المساعد الشخصي الرقمي

مشاهدة النسخة كاملة : سجل تجاري والنشاط بالبيت



ام شيخه
31-01-2010, 10:24 AM
صباح الخير
حبيت تفيدوني انا عندي مشروعي باديه فيه من فتره وابي اسوي لي سجل تجاري مع العلم ان شغلي بالبيت يعني مو محتاجه محل
ومحتاجه السجل عشان الاوراق الرسميه للتعاقد مع المحلات
وناويه اسجل المنتج بأسمي وقالو لازم يكون عندي سجل
ارجو تفيدوني كيف الطريقه
وجزيتم كل خير انشاءالله

bluelion
31-01-2010, 11:23 AM
للأسف : ممنوع في البيت ... لازم محل ويكون كبير ... ويكون الشغل في المحل.

ام شيخه
31-01-2010, 11:36 AM
:anger1: :weeping: :weeping:
ليييييييييييش طيب
جزاك الله خير اخوي

PLATINUM
31-01-2010, 11:32 PM
اللي اعرفه ان السجل التجاري وبطاقة قيد المنشاة تطلعهم قبل لاتفتح المحل

المحل يجون يفتشون عليه في حالة طلب عمال من وزارة العمل

هذا والعلم عند الله

sara_qatar
01-02-2010, 12:12 AM
حبيبتي روحي وزارة الاقتصاد الدور الاول بيفدونج اكثر واكثر

bluelion
01-02-2010, 01:13 AM
واللي أعرفه انه لازم عقد ايجار قبل السجل... إذا ما غيروا الطريقة.

سياتل
01-02-2010, 01:53 AM
الرخصه التجاريه هي اللي يطلبون فيها المحل

يعني تقدرين تطلعين سجل تجاري بدون لايكون عندج محل

وبالتوفيق

بوحميد
01-02-2010, 02:02 AM
الله يعينج من الحين
ونصيحه لاتسوين اي خطوه قبل لا تتأكدين من الجهات كلها
1- وزارة الاقتصاد وطبعا تقدمين على السجل التجاري تروحين انتي وبطاقتج الشخصيه هم يحددون ويفيدونج وطبعا يتم اختيار الاسم وراس المال ونوع النشاط المطلوب وكله بحسابه
راح يكون في طلب تعبينه نصيحه في السجل التجاري حاولي تكونين دقيقه في نوع النشاط والمعلومات الي انتي تبينها لانه اي تعديل او تغير راح يكون بـ 500 ريال واضافه اي نشاط طبعاعلى حسب كل نشاط بسعر معين
2- غرفة وتجارة قطر طبعا السجل ما يعطونج اياه الا تكونين دافعه رسوم الغرفه وطبعا على اساس راس المال ونوع النشاط راح يدفعونج وممكن تختارين علامة تجاريه تصدقينها عندهم خلاص تكون لج محد يقدر يقلدها
3- البلدية قسم الرخص التجاريه على اساسها تقدرين تزاولين نشاطج وفي المكان المطلوب وبالرخصه التجاريه وطبعا الاوراق المطلوبه
- عقد اجار
- صورة من السجل التجاري
- صورة من بطاقة المرخص له
- صورة من لوحة المحل او النشاط
- صورة من رخصة الاعلان عبارة عن رخصة للوحه تاخذين الموافقه على القياسات وتصورين المكان المطلوب تحطين اللوحه التجارية الي هم يوافقون عليها على حسب المواصفات المطلوبه وطبعا تقدمين عليها او تخلصينها قبل لاتقدمين على الرخصه التجاريه وطبعا في البلديه نفسها
ملاحظه تروحين تراجعين البلديه الي انتي تابعه لها او التابعه لمنطقتج وخذي منهم الافاده كامله
4- الجوازات تقدمين على طلب قيد المنشأة وطبعا طلب يتعبا وفيه اسم الشركه واسم المخول وختم الشركه طبعا تختارين لج ختم معين وفيه اسم الشركه وتختمين الطلب وقيد المنشأة عباره عن بطاقة شخصية للشركه
تقدرين على اساسها تجيبين عمال وتقدمين على اي خدمة تبينها من خلال هل البطاقه
الاوراق المطلوبه
- صورة من السجل التجاري
- صورة من الرخصه التجاريه مصدقه بختم من البلديه
- صورة من البطاقة الشخصيه

ملاحظه : طبعا اي جهه تروحين لها حاولي تسألين وتاخذين المعلومات والطلبات كلها وشوفيها زين
وادرسيها عدل لانه ممكن اي ورقه تعطل امورج كلها

وبالتوفيق ان شاء الله
ولا تنسيني بالدعاء
اخوج بوحميد :)

علي99
17-02-2010, 03:21 AM
انا عند سجل بس منتهي اقدر اجدده بدون محل بس ابيه عندي

تغلبية
19-02-2010, 12:06 AM
مشكووووورين افدتوني الله يجزاكم خير
وبالتوفيق لصاحبة الموضوع

صقر الوكرة
19-02-2010, 02:00 AM
الله لايهينك اختي سوي كل الاجراءات من سجل ورخصة بلدية وآجار محل وآجري محل تشوفينة رخيص
وخليكي قانونية عشان ترتاحين وتشتغلين صح وبعدين بيكون عندك سجل تجاري لمدة سنة ورخصة البلدية سنتين
والمنشاءه سنتين بيعي المحل خلو وممكن تكوني ربحانه بعدها كلميني اجولك شتسوين
سلام

انتثر لك عطر
25-02-2010, 03:40 PM
الله يسهل لك ان شاء الله

amen
06-03-2010, 03:37 AM
بالتوفيق ان شا الله وزارة الاقتصاد يفيدونك بكل شي

ام شيخه
08-03-2010, 12:56 PM
يعطيكم العافيه واسفه عالرد المتأخر
لاهنتو عالمعلومات الطيبه وان شاءالله راح يكون لي عوده بإذن الله

ماريسا
08-03-2010, 01:07 PM
الله يوفقج