اسعار السيارات في امريكا تقريبا نفس اسعار الدوحه...!!!

[Qt.1]

في ناس ايقولون ان الااسعار في امريكا وايد ارخيصه رخص التراب وانا اقول حق هالناس انتو غلطانين يمكن هالكلام من فتره بقول اي لكن الحين الوضع تغير السوق اهني تحسن بوايد عن قبل والااسعار صارت نفس الشي حتى اسعار السيارات حفظتهم من كثر مادور على المعارض اهني في امريكا...

يمكن اتحصل سياره ماشيه اشوي ونظيفه اي صح يمكن اتحصل سياره ماتنزل الخليج بعد بقول صح يمكن اتحصلها مخزنه بعد بقول صح لكن ان الااسعار ارخيصه كلش هالشي غلط يمكن ايكون فرق على بعض الموديلاات مش الكل طبعا لاا فئه معينه يعني لكن في ناس اتقول ان الااسعار طايحه كلش للاسف هالشي غلط بس حبيت اوضح هالنقطه.

[بويعقوب]

يعطيك العافيه

اخوي تقدر تشوف كم سعر الفكسار وارد امريكا 5700
موديل 2008 -2009

ولك جزيل الشكر

[hard to get]

بس ياخوي الناس تشتري السيارات من النت وتشحنها
والناس كلها تقول رخيصة

تقدر تعطينا مثال عن الموديلات اللي شفتها هناك وكم اسعارها؟

[مهاجر]

والله يالربع شفت بعض السيارات في البي ام فرق فالسعر بينا وبينهم
واللي حاب يدور يشوف في موقع

http://www.motors.ebay.com/

[زمن الغدر]

جمس غمارتين حجم 2500
موديل 2009 ماشي 10 الاف ميل
فول ابشن
واصل من امريكا ب77 الاف ريال
اقل شي هنا بالدوحه مكروف ماتحصله ب90 الف

[عـنيـد قـطـر]

صح كلامك السيارات في امريكا مو مثل الي يصورها بعض الناس بانها برخص تراب

يعني عندك البي ام وال بنتلي والجيب والدوج والبنز من الوكاله بس فيه فرق في السعر

بينما اتلاقيهم مستعملين بنفس اسعارنا ويمكن اغلا بعد

بس الشفر ليت والجمس والتويوتا والنيسان تقريبن نفس سعر قطر + الشحن +الجمارك

+اوراق المرور + والمخلص+التأمين يعني تطلع عليك اغلى

والي بيقولي باطلب سياره وباوفر فيها 20000 وتحت باقوله ما عندك سالفه

احسب انك بتاخذ السياره جاهزه وبظمانها يعني لازم فيه فرق

بالنسبه لشفرليت والبنز والبنتلي هاذول ظمانهم عالمي بشرط انك تاخذهم من الديلر

[Qt.1]

يعطيك العافيه

اخوي تقدر تشوف كم سعر الفكسار وارد امريكا 5700
موديل 2008 -2009

ولك جزيل الشكر

ان شاء الله تبشر اخوي اذا طلعت اليوم بمر وكالة التويوتا وبشيك.

[Qt.1]

بس ياخوي الناس تشتري السيارات من النت وتشحنها
والناس كلها تقول رخيصة

تقدر تعطينا مثال عن الموديلات اللي شفتها هناك وكم اسعارها؟

السيارات واجد وانا اخوك حدد لي شي معين

[Qt.1]

والله يالربع شفت بعض السيارات في البي ام فرق فالسعر بينا وبينهم
واللي حاب يدور يشوف في موقع

http://www.motors.ebay.com/

زين شيضمنك الموتر المعروض قدامك مهب من المواتر الي اغرقو وصلحوهم والاا الموتر مدعوم ومصلح والاامصبوغ رخص الموتر مايدل لى انه نظيف لازم اتشيك على كل شي.

[Qt.1]

صح كلامك السيارات في امريكا مو مثل الي يصورها بعض الناس بانها برخص تراب

يعني عندك البي ام وال بنتلي والجيب والدوج والبنز من الوكاله بس فيه فرق في السعر

بينما اتلاقيهم مستعملين بنفس اسعارنا ويمكن اغلا بعد

بس الشفر ليت والجمس والتويوتا والنيسان تقريبن نفس سعر قطر + الشحن +الجمارك

+اوراق المرور + والمخلص+التأمين يعني تطلع عليك اغلى

والي بيقولي باطلب سياره وباوفر فيها 20000 وتحت باقوله ما عندك سالفه

احسب انك بتاخذ السياره جاهزه وبظمانها يعني لازم فيه فرق

بالنسبه لشفرليت والبنز والبنتلي هاذول ظمانهم عالمي بشرط انك تاخذهم من الديلر

كفيت ووفيت

[Bro]

فكسار 2010 كم يكلف الشحن والتامين الخ..تقدر تساعدني يالطيب؟؟؟؟؟

[Qt.1]

فكسار 2010 كم يكلف الشحن والتامين الخ..تقدر تساعدني يالطيب؟؟؟؟؟

ان شاء الله انا بمر وكالة التويوتا لان اخونا يعقوب بعد يبغيني اشيك له اذا مريت باسال عن الااسعار وباذن الله بعطيكم خبر.

[KBcobra]

الله يوفقك يا الغالي

[ليث العرين]

امريكا 50 ولايه وأصغر ولايه يمكن شوي أصغر من قطر والأسعار فيها متفاوته... وجزاك الله خير عالتوضيح

[الأمبراطور]

في ناس ايقولون ان الااسعار في امريكا وايد ارخيصه رخص التراب وانا اقول حق هالناس انتو غلطانين يمكن هالكلام من فتره بقول اي لكن الحين الوضع تغير السوق اهني تحسن بوايد عن قبل والااسعار صارت نفس الشي حتى اسعار السيارات حفظتهم من كثر مادور على المعارض اهني في امريكا...

يمكن اتحصل سياره ماشيه اشوي ونظيفه اي صح يمكن اتحصل سياره ماتنزل الخليج بعد بقول صح يمكن اتحصلها مخزنه بعد بقول صح لكن ان الااسعار ارخيصه كلش هالشي غلط يمكن ايكون فرق على بعض الموديلاات مش الكل طبعا لاا فئه معينه يعني لكن في ناس اتقول ان الااسعار طايحه كلش للاسف هالشي غلط بس حبيت اوضح هالنقطه.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخوي ادخل وكيل المرسدس في امريكا واساله عن .فئةs...cl فرق 100000 ريال قاصره شوي.....افتح النت وادخل على موقعهم ودق على ناصر بن خالد
ثاني شي....شيك على سعر ال zr1الكورفيت........وشوف فرقية السعر 100000 قاصره شوي
وكل ذيه وتقولون مافي فرق في السعر
(على فكرة الي بيقولي...الصبغ غير...مواصفات غير كله كلام فاضي بالنسبه للموترين الي ذكرتهم)

[المحافظ]

السيارات في أمريكا بالذات النظيفة والماشية شوي سعرها مب رخيص ، و ماتسوى أن الواحد يتعنى ويطلبها ، أيضا ما يكون عليها ضمان في الدوحة مع الأخذ بالاعتبار فرق المواصفات لان مواصفاتها حق البلاد الباردة ، إلا إذا كانت في الولايات الجنوبية (تكساس ، أريزونا ، فلوريدا ، ... الخ)

ولكن احيانا تكون هالسيارات مكنسلة او مسروقة و يبيعها التأمين ، او مر عليها طوفان وغيره ، طبعا لما الواحد يشتري لازم يشيك على تاريخ السيارة وهذا ممكن عن طريق شراء تقرير تاريخ السيارة من مواقع مثل:
http://www.carfax.com/

http://www.autocheck.com/?nf=3&nf=4&siteID=0&WT.mc_id=0

طبعا قبل الشراء لازم تشوف حد يفحص السيارة ، فيه شركة تفحص السيارة في اي مكان بس لازم يكون عندهم وقت حوالي 3 ايام احيانا ، مثل شركة http://www.carchex.com/

وبعد ما تكون راضي على السعر و حالة السيارة لازم تشوف شركة شحن تنقلها إلى الميناء وبعدين إلى الدوحة ، وكل هالسالفة تكلف ، بصراحة إذا ماكان الفرق وايد ترى الدعوة ماتسوى ، طبعا لو عندك شخص هناك بيسهل عليك الموضوع وايد.

في دبي مثلا نادرا فيه سيارات وارد امريكا في المعارض ، لكن لازم الواحد يتأكد من تاريخ السيارة عن طريق الانترنت.

إن شاء الله يكون هالموضوع مفيد ،،،

[عـنيـد قـطـر]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخوي ادخل وكيل المرسدس في امريكا واساله عن .فئةs...cl فرق 100000 ريال قاصره شوي.....افتح النت وادخل على موقعهم ودق على ناصر بن خالد
ثاني شي....شيك على سعر ال zr1الكورفيت........وشوف فرقية السعر 100000 قاصره شوي
وكل ذيه وتقولون مافي فرق في السعر
(على فكرة الي بيقولي...الصبغ غير...مواصفات غير كله كلام فاضي بالنسبه للموترين الي ذكرتهم)


اخوي صح كلامك والفرق يمكن اكثر من 100000 والبنتلي بعد نفس الشي

والمواصفات بعد صح كلامك نفس المواصفات بالضبط اذا مهوب احسن منا

اول شي مستحيل الديلر الي في امريكا يبيعك سياره وانت في قطر لانه بينه وبين الوكاله

عندنا عقد فلازم واحد يكون في امريكا يشتري السياره من الديلر وبعدين يشحنها لك

هاذي بروحها سالفه يعني هاي الريال يبي عموله واذا شريتها مثلن من الاي باي

اول شي ياخذونه عليك شي اسمه بيبر وورك وهاذي اتراوح بين 100 و800 دولار

ثاني شي الشحن من الولايه لين الميناء الي بيجيب السياره لدوحه وهاي بعد بتدفع

+ تأمين السياره في المركب الي بيجيبها + الشحن وبعد اسبوعين لين شهر ونص

بتوصل سيارتك بعدين عندك الجمارك 6% من قيمة السياره :rolleyes2: +المخلص من 400 لين 1000 ريال بعدين المرور + التأمين

وبتروح الوكاله وبتفتح لها شي يسمونه ملف ظمان قصه ثانيه مادري عن الzr1 بس الzo6 فتحته لها ب 4000 وخريده + بتقلب الموتر بالكيلو متر الشاشه والقيج يبيلك

برمجه انا تمت سيارتي في الوكاله شهر ونص لين ركبو لي القيج وبرمجوها عالكيلو متر

ب 3000 وشي وانا جبت القيجات من عندي

المواتر من امريكا ارخيصه صح بس قبل الحين الامريكان اعرفوا الطبخه وقاموا يعرظون اكثر شي اون لاين لانه اتجيبلهم اكثر بهالطريقه ووايد تجار في الدول العربيه اييبون سيارات مسروقه من امريكا بنص السعر واقل وعندهم ناس هناك يشيلون بلاغات الانتربول على السياره وفيه سيارات مكنسله ويصلحونها تصليح ولا بن اكبر محترف يصيدها وطبعن برخيص
بس مايقدر يصرفها هناك فايصرفها برا عشان يرد راس ماله

شوف انت احسبها انا كتبتلك كل شي من a لي z وانت قرر وشوف كم بتوفر

ونصيحتي اذا تبي توفر وتاخذ سياره استخدام يعني مو للتجاره رووح امريكا بنفسك وبتشوف العجب

[المحافظ]

عقب عوار الراس ها كله .. هل فعلا الدعوة تسوى ؟

[عبدالله ح]

الرخيص عندهم اذا كانت مدعومه دعمه بسيطه او مخش
وثاني شي موصفاتهم حلوه ....

وهذا مواقع امريكا للتصدير
http://www.exporttrader.com


وتحياتي لكم