ظاهره غريبه ( المتسولون والمتسولات)

[بحر العذاب]

بالأمس هلي رايحين الجمعيه المهم قبل لايدخلون راحو عند الصراف يبون يسحبون ولاحظو
شي غريب شافو وحده منخشه وتطل عليهم من بعيد وأول ماسحبو وتحركو من عند الصراف
جاتهم وقالت لهم أنا محتاجه فلوس وتقول أن تبي 150 ريال عشان ولدها مريض وعلى فكره
المرأه عربيه مش قطريه المهم أنكسر قلبهم وعطوها المقسوم وعقب ماخلصو من الجمعيه
وطلعو بعد راحو حق الصراف عشان يسحبون فلوس ويردون البيت وصارت لهم نفس الحركه
جاتهم وقالت لهم نفس الكلام وقالو لها أنهم عطوها قبل مايدخلون وراحت عنهم، تحركو هلي وركبو السياره يبون يعرفون شسالفه لاحظو أن المتسوله ماتروح إلا حق الحريم بس ..

أدري طولت عليكم بس ترى هاي الصج والواقع وتصير حتى في سوق فالح

فأتمنى من اللي يشوفهم يتصلون على 4714222 البحث الجنائي (مكافحة التسول)

أو الأمن الوقائي 4471444 للحد من هاذي الظاهره

[بوطويشم]

السلام عليكم

يروحون حق الحريم لان يكسرون خاطرهم بسرعة

وللأسف قامو ينتشرون أكثر شي في المجمعات بس ما يبين عليهم

[زنجبيل]

الحمدلله صارلي فتره ما شفت أحد منهم ..

[بدون]

صارت حق الأهل عند المعرض ،، و بين مواقف السيارات اللي في الرمل
تلحق النسوان لأن معاهم اليهال و تدعي لهم و تقول عندي بنت صغيرة مريضة
الله يخلي لكم بنتكم و .و...و...، عاد الأهل عارفين هالحركات
قالوا لها بتروحين و لا ننادي لج الشرطة اللي واقفين عند باب المعرض،،،
شالت عليه و لحظات و لا شافوا أثرها

[المرحب]

الله يرزق عباده ويكفيهم بحلاله عن حرامه

ويفرجها على المحتاج

آآآآآآآآآميـــــــن يـارب

[الصريحه]

لاحول ولاقوة الا بالله
اماكن التبرع والحاجه معروفه

[موضي قطر]

وازيدك من الشعر بيت دشوا علينا البيت ودخلوهم الخدامات يفكرونهم ( مسايير )

من الكشخة :eek5: وطلعنا نشوف النسوان الأشكال ما عرفناها منهم آخر شي

الوالدة ملت هم ماعرفوا عن نفسهم وهي تبي تعرف من ذولا اللي في بيتها فقالت

يابناتي ( من انتوا منه ؟؟ ) والجواب الصدمة قالوا انهم من دولة عربية غير خليجية

امي واحنا :omg: :eek5: واختنا بتنخطب وماعندها ملابس وعطورات علشان لو

جا المعرس واهله :secret: امي بصراحة استحت من اسلوب طرارتهم وعطتهم اغراض

عشان تفتك منهم