هل يوجد سبوت لايت يعمل دون الحاجه للمحول ؟

[المزن الرياني]

السلام عليكم


سؤال ياجماعه الخير
هل يوجد بالسوق سبوت لايت يعمل مباشره دون الحاجه للمحول ؟
وهل يمكن وضع السبوت لايت بالسقف ؟ أي ان يتم تركيبه أثناء التمديدات الكهربائيه للسقف قبل عمليه الصبه الخرسانيه ؟
والا مايركب الا بالجبس فقط


وجزاكم الله خير

[وحش قطر]

اعتقد والله اعلم

ممكن تركبة من غير محول لكن لايمكن التحكم في قوة الاضاءة

لا يمكن تركيبة على السقف العادي لانة لة كليبات لا زم تكون ماسكة من فوق

[المزن الرياني]

شاكر لك رد اخوي وحش قطر
بس انا سمعت ان في مشاريع تنفذ فيها هالشي
ركبوا قاعده السبوت لايت قبل صب السقف بالخرسانه وطلع كأن السقف من الداخل معمول له جبس
يعني مافي فرق
فحبيت أتأكد من سلامه هالعمليه لان الخطأ فيها مكلف جداً

[وحش قطر]

شاكر لك رد اخوي وحش قطر
بس انا سمعت ان في مشاريع تنفذ فيها هالشي
ركبوا قاعده السبوت لايت قبل صب السقف بالخرسانه وطلع كأن السقف من الداخل معمول له جبس
يعني مافي فرق
فحبيت أتأكد من سلامه هالعمليه لان الخطأ فيها مكلف جداً

ازين اخوي اذا احترق الليت شلون بتبدل اللمبة

[المزن الرياني]

ازين اخوي اذا احترق الليت شلون بتبدل اللمبة


بدلها عاادي وين المشكله
الظاهر اخوي مافهمت علي
نرجع لمرحله البناء وقبل عمليه صب السقف
مب الكهربائي يضع النقاط واللي هي عباره عن بوكسات يطلع منها واير الكهرباء وبنفس الوقت يكون قاعده لليت
هذه البوكس يركب مكانه بوكس السبوت لايت بالكامل بحيث يجي بعدين الكهربائي يركب السبوت لايت بقاعدته

مادري وصلت الفكره أو لا

[ليث المعاني]

اخوي فكرت قبل في هذي الفكرة بس تراها متعبة وصعب انها تضبط لانها على حسب الصب واي خطاء بيكون مكلف عليك فالافضل انك ماتعور راسك ... خلها جبس وعقبها ركب سبوت لايت ... اش رايك مب احسن ... لاني مرة شفت بيت واحد من الربع امسوي هذي الطريقة ... اقصد فكرتك ... اعجبتني بس يوم دققت على السقف طلع شكلها بشع جدا ... كأنه تشطيف ناس ( ؟) خخخخخخخخ مايحتاج اقول

[بحر العذاب]

تقدر تركب سبوت لايت بدون محول لأن في سبوت لايت توازي قوة المحول وأذا عن التركيب أضم صوتي
مع أخواني التركيب عالجبس أحلى وأسهل بكثير لأن لو بعد فتره لو تبي تغير تشكيلة الايت أو حجمه
أو أعادة توزيعه مره ثانيه على السقف يكون عليك أسهل لأن الجبس تقدر تتحكم فيه بس الصب ماتقدر
تسوي فيه أي تعديل .

[المزن الرياني]

ليث المعاني
بحر العذاب

تسلمون على مشاركتكم
بالفعل التنفيذ بيكون صعب جداً وأي خطأ معناتها تعديل مكلف
الظاهر بنسى هالفكره