هل البحر و العنن و العزب - الحذر يوم الجمعه القادم

[هذلان]

السلام عليكم ورحمه الله و بركاته

بينت اغلب مواقع الطقس حاله من الهواء الشديد يبدا من فجر الجمعه ٥/٢/٢٠١٠ تصل سرعته الى ٤٢ كيلو متر في الساعه مع احتمال لسقوط امطار من مساء الخميس تستمر الفرص الى منتصف الاسبوع القادم .
هذا و العلم عند الله .

١- هل البحر الله يحفظكم غيرو الخطه .

٢- هل العنن و العزب . شدو الخيام و انتبهو تخلون بيبان الخيام مفتوحه عشان ماتشقق او تطير . و الحذر من شبه الضو في الهوى .

اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به


اسئل الله السلامه للجميع

[Mozanee]

تسلم يا هذلان ,, خل اخوف ولدي عشان ما يروح

[الصريحه]

جزاك الله كل خير

[هذلان]

تسلم يا هذلان ,, خل اخوف ولدي عشان ما يروح

تبارك الرحمن و الصلاه على النبي .
موزاني توقعت انج ام ٢٥ :)
الله يديم عليج الصحه و العافيه و يخليلج عيالج . تزفينهم معاريس ان شاءالله

[دريمز]

يسلموو على الموضوع أخ هذلان

[sendarala]

الله يجزيك كل خير

[STAR]

الله وناسه مطر

[حشيم]

تسلم يا الغالي
لكن الحين وقت السمكه البيضاء
اشرايك طلع لنا حل نبغي نروح البحر

[حليتان*]

تسلم هذلان


الله يعطيك العافيه

[nouar]

جزاك الله خير

[Qatar4all]

ناوي أروح الدهيمي بدووووون شي :.. سناح وانت ماشي :.. يعطيك الف عافية ياخوي وكله بعلم الله نتوكل على الله وبنشوف شيصير :.

[عيون Qatar]

مافي الا كل خير أن شاء الله

[عاشق الشهادة]

جزاك الله كل خير اخوي هذلان وآبشرك اخوك لا راعي بحر ولا راعي بر ؟

[هذلان]

حياكم الله جميعا

والله يا اخوان على حسب المواقع ان الهوى بيزيد اكثر من من توقعاتهم امس بيوصل 47 كيلو في الساعه عند فجر و صبح الجمعه .

اسئل الله السلامه للجميع .



جزاك الله كل خير اخوي هذلان وآبشرك اخوك لا راعي بحر ولا راعي بر ؟

لاعبه فيك الكوره :nice:

الناس فيما يعشقون مذاهبووو .
لو الدوري القطري مافيه نادي العربي كان شجعت لي فريق من هالفرق بس العربي مخرب escape

[عاشق الشهادة]

حياكم الله جميعا

والله يا اخوان على حسب المواقع ان الهوى بيزيد اكثر من من توقعاتهم امس بيوصل 47 كيلو في الساعه عند فجر و صبح الجمعه .

اسئل الله السلامه للجميع .



لاعبه فيك الكوره :nice:

الناس فيما يعشقون مذاهبووو .
لو الدوري القطري مافيه نادي العربي كان شجعت لي فريق من هالفرق بس العربي مخرب escape




العربي مخرب العالم:secret:
ما اقول الا فدييت العربي وفديت الي يعشقه :victory:

[شجرة الدر]

الله يجزاك خير اخوي هذلان ،،

الله يسمع منك ويجينا المطر ،،

[Mozanee]

تبارك الرحمن و الصلاه على النبي .
موزاني توقعت انج ام ٢٥ :)
الله يديم عليج الصحه و العافيه و يخليلج عيالج . تزفينهم معاريس ان شاءالله

اللـــــــــــــــــــــــــــــــــــــــــــــــ ـــه اش هالكلام الحلو والله جبرت بخاطري ,,ولدي عمره 15

[العصامي]

بارك الله فيك على التحذير...

واللهم اجعله سقيا رحمه لاسقيا عذاب ...

[سداوي&مدريدي]

جزاك الله خير أخوي على التنبيه ماقصرت

[خذاني الشوق]

معليه معليه معليه هـــــــــــــــــــــوا حصى مطر المهم بيجينا بريد ومطر ونااااااااااااسه الله يجزاك الجنه على هالخبر الحلو تمللنا من الحر صراحه عاد بعد السنه كلللللش ماجانا برد

[آفنان]

تسلم اخوي عالتنبيه ...

وجزاك الله كل خير...

:)

[هذلان]

يا جماعه اشوف اغلبكم مستانس على طاري المطر و ناسي التحذير .

مابي اهول الموضوع لانه في علم الغيب . ولكن التوقعات ان صحت فالوضع يحتاج اتخاذ الحيطه و التجهيز .

[غزلان]

جزاك الله خير

والله يعطيك العافيه

[هدهد سليمان]

جزاك الله خير للتنبيه ..

[هذلان]

اسئل الله لنا ولكم السلامه

انا حاليا في سيلين و الاجواء صعبه جدا . يالله سترك

هوى و عج ماتشوف ٢٠ متر قدامك

[الجنرال2]

تسلم اخوي عالتنبية كنسلت خطتي ليوم الجمعه :nice::telephone:

[هذلان]

تسلم اخوي عالتنبية كنسلت خطتي ليوم الجمعه :nice::telephone:

الله المستعان . يطرون بردي غرب سيلين (منطقه مرمي)

[STAR]

هذلان إرجع الوكرة شموديك إهناك

[شاهيناز]

هذي الي مضايقني بكره مانروح البر:weeping:
عاد انا بدون البر وخاصه السنه برنا غير ماستانس في اجازتي

[وطن]

اسئل الله لنا ولكم السلامه

انا حاليا في سيلين و الاجواء صعبه جدا . يالله سترك

هوى و عج ماتشوف ٢٠ متر قدامك

الله يحفظكم من الشر

[هذلان]

هذلان إرجع الوكرة شموديك إهناك

من الاربعا في سيلين :victory:
الحين الوضع شوي اخف لله الحمد اذا زاد ردينا



هذي الي مضايقني بكره مانروح البر:weeping:
عاد انا بدون البر وخاصه السنه برنا غير ماستانس في اجازتي

عسى ان تكرهو شيء وهو خير لكم
نص الاسبوع بحول الله امطار روحو شمال الجو بيكون ربيعي 100٪

[شيط ويط]

جزاك الله خير

[هذلان]

الله يحفظكم من الشر

و من يقول ، مشكوره يا وطن

[وطن]

و من يقول ، مشكوره يا وطن

خليتوني احاتي اللي في سيلين
والجوالات ما تعلق :(

[فارس قطر]

اللهم إني اسألك خيرها، وخير ما فيها ، وخير ما أرسلت به وأعوذ بك من شرها وشر ما فيها وشر ما أرسلت به

[هذلان]

خليتوني احاتي اللي في سيلين
والجوالات ما تعلق :(

ايه الارسال مادري شفيه ، وصلت النت كل شوي تقطع .

بس ترى الوضع مش خطير للدرجه هذي :nice:

الموضوع بسيط برحمه رب العالمين


الله يذكرك بالشهاده فارس قطر

[جلمود]

عندنا صوت رعد وبرق وشير يمشي :telephone:

البرق من جبله

الضاهر بتجي مطره !

[هذلان]

لله الحمد . اخبار ربعي موثوقه

مطر في الناصريه و الخيسه و بردي في ام برجه شمال الخور

و حاليا برق و رعد في الوكره و عندنا في سيلين هوى قوي قوي و ان شاء الله المطر وراه

[جلمود]

يالربع حلبه حلبه قويه وبرق :telephone:

خفس خفس بيجينه :eek5:


الله يستر :weeping:

[عليان قطر]

اليوم الخميس
ونحن في منتصف الليل

بدأ الفلم الان
اللهم احفظنا واحظ بلادنا

[بوخالد2]

حاليا امطار قويه وبردي وهواء قوي في الشمال

[Mozanee]

ما قصر هذلان

[هذلان]

طقييييييق :nice:

حاليا انا رديت البيت (شمال)
وخلينا سيلين :secret:

هوى طيرنا وبصراحه طلعت ابي اغسل يدي بعد العشى تحسفت .

[بوحارب]

وعليكم السلام والرحمه

تسلم هذلان وبيض الله وجهك

[STAR]

بكره بعد الجو بارد وممطر؟‏!‏

[هذلان]

وعليكم السلام والرحمه

تسلم هذلان وبيض الله وجهك

وجهك ابيض يابوحارب .. بشرني عن التانكي عساه متروس ماي .

[بوحارب]

وجهك ابيض يابوحارب .. بشرني عن التانكي عساه متروس ماي .

اكيد متروس لانه التانكي هذا هو تموييل العنه كاااااااامله ههههههههههههههه

[هذلان]

بكره بعد الجو بارد وممطر؟‏!‏

الله كريم . اهم شي الهوى و الي يجي من الله حياه الله

[هذلان]

اكيد متروس لانه التانكي هذا هو تموييل العنه كاااااااامله ههههههههههههههه

هههههه اشوى لو فاظي كان الوعد عند اول طوفه في ام صلال محمد :nice:

[بوحارب]

السلام عليكم

شحالك يالعود؟

بشر شخبار الجو هاليومين الجايين

لأني بغسل موتري في البيت وفي نفس الوقت متردد من المطر

خبرك مب شي تغسل وتتعب

وشوي الا المطر مخرب الغسيل عليك هههههه

!

[بوخالد911]

هلوو

امس كنت بالعنه بسيلين

والله اعتفسنا

هووى قوووي

بغيت اروح المطبخ

ولا حلجي انترس رمل



وع الساعة 12
طق مطرر خفيف

وبعدين زااااد



ولما عودنا
وع الخط امسيعييد - الوكرة
جتنا حلبة
صج عجييبة
قوووية

[هذلان]

السلام عليكم

شحالك يالعود؟

بشر شخبار الجو هاليومين الجايين

لأني بغسل موتري في البيت وفي نفس الوقت متردد من المطر

خبرك مب شي تغسل وتتعب

وشوي الا المطر مخرب الغسيل عليك هههههه

!

دام الغسيل في البيت مافيه مشاكل . نشجع المنتج الوطني .

بكره هوى لين بعد العصر يخف شوس و عقب يرد يزيد لين الاثنين . هذا و العلم عند الله

[بوخالد911]

السلام عليكم

شحالك يالعود؟

بشر شخبار الجو هاليومين الجايين

لأني بغسل موتري في البيت وفي نفس الوقت متردد من المطر

خبرك مب شي تغسل وتتعب

وشوي الا المطر مخرب الغسيل عليك هههههه

!


الحبيب

بجييب موترري
وغسله

وبعطييك 8 ريال
:nice:

تحياتي قبل ان تغسل سيارتي

:tease:

[بوحارب]

دام الغسيل في البيت مافيه مشاكل . نشجع المنتج الوطني .

بكره هوى لين بعد العصر يخف شوس و عقب يرد يزيد لين الاثنين . هذا و العلم عند الله

احلى شي غسيل البيت

تتفنن على كيفك وانت تغسل :)


مشكور يالعود ولاهنت على المعلومة :victory:

[هذلان]

هلوو
امس كنت بالعنه بسيلين
والله اعتفسنا
هووى قوووي
بغيت اروح المطبخ
ولا حلجي انترس رمل
وع الساعة 12
طق مطرر خفيف
وبعدين زااااد
ولما عودنا
وع الخط امسيعييد - الوكرة
جتنا حلبة
صج عجييبة
قوووية



على حسب موقع العنه .. اذا في ذرى طعوس امركم هين . اما نفسنا مكشوفين صوب المضمار ،، حركنا والله لان الوضع كان خطر . خيمه ام حدايد ٦ في ٨ ارتفعت من طرف .

حركت مناك ١٠ و شي و عالم كانو طالعين من سيلين .

و علا كلام واحد من الربع في عنه ثانيه يقول استمر علينا حلبه بعد ١٢ يمكن ربع ساعه بس مطره طيبه و عقب بردي

تحملو من البرد تراه يقرص و في العضم على طول :rolleyes2: