وزوجته الاوليه (الله يصلح الاحوال)

[qatar25]

اخوي انت ليش متخوف من هالنقطه ترى بقولك 1 ولا 2ولا 3ولا 4 كلهم ينصلبون عدل اذ الريال ذكي وعرف يتصرف معاهم بحكمه وذكاء يعني من الاخر شغل مخك وشغل الدبلوماسيه والذكاء في التعامل مع الزوجات <<<<اتشجعه اهههههههههههه

ترى يا اخوي اقولها لك ملييون مره السفينه تمشي عدل لان ربانها متمرس ^_^

شكرا على ردج ومشاركاتج,, احترم عقلج ,,

واتفق معكي في كثير من النقاط,, ادا ماكان كلها,,


انا مش متخوف,, ولكن احب احسبها من كل النواحي,,, والى الان الحمدلله الامور ممتازه , كل المطلوب هو سعيدة الحظ رقم 2

[qatar25]

سالفه ان الرجل يعيش مرتاح مع اكثر من زوجه هذي هي بيده هو

هو اللي يحدد عيشته

انا عندي حالتين ومن الاهل

واحد تزوج الثانيه وبعلم من الاولى وعايش حياته ملك وثنتينهم في نفس البيت واللي يشوفهم يقول خوات مب ضراير (الله لايغير عليهم)

والحاله الثانيه متزوج بالسر وماقال لاحد لين ماعترف بالاخير وقامت القيامه في بيته ومشاكل بينه وبين عياله وزوجته الاوليه (الله يصلح الاحوال)


الثنتين الي كأنهم خوات,, اعمارهم متقاربه؟ مستواهم التعليمي متقارب؟ مستواهم الاجتماعي متقارب؟
ارجو الاجابه على الاسئله,, لانه الظاهر هالامور لها دور

[شويهينــه]

الثنتين الي كأنهم خوات,, اعمارهم متقاربه؟ مستواهم التعليمي متقارب؟ مستواهم الاجتماعي متقارب؟
ارجو الاجابه على الاسئله,, لانه الظاهر هالامور لها دور

الاعمار متقاربه للزوجات والزوج

والمستوى التعليمي والاجتماعي بعد متقارب

[qatar25]

الاعمار متقاربه للزوجات والزوج

والمستوى التعليمي والاجتماعي بعد متقارب



مثل ما توقعت

الله يبارك لهم ويديم الموده بينهم

[شيط ويط]

ماعندي فكره بس اللي اعرفه ان التعدد شي حلوووووووو

[qatar25]

شكرا على ردك ومشاركتك

[المخفي]

الزواج توافيق تحصل واحد ماخذ اربع و متهني و واحد ماخذ وحدة مطلعة روحه

[القطرية55]

أنا بقولك تجربة رفيج زوجي
يقول انه ريال فرفوشي ودمة خفيف فجأة حسوا فيه انه متغير دوم سرحان وعلامات الحزن على وجهه
قام زوجي وسألة شبلاك شفيك دوم سرحان ومتضايق قاله انا خذت الثانية كم يوم وناسة وعقب تحسفت قد شعر راسي المسؤلية زادت اضعاف والغيرة تذبح الثنتين
وقاله لا تغلط غلطتي ترى بتحسف يود مينونك لا اييك اين منه

عالعموم انا عندي اتطلق ولا زوجي يتزوج علي حتى لو كانت قطوة مب ادمية بسم الله عليييييييييييييييييييييييييييييييييي:(

[لاجل QT]

خلة يتوكل على الله ويتزوج دامة مقتدر.. بس يفصلهم كل وحدة في بيت احسلة من عوار الراس

[رايق]

والله العظيم اكتب لك الحقيقه واحد اعرفه متزوج ثلاثه جاته جلطه قلبيه وربي ستر عليه

يعني للحين عايش و مبسوط :nice:

انا اعرف واحد متزوج وحده بس .. دعمته تريلا :no: و مات

[qatar25]

يعني للحين عايش و مبسوط :nice:

انا اعرف واحد متزوج وحده بس .. دعمته تريلا :no: و مات

ههههههههههههههه حلوه هاي

[طلعة الروح]

السؤال المهم في قضية التعدد في وقتنا الحالي :

هل ينظر الرجل المتزوج في وقتنا هذا على ان الزواج الثاني حق من حقوقه الشرعيه وان تعدده من باب الكماليات ويرى فيها زيادة الرجولة ليس الا....؟؟ والا لانه حاس بنواقص فعليه بزيجته الاولية تؤثر على حياته بالسلب وتدعوه الى الزواج الثاني مضطرا لا بطلا...؟

والقضيه الاخرى في زواج المعدد الاختيار لان الاختيار وايد مهم والتكافؤ بين الزوجين وايد مهم بغض النظر عن زيجه اولى او ثانيه او ثالثه وهاي اللي يحدد مصير العلاقه بالنجاح او الفشل بمعنى لي جيت تبي تطق الباب اعرف شلون تطقه وعلى من قاعد تطقه

القضيه الاهم في مسألة التعدد الزوجه الاولى ورأيها الكلي في قضية زواج زوجها من اخرى هل تتقبلها او لا تتقبلها لو تقبلتها او تقبلتها على مضض لا مشكله بس لو ماتقبلتها راح تكون مشكله وقد تقلب حياة زوجها الى جحيم وينتهي الامر بالقضاء على حياتها هي او حياة المرأة الاخرى فالرجل يجب ان يضع في باله هذا الامر بشكل جيد ويدرس نفسية المرأتين في حياته وهو وشطارته وحسن ادارته..

ملاحظه : ممكن الزيجه الثانيه تفشل لو نقص او فقد عامل من العوامل المذكوره..

تقبلوا مروري

[qatar25]

السؤال المهم في قضية التعدد في وقتنا الحالي :

هل ينظر الرجل المتزوج في وقتنا هذا على ان الزواج الثاني حق من حقوقه الشرعيه وان تعدده من باب الكماليات ويرى فيها زيادة الرجولة ليس الا....؟؟ والا لانه حاس بنواقص فعليه بزيجته الاولية تؤثر على حياته بالسلب وتدعوه الى الزواج الثاني مضطرا لا بطلا...؟

والقضيه الاخرى في زواج المعدد الاختيار لان الاختيار وايد مهم والتكافؤ بين الزوجين وايد مهم بغض النظر عن زيجه اولى او ثانيه او ثالثه وهاي اللي يحدد مصير العلاقه بالنجاح او الفشل بمعنى لي جيت تبي تطق الباب اعرف شلون تطقه وعلى من قاعد تطقه

القضيه الاهم في مسألة التعدد الزوجه الاولى ورأيها الكلي في قضية زواج زوجها من اخرى هل تتقبلها او لا تتقبلها لو تقبلتها او تقبلتها على مضض لا مشكله بس لو ماتقبلتها راح تكون مشكله وقد تقلب حياة زوجها الى جحيم وينتهي الامر بالقضاء على حياتها هي او حياة المرأة الاخرى فالرجل يجب ان يضع في باله هذا الامر بشكل جيد ويدرس نفسية المرأتين في حياته وهو وشطارته وحسن ادارته..

ملاحظه : ممكن الزيجه الثانيه تفشل لو نقص او فقد عامل من العوامل المذكوره..

تقبلوا مروري

اسمح لي اخالفك وبشده في نقطه ,, وهي انك ذكرت انه الي يتزوج من الثانيه لازم يكون عندك سبب او نقص في الزيجه الاولى,,
للاسف هذه هي نظرة المجتمع
,, مع ان الزواج لما شرع لم يكون بهذه الطريقه ابدا,, فانظر الى الايه الكريمه
" فانكحو ماطاب لكم من النساء, مثنى وثلاث ورباع, فان خفتم الا تعدلوا فواحدة"

"ماطاب" يعني خذ ما احببت,, كما يقال لك , كل ماطاب لك من الاطعمه, ,يعني كل على كيفك

مع مراعاة الشروط,, وهي العدل , وايضا هناك شرط اخر القدر,,

يعني مش لازم يكون فيه نقص في الاولى عشان تاخذ الثانيه,,

ممكن يكون لمجرد,, زيادة الخير خيرين

[moon_night]

حتى لو الزوجه متقبله الفكره مش معناته انك اذا طبقتها بتتقبلها لانها لحين ماجربت هالشي اصلا

ابي افهم ليش الرجال اناني.........ليش يفكر في وناسته وبس ومايحس بحرقه القلب الي يسببها حق زوجته

ترى قهر قهر قهر

ليش مايحاول يصلح عيوب زوجته ويتقبلها ؟؟

[qatar25]

حتى لو الزوجه متقبله الفكره مش معناته انك اذا طبقتها بتتقبلها لانها لحين ماجربت هالشي اصلا

ابي افهم ليش الرجال اناني.........ليش يفكر في وناسته وبس ومايحس بحرقه القلب الي يسببها حق زوجته

ترى قهر قهر قهر

ليش مايحاول يصلح عيوب زوجته ويتقبلها ؟؟

معليش,, لكن الرجل لما يبي يتزوج الثانيه مهما كانت الاسباب,, لا يمكن انه يكون يفكر في وناسته بسس


لانه بيحاتي,, لازم يصرف على ثنتين ,, ويحاتي نظرة المجتمع,, ويحاتي لو فشل الزواج الكل بيلومه ,, ويحاتي عموار الراس الي ممكن يجيه من الثنتين,, واي مشكله تصير بين الثنتين لازم يكون في النص,, ولازم يكون له بارض لمشاكل ثنتين بدال مشاكل امرأه واحده,,

هاي كله ,, ويدخل معاه شوية وناسه الي محسود عليها


فلا تقولين انه بس يفكر في وناسته ,, لا تظلمين التعدد لاخطاء فعلها بعض الرجال

الرسول صلى الله عليه وسلم كانت له اكثر من زوجه ,, هل كان فقط يفكر في وناسته؟ حاشاه

[مبارك سعد]

:eek5: أنا أعترض وبشـــدة:secret:

[شموخ وبس]

الله لايحطنا في هالمواقف كلش

[القطرية55]

الله لايحطنا في هالمواقف كلش


اميييييييين
اذا سمعت ان وحدة زوجها تزوج عليها يحترق قلبي واصيح عليها واقول الله ياجرها في مصيبتها

لا حول ولا قوة الا بالله
هو صج حلال لكن يحرق القلب
ومثل ما شفت في مجتمعنا لاحظت ان كل زوجة اولى تصير عديمة الثقة بنفسها حتى لو قالوا الناس هي متقبلة وعادي عندها

[qtrose]

يا صاحب الموضوع ، اذا تبي تتزوج بالثانية وزوجتك راضية فتوكل على

الله ، وش عليك برأي الناس؟

[Khaled Qatar]

مجرد رأي

اذا كنت تحب الثانيه وتتخيل نفسك ماراح تقدر تعيش بدونها توكل على الله وانت مب مسوي شي غلط

عالأقل بالحلال ياخوك والله يسعدك ان شاء الله

[qatar25]

يا صاحب الموضوع ، اذا تبي تتزوج بالثانية وزوجتك راضية فتوكل على

الله ، وش عليك برأي الناس؟



نصيحتك جميله
لكن قلت اسمع راي المجربين,, على الاقل يعطونا افكارهم ,, ويساعدوني في تصور الامر

والتوكل معناه الواحد ياخد بالاسباب

ولا شرايك؟

[qatar25]

مجرد رأي

اذا كنت تحب الثانيه وتتخيل نفسك ماراح تقدر تعيش بدونها توكل على الله وانت مب مسوي شي غلط

عالأقل بالحلال ياخوك والله يسعدك ان شاء الله

البحث عن الثانيه جار,,
مافيه شخص معين

[هند88]

ماعندي فكره بس اللي اعرفه ان التعدد شي حلوووووووو

:anger1::anger1::anger1:

[طلعة الروح]

اسمح لي اخالفك وبشده في نقطه ,, وهي انك ذكرت انه الي يتزوج من الثانيه لازم يكون عندك سبب او نقص في الزيجه الاولى,,
للاسف هذه هي نظرة المجتمع
,, مع ان الزواج لما شرع لم يكون بهذه الطريقه ابدا,, فانظر الى الايه الكريمه
" فانكحو ماطاب لكم من النساء, مثنى وثلاث ورباع, فان خفتم الا تعدلوا فواحدة"

"ماطاب" يعني خذ ما احببت,, كما يقال لك , كل ماطاب لك من الاطعمه, ,يعني كل على كيفك

مع مراعاة الشروط,, وهي العدل , وايضا هناك شرط اخر القدر,,

يعني مش لازم يكون فيه نقص في الاولى عشان تاخذ الثانيه,,

ممكن يكون لمجرد,, زيادة الخير خيرين

انا معاك 100 % واعلم ان الاصل في الزواج التعدد بس لاحظ اني اتكلم عن الوقت الحاضر اللي صارت عليه تغيرات كثيرة ومنها مسألة التعدد اللي ماعادت في نظر اغلبية الرجال اصل ثابت ..شكرا على ردك اخوي ودايما الاختلاف في وجهات النظر شي طيب ومطلوب ويثري الموضوع ويوسع المدارك..

[qatar25]

انا معاك 100 % واعلم ان الاصل في الزواج التعدد بس لاحظ اني اتكلم عن الوقت الحاضر اللي صارت عليه تغيرات كثيرة ومنها مسألة التعدد اللي ماعادت في نظر اغلبية الرجال اصل ثابت ..شكرا على ردك اخوي ودايما الاختلاف في وجهات النظر شي طيب ومطلوب ويثري الموضوع ويوسع المدارك..


كلامك سليم

والوقت الحاضر الي حصل فيه هو مجرد اساءة استخدام هذا الحق

[شعنونة قطر]

قطر خمسه وعشرين محد قاضب يدك روح تزوج


بس ياويلك بالويل اذا ماقدرت تعدل


ترى العدل بكل شي تجيب لهذي بسكوته

تجيب للثانيه بسكوته خخخ

المقصود لو شريت لذي سياره تعطي الثانيه بالمثل

بس شكلك مو راعي عطايا :)


تعطي الاولى حب وامان
لازم تعطي المره الثانيه نفس المقدار


عشان هالشي محد يتزوج المره الثانيه الا اذا كان رجااال رجاال من قلب

تعرف شنو يعني رجال



؟


يعني اللي قراره بيده مايسمع تحريضات حريم ولا شكاوي فلانه


يعني علمه يكون معه









انتوا ماتقدرون تفصلون بين حريمكم وامهاتكم
فكيف الزوجات الثانيه ووو

تقبل صدقي :)

[رذاذ]

ما تهون علي اتزوج عليها مستحيل اسويها
كل شي الصفات الى ابيها موجوده .. خلك من الخلافات الى نادر تكون موجوده ولو كانت موجوده له طبع جدا جميل يوم نتذكرها سوا...

عسا ربي يحفظها لي ويحفظني لها ^_^

راي المتواضع لو متفاهمين ومتحابين من قلب وقالب راح تبيع كل شي لجل تسعدها وتسعدك ..

والى تزوج وحده ثانيه وتعددت زوجاته الا له نظره بنقص صفه او صفات عن خضوعه لتجربه ثانية.

[abusultan707]

يعني للحين عايش و مبسوط :nice:

انا اعرف واحد متزوج وحده بس .. دعمته تريلا :no: و مات
\
هههههههههه رايق .... نصيحة لكل من يفكر في الثانية .... وخايف من الاولى للتموين :shy::anger1: ومتوهق وما يدري شيسوي ... اقول لهم لا تفكر ولا تحتار لحل في المسيار :tease: ا

[الجنرال2]

:nice:

أخوي ما عليك من الكل دام انك مقتدر وودك تأخذ الثانية أو الثالثة أو الرابعة توكل على الله وجزاك الله ألف مليون خير لأنك بتساعد على القضاء على مشكلة العنوسة وهالشي حلال في حلال هذا رأيي الشخصي وألف مبروك مقدما:victory:

[qatar25]

:nice:

أخوي ما عليك من الكل دام انك مقتدر وودك تأخذ الثانية أو الثالثة أو الرابعة توكل على الله وجزاك الله ألف مليون خير لأنك بتساعد على القضاء على مشكلة العنوسة وهالشي حلال في حلال هذا رأيي الشخصي وألف مبروك مقدما:victory:

وجهة نظر اكن لها كل الاحترام والتقدير

[شعنونة قطر]

\
هههههههههه رايق .... نصيحة لكل من يفكر في الثانية .... وخايف من الاولى للتموين :shy::anger1: ومتوهق وما يدري شيسوي ... اقول لهم لا تفكر ولا تحتار لحل في المسيار :tease: ا
انا هنا ماراح اعلق الا على حريم المسيار :nice:


ياحريم المسيار :)


كفوكم هالمقدار :)





:nice:

أخوي ما عليك من الكل دام انك مقتدر وودك تأخذ الثانية أو الثالثة أو الرابعة توكل على الله وجزاك الله ألف مليون خير لأنك بتساعد على القضاء على مشكلة العنوسة وهالشي حلال في حلال هذا رأيي الشخصي وألف مبروك مقدما:victory:

:shy: الافضل تصلي استخاره والله يوفقك
ودور بنت حلال عشان عيالك هم اللي بيتاذون لو خذيت وحده اي شي :)

يعني فكر في المستقبل البعيد :nice:

[حقيقه]

لو يحبها ماخذ غيرها

يعني هي تحب وتخلص وبالاخير يجازيها كذا

واللي ترضى انه زوجها ياخذ الثانيه او الثالثه او الرابعه يمكن تبي الفكه منه

البعض طبعاً

[طارق]

ماينعرفلكم يالحريم
لو الي بياخذكم هامور او من نسل الهوامير او اليراير بترضون انه يعدد لأنه امعيشكم في الشعاب المرجانيه الهاموريه

[المري]

قطري 52 بالتوفيق إن شاء الله

بصراحة تابعت الموضوع وطالعت ردود منها الي اعجبني
ومنها الي ضحكني من قلب ومنها الذكي وبصراحه فعلاً افكار
وتعاليق منوعه على أعضائنا ,,

المهم لي تعليق بسيط لأن الشرح والتعليق في هالموضوع يطووول !!

ماشفت حد علق من (البنات خاصة) وقالت ليش مانقول
لو كانت الثانيه هذي انا ( يعني تحط نفسها في مكان الي راح تكون الزوجة الثانيه )
شنو ردها وووشلون بتفكر؟

على سبيل المثال : هل بتقول عسى الله يتمه وبتبرر
موافقتها لأني أبي عيال أو أبي اعيش أنوثتي وحياتي
أوأبي أتوفق أو أو أياً كان السبب وراح تعرف قيمة
الدين وتحليله للزواج (وفي هالحالة هل نقدر نسميها انانية) ..
ولا بترفض لأنها بتفكر بالأولى ألي عنده وبتقول حرام
ومايصير(وهنا هل تعتبر مثالية) وتحرم عمرها من سنة الحياة ؟؟؟
لازم نفكر شوي بشكل اوسع!

يا أخوات ترى الزواج له محاسن ومترتب عليه امور
حسنه كثيره مع أني أعلم والجميع بأن هذا الأمر
غير مقبول نهائياً عند الزوجة الأولى ولنا دليل
في أمهات المؤمنين وغيرتهم! ولكن لولا فائدة الزواج لما كان
ذكر في أكثر من موضع سواء من الكتاب أو السنة ..

وفي النهاية نصيحتي الي أوصي فيها نفسي ومن الي بيتزوج
من ثانية انه يكون على قولة وحدة من الأخوات إنه يكون دبلوماسي
وفنان في التعامل ويحاول العدل وأن يتقي الله في تعامله مع زوجاته
وخاصة في الأمور ألي راح تدخل فيها الغيره ويحاول عدم ذكر أي وحده
عند الأخرى مهما صار وأيضاً لا يسمح لأي وحده بذكر الأخرى أمامه بخير
أو بشر ولا يفتح مجال لهذا الشي وأن يفصل بينهم في المسكن
مهما كان ولا يقول انهم بيتقبلون بعض ومثل الاخوات لأنهم ينقهرون
من داخلهم وقلوبهم تحترق ويحاولون يخفون بس في النهاية راح ينضرون
نفسياً وعاقبتها عليك !!



السموحه من الجميع ومتابع .

[qatar25]

لو يحبها ماخذ غيرها

يعني هي تحب وتخلص وبالاخير يجازيها كذا

واللي ترضى انه زوجها ياخذ الثانيه او الثالثه او الرابعه يمكن تبي الفكه منه

البعض طبعاً
يحبها ويموت فيها

وهي تحبه بعد

لكن وجهة نظرها ,, انه دام ربك شرعها ,, اكيد فيها السعاده للجميع,, ولا شرايج



ماينعرفلكم يالحريم
لو الي بياخذكم هامور او من نسل الهوامير او اليراير بترضون انه يعدد لأنه امعيشكم في الشعاب المرجانيه الهاموريه

هههههههههههههه

قوي انت

[qatar25]

قطري 52 بالتوفيق إن شاء الله

بصراحة تابعت الموضوع وطالعت ردود منها الي اعجبني
ومنها الي ضحكني من قلب ومنها الذكي وبصراحه فعلاً افكار
وتعاليق منوعه على أعضائنا ,,

المهم لي تعليق بسيط لأن الشرح والتعليق في هالموضوع يطووول !!

ماشفت حد علق من (البنات خاصة) وقالت ليش مانقول
لو كانت الثانيه هذي انا ( يعني تحط نفسها في مكان الي راح تكون الزوجة الثانيه )
شنو ردها وووشلون بتفكر؟

على سبيل المثال : هل بتقول عسى الله يتمه وبتبرر
موافقتها لأني أبي عيال أو أبي اعيش أنوثتي وحياتي
أوأبي أتوفق أو أو أياً كان السبب وراح تعرف قيمة
الدين وتحليله للزواج (وفي هالحالة هل نقدر نسميها انانية) ..
ولا بترفض لأنها بتفكر بالأولى ألي عنده وبتقول حرام
ومايصير(وهنا هل تعتبر مثالية) وتحرم عمرها من سنة الحياة ؟؟؟
لازم نفكر شوي بشكل اوسع!

يا أخوات ترى الزواج له محاسن ومترتب عليه امور
حسنه كثيره مع أني أعلم والجميع بأن هذا الأمر
غير مقبول نهائياً عند الزوجة الأولى ولنا دليل
في أمهات المؤمنين وغيرتهم! ولكن لولا فائدة الزواج لما كان
ذكر في أكثر من موضع سواء من الكتاب أو السنة ..

وفي النهاية نصيحتي الي أوصي فيها نفسي ومن الي بيتزوج
من ثانية انه يكون على قولة وحدة من الأخوات إنه يكون دبلوماسي
وفنان في التعامل ويحاول العدل وأن يتقي الله في تعامله مع زوجاته
وخاصة في الأمور ألي راح تدخل فيها الغيره ويحاول عدم ذكر أي وحده
عند الأخرى مهما صار وأيضاً لا يسمح لأي وحده بذكر الأخرى أمامه بخير
أو بشر ولا يفتح مجال لهذا الشي وأن يفصل بينهم في المسكن
مهما كان ولا يقول انهم بيتقبلون بعض ومثل الاخوات لأنهم ينقهرون
من داخلهم وقلوبهم تحترق ويحاولون يخفون بس في النهاية راح ينضرون
نفسياً وعاقبتها عليك !!



السموحه من الجميع ومتابع .

كلامك جميل

تصدق ياخي, من اول مافتحت الموضوع,,

وكل الي يعلقون تعليقات سلبيه هم بنات او شباب مالهم تجارب في التعدد

لكن يعلم الله اني كلمت بعض الاشخاص الي لهم تجارب شخصيه من نساء ورجال

وكلهم يقولون انه ممكن التعدد يزيد من السعاده ويفيد المرأه والرجل
مع مراعاة "العدل"