كيوتل تكشف النقاب عن الخدمة "الشهري كونترول" الرائدة

[احب قطر]

باقة واحدة تقدم أفضل ما في خدمتي "الشهري" و"هلا"

الدوحة، قطــر

رغبة منها في أن يستفيد العملاء من أفضل ما في خدمتي "الشهري" و"هلا"، أطلقت كيوتل اليوم أحدث خدماتها وهي خدمة "الشهري كونترول"، التي تتضمن أقوى وأفضل المميزات الموجودة في خدمتي الاتصالات المتنقلة آجلة الدفع ومسبقة الدفع.

فمع خدمة "الشهري كونترول" سيتمكن العملاء من الاستفادة من أفضل تعرفه للمكالمات المحلية والدولية والرسائل القصيرة وتنزيل البيانات. وبالإضافة إلى ذلك، سيتمكنون من التحكم في تكلفة الاتصالات عن طريق إعادة تعبئة الرصيد، كما هو مطبق في خدمة "هلا" للاتصالات مسبقة الدفع.

مع خدمة "الشهري كنترول" سوف يدفع العملاء في كل شهر 200 ر.ق ومقابل ذلك سوف يحصلون على رصيد بقيمة بنفس القيمة، لاستخدامها في إجراء المكالمات الدولية والمحلية وإرسال الرسائل القصيرة وتنزيل البيانات، وعندما يستنفذ هذا الرصيد يستطيع المشتركين تعبئة رصيدهم من خلال شحن بطاقات "هلا" أو من خلال أجهزة كيوتل للخدمة الذاتية أو القسائم الإليكترونية. ويتسلم العملاء فاتورة شهرية مفصلة تبين جميع تكاليف الاتصالات التي يجرونها كما هو الحال مع عملاء خدمة "الشهري"، علاوة على الاطمئنان إلى أن إنفاقهم لن يتجاوز 200 ر.ق. ما لم يقوموا بإعادة تعبئة رصيدهم.

ويقول عادل المطوع، المدير التنفيذي لمجموعة الاتصال والعلاقات في كيوتل: "بعد القيام بأبحاث مفصلة، أدركنا وجود جزء كبير من العملاء ممن يرغبون في الاستفادة من مميزات خدمة الاتصالات مسبقة الدفع، مع القدرة على الاستفادة من فوائد الخدمة آجلة الدفع. ولأن من أهداف كيوتل الأساسية تلبية احتياجات جميع الأفراد في قطر، عملنا على وضع حل "الشهري كونترول"، الذي نقدم من خلاله للناس أفضل ما في الخدمتين".

فلكي توفي كيوتل بوعدها الذي قطعته على نفسها مع بداية عام جديد "لإثراء حياة" العملاء، يصبح توفير باقات خدمات متميزة ومتنوعة تناسب جميع الرغبات أمرا لازما للفوز برضائهم.


ويتمتع عملاء خدمة "الشهري كونترول" بتعرفة اتصالات ثابتة تبلغ 0,35 ر.ق. للدقيقة خلال أوقات الذروة، وبتكلفة 0,30 ر.ق. للدقيقة في غير أوقات الذروة. وإن لم يتمكن العميل من استنفاذ رصيد 200 ر.ق. خلال الشهر، يتم إضافة الرصيد المتبقي لأرصدته القادمة بدون أن تفقد صلاحيتها، حرصاً على أن يحصل الناس على القيمة الكاملة لمالهم.

وإضافة إلى تعرفة الاتصالات الثابتة، ستتضمن خدمة الشهري كونترول جميع العروض الخاصة بالهاتف الجوال على كيوتل، بما في ذلك عرض الاتصالات الدولية بقيمة 55 درهم للدقيقة الواحدة.

ويقول إيان دنش، المدير التنفيذي لخدمات المشتركين في كيوتل: "تأتي خدمة "الشهري كنترول" الجديدة لتقدم خياراً جديداً لعملاء الهاتف الجوال من كيوتل، وذلك مع توافر باقات الشهري القيمة الأربع، والتي تقدم خيارات عديدة تناسب احتياجات السوق في قطر على اختلاف شرائحه. كما تتوافر أيضاً باقة الشهري الأساسية، إضافة إلى خدمة هلا مسبقة الدفع."

ومع طرح خدمة "الشهري كونترول" في قطر، تصبح كيوتل واحدة من أكبر مزودي خدمات الاتصالات الذين يوفرون أوسع نطاق من خيارات الأسعار والخدمات في الشرق الأوسط. عملاً منها على ضمان تلبية متطلباتهم واحتياجاتهم اليومية.

ويدعم جميع الخيارات التي توفرها كيوتل للجمهور في قطر أكثر شبكات الاتصالات تطوراً وموثوقية، والتي تضمن أن يتواصل العملاء مع أحبائهم وقتما أرادوا، دون انقطاع الاتصالات أو عدم القدرة على تمرير المكالمات.

ويمكن لعملاء خدمة الشهري الحاليين أن يقوموا بالاتصال بالرقم 111 للاشتراك في خدمة "الشهري كونترول" الجديدة، أما عملاء خدمة هلا الحاليين أو العملاء الجدد، فيمكنهم زيارة أي من مراكز كيوتل للاشتراك في الخدمة.

[يراعٌ فراتي]

حلوة الخدمة

يمكن بحول من شهري الى كنترول

ونشوف الفرق

[سوق واقف]

كله خرابيط والله

[بو الجوري]

أوكي شالفرق بينه وبين الهلا :.. الاثنين تعبئه :.
واذا خلصت الميتين :.. شبيصير :.. عادي اتكلم والحساب عالفاتوره :.. والا شالسالفه :..
ليكون نفس نظام فليكسي ما فودافون ؟

يا ريت توضيح أكثر :..

[احب قطر]

أوكي شالفرق بينه وبين الهلا :.. الاثنين تعبئه :.
واذا خلصت الميتين :.. شبيصير :.. عادي اتكلم والحساب عالفاتوره :.. والا شالسالفه :..
ليكون نفس نظام فليكسي ما فودافون ؟

يا ريت توضيح أكثر :..

تدفع كل شهر 200 ريال واذا خلصت ال 200 تعبي من كرت هلا ...واذا زاد رصيد من ال 200 يتحول للشهر الجاي... وسعر المكالمة 30 و 35 درهم... وتجيك فواتير . للعلم ، لو عبيت هلا ب 200 ريال راح يعطيك رصيد اضافي 30 ريال.

[Qataryah]

المفروض يعملون طريقه افضل مثل حال شركات الاتصال السعودية وغيرها من الدول

البـــــــلاك بيري عن طريق شحن البطاقه مش فواتير نهب ونصب على العالم
ايش فرقت بين الهلا والكونترول !!! @@ غير الفواتير ؟!

[بو الجوري]

اللي فهمته من قرائتي للمقال مره ثانيه :..

هو إنه الخدمه الجديده تعتبر نفس الـ gsm العادي لكن مجبور تدفع 200 كل شهر :..
وإذا خلص الرصيد قبل لا يجي الشهر اللي عقبه :.. تقدر تعبي :.. نفس الـ هلا :..

ممممم يبيله تفكير ودراسه :.. ونسال مجرب ولا نسأل كيوتل :..

إن شاء الله يكون عرض حلو وفي صالح العميل :..

[بو الجوري]

مشكور أخوي احب قطر على التوضيح السريع :.. :)

عرفنا تعرفة المكالمات :.. وبالنسبه للـمسجات شلون ؟

[بو الجوري]

نسيت أسأل :.. عادي أنزل خدمة بلاك بيري عليه ؟

[Doha Land]

يارت حد من الشباب في كيوتل يشرح لنا الموضوع بشكل واضح ، وبعيد عن استخدام المصطلحات الاعلانية . .

مثلاً //

انا عندي شهري 300
وعندي هلا

شلون استفيد ؟

وسلامتكم

[الاستثمار]

الصراحه حركة نصب مالها داعي عيل الهلا ابرك

[fooz55]

خراااااااااااابيط .. واقل شى الشهري فيها رقم مجاني .. والفرق 75 ريال
العميال في جميع الحالات .. خسران

[بو الجوري]

الصراحه حركة نصب مالها داعي عيل الهلا ابرك


بخصوص النصب :.. لا تحط في ذمتك للحين ما ندري :.. :nice:

وبخصوص ان الـ هلا أبرك :.. أكيد لأ :.. لأن دقيقة الـ هلا بـ 50 درهم مادري 55 :.. يعني أغلى :.. :)

[المشط]

الحين هذا عرض يـــ كيوتل

لما اشوف عروض الشركات السعوديه انقهر

[كازانوفا]

واااااااااو ينحول الموضوع لحصة رياضيات
والا ايش رائكم ؟؟؟؟؟؟؟؟؟؟؟

[زنجبيل]

اي احد يجرب

بيشرح لنا تجربته عقب

[م. عبدالعزيز]

يعطيك العافيه اخوي احب قطر.. وننتظر التفاصيل اكثر على الموقع الرسمي لكيوتل

[م. عبدالعزيز]

اخوي احب قطر اللي فهمته انه هذي مثل كرت هلا بس بأسعار الشهري.. يصير احول رصيد من هلا للشهري كونترول 200 ريال؟

ويصير اضيف خدمه البلاك بيري وتنخصم من ال200 ريال ؟ ولا هال200 بس للاستخدام؟

[شيط ويط]

اتصلت عليهم من اشوي 111 قالوا لي من بكره يبتدي العرض وبكره بنرد على استفساراتكم بهالخصوص

[احب قطر]

مشكور أخوي احب قطر على التوضيح السريع :.. :)

عرفنا تعرفة المكالمات :.. وبالنسبه للـمسجات شلون ؟

نفس تكلفة الشهري

[احب قطر]

نسيت أسأل :.. عادي أنزل خدمة بلاك بيري عليه ؟

بااقات الانترنت والبلاكبيري لحد الان مش متوفرة على الشهري كنترول...راح تكون متوفرة في الاشهر القادمة. بس طبعا تقدر تتصفح الانترنت .

[احب قطر]

يارت حد من الشباب في كيوتل يشرح لنا الموضوع بشكل واضح ، وبعيد عن استخدام المصطلحات الاعلانية . .

مثلاً //

انا عندي شهري 300
وعندي هلا

شلون استفيد ؟

وسلامتكم

انت اليوم كعميل عندك خيارات كثيرة وتختار اللي يناسب احتياجك ، يعني مثلا ، انت ممكن في رقم معين تكلمه دايما وعندك مكالمات كثيرة فشوف الباقة اللي تناسبك واستعملها ، ومثلا عندك كرت هلا مخليه احتياط ماتستعمله وايد فخله مثل ماهو ، وممكن انت تبي استخدامك في الشهر مايزيد على حد معين ، فتاخذ لك شهري كنترول وكل شهر تدفع 200 ريال واي شي زيادة تعبي فيه ، وتجيك اخر الشهر فاتورة تفصيلية وبعدين سعر الدقايق ارخص لك.

[احب قطر]

اخوي احب قطر اللي فهمته انه هذي مثل كرت هلا بس بأسعار الشهري.. يصير احول رصيد من هلا للشهري كونترول 200 ريال؟

ويصير اضيف خدمه البلاك بيري وتنخصم من ال200 ريال ؟ ولا هال200 بس للاستخدام؟

لم تحول الى شهري كنترول راح يدخل المبلغ في حسابك، والبلاك بيري لحد الان مش متوفر...راح يتوفر في الاشهر القليلة القادمة.

[رذاذ]

سؤال يطرح نفسه الحين 2000 دقيقه الى عندي بالباقة الشهرية 575 راح تتم موجوده ولا لا ..؟

هل يعني راح ادفع 575 كل شهر + 200
ولا بيكون 200 ريال مع الدقائق المجانية الى دفعت حقها الشهر الى طاف .!!

صراحه الواحد احتار وربي مب عارف شالحل ولا هو فاهم يدفع فلوس لجل شنو.؟ 575 ولا 200

[احب قطر]

سؤال يطرح نفسه الحين 2000 دقيقه الى عندي بالباقة الشهرية 575 راح تتم موجوده ولا لا ..؟

هل يعني راح ادفع 575 كل شهر + 200
ولا بيكون 200 ريال مع الدقائق المجانية الى دفعت حقها الشهر الى طاف .!!

صراحه الواحد احتار وربي مب عارف شالحل ولا هو فاهم يدفع فلوس لجل شنو.؟ 575 ولا 200

طويل العمر .. مثلا انت اليوم تبي تشتري سيارة ...عندك فور ويل وعندك صالون...اذا تروح البر وايد راح تاخذ لك فور ويل واذا ماتروح بتاخذ لك صالون واذا عندك عيال بتاخذ شي.. القصد ان في خيارات والافضل انك تختار اللي يناسبك ، مثلا 575 تطلع عليك الدقيقة 29 درهم ومسجات وانترنت وام ام اس ورقم مجاني ، هل تحتاج هذا كله ؟ واذا ماتحتاجه اشكثر استعمالك ، وهل تحتاج ان يكون عندك حد معين كل شهر...احسبها وفي النهاية خذ اللي يناسبك.

[العقل الحر]

اخوي احب قطر الخدمه مش واضحه ومفهومه

وبخصوص المكالمات الدوليه في الخدمه الجديده كم بيكون سعرها ؟ (( طول السنه )) بدون عروض ؟

الصراحه انا ماستخدم اي شي في الجوال الى رسايل ومكالمات محليه ودوليه

والي ذابحني الدولي

[احب قطر]

اخوي احب قطر الخدمه مش واضحه ومفهومه

وبخصوص المكالمات الدوليه في الخدمه الجديده كم بيكون سعرها ؟ (( طول السنه )) بدون عروض ؟

الصراحه انا ماستخدم اي شي في الجوال الى رسايل ومكالمات محليه ودوليه

والي ذابحني الدولي

المكالمات الدولية راح تحسب مثل الشهري ، بس اذا كنت تستعمل مكالمات دولية وتبغي توفر عندك طريقتين بس الطريقة الثانية ماتقدر تسويها مع الشهري كنترول :
1. http://www.qtel.qa/Dawli.do?trans=ar&null
2.http://www.qtel.qa/IntlMinPack.do?trans=ar&null

وعندك الاهل والاصدقاء وتقدر تستعملها مع الشهري كنترول :
http://www.qtel.qa/Friends.do

[م. عبدالعزيز]

شباب انا بعطيكم الزبده اللي فهمته والله اعلم

الاشتراك يعطونك 200 ريال رصيد تستخدمونه على حسب السعر الدقيقه 0.35 درهم وجي.. يعني نفس اسعار الشهري العاديه بالضبط.. واذا خلص خلاص ماتقدر تتصل الا لما تعبي كرت هلا وجذي.. لين الشهر اللي عقبه ينزل لك رصيد جديد بقيمه 200 ريال..

الخدمه تشبه فودافون بس بطريقة ثانيه

[العقل الحر]

المكالمات الدولية راح تحسب مثل الشهري ، بس اذا كنت تستعمل مكالمات دولية وتبغي توفر عندك طريقتين بس الطريقة الثانية ماتقدر تسويها مع الشهري كنترول :
1. http://www.qtel.qa/dawli.do?trans=ar&null
2.http://www.qtel.qa/intlminpack.do?trans=ar&null

وعندك الاهل والاصدقاء وتقدر تستعملها مع الشهري كنترول :
http://www.qtel.qa/friends.do

اخوي احب قطر

شلون تحسب مثل الشهري ؟ على اي خدمه هذي ؟ وهل تحسب طول السنه بدون العروض ؟

الصراحه البطاقات الدوليه ماتنفع كلش ..... مايسوى على الواحد يجمع كروت وانا مشترك في خدمه الشهري علشان افتك من كروت هلا اروح اشتري الدولي !!

وانا اصلا مشترك في خدمه الاهل والاصدقاء بس ماتنفع !! ليش ماعندكم خدمه اقوى مثل (( الزوجه والاخ )) مجرد اقتراح ويتم خصم كبير عليها او حسابها مثل مكالمه محليه مثل اغلب الدول لانه الزوجه والاخ اقرباء درجه اولى والاهل والاصدقاء بعيد شوي يعني ادفع اكثر

وشاكر لك تعاونك

[بوحمد2]

المفروض يعملون طريقه افضل مثل حال شركات الاتصال السعودية وغيرها من الدول

البـــــــلاك بيري عن طريق شحن البطاقه مش فواتير نهب ونصب على العالم
ايش فرقت بين الهلا والكونترول !!! @@ غير الفواتير ؟!

والله لوما فودافون موجوده والا ماتشوفون اي خصم او عروض من كيوتل ولاكن اقلك ياكيوتل انا طلقتك وبالثلاث بعد

[احب قطر]

والله لوما فودافون موجوده والا ماتشوفون اي خصم او عروض من كيوتل ولاكن اقلك ياكيوتل انا طلقتك وبالثلاث بعد

عندي مثالين لخصومات قبل لاتنزل فودافون وكان في غيرها كثير (ولاتجعلوا الله عرضة لايمانكم)
1. رمضان العام كان خصم 50% عالمكالمات.
2.رمضان من سنتين سووا عرض المكالمات من هلا او الشهري 20 درهم للدقيقة.

[عاشق فودافون]

السلااااام عليكم ورحمة الله وبركاته..

عرض تقريبا حلو ويتيح الخيارات للعميل في طريقة الدفع الي تريحه وتناسبه..

العرض جدا وااضح حسب مافهمت من الموضوع واتمنى اذا عندي معلومه غلط تقولونها

العرض ان العميل يدفع 200 ريال شهريا ويحصل على 200 ريال رصيد

ويتم استخدام الرصيد للاتصالات المحليه وال اس ام اس والوسائط وخدمة البيانات بمجرد ماتخلص ال 200 ريال الي فرصيدك قبل حلول نهاية الشهر تتم تعبي بكرت هلا عشان استخدامك الى ان ياتي الشهر الي بعده وتتم اضافه مبلغ 200 ريال ويتم استلااام فوااتير مفصله..

لكن عندي سوالين...؟

الاول.. كم رااح تكون تعرفه المكالمة من الشهر كونترول الى فودافون ؟؟

الثاني .. كيف سيتم احتساااب تعرفة البلاك بيري ؟؟

ومشكور اخووي العزيز على الموضوع وعرض نوعا ما حلو

تحياااتي

عاااشق فوداافون

[ماريسا]

لحين ما فهمت الفرق بينه و بين هلا

[م. عبدالعزيز]

هلا اخوي عاشق اسمحلي بجاوب عالاسئلة طالما بعضهم انذكر ..

الاول.. كم رااح تكون تعرفه المكالمة من الشهر كونترول الى فودافون ؟؟
تنحسب ب55 درهم للدقيقه (السعر العادي)


الثاني .. كيف سيتم احتساااب تعرفة البلاك بيري ؟؟
حسب مافهمت انه مبدئيا بنفس السعر يعني ماله دخل بالرصيد 200 ..
وبعدين بالمستقبل بيخلونها ضمن الرصيد

دانتيل وردي

الاشتراك يعطونك 200 ريال رصيد تستخدمونه على حسب السعر الدقيقه 0.35 درهم وجي.. يعني نفس اسعار الشهري العاديه بالضبط.. واذا خلص خلاص ماتقدر تتصل الا لما تعبي كرت هلا وجذي.. لين الشهر اللي عقبه ينزل لك رصيد جديد بقيمه 200 ريال..

[STAR]

يعني مافيها رقم مجاني ودقايق ومسجات مجانية؟!‏
عيل الشهري بو ‏300‏ افضل

[عضو قديم]

الموضوع سهل ياجماعة
اشتراكك يعتبر شهري بس محدود ب200 ريال (ال200 ريال بتدفعها كل شهر)
اذا تعدت مكالماتك 200 ريال اهني كرتك يقلب من شهري الى هلا لان في الحالة العادية بيقطعون عنك الخدمة لا تقدر تتصل او تتصل اهني انت تقدر تعبي وتهلس على كيفك

على فكرة هالعرض موجود في السعودية من زمان

[ولد البوكوارة]

ابي اعرف شالفرق بين باقة الشهري كونترول و الشهري العادي او السنوي اذا الواحد اختار ان يكون اللمت لهم 200 ريال ؟!

في نظام الشهري كونترول اذا الواحد خلص رصيده بيقدر انه يعبي رصيده باستخدام كرت هلا ، اما في نظام الشهري العادي بيضطر انه يسدد الفاتوره ..

فهل هذا هو الفرق الوحيد ؟ ، ولا الشهري كونترول له مميزات زياده ؟!

[مضاد]

:rolleyes2:


كل عادة مع عروض ( معضلات) كيوتل !!!.... وين الشاطر يجي يفهمنا ويحل الغز ..!؟؟؟

[البيرق]

لحد الان ما انتبهتو لشيء مهم
عروض فودافون وكيوتل ما نزلت سقف الاسعار الاساسية ولا بتنزل مثل دول الجوار ودول غير الجوار
فودافون عروضها قوية واطيب بكثير من كيوتل وخصوصا عرض المساهمين ولكن الاسعار الاساسية لسعر المكالمات مرتفع والانترنت وكذلك الرسايل
ننتظر شركة جديدة ترجع لاحتساب الثواني وتجعل الدقيقة بين 10 و20 درهم للدقيقة وبدون عروض بهلوانية وواضحة وسلة في اسعارها وثراها ربحانة بقوة ان اشتغلت لكن انتبهوا من يمنعها من ذلك ؟ !

[eXpert*]

سؤال : هل راح يتم توفير الرقم المجانيّ ؟؟

اذا نعم انا من بكرة مسجل في الخدمة :)

[بوحارب]

ولكن

لما اعبي كرتي الهلا ب 200 ريال احصل على 30 مجاناً

بس مع الشهري كنترول الدقيقة بتكون ب .35 درهم

مممممممممممممممم

بقعد افكر اعدل لأني واحد احب التوفير المربح خخخخخخخ

كيفي يه

[بوالفاروق]

مافي اقل من 200 ريال :nice:

المشكلة لو حاطين خدمة البلاك بيري من ضمن الـ200 ريال بيكون افضل :victory:

لانه سالفة ندفع اشتراك البلاك بيري وندفع حساب الشهري

شكراً لك

[م. عبدالعزيز]

لحد الان ما انتبهتو لشيء مهم
عروض فودافون وكيوتل ما نزلت سقف الاسعار الاساسية ولا بتنزل مثل دول الجوار ودول غير الجوار
فودافون عروضها قوية واطيب بكثير من كيوتل وخصوصا عرض المساهمين ولكن الاسعار الاساسية لسعر المكالمات مرتفع والانترنت وكذلك الرسايل
ننتظر شركة جديدة ترجع لاحتساب الثواني وتجعل الدقيقة بين 10 و20 درهم للدقيقة وبدون عروض بهلوانية وواضحة وسلة في اسعارها وثراها ربحانة بقوة ان اشتغلت لكن انتبهوا من يمنعها من ذلك ؟ !

اعتقد فودافون شافت انه من صالحها انه كيوتل تستخدم تسعيره الدقيقه بدل من الثانيه لانه هالشي يزيد من اربحاها.. علشان جذي تلاقي مكالمات دولية توصل لنص ريال.. لانه لو العميل اتصل لمده ثانيه وصكر بتكون ال50 درهم مضمونه.. ان شاء الله فودافون تغير سياسه النصب هذي وتبدأ في احتساب المكالمات بالثانيه

[الـقـاسـي]

اعتقد فودافون شافت انه من صالحها انه كيوتل تستخدم تسعيره الدقيقه بدل من الثانيه لانه هالشي يزيد من اربحاها.. علشان جذي تلاقي مكالمات دولية توصل لنص ريال.. لانه لو العميل اتصل لمده ثانيه وصكر بتكون ال50 درهم مضمونه.. ان شاء الله فودافون تغير سياسه النصب هذي وتبدأ في احتساب المكالمات بالثانيه

سبحان الله الحين فودافون صارة سياستها نصب وكيوتل صارت الشريفة العفيفة ..
كلهم نصابين على فكرة ..
كيوتل توجه عروضها للناس اللي عقولهم خارقة ليش تتعمد تكون عروضها مبهمة وغريبة والواحد محتاج ساعات يفكر ويحسب ويراجع عشان يفهم العرض ..

الحين اللي عنده كرت هلا راح يستخدم التعبئه او يدفعها في كيوتل كل شهر ..

[العنان]

والله السالفه كلها نصب في نصب من الاخر ،، انا صار لي فوق ال6 شهور محول كرت كيوتل من فاتوره الى هلا وحاسس بالفرق معاهم ولا بلاك بري ولا بلاك شر.

[ANONYMOUS]

:rolleyes2:


كل عادة مع عروض ( معضلات) كيوتل !!!.... وين الشاطر يجي يفهمنا ويحل الغز ..!؟؟؟


بالعكس العرض سهل مره

شوف العرض وركز معاي

http://www.andrewjobling.com.au/attachments/Image/Formula(1).jpg


شالصعوبه بالموضوع

غريبه كلنا فاهمين ماعدا انت

[ANONYMOUS]

اعتقد فودافون شافت انه من صالحها انه كيوتل تستخدم تسعيره الدقيقه بدل من الثانيه لانه هالشي يزيد من اربحاها.. علشان جذي تلاقي مكالمات دولية توصل لنص ريال.. لانه لو العميل اتصل لمده ثانيه وصكر بتكون ال50 درهم مضمونه.. ان شاء الله فودافون تغير سياسه النصب هذي وتبدأ في احتساب المكالمات بالثانيه

من باب اولى بنتكم " كيوتل" تترك هالسياسه.. وبعدين انتقدوا بنات الناس

[رذاذ]

شــصار جديد ع الموضوع يالربع انا مشترك بـ 575 اشتراك شهري ..
احول لـ 200 ولا السالفه نفس الشي مب فاهم الخدمه وموظف 111 للحين يقولي انتظر تنزل قوانين الخدمه.؟؟

[yousef545]

يالربع ابي افهم شي واحد بس

انا مشترك الشهري و عندي دقايق مجانيه و رسائل مجانيه و وسائط مجانيه و انترنت مجاني

طبعا كل الي ذكرتهم لهم لمت محدد

هالخدمات كلها موجوده في شهري كنترول ؟ ولا بس رصيد بو 200 و لي خلصت الرصيد

اروح الدكان اخذ كروت تعبئه على الحساب ؟

[م. عبدالعزيز]

سبحان الله الحين فودافون صارة سياستها نصب وكيوتل صارت الشريفة العفيفة ..
كلهم نصابين على فكرة ..
كيوتل توجه عروضها للناس اللي عقولهم خارقة ليش تتعمد تكون عروضها مبهمة وغريبة والواحد محتاج ساعات يفكر ويحسب ويراجع عشان يفهم العرض ..

الحين اللي عنده كرت هلا راح يستخدم التعبئه او يدفعها في كيوتل كل شهر ..
ممكن تقرا جملتي مره ثانيه؟ انا اللي اقصده النصب مو من الشركه، وانما من سياسه احتساب المكالمات بالدقيقه، وانا اتمنى من فودافون تغير هالسياسه (لانه كيوتل سنين وماشيه على هالطريقة وبتتم طول عمرها جي) وتبدأ تبادل مثل ماسوت لعروض المكالمات الدوليه !!!

ولا تنسى انه فودافون نفس كيوتل..

[NEMO]

كلمت كيوتل الحين عشان احط خدمة الشهري كنترول قالي الموظف ان الخدمة لوحطيتها بيقطعون خدمة لبلاك بيري لان مايصير الشهري كنترول يكون فيه بلاك بيري :

[الدوحي7]

كلمت كيوتل الحين عشان احط خدمة الشهري كنترول قالي الموظف ان الخدمة لوحطيتها بيقطعون خدمة لبلاك بيري لان مايصير الشهري كنترول يكون فيه بلاك بيري :

لان مايقدرون ينصبون عليك بهذه الطريقه فقالوا نلغى الخدمه معا الكنترول مالهم ههههه،،

[الخلاقي]

سبحان الله الحين فودافون صارة سياستها نصب وكيوتل صارت الشريفة العفيفة ..
كلهم نصابين على فكرة ..
كيوتل توجه عروضها للناس اللي عقولهم خارقة ليش تتعمد تكون عروضها مبهمة وغريبة والواحد محتاج ساعات يفكر ويحسب ويراجع عشان يفهم العرض ..

الحين اللي عنده كرت هلا راح يستخدم التعبئه او يدفعها في كيوتل كل شهر ..





ههههههههههههههههههههههههههههه فجرتني من الضحك .... الحمدلله اني فاهم عرض الشهري وصدقت والله احس اني خارق لان كل ربعي لين اليوم ولا واحد عارف نظام الشهري كيف ههههههههههههههههههه

[مضاد]

بالعكس العرض سهل مره

شوف العرض وركز معاي

http://www.andrewjobling.com.au/attachments/Image/Formula(1).jpg


شالصعوبه بالموضوع

غريبه كلنا فاهمين ماعدا انت



اولا ...شكراً على الشرح , ولو انه مختصر .:confused:


ثانياً وثالثاً ورابعاً ............

يا خوي لاتلومنى كل يوم وثاني طالعين لنا كيوتل باسم جديد - موزاييك - شهري - نهري - ووووتعاااال...... نتف شعرك وانت تفكر ...لين تفهم عروضهم .
واخرها قال (كيوتل تكشف النقاب عن الخدمة الشهرية كونترول )

سترك يارب.. فيها كشف نقاب بعد , وهي بنقاب شينه , شلون بدون !!! الله يلطف بنا بس .

بعدين ضربتني الرقاله زود من كلمة ( كونترول ) ذكروني بنتائج الثانوية :looking:

[سيزن]

يالربع ابي افهم شي واحد بس

انا مشترك الشهري و عندي دقايق مجانيه و رسائل مجانيه و وسائط مجانيه و انترنت مجاني

طبعا كل الي ذكرتهم لهم لمت محدد

هالخدمات كلها موجوده في شهري كنترول ؟ ولا بس رصيد بو 200 و لي خلصت الرصيد

اروح الدكان اخذ كروت تعبئه على الحساب ؟


نصيحة .!

اشترك في الخدمة على عماها .

و لا تحاول تفهم , إذا فهمت بيقطعون عليك كل خطوط الاتصال .

[روميت]

الله المستعان !!!
:rolleyes2:

[احلام الدوحة]

الله يخلي الباقة الشهرية بو 200 عجيبه ومتحكم فيها عدل ههههههههههههههههه