المساعد الشخصي الرقمي

مشاهدة النسخة كاملة : يقال ان أراضي روضة الحمام ( 4000 قسيمة )التي وزعت مؤخرا سحبت وستكون محميه


عليان قطر
01-02-2010, 10:47 PM
وان هناك مشروع تحت الدراسة سيكون عوض عنه
ومن المحتمل البدء فيه بعد 7 شهور من الان في شمال الروضه تقريبا


اريد التأكد من اهالي المنطقة

وهل الكلام صحيح
لأن الشارع القطري يتكلم عنه
واعتقد نسبة الكلام 80%


مع الشكر
restricted_1
01-02-2010, 10:52 PM
اذبحونا بالمشاريع هذي الي بهدلت العالم



ما أستبعد ان هالمشروع للجامعات التي من أولوياتها احتواء الأجانب
عليان قطر
01-02-2010, 10:53 PM
شوف من يحط القانون
وبتعرف
الوعد2016
01-02-2010, 11:01 PM
كل مره يصدر قرار من تحت لتحت على تعرف ردة الفعل للمواطنين وعندها يكون القرار نهائي
ام بخصوص المحميه فموظوعه قديم ويتجدد وفيه جزاء محدد قريب من روضه قريبه من حلبة الوسيل وموضحه في المخطط
واتمنى اذا كان هذا صحيح بان تتم اقالة من لم يقوم بتخطيط منطقه بديل وتكون جاهزه لمثل هذا القرار
كم اود ان اعرف اين ذهب تصريح رئيس مجلس الوزراء عن عدد الاراضي الكبير التى سوف يتم توزيعها
عليان قطر
01-02-2010, 11:04 PM
مدري يا اخوك
لكن الكل يتكلم

والشاهد

الكلام صحيح
eXpert*
01-02-2010, 11:34 PM
من سمع ليس كمن رآي

ننتظر ونشوف
الموضوعي
02-02-2010, 12:41 AM
كل شي يصير في قطر مانستغرب شي
البدع
02-02-2010, 12:43 AM
الله يستر
&بوشهد&
02-02-2010, 12:53 AM
الله لايقول
انا هناك ارضي من 2006 وللحين مافيها خدمات لكن شتقول
alqtri
02-02-2010, 12:58 AM
والله العظيم اذبحونا بهالمحميات ما اشوف منها فايده مادري وش فيها يعني الحين

لا بر نعرف نروح له ولا مكان نقدر نروح نتمشا فيه او نقنص فيه او شي

ماخلو مكان ماشبكوه وقالو ممنوع الصيد ومن هالكلام والحين صنيع الحميدي اشوفهم يشبكون من جنوب الصنيع

ماخلو شي للعالم والله وبعد كم سنه قطر كلها محميه لانعرف نروح مكان ولا شي نجلس في بيوتنا بس

الله يعينا والله :(
هذلان
02-02-2010, 01:07 AM
كل مره يصدر قرار من تحت لتحت على تعرف ردة الفعل للمواطنين وعندها يكون القرار نهائي
ام بخصوص المحميه فموظوعه قديم ويتجدد وفيه جزاء محدد قريب من روضه قريبه من حلبة الوسيل وموضحه في المخطط
واتمنى اذا كان هذا صحيح بان تتم اقالة من لم يقوم بتخطيط منطقه بديل وتكون جاهزه لمثل هذا القرار
كم اود ان اعرف اين ذهب تصريح رئيس مجلس الوزراء عن عدد الاراضي الكبير التى سوف يتم توزيعها

عاد هذا اسلوب
احساس غريب
02-02-2010, 03:21 AM
هذا اللي سمعته شخصيا لكن لحد الحين ماصار شي رسمي بخصوص هالموضوع واللي اعرفه ان انتهوا من تخطيط المنطقه وكان على وشك التوزيع بس دخلت البيئه ف الموضوع وقالوا انها راح تكون محميه وكنسلو المشروع بس ماصار شي اكيد لحد الحين..

واراضي روضة الحمامه اللي توزعت في 2006 في بعض الاراضي وصلتها خدمات مب كلها واللي يبي يتاكد اذا ارضه فيها خدمات والا لا يراجع برج اشغال ف الدور الرابع ويودي معاه سند الملكيه الاصلي ..
اسعاف
02-02-2010, 06:04 AM
يجعلوها محمية

اشدعوه نحن في جنوب افريقيا مليانيين خضرة وحيوانات سائبة

اراضينه معظمها بر ووحيواناتنا كم ارنب وكم ضب

اتركوا عنكم يالبيئة السوالف

واعتبروا الأنسان القطري اولى بالحماية والرعاية وتقديم الخدمات

وهو مقدم على الروض والارنب والضب
الخارجية
02-02-2010, 08:15 AM
سبحان الله
هدوء العاصفة
02-02-2010, 08:24 AM
وين البيئة عن تدمير البحر بالجزر الصناعية ؟ والا بس على الفقارة .. للعلم بس الشواطئ فيها الاف من الحيوانات والكائنات البحرية اللي ماتتعوض وتحتاج الى مئات السنين عشان ترجع مثل قبل (اذا رجعت) ويتسبب في انقراض الربيان
La Bella
02-02-2010, 08:25 AM
سبحان الله
الناس تنطر من 2006
والحين يبون ينطرونهم أكثر
خوووش تقدم والله
دلة الرسلان
02-02-2010, 08:40 AM
ياليتهم حموا الريان وريضان الرفاع من المدينه التعليميه !!

يالبيئه وين دوركم غير الحجز والشبوك ؟ ليش ما تزرعون السمر والعوسج في أماكنها

الطبيعيه وعلى مساحات واسعه ؟
موضي قطر
02-02-2010, 09:33 AM
والله العظيم اذبحونا بهالمحميات ما اشوف منها فايده مادري وش فيها يعني الحين

لا بر نعرف نروح له ولا مكان نقدر نروح نتمشا فيه او نقنص فيه او شي

ماخلو مكان ماشبكوه وقالو ممنوع الصيد ومن هالكلام والحين صنيع الحميدي اشوفهم يشبكون من جنوب الصنيع

ماخلو شي للعالم والله وبعد كم سنه قطر كلها محميه لانعرف نروح مكان ولا شي نجلس في بيوتنا بس
الله يعينا والله :(


يمكن لتشجيع المواطن على السفر:secret: ؟؟؟::omen2:
احساس شايب
02-02-2010, 11:56 AM
الله لا يقول ..

واللي يبني هناك وبيته قايم شيسوي مب كفاية اراضينا من 2006 وللحين مافيها خدامات وصابرين على امل يلتفتون لنا ويتكرمون ويهيئون هالمنطقة للكائن البشري

حرام هاللعبة والله ارحموا هالقطر ناس عندها عيال تبي تسكن وتستقر ..
هبة ريح
02-02-2010, 02:17 PM
المنطقة على حسب علمي ماوصلها التخطيط ومن فترة وهم يتكلمون عن انه بيسون محميه الله يعلم يمكن تكون مجرد اشاعه
الـقـاسـي
02-02-2010, 03:26 PM
والله القطريين اللي محتاجيين محمية عن لاينقرضون مب الحيوانات ..
قرارات فاشلة وكلها تخدم مصلحة شخصية اذا ماخاب ظني وزير البيئة كان عسكري قبل .. مدام الشخص المتخصص والمناسب مش فالمكان اللي من تخصصة فلاتتوقعون تطور البلاد ..
عضو المنتدى
02-02-2010, 04:05 PM
حسبنا الله ونعم الوكيل ولا حول والا قوة إلأ بالله

هالبلديه والتخطيط العمراني ذبحوا المواطنين القطريين .

ماعندهم شغله إلا بوضع قوانين ( المنع ) على القطريين .:anger1:

يعني ما يكفي عمليات الأزاله إلي رفعت إيجارات الفلل و المحلات التجارية

بنسبة 100% وأدت بهم لخساير كبيرة ولا هم يفكرون في حل هالمشكلة !!:anger1:

وهم ماخلوا مزارع ولا خلوا أرض في البر ولا خلوا محلات تجارية

حق المواطنين ماسحبوها منهم بالقوة وبالأزالة .

حتى الأراضي إلي منتظرينها المواطنين من سنين الحين سحبوها منهم .

بس شاطرين يقدمون تسهيلات وخدمات ومحلات تجارية

والأراضي شاسعه بألاف الكيلومترات حق ملاك بروة وأزدان وأعمال وديار ...:weeping:
عليان قطر
02-02-2010, 04:40 PM
الله لايقول
انا هناك ارضي من 2006 وللحين مافيها خدمات لكن شتقول

هل اتصلت يا الغالي في ادارة الاراضي ونزع الملكية
الشمالي111
02-02-2010, 06:19 PM
الله يكون في العون بس هل الكلام صحيح 100% ولا بس اشاعه
احساس شايب
02-02-2010, 11:29 PM
هل اتصلت يا الغالي في ادارة الاراضي ونزع الملكية

ممكن انا الي اجاوب لان عندي بيت هناك وقايم الدور الاول ..

اخي عليان الاراضي الي هناك بدون خدمات لا كهربا ولا ماي وراجعت اشغال الدور الرابع ( ادارة الطرق ) قالوا لي لحد الحين بلا خدمات وانصحك ماتبيني لان تو الناس عليها ومحد باني هناك .. بالله عليك هذا رد سند ملكية صادر من 2006 ولحد الحين منطقة بلا خدمات ..
توكلت على الله وبديت في البناء وقمت افتر ف المنطقة لقيت بالتقريب حول 20 فيلا وجميعها لم تجهز لان الاخوان في البلدية ما اسمحوا بالموافقة واعطاء رخصة بناء الا بشهر 5-2009 .
وبعدها الله يعينك على بنك التنمية وطلباتهم الي ماتخلص فيبيلك فهالمعمعه فترة بين اشغال وقسم المساحة وبنك التنمية فترة طويلة ويوم توصل لحد بنك التنمية يفر الشاشة ويقول ترى لك لين شهر 31-3 اذا ما استفدت من القرض بيروح عليك ويترحل قلت خلني اخلص اموري والله يحلها باختصار : ناس باردة مب هامها مصالح الناس ولا مشروع كبير مثل هذا الاراضي متخططة وجاهزة وماخذ سند ملكية من 2006 للحين ماصار فيها شي
عليان قطر
03-02-2010, 02:31 AM
مدري وش اقولك
بس
كان الله في العون
khaleeji
05-02-2010, 12:32 AM
سالت رجال يشتغل في التخطيط يقول الاراضي الي وزعوها 2006 مب ماخذينها
لكن الي خذوه اراضي كانت بتوزع قريبآ
بوفيصل
05-02-2010, 08:52 PM
الله كريم
Sharshooooor
06-02-2010, 03:43 AM
عن الاشاعات ياعليات ياراعي السوالف
عيب عليك تفتح موضوع تقول فيه هل او سمعت :nice:
واحد 11
06-02-2010, 11:40 PM
امر معيب حقيقة اذا فكروا بسحب الاراضي والمصيبة اكبر لو فعلوا ذلك ... لاادري مامعنى المحميات وهل هي اهم من الانسان نفسه الذي يجب توفير متطلباته وسبل راحته على حساب اراضي جرداء صخرية .... لا افهم حقيقة الاهتمام بها كبيئة وماهي البيئة اصلا ان كنا لانمتلك طبيعة تستحق تلك الاهتمام ... الغريب

المحميات او كما اسميها المستعمرات الجديدة ... بدأت تقتطع من ارضنا الصغيرة مساحات كبيرة دون فائدة او جدوى اقتصادية او بيئية او حتى اجتماعية .... تسوير اراضي وتركها للقوارض وجحافل النمل تدور فيها ويحرم على المواطن من الاستفادة منها او البناء عليها

اتمنى ان يكون الخبر اشاعة ... واتمنى كذلك ان تزال جميع المحميات
w.qatar
08-02-2010, 11:00 PM
لا أبشرگم مابيسحبون اراضي روضه الحمام المنطقه المقصوده تقع شمااال روضه الحمام اللي توزعت واصلا ماوزعوا الاراضي في هذي المنطقه كانت مجرد مشروع تقسيم اراضي تحت الدراسه وتكنسل لانه متعارض مع جنوب هالمحميه. مادري هالناس ليش ينشرون الاشعات ويخرعون خلق الله؟
سعادة الوزير
08-02-2010, 11:07 PM
عشان تعرفون ليش البرلمان "مجمد" من سنة 2005 والى الآن!

وأبشركم بان بعد ماتخلص كل هالمشاريع ، راح يعلن عن انشاء البرلمان!
سكرمر
08-02-2010, 11:21 PM
تخبــط
الصيـاد
08-02-2010, 11:58 PM
محمية يضحكوني الجماعة

عاد من كثر الفيلة ولا الزراف ولا وحيد القرن ولا حشائش السافانا

خلو العالم تسكن وعن هالخرابيط