موضوع تسخين السيارة :) [الأرشيف] - منتديات شبكة الأسهم القطرية

مشاهدة النسخة كاملة : موضوع تسخين السيارة :)

خيال شمر

30-01-2010, 03:08 AM

المقصود بالتسخين هو تشغيل السيارة والمحرك بارد ، والانتظار لفترة معينة تطول أو تقصر حتى تسخن المكينة ، ثم تمشي بالسيارة ..

كل السيارات الحديثة اللي تشتغل بنظام "حقن الوقود" والمعروف عاميـًا بالـ"البخاخات" (( من موديلات التسعينات وممكن قبل حتى .. )) ما تحتاج التسخين .. أبداً ..

إضافة: إذا تركت السيارة بدون تشغيل لعدة أيام فأن طرمبة البنزين تحتاج إلى بعض الوقت لإيصال الوقود إلى المستوي المطلوب لتشغيل المحرك وبالتالي تحتاج إلى وقت أطول لتشغيله لذلك تم تصميم علبة صغيرة لتخزين الوقود تحت الضغط المطلوب لتشغيل المحرك في أي وقت حتى بعد عدة أيام من توقف السيارة عن العمل هذه العلبة تسمى مخزن الضغط?

fuel accumulator .

وفكرة التسخين كانت مع السيارات القديمة التي تعمل بالـ"كربوريتر" والتي من عيوبها عدم توزيع الوقود بشكل جيد على جميع اسطوانات المحرك وصعوبة تشغيل السيارة في الأجواء الباردة

وراح نتكلم اليوم كلام علمي ميكانيكي بعيداً عن : (( قالولي – سمعت – من خلال تجربة )) !!

س : متى تكون السيارة مستعدة للانطلاق بعد التشغيل ؟؟

ج : متى ما اكتملت دورة الزيت على (( كامل )) أجزاء المكينة عن طريق ضخ طرمبة الزيت للزيت من مخزن الزيت أسفل المكينة

س : كم تأخذ دورة الزيت من الوقت حتى تكتمل ؟؟

ج : تختلف المدة التي تستغرقها دروة الزيت من سيارة لسيارة ، ومن محرك لمحرك ، لكنها لا تتجاوز في معظم السيارات – حسب علمي – 10 ثوان فقط .. وفي كثير منها أقل ..

س : وكيف أعرف أنها اكتملت في سيارتي ؟؟

ج : تعرف من خلال طريقة سهلة جداً ..

راقب اللمبات التحذيرية اللي تولع في الطبلون مع تشغيلة السيارة
(( ABS-CHECK ENGINE - AIRBAG

... إلخ )) ..

تلاحظ إنها تشتغل في أول التشغيل ، وخلال ثوان تنطفيء كلها تلقائياً ..

إذا انطفأت كل اللمبات التحذيرية فمعناها إن دورة الزيت عندك اكتملت ، وتستطيع قيادة السيارة ..

(( مصانع السيارات تصمم كومبيوتر السيارة على إنه يفحص هذه الأشياء اللي تولع لمباتها خلال فترة تدوير الزيت الأولى مع دفع طرمبة الزيت له ، بشكل إن الفحص ينتهي وتنطفي اللمبات مع اكتمال تدوير الزيت .. ))

وهذا الكلام – إنك تنتظر اللمبات تنطفي وبعدها تمشي – نصت عليه بعض الكتلوجات صراحة (( مثل
بعض كتلوجات تويوتا )) ..

وبعضها تحدد مدة قصيرة بالثوان – مثل كتلوج الكامري أو السوناتا

وبعضها تكتفي إنها تذكر إن سيارتك حديثة ولا تحتاج للتسخين أصلاً – مثل الأزيرا والسوناتا - ..

لكن في كل الأحوال جميع شركات السيارات تذكر في كتلوجات السيارات الحديثة إنها مصنوعة بشكل أنها لا تحتاج للتسخين ..

إن جميع السيارات الحديثة البخاخات من تويوتا أو غيرها ما تحتاج أكثر من الثوان الأولى للتشغيل ، وبالتحديد – وهذا كلامه – بعد انطفاء لمبات التحذير في الطبلون ..

وهذا اللي يصير في السيارات كلها ..

ولو كانت المسألة مهمة جداً لسلامة المكينة – مثل ما يقول بعض الشباب – ما كان أغفلتها الشركة المصنعة للسيارة في الكتلوج .. (( إلا إذا كنا نفهم أكثر من المصنع .. !! ))

إضافة:
زيوت السيارة الحديثة قد تم تطويرها وتختلف كثيرًا عن الزيوت القديمة من ناحية اللزوجة، حيث اللزوجة العالية في الزيوت الحديثة تسهل عملها في المكينة بدون الحاجة للحرارة العالية لزيادة اللزوجة كما هو الحال في الزيوت القديمة.

س : هل توجد مشكلة لو انتظرت عدة دقائق بالسيارة قبل التحرك بها ؟؟

ج : نعم .. !!

المشكلة إن السيارة مع الوقوف المستمر لعدة دقائق يبدأ الكربون بالتجمع الزائد في المحول الحفاز أو الكنداسة الخاصة بتخفيف ابنعاثات الغازات الضارة والكربون للجو وتسبب – على المدى الطويل – مشكلة وخلل في الكنداسة نفسها ، وتغير في العزم ..

(( وهذا الموضوع مذكور في كتلوج الأزيرا ))

س : هل إذا مشيت بالسيارة والحرارة أسفل العداد ما طلعت ، تخرب المكينة لأن الزيت بارد ؟؟؟

ج : أولاً : عداد الحرارة هذا يقيس حرارة موية الرديتير اللي تسخن من احتكاكها بجوانب المكينة ، وبالتالي إنت الآن تقيس درجة حرارة الموية ماهي حرارة الزيت ..

(( بعض السيارات القديمة والجيوب يجي فيها عداد حرارة الزيت ))

ثانياً : الزيت البارد ما يضر السيارة ، لأن الزيت يحمى بحرارة المكينة ، إذا ارتفعت حرارتها ارتفعت حرارته ..

والزيوت معدة ومصنوعة أصلاً للاستخدام في درجات الحرارة المختلفة ، العالية الحرارة ، والشديدة البرودة ، ولزوجة الزيت تزيد مع الحرارة لتتناسب مع زيادة حرارة الاحتكاك داخل المكينة ..

لكن هذا لا يعني أن انخفاض لزوجة الزيت البارد عن لزوجته وهو حار أنه لا يؤدي عمله لتزييت أجزاء المكينة بكفاءة ، أو أنه سيؤدي – ولو على المدى البعيد – إلى تآكل في المكينة ، أو خراب في أجزائها ، لأن المحرك لا يحتاج للزوجة الزائدة إلا في حال ارتفاع الحرارة داخل أجزاء المكينة ..

وزيت المحرك إنما صمم من أجل أن يعمل على حماية المكينة من آثار الاحتكاك في جميع الظروف ، وعلى جميع درجات الحرارة ، ووصت به شركات تصنيع السيارات لحماية محركاتها لكي تمشي مئات الآلاف من الكيلومترات ، ولم تطلب من قائد السيارة أن ينتظر قبل قيادتها ، أو أنه يجب عليه تسخين زيت المحرك قبل القيادة (( مثل سيارات الديزل مثلاً )) ..

فهل نقول بأننا لا نثق في عمل زيت المحرك ، وفي عمل خبراء تصنيع الزيوت والسيارات في العالم في مختلف الشركات ، ونثق في آراء بعض من لم يعرف – ربما – كيف تعمل المكينة أصلاً ؟؟!! >>>> لا أقصد شخص بعينه ..

س : هل إذا كانت السيارة في منطقة وصلت لدرجة التجمد (( تحت الصفر )) تحتاج للتسخين لفترة طويلة لأن الزيت يكون بارد جداً ، ولزوجته لاتساعد أن يصل إلى جميع أجزاء المكينة إلا بعد فترة ؟

ج : لابد أن نفهم أولاً أن الزيوت تصنع بناءً على مواصفات ومقاييس معينة ، ومن أهمها : درجة الحرارة الخارجية ، وتناسب لزوجة الزيت معها حتى يعمل بكفاءة تامة داخل المحرك ..

وهذا ما ترمز إليه الأرقام التي تصنف بها الزيوت من قبل المعهد الأمريكي
SAE

وغيره ، والتي تعتمد على إعطاء (( رمز معين عبارة عن رقم يساوي درجة حرارة خارجة معينة )) ..

فلا تعني الأرقام 20/50 – مثلاً – أن الحرارة تبدأ من 20 درجة مئوية إلى 50 درجة مئوية (( على الفهم الخاطيء المنتشر بين الناس )) ..

لكنها تعني أن الحرارة الخارجية العليا والدنيا للمحرك الذي يستطيع أن يعمل فيه هذا الزيت بكفاءة هي درجات الحرارة التي استخدمت لها هذه الأرقام كرموز ..

وبناءً على اختلاف درجات الحرارة الخارجية المصنعة على أساسها هذه الزيوت تتم كتابة هذه الرموز على العلبة ، والمفترض أن يتم اختيار الزيت الأفضل بناءً عليها ..

ولاحظ أن أثقل زيت منها 20 / 50 صنع ليعمل بكفاءة في درجة حرارة خارجية تحت خط الصفر بعدة درجات ، أي أقل من درجة التجمد ..

إذن فدرجة التجمد وما تحتها لا تعوق زيت المحرك في الوصول إلى تزييت جميع أجزاء المكينة بفاعلية ، وبخاصة إذا كان اختيار درجة لزوجة الزيت مناسباً للمكان ..

س: إذا كانت درجة التجمد وما تحتها لا تعوق الزيت في تزييت المكينة بفاعلية ، فلماذا توصي بعض الشركات (( مثل تويوتا في كتلوج الكامري)) بالانتظار لمدة أطول قبل الانطلاق بالسيارة ؟ - حُددت المدة في الكتلوج بعدة دقائق -

ج : السبب ليس هو الزيت قطعاً لما ذكرناه قبل قليل ، وإنما السبب هو ماء الرديتير ، فإذا كان ماء الرديتير أصلياً ، فإنه يكون موزوناً ليعمل في درجة التجمد بإضافة نسبة من مانع التجمد إلى المحلول ، وتختلف نسبة المانع للتجمد بحسب درجة الحرارة أيضاً (( كما يذكر هذا ويحدده كتلوج الأزيرا )) ..

وتبلغ أعلى نسبة لإضافة محلول عدم التجمد إلى ماء الرديتير 60 % من تكوين ماء الرديتير ، وحينها يمكن للماء أن يقاوم حتى 45 درجة تحت الصفر كما يذكر الكتلوج ..

لكن إذا كانت درجة الحرارة تنزل كثيراً عن الصفر ، أو كان الماء الموجود في السيارة غير مهيأ للعمل في درجات التجمد ، فإنه ينبغي تسخين هذا الماء قليلاً حتى تمشي المركبة ..

والحل هو تسخين المحرك من خلال الزيت ، حتى يعود مع الحركة الهادئة إلى حرارته الطبيعية – أي أعلى من درجة حرارة التجمد - ، والحرارة الطبيعية هنا ليست هي الحرارة القصوى للمحرك ، وإنما هي الحرارة العادية التي تكتسبها أجزاء المحرك الداخلية من خلال الدوران الهاديء لفترة أطول (( قليلاً )) من الفترة العادية التي يأخذها المحرك للاستعداد قبل التحرك بالسيارة ، كما ينص على ذلك بعض كتالوجات هايونداي صراحة

ولذلك نرى توصيات المهندسين في عدة مواقع – منها مواقع رسمية لشركات سيارات عالمية مثل فورد وتويوتا وغيرها - بعدم الحاجة لتسخين السيارة أصلاً ..

وكذلك مواقع رسمية مثل صحة البيئة في كندا - التي تنزل درجاتها تحت الصفر بكثير – توصي بعدم إطالة فترة تسخين المحرك عن المعتاد ..

وسبب ذلك أننا لو افترضنا أن ماكينة السيارة تحتاج إلى درجة حرارة معينة ، وأنت تحاول الوصول لـهذه الدرجة المناسبة من خلال التسخين ، فإن هذا يأخذ في بعض الأحيان إلى 7 دقائق ، أما إذا شغلت وانتظرت 30 ثانية و مشيت ، ستحصل الماكينة على الحرارة المناسبة بعد دقيقتين وربما أقل ، و هذا يفيد الماكينة و يزيد من طول عمرها الإفتراضي

س : ما هو سبب ما يقوله بعض الناس أن – فلان – ضربت مكينته بسبب عدم التسخين ، و- فلان - تضررت سيارته بسبب عدم التسخين إذا كان كلامك هذا صحيح ؟؟

ج : السبب في كل سيارة يختلف عن الأخرى ، لكن كل الأسباب (( الميكانيكة )) الحقيقية ليس لها علاقة بالتسخين إطلاقاً ، ولكن الإنسان يبحث دائماً عن (( شماعة )) يعلق عليها الأشياء التي لا يجد لها تفسير مقبول عنده ..!!

-----------------------------------------

خلاصة الموضوع :

السيارات التي تحتاج التسخين - لمدة لا تتجاوز دقيقتين - هي الموجودة في مكان تصل درجة حرارته إلى ما تحت الصفر ..

وهذا الشيء غير موجود عندنا في الخليج إلا في مناطق وفترات قليلة – الشمال في الشتاء ولعدة أسابيع فقط - ..

وجهة نظر (( ميكانيكية )) قابلة للنقاش ... [/B][/SIZE][/CENTER]

هذلان

30-01-2010, 03:30 AM

السلام عليكم

يعني الحين تبي تفهمني انه نيسان بترول موديل ٩٦ ولا ٩٧ بخاخ في مثل هذي الليله ادق له سلف و من تطفي ليتات الطبلون امشي :con2:

هذا اذا اذا اشتغل من اول سلف :nice:

هههههههه احس في خاطرك تقول هذا من وين طلع لي :app:

خيال شمر

30-01-2010, 03:47 AM

انتي تبي تمشي على كلام الوكالة ولا الي يقولون :)

هذلان

30-01-2010, 03:54 AM

الاخ مغربي :anger1:

بوجبران

30-01-2010, 04:41 AM

والله اضن ان كلامك صحيح بس مش اي موتر بخاخ الى الجداد
وانا عن نفسي لما الريس ينزل احرك سواء الحرارة اتقوم ولا لا

sad-o-bas

30-01-2010, 05:22 AM

vip1987

30-01-2010, 10:39 AM

يالغالي

شوف انت جرب هذه الطريقه لمده 6 اشهر

وشرط بعد هذه المده موترك راح يدخل ابيض ( يحرق زيت )

وراح تذكر كلامي

لان هذا الكلام اللي كتبته كلام شركات السيارات والهدف منه تجاري عشان ترجع لهم مره ثانيه توظب المكينه

لك مني كل الود

al-obaidly

30-01-2010, 11:07 AM

ايل ابوحصان وبس

sqawad

30-01-2010, 11:14 AM

السلام عليكم، أخوي مع إحترامي لك، بس واضح إن الموضوع منقول، فياريت أخوي تذكر المصدر فالمرات الجاية عشان نتأكد، وبالمرة تجيب المصدر إلي تكلموا فيه المصنعين بهالكلام، حتى إذا كانوا مصنعين فهالشي مايخليهم منزهين عن الغلط، بس لاتنسى قضية الإنبعاثات الغازية والgreenhouse gases، ولاتنسى إنهم الرابح الأكبر من أي خراب يصيد سيارتك..

وأنا بحكم عملي المتواضع في مجال الزيوت، أقدر أحكم على كاتب الموضوع بالجهل الكبير بصراحة في تصنيف اللزوجة، وبس عشان ما أجيب الكلام من عندي، ومن البديهيات في علم الtribology، وهو العلم المختص بالإحتكاك والتآكل والتزييت.. إن اللزوجة تقل مع إرتفاع الحرارة، ماتزيد..
والله صدت أكثر من غلط (على قولة أساتذة ودكاترة الفيزيا، كفر) فالموضوع، بس ماعندي وقت أرد عليهم.. بس هذا على مايقولون غيض من فيض..

ملاحظة: تعليقي ونقاشي كان حول الزيت، وما أقدر أفند موضوع المياكنزمات إلي كتبها صاحب المقال..

تحياتي
عن اذن راعي الموضوع انا برد عليك اخوي
من الواضح من كلامك انك مكنيكي بس مب في السيارات الخفيفه والاخ يتكلم في الموضوع عن السيارات الحديثه وسيارات البخاخ وانا ما اعرف انت تعرف اكثر من الي صنعوا السياره والسياره لازم يعني تصخن وهي واقفه والايل ما ترتفع حرارته اذا مشى
من اكثر من ست سنوات وانا اشغل السياره واحرك ليش ما حرقت ايل
تحياتي

رنج سبورت

30-01-2010, 12:09 PM

يعني الحين خلاص مانحتاج تسخين للسيارات

يعني باختصار دق سلف وحرك ؟؟

sad-o-bas

30-01-2010, 12:13 PM

عن اذن راعي الموضوع انا برد عليك اخوي
من الواضح من كلامك انك مكنيكي بس مب في السيارات الخفيفه والاخ يتكلم في الموضوع عن السيارات الحديثه وسيارات البخاخ وانا ما اعرف انت تعرف اكثر من الي صنعوا السياره والسياره لازم يعني تصخن وهي واقفه والايل ما ترتفع حرارته اذا مشى
من اكثر من ست سنوات وانا اشغل السياره واحرك ليش ما حرقت ايل
تحياتي

أخوي.. أتمنى تقرى ردي عدل، أنا قلت إني علقت على نوعية المقال وجودة المعلومات الي فيه.. معظم الكلام إلي عن اللزوجة غلط، وأعيد وأكرر (إقرى آخر سطر في تعليقي إلي فوق).. أنا ما أقدر أرد على الميكانزمات (مثل الخزان الصغير إلي فيه شوية بترول حق الحقن) إلي إنذكرت فالموضوع لأن ماعندي خلفية فيها.. أنا تكلمت عن الزيت بشكل أكاديمي بحت، لأني قاري عن الموضوع وآقدر أفتي فيه ولو بشكل بسيط..

ياجماعة الخير، نصيحة مني إلي بيتبع هالطريقة، ياخذ عينات من الآيل مع كل تغيير، ويفحصهم بطريقة Spectrometrical Elemental Analysis، يفحص بهالطريقة سرعة تآكل الأجزاء المعدنية فالمكينة، إذا أعلى من الريت المسموح به ولا عادي..

السيارة غالية وما أعتقد إن 50 دولار خسارة في هالشي..

بالتوفيق..

خالد32

30-01-2010, 12:16 PM

نسيتوا ان زيت القير الاوتوماتيك لازم يسخن ولو تلاحظون ان السياره لما تكون بارده تبديلات القير تكون خشنه شوي. و زيت المكينه لازم يوصل درجه معينه للزوجه عكس الكلام المنقول و هذا من دراسه.
بعدين براغي منفول العادم تتبطل اذا جاتها حراره مره وحده و وغيرها من البراغي الي تكون في مكان جاف داخل المكينه مثل الانتيك و غيره.

عليكم بالتسخين بس مب ساعة اعني خمس دقايق في الشتا اوكي للامريكي و 7-10 للياباني

Mody

30-01-2010, 12:46 PM

يالغالي هذا الكلام كله منقول ولا ذكرت المصدر

ثانيا هذا الكلام اكثره غير صحيح وغير علمي كما ذكرت

فماهي الحقائق العلميه التي استندت عليها والكلام هذا رده بكلمتين فقط

مهما كان نوع السياره وسواء كربريتور أو بخاخ فيه حقيقه لا ينكرها أحد وهي

أن أجزاء السياره مثل المكينه ومحركات القير ودورة الزيت تكون بارده

وتحتاج دقائق قليله فقط قبل ان تحرك سيارتك حتى تعمر معك

وحقيقه اخرى .. الليتات اللي تطفي في التابلون مالها علاقه بدورة الزيت .. كم ذكرت

اللي ما يطفي منها تشيك مكانه يالغالي

وشي مهم اذا انت مستعجل ولا عندك وقت حق التسخين

فقط بعد ثواني حرك بس لا تدعس فهذا مضر جدا جدا بدون تسخين الاجزاء

خلك فتره على ممشى هادي لدقائق ثم ادعس بعده شوي شوي

انشالله اكون وصلت المعلومه ويعطيك العافيه على سعة صدوركم

ومشكور على طرح الموضوع

حمد73

30-01-2010, 12:47 PM

أنه عمري ماسخنت موتر
أنطر دقيقه أو أقل و أحرك
في كل المواتر اللي خذتها
ويقهرني اللي ينتظر الموتر لي يسخن و يضيع 5 أو 6 دقايق
وبعدين يسرع علشان يوصل بسرعه ويسبب حوادث و يعطل خلق الله
من سقت وانه ما أسخن السياره ولاعمره صار شي
أعتقد أن السالفه وسواس
ونظريتي عم أستخدام المةتر ( لاتحشمه زياده عن اللزوم ولاتكسره ) يعني الوسطيه في الاستخدام

MANSOOR75

30-01-2010, 01:43 PM

اخوي اهم شي الجير يسخن لانه اذا كان بارد السياره ما تبدل عدل

زمن الغدر

30-01-2010, 01:47 PM

انا لازم اخلي الموتر مب اقل من دقيقتين اول ماشغله
لانه الريس يكون عالي لين ماينزل واتحرك
باعتقادي لازم الموتر يصخن انا سمعت من كذا مكنيكي اذا دق سلف وادعس عقب فتره الموتر تسمعله صوت صبابات ويحرق

ezgert

30-01-2010, 07:32 PM

مشكور على المعلومة وبصراحه كلام منطقي جدا

انا ولا سياره شريتها سخنتها
لاندكروزر , كامري , كابرس , بورش , مرسيدس
والحمدلله ولا سياره اختربت عندي

حتى وكالة المرسيدس قالو لي نفس الكلام , اول ما تسمع التنبيه طفى , تقدر اتحرك , والتنبيه اقل من خمس ثواني

يعطيك العافية

MANSOOR75

30-01-2010, 09:50 PM

على كلام اخونا خالد 32 صج التبديلات تكون خشنه

نيساني

30-01-2010, 10:20 PM

في الكاتلوج لمعظم اذا ماكان لكل السيارات الحديثه لا تحتاج تسخين سواء في الصيف او في الشتاء بعد دقت السلف انتظر 30 ثانيه بحد اقصى

بالنسبه لي كنت اصخن موتري 10 دقايق في الشتى و5 دقايق في الصيف وتوني موظبه هع انه جديد

وبالنسبه للاشخاص اللي يسخنون مواترهم متى ماودى موتره الوكاله للتشيك وتم عندهم يومين يدقون سلف ويحركون فيه بدون تسخين او غيره

واهم نقطه هي انك لاتزيد عن 2RPM وانت متحرك لين مايصخن الموتر عدل ونصيحه من مهندس في المكنيكا لاتبند الموتر على طول اذا كنت تسوق على ضغط عالي يعني High RPM وانتظر دقيقه

ويسلموووو لراعي الموضوع

ابو خليفه

30-01-2010, 10:25 PM

اخوي جبران كلامك عدل ينزل الريس واتحرك سواء كانت قديمه او جديده

الكواري 1972

30-01-2010, 11:03 PM

ومنكم نستفيد

ليث العرين

30-01-2010, 11:51 PM

انا مع تسخين السياره 5-10 دقايق

làst çhàncè

31-01-2010, 12:35 AM

السلام عليكم
اسمحو لي بقول رايي وهو مخالف لما يكتب في كتلوج السياره سواء الي يقول شغل وامش او الي يقول

عشر ثواني او ثلاثين ثانيه ...

وللعلم انا سقت سيارات لمرات عديدة في دول يتساقط فيها الثلوج واعلم كيفية استخدام تلك الدول لسياراتهم ...

واعلم انه في المانيا لا يتوضب محرك المرسيدس قبل خمس مية الف كيلو !

واعلم ان احسن مرسيدس في الخليج يطلب التوضيب قبل هذه المسافه بكثير !

هذا ان عاش

واعلم انهم ما يسخنون ولا يغيرون زيت !

واعلم اننا في الخليج نسخن ربع ساعة ونغير زيت بمعدل ثلاثة الاف كيلو !

اذا لماذا لا تعيش السيارات لدينا كما تعيش لديهم ولماذا معضم السيارات اذا شغلتها ومشيت ما تقبل

بنزين وتفتف ولا تصير طبيعيه الين تسخن شوي وليس الا ان يتحرك مؤشر الحراره ...

الموضوع ايها الاخوة الكرام طبيعة بلاد الخليج المختلفه كليا عن اي بلد في العالم بحيث هناك فارق

كبير بين درجة الحراره الدنيا والعليا بحدود الضعف مثلا الصغرى في الشتا (10)العليا (20) !

وقد تكون الصغرى صفر والعليا عشره مثل هذه الايام !

وفي الصيف الصغرى 30 والعليا 45 ( في الضل وليس في الشمس حيث تكون درجة الحراره اعلى بكثير ) !

اذا هناك فارق حدود 45 درجة مئويه بين اصغر درجه واعلى درجة في كل عام قد يزيد هذا الفرق وقد ينقص

بينما في الدول الاخرى يكون الوضع متقارب جدا مثلا في الصيف المعدل 25 وهذا يعتبر بارد !

وبهذا نصل الى نقطه معينه وهي نظام التبريد في السياره بحيث يكون في الدول المصنعه بمواصفات

لمثل هذه الاجواء البارده بحيث ان هذا النظام مهيأ على ان يسخن بسرعه لعدم وجود عوامل اخرى ترفع

حراره السياره حيث ان الجو البارد كفيل بعمل مساعدة لجهاز التبريد بالسياره لجعلها دائما في حال مناسبه

من التسخين المناسب لتعمل بشكل جيد .

بينما في دول الخليج اذا عمل لها نظام تبريد للشتاء سوف تحترق في الصيف واذا عمل لها نظام على

جو الصيف فلن تعمل بشكل جيد في الشتاء وسوف تحتاج وقت لكي تسخن !!!

لذا تقوم الشركات المصنعه للسيارات المخصصه لمنطقة الخليج بعمل نظام تبريد ذو كفائة عاليه جدا

بحيث يستطيع مواجه الاجواء القريبه لدرجة الغليان مع اضافة مراوح مبرمجه بحيث تحافظ السياره

على درجة حراره معينه لا تزيد عنها ولا تنقص ...

وبالمناسبة ...

جهاز التبريد ليس الرديتر والمراوح فقط بل هو نظام طويل داخل المحرك وخارجه ...

وكذلك بلف حراره ( ثرموستات ) ينظم دوران الماء ويفتح على درجة حراره معينه تتناسب والاجواء

الموجوده في الخليج ...

وبناء على ما تم ذكره من اسباب فان السيارات كافة لدينا في منطقة الخليج تحتاج الى تسخين وهذا الكلام

ضروري جدا والوقت الادنى للتسخين هو ( دقـيـقـتـيـن ) ولا يلزم ان يتحرك مؤشر الحرارة لكي تبدا بقيادة

السياره ولكن يلزم وجود بلف حراره اصلي بحالة جيده وبدرجه مناسبة لدول الخليج ...

ويجب عدم دعس بنزين والسياره بارده الى ان يتحرك مؤشر الحراره قليلا وعند بدء القياده يجب عدم

السماح لمؤشر دوران المحرك ( Rpm ) بان يصل الى ثلاثة الاف دوره حتى يبدا مؤشر الحراره بالتحرك

وذلك لاسباب كثيره قد تتسبب في كسر الشنابر او تشريم البلوف او ما هو اخطر من ذلك ...

واليكم مثال للسيارات الموجوده في الخليج في فصل الشتاء وهذا المثال لا يحصل في الدول البارده والتي

قد تصل درجة الحراره فيها الى ما دون الصفر ...

عندما تقود سيارتك داخل المدن في دول الخليج تجد ان مؤشر الحراره في وضعه الطبيعي حدود النص

وعندما تمسك خط طويل على سرعة مية وعشرين لعدة دقائق تجد ان المؤشر نزل تحت بينما في الدول

البارده حيث ان نظام التبريد مصمم لمثل هذه الاجواء ستجده ثابت داخل المدينه او على الخطوط الطويله

وعندما نشتري سياره استخدام اوربي لا نجد نظام التبريد بنفس الكفائه الموجوده في السيارات المخصصه

لدول الخليج مهما حاولنا تعديل بعض اجزاء نظام التبريد ...

معلومه فنية ...

الحديد يصعب تاكله وهو ساخن ويسهل تأكله وهو بارد ...

مثلا لو اخذت قطعة حديد بارده وحاولت تقطعها بمنشار او تخرمها بدريل او تبرد منها بمبرد لوجدت الامر سهل

ولو سخنتها لاصبحت الاعمال المذكوره سابقا صعبة جدا ...

الموضوع يحتاج الى تفصيل طويل ولكن نكتفي بما ورد لكي لا ندخل الملل الى انفسكم ...

وتقبلو تحياتي

منقول للاخ مارين من الساحات

عنابي 2010

31-01-2010, 01:11 AM

السلام عليكم ورحمة الله وبركاتة ,

يعطيكم العافية شباب على الردود والموظوع مهم جدا :eek5:

الحين نبي نعرف , الحين نصخن مواترنا والا لا :anger1:

تقبلوووو مروررري :)

هذلان

31-01-2010, 01:16 AM

السلام عليكم ورحمة الله وبركاتة ,

يعطيكم العافية شباب على الردود والموظوع مهم جدا :eek5:

الحين نبي نعرف , الحين نصخن مواترنا والا لا :anger1:

تقبلوووو مروررري :)

هههههههه صخن دقيقتين عن الحلال و الحرام :nice:

خيال شمر

31-01-2010, 03:32 AM

الاخ مغربي :anger1:

:):):):):):):)

خيال شمر

31-01-2010, 03:39 AM

يعطيكم العافيه ياشباب . . . وموضوعي منقول للمناقشه ولكي نستفيد من اهل التجارب والخبرة . . . نطرح عليهم مواضيع . . . وليس بالضرورة ان تكون 100 % صحيحة . . . وبخبرتهم تصحح الأخطاء . . . مع الشكر لكل من شارك

yousef545

31-01-2010, 06:39 AM

انا الصراحه كل المواتر الي عدو علي جير عادي

فـ اذا ماسخنت الموتر صح حتى الجير مرات يركب بصعوبه

و انا الصراحه من وجهة نطري و الي شفته بحكم دوامي اقوم اول الصبح و عز البرد

اسخن الموتر اقل شي ربع ساعه و كل ماسخن اكثر الموتر يعطيني اكثر حتى كسرعه و تبديلات

و نفس ماقال واحد من الاخوان جرب انك ادق سلف و اتحرك عقب كم شهر بتشوف دخان ابيض مع الريس

يعني الموتر يحرق ايل و الف شكر لصاحب الموضوع خيال شمر

الأمبراطور

31-01-2010, 06:47 AM

الله عرفناه بالعقل؟؟؟؟
السياره لما اصخنها دقيقتين ثلاث .....تبديلة القير احسن بوايد من اني ادق سلف ثواني معدوده وامشي.........ولو جبنا خروف وركبناه الموتر عزكم الله في امل يفهم......خل اكتاب الوكاله لهم وخل المواضيع المنقوله ترى مابنخلص
والي زعلان على الدقيقتين الي بيصخن فيها موتره>> شيبسوي في الزحمه والدووايير والاشارات!!
(مجرد رايي الشخصي)

بوحمد111

31-01-2010, 07:48 AM

السلام عليكم ورحمة الله وبركاتة

انا مع كاتب او ناقل الموضوع وعن خبرتي الشخصيه انا عمري ما سخنت السياره ان كان صيف او شتاء ولله الحمد كل سياراتي القديم منهم والجديد ولا اعترف بشي اسمه تسخين وانا دائماً اشغل واحرك ولا مره حصلت لي مشاكل ومثل ما قال اخونا يمكن السيارات القديمه اللي تشتغل عن طريق الكربريتر محتاجه تسخين ولكن الآن مع تطور التكنلوجيا وطرق ضخ البترول انا على حسب علمي ما تحتاج تسخين وبمعنى آخر دق سلف وحرك أول ما تطفيء اللمبات الداخليه

ودمتم برعايه الله وحفظه

بن يوسف الثقفي

31-01-2010, 07:59 AM

بوحمد111

31-01-2010, 08:11 AM

اذا عندك في البيت باب مصنوع من معدن( الالمنيوم ) جرب ووجه هواء المكيف البارد عليه وشوف شلون تصبح حركة الباب من بعد تبريد الباب .وبعدها جرب ووجه على الباب هواء حار وشوف كيف تصبح حركة الباب

عندما يتعرض معدن الالمنيوم للبروده يتقلص وعندما يتعرض للحراره يتمدد ومحرك السياره مصنوع من معدن الالمنيوم وعندما نقوم بتسخين السياره نعطي للسياره او للمحرك نوع من الراحه والدليل على كلامي حركة تبديل سرعات المحرك قبل التسخين يكون صعب الحركة وبعد التسخين يصبح سهل الحركة

في فصل الصيف عادي الموضوع شغل وانطر شوي لين يتحرك زيت المحرك وحرك لكن في فصل الشتاء سخن لسلامة المحرك وهذا الشي ضروري

بشكل مختصر

نصيحة التسخين مطلوب وبشكل ضروري وخاصة السيارات الجديده اليابانية

يعطيك العافيه اخوي error

كلامك غير منطقي وخاصة بشرحك عن المعادن لأن معدن الألمنيوم مستحيل يكون خام والقصد بدون اضافات والاضافات المقصوده عباره عن معادن اخرى لتعديل درجات التمدد والانكماش ولو كان كلامك صحيح كان كل واحد يشتري سياره ويشتري معاها مكاين احتياط للصيف والشتاء والمصنعين بصراحه صنعوا المكاين بمعاير وقياسات دقيقه جداً وذلك لتحمل جميع درجات الحراره واللي ابي اوصل له ان المكاين عندنا ما تحتاج تسخين لأن الماده المصنوع منها المكاين تختلف اختلاف كلي عن الماده المصنوع منها الابواب

fhd4

31-01-2010, 08:29 AM

اللي عنده دليل واحد من أي مصدر موثوق يثبت ان تسخين السيارة لازم منه... (غير أيام البرد اللي تحت الصفر) ...

يتفضل ...:nice:

بوسيف الهاجري

31-01-2010, 08:38 AM

اااااااااااااااايه الله يذكر ايام البيجو با الخير كنا انشب ضو تحت الكرنكيس ايام الشتا ويالله يالله يدق سلف

:tease:

hxamad

31-01-2010, 09:06 AM

منى واحد ماحرك ألا إذا أرتفع الغيج يعن 2 - 3 دقائق

احمد1

31-01-2010, 07:08 PM

انه مادري ليش ماقتنعت بالموضوع ؟يمكن اقول يود مينونك لا يجيك الي اجن منه

yousef545

31-01-2010, 08:08 PM

يالربع خيال شمر نقل معلومه يمكن اتكون صحيحه يمكن اتكون خاطئه يعني ماله داعي

انتقادات حاده لراعي الموضوع ياليت ايكون الانتقاد لمحتوى الموضوع و الطريقه الصحيحه

لنتفادى اي ضرر ممكن ايصيب محرك السياره

و ربعنا الي عندهم مرسدسات دوم اشوفهم مايسخنون مواترهم

و في منهم الي ايسخن موتره حاله حال اي موتر و انا افضل الستخين كل ماطالت المده

احسن للسياره و معلومه ثانيه بعد نفس مانعرف اذا جايين من خط طويل يعني بريشر على محرك السياره

مدة اربع خمس ساعات لازم انخلي السياره شغاله على الاقل عشر دقايق لي مايهدى الايل و ايدور في المكينه

شنهي العمليه الي اتصير بالظبط مب عارف

ولـد الخليج

03-02-2010, 03:37 PM

اخوي
جرب تقوم الصبح ( من النوم ) وتركض بسرعة :tease: تقدر ولا لازم تسخن شوي

وفي شي ثاني
حتى اللعيبة قبل المبارة تسخن شوي:nice:

بويعقوب

03-02-2010, 03:46 PM

اخوي
جرب تقوم الصبح ( من النوم ) وتركض بسرعة :tease: تقدر ولا لازم تسخن شوي

وفي شي ثاني
حتى اللعيبة قبل المبارة تسخن شوي:nice:

كلام صحيح 100 %

sqawad

03-02-2010, 04:20 PM

اخوي
جرب تقوم الصبح ( من النوم ) وتركض بسرعة :tease: تقدر ولا لازم تسخن شوي

وفي شي ثاني
حتى اللعيبة قبل المبارة تسخن شوي:nice:

اخوي ما يصير تقارن بين انسان عضلات واعصاب ودم الجسم تخثر من النوم وبين سياره حديد وايل :eek5:
وانا في مجال شغلي نشغل توربين الضغظ والاحتكاك الي فيه 50 ضعف عن مكينة السياره في عز الاشتا ومافي مشاكل

tomtom77

03-02-2010, 06:03 PM

كل هالكلام غير صحيح لان لو دققيت سلف وحركت لو نيسان مافي امل حتى لو بخاخ أنه يشتغل ولو تيوتا تلقى القير وهو بارد

نيساني

04-02-2010, 05:08 AM

اخوي
جرب تقوم الصبح ( من النوم ) وتركض بسرعة :tease: تقدر ولا لازم تسخن شوي

وفي شي ثاني
حتى اللعيبة قبل المبارة تسخن شوي:nice:

كلامك منطقي في حالة اذا دقيت سلفت ومشيت فوق 140 لكن احنا نقول دق سلف وامش بالعدال لين مايصخن الموتر يعني لايتعدى الrpm ال3

مستحيل تقوم الصبح وتركض لازم تمشي بالعدال لين ما تصخن

ان شاء الله ان الفكره اوصلت:):)

أكتتاب

04-02-2010, 10:45 AM

خلاصه الكلام صخن الموتر دقيقه ولا دقيقتين مب خسران شي
وبعدين امش بشويش لا يرتفع الاربي ام على الاثنين
وبعدين ارفسسسسسسسسله وانا اخووووووووووك :) وحاسب من الرادارات

شكرا لصاحب الموضوع ولجميع المشاركين :)

fhd4

04-02-2010, 10:50 AM

أنا أشوف ان السالفة مب محتاجة وجهات نظر ... إذا هم صناع السيارات كاتبين في كتلوجاتهم ان السيارة مب محتاجة تسخين ... انتهى الموضوع ...

مافي أي شركة سيارات أو خبير سيارات ينصح بتسخين السيارة أكثر من 30 ثانية أو دقيقة وحدة بالكثير ... وحتى اذا درجة الحرارة أقل من الصفر قالوا ان السيارة مب محتاجة تسخين أكثر من 5 دقايق ...

فليش الواحد يضيع ساعات من عمره في شي ماله داعي ...

غير تلويث البيئة وخسارة فلوس البترول اللي ينحرق على الفاضي ...

دوروا في الانترنت ... اكتبوا في الجوجل car warm up ... وشوفوا المواضيع اللي تطلع لكم ...

الحمدلله ... سيارتي 3 سنين اضرب فيها خط كل يوم فوق الـ 120 ... وعمري ما سخنتها ... ولله الحمد والله يبارك فيها .. ما اشتكيت لا من دخان أبيض ولا دخان أسود ... ولا من أي مشكلة ثانية ...

المفروض احنا اللي نتحكم بالسيارة مب هي اللي تتحكم فينا وفي وقتنا ...

بورصواوي

04-02-2010, 11:08 AM

أنا أشوف ان السالفة مب محتاجة وجهات نظر ... إذا هم صناع السيارات كاتبين في كتلوجاتهم ان السيارة مب محتاجة تسخين ... انتهى الموضوع

اسمحلي اخوي صرت نفس صاحب الموضوع كلام عام مافي اي دليل وكلكم بدون ادله
\"كاتبين, يقولون " وين كاتبين شوف دليل وصور منه وذا كنت صادق قلو لنا دليل الكامري لموديل كذا في الصفحه كذا بذكر المصدر

جرب الصبح في يوم بارد شغل السياره وعلى طول اضعط الريس كامل ليت تقطع لمده ثانيه سوها كليوم
وقول لنا ايش صار

المفروض احنا اللي نتحكم بالسيارة مب هي اللي تتحكم فينا

ماشاء الله حكيم اشكرك على النصيحه من بكره بتحكم في السياره

والي يقول انا ماصخن السياره وماختربت من ه سنين عادي اذامايدوس على الريس والضغط حفيف ويتم دقيقه لين يطلع من الكراج ووشوي شوي في الفريج تقريبا تصخين

وصاحب الموضوع اشكرك ولاكني معارض بشده
ماعدى كلمته ان السيارات القديمه محتاجه تصخين وهذا صحيح

yousef545

04-02-2010, 02:19 PM

انا مع التسخين و لمدة لا تقل عن العشر دقايق

وانا عملية الستخين عندي في اليوم الواحد كذى مره

يعني عادي اول الصبح اروح الدوام اسخن ربع ساعه اعود البيت ساعه 2 اصف الموتر

بطلع ساعه 7 مثلا يعني 5 ساعات الموتر صاف و برد و بعد ارد اسخن اقل شي اربع خمس دقايق

و اذا صفيت مثلا ساعه 10 و بغيت اطلع ساعه 11 بعد اسخن دقيقه اقل شي

يعني كل حياتي تسخين ههههههههههه ( الا اذا متاخر على الدوام دق سلف و ريس )

fhd4

04-02-2010, 03:00 PM

اسمحلي اخوي صرت نفس صاحب الموضوع كلام عام مافي اي دليل وكلكم بدون ادله
\"كاتبين, يقولون " وين كاتبين شوف دليل وصور منه وذا كنت صادق قلو لنا دليل الكامري لموديل كذا في الصفحه كذا بذكر المصدر

جرب الصبح في يوم بارد شغل السياره وعلى طول اضعط الريس كامل ليت تقطع لمده ثانيه سوها كليوم
وقول لنا ايش صار

ماشاء الله حكيم اشكرك على النصيحه من بكره بتحكم في السياره

والي يقول انا ماصخن السياره وماختربت من ه سنين عادي اذامايدوس على الريس والضغط حفيف ويتم دقيقه لين يطلع من الكراج ووشوي شوي في الفريج تقريبا تصخين

وصاحب الموضوع اشكرك ولاكني معارض بشده
ماعدى كلمته ان السيارات القديمه محتاجه تصخين وهذا صحيح

سبحانك يا رب .. والله توقعت مثل هالرد ...

على العموم أنا ما غلطت على أحد يوم قلت ان التسخين ما له داعي ... وأنا ما قلت انك أول ما تشغل السيارة اضغط الريس كامل ...

اللي قلته انك لا تضيع وقتك وانت موقف السيارة ... وأنا أأيدك ان التسخين يكون وانت ماشي في البداية ...

لكن يالغالي ولا تزعل ...

راح أحط لك صور من دليل كذا سيارة (طبعا ما راح أحط لك دليل كل سيارة في العالم ...تقدر تدور في النت بنفسك) ... واختار اللي يعجبك منهم ...

أول شي هذي المواقع ... كلها تقول لك مافي داعي تسخن السيارة ... وهذي مب منتديات .... هذي مجلات عالمية ومواقع متخصصة ...

http://autos.aol.com/article/warm-up-car

http://oee.nrcan.gc.ca/transportation/idling/warm-up.cfm?attr=8

http://www.dallasnews.com/sharedcontent/dws/classifieds/news/automotive/cartalk/stories/DN-cartalk_06emp.ART.State.Edition1.374f73f.html

http://www.motherearthnews.com/Ask-Our-Experts/Green-Transportation/Car-Engine-Warm-Up.aspx

http://www.abc.net.au/science/articles/2007/09/27/2156431.htm

وهذا الله يسلمك دليل الانفينيتي FX ... والكلام واضح ومب محتاج كلام كثير ...

http://img62.imageshack.us/img62/1061/infinitifx.jpg

وهذا دليل الكروزر 2007 ... وبعد الكلام واضح ...

http://img687.imageshack.us/img687/5678/lc2007.jpg

أما اذا ما كان يقند راسك غير دليل الكامري ... فهذا هو الدليل ... مع رقم الصفحة ... ونفس الكلام بعد مكتوب في دليل الاوريون ...

http://img269.imageshack.us/img269/5828/camry07.jpg

أتمنى يا عزيزي أن المعلومة اوصلت ...:nice:

سهيمان

04-02-2010, 07:12 PM

طيب اذا السيارة ماتحتاج تسخين ليش بعض الوكالات تحط خدمة التسخين عن بعد في سياراتها ؟؟

على العموم تسخين 5 - 10 دقايق إذا مانفعت ماراح تضر

وبالتوفيق

fhd4

04-02-2010, 07:21 PM

طيب اذا السيارة ماتحتاج تسخين ليش بعض الوكالات تحط خدمة التسخين عن بعد في سياراتها ؟؟

على العموم تسخين 5 - 10 دقايق إذا مانفعت ماراح تضر

وبالتوفيق

الله يسلمك ... التشغيل عن بعد مب عشان تسخين السيارة ...

التشغيل عن بعد عشانك انت ... يعني عشان تشتغل الدفاية إذا الجو بارد ... أو عشان يشتغل المكيف اذا الجو حار ...:victory:

القيادي

04-02-2010, 07:41 PM

بصراحه انا مع نظرية صاحب الموضوع لأني بحياتي ماسخنت سيارة وحتى على ايام الكربيترات ادف الموتر بواحد لين تطلع بساتنه ويسخن غصبن عن ابوه هههه وحتى الي يومنا هذا مع المواتر الجديده ادق سلف ومشي على طول والحمدلله مافي سيارتي الا الزين

سهيمان

04-02-2010, 07:47 PM

الله يسلمك ... التشغيل عن بعد مب عشان تسخين السيارة ...

التشغيل عن بعد عشانك انت ... يعني عشان تشتغل الدفاية إذا الجو بارد ... أو عشان يشتغل المكيف اذا الجو حار ...:victory:

مشكور ع سرعة الرد

وفي كلا الاحوال معناه اذا التسخين مانفع ترى ماضر:victory::victory::victory:

وبالتوفيق

املاك

04-02-2010, 08:54 PM

كلامك صحيح اخوي وانا اوافقك الرأي لأن السيارات الحديثة كلها بخاخ وهي توزع الوقود على كل السلندرات عن طريق الكمبيوتر وفي درجات الحرارة في الشتاء من 10 الى 25 تحتاج الى تسخين لمدة دقيقة واحدة فقط مع تزايد السرعة تسخن السيارة بشرط عدم الدوس الى سرعات عالية فوق ال 100 مرة واحدة واذا كانت درجة الحرارة تقترب من الصفر في هذة الحالة تسخن السيارة لمدة 5 دقائق تقريبا ، كما ان دبات الاكزوز لها دور في التسخين بحيث يوجد فيه صمام يساعد على تسخين السيارة catalytic converter
....نصيحة لاتستهلك الوقود في التسخين وترفع من انبعاث ثاني اكسيد الكربون في الجو ... وحافظ على البيئة

qatari-vip

04-02-2010, 10:39 PM

من يوم عرفنا السيارات وحن نسخنهااا

ولو مااله فاايده مااكاان جا مع الفكسار تشغيل عن بعد مع ان التشغيل عن بعد بس يدق السلف

عشاان محد يقول عشاان تشغل المكيف ولا الدفايه مثل الامريكي

خالد32

05-02-2010, 01:14 PM

Notepad

05-02-2010, 03:07 PM

عيل ليش السيارات الالمانيه وبالتحديد المرسيدس سو لها جهاز خاص انه مايحتاج تسخين شغل وحرك على طول اذا كل السيارات من زمان مايبي لها تسخين ؟؟

محمد عبدالرحمن

05-02-2010, 10:08 PM

السلام عليكم، أخوي مع إحترامي لك، بس واضح إن الموضوع منقول، فياريت أخوي تذكر المصدر فالمرات الجاية عشان نتأكد، وبالمرة تجيب المصدر إلي تكلموا فيه المصنعين بهالكلام، حتى إذا كانوا مصنعين فهالشي مايخليهم منزهين عن الغلط، بس لاتنسى قضية الإنبعاثات الغازية والgreenhouse gases، ولاتنسى إنهم الرابح الأكبر من أي خراب يصيد سيارتك..

وأنا بحكم عملي المتواضع في مجال الزيوت، أقدر أحكم على كاتب الموضوع بالجهل الكبير بصراحة في تصنيف اللزوجة، وبس عشان ما أجيب الكلام من عندي، ومن البديهيات في علم الtribology، وهو العلم المختص بالإحتكاك والتآكل والتزييت.. إن اللزوجة تقل مع إرتفاع الحرارة، ماتزيد..
والله صدت أكثر من غلط (على قولة أساتذة ودكاترة الفيزيا، كفر) فالموضوع، بس ماعندي وقت أرد عليهم.. بس هذا على مايقولون غيض من فيض..

ملاحظة: تعليقي ونقاشي كان حول الزيت، وما أقدر أفند موضوع المياكنزمات إلي كتبها صاحب المقال..

تحياتي

أتفق مع بعض ماجاء في هذا الرد، فإن بعد دوران المحرك لازالت لزوجة الزيت غير طبيعية عندما تكون الحرارة في الوضع المثالي، و في كتيب السيارات (فيراري، لامبورجيني، بي إم دبليو) يتم التحذير من الإسراع قبل وصول مؤشر حرارة المحرك للوضع المثالي.

و أعوذ بالله أن أكون من الظالمين، لكن في رأيي أن الهندسة اليابانية تعتمد في صناعتها على إسم "صنع في اليابان" الذي اشتهر إبان الأزمة الإقتصادية العالمية الأولى قبل منتصف القرن الماضي. فيا اخوتي، التويوتا أسوأ سيارة تسير على الطرقات فتابعوا أي سائق تويوتاً من شارع إلى دوار إلى شارع تجدونه ينزاح بين المسارات، حيث أن المقود يقاوم قائد المركبة و لن يدرك هذا إلا من يقود سيارات غير يابانية.

تحياتي،
محمد

msfr1

05-02-2010, 11:03 PM

بالنسبه لي لازم اسخن السيارة ...

كلها دقيقتين وماشي

fhd4

10-02-2010, 10:15 AM

fhd4 عجبني الرد مع الدليل
بس ليش كاتبين لا تدعس و المكينه بارده؟

يعني دق سلف و تحرك بدون ما تعطي ريس و هو نفس موضوع التسخين

المعروف ان الكينه فيها بيرنقات مصنوعه من مواد غير عن الكرنك و البلوك و رنقات البستن غير عن البستن و الانتيك غير عن المكيته و كلهم يتمددون بسرعه مختلفة عن بعض فتخيل الكرنك تمدد اسرع من البيرنق! اكيد بيتاكل بسرعه لان ما خذوا وقتهم حتى يكون بينهم الفراغ المطلوب من المصنع على حرارة السياره الطبيعيه (ساخنه)

و كذلك باقي القطع

و لكم الحكم و المال مالكم و التجربه احاناً فيها خساره

أخوي كلامك صحيح ... اذا مشيت بسرعة اول ما تشغل السيارة اكيد راح تتأثر السيارة ..

التسخين اللي أقول عنه هو وانت تمشي بشوي ...

في النهاية الواحد بكيفة يسخن السيارة ساعة أو خمس ثواني ... كل واحد حر بسيارته وقناعاته ...

للعلم فقط ... فيه بعض الولايات في أمريكا وكندا تعتبر تسخين السيارة أو تشغيلها بدون ما تمشي فيها لأكثر من 3 دقايق أو 5 دقايق مخالفة ....!!!

الغالي!

10-02-2010, 12:23 PM

اسال مجرب ولاتسال طبيب اذاكان عمر السياره 10سنوات بتسخين راح يكون بدون تسخين 3سنوات مع احترامي حق راعي الموضوع ومااعتقد انك احسن من وكالات السيارات

قطريه نمبر ون

10-02-2010, 01:16 PM

ولا في حياااتي سخنت الموتر ومشييت على طول سلف وامشي حتى لو فالبرد

zxr

10-02-2010, 06:04 PM

معلومات ممتازة...

جزاك الله خير

التجاري

10-02-2010, 06:44 PM

كلام غير منطقي ,,,, الموتر اساسا اول ماتشغله تشوف سنسرات ترفع لك الريس عشان عمليه التسخين , متى مانزل الريس يكون تحرك والمكينه تكون سلسه معاك, اما سالفة دق وامش هذا شي مجرب اول شي يقل عمر المكينه غير صرقعة الفالفات او البلوف اللي على طول تسمعها من مجرد انك تهمل التسخين غير ان المكينه تبتدي تصرف في الزيوت وانواع المشاكل والاصوات والادخنة