المطبــــات ( مطب او فخ ) راحت فيها سياراتنـــا !!!!!!

[HIGHNESS]

بسم الله الرحمن الرحيم ...

ندخل في الموضوع مباشرة ...مثل ماالكل يعرف ان المطبات توضع امام البيوت والمدارس وغيرها لحماية اصحاب هذه الاماكن من السيارات والحوادث وغيرها ...
لكن لما يكون المطب ( فعلاً مطب ) ماله اي مقاييس او مواصفات ويكون مرتفع وعريض جداً وفي شوارع طولها 3 امتار مطبين كبار او ثلاثه من المسؤول عن هذه المشكلة ؟؟؟ وليش تم وضعها اساساً بهذه الطريقة ...؟؟ وكيف يتم السماح بوضعها في هذه الشوارع الصغيره جداً !!! كيف يسمح لأحدهم بإحاطة بيته بهذه الكمية من المطبات!! ... للأسف يوميا ً اسمع صوت ارتطام السيارات بهذه المطبات و نحن منهم !!!
هل من حقي الشكوى على من وضعها او المطالبه على الاقل بتعديلها بحيث تكون مواصفاتها مناسبة لمرور كل انواع المركبات عليها !! يعني مو مكفيتنا الحفر في الشوارع ..
اتمنى اقرا ارائكم ..

[نحول]

المطبة اذا كانت بدون ترخيص يتغرم صاحبها 12000

واعتقد في معايير وقياسات معينة للمطبات والله اعلم

[كازانوفا]

اذا البدليه هي اللى حاطه هذه المطبات بشارع طوله 3 امتار بيكون موصيين لانه بيكون واحد عزيز عليهم اللي ساكن بهذا الشارع
واضحه يا خوي مثل عين الشمس وما فيك تروح تشتكي
غير طريقك ابركلك لانه ليلهم طوووووووويل ما راح يسمعون لك

[الخارجية]

الله يعينكم لو تزورنا خريطيات أو ازغوي وبعدين راح اتهون عليك مصيبتك

[HIGHNESS]

المطبة اذا كانت بدون ترخيص يتغرم صاحبها 12000

واعتقد في معايير وقياسات معينة للمطبات والله اعلم

مليون في الميه مالها مواصفات او مقاييس لانها مطبات ضخمه .. وفي اماكن مالها داعي .. شكرا على مرورك

[HIGHNESS]

اذا البدليه هي اللى حاطه هذه المطبات بشارع طوله 3 امتار بيكون موصيين لانه بيكون واحد عزيز عليهم اللي ساكن بهذا الشارع
واضحه يا خوي مثل عين الشمس وما فيك تروح تشتكي
غير طريقك ابركلك لانه ليلهم طوووووووويل ما راح يسمعون لك

طيب اغير طريقي وين اروح اذا كل بيت حوله 4 او 5 مطبات .. ايش الهدف منها ؟؟ منظر غريب بصراحة !! شكرا على مرورك

[HIGHNESS]

الله يعينكم لو تزورنا خريطيات أو ازغوي وبعدين راح اتهون عليك مصيبتك

هذا اللي محيرني .. ليش مطبات بهالعدد وبالاحجام الغريبة ؟؟ وفي شوارع ضيقة وقصيرة !!..ماعتقد في احد بيتجاوز السرعة فيها ..مستحيل!!
شكرا على مرورك

[ممنوع اللمس]

تعالو الشحانيه الحين وربي يسمونها مدينة المطبات وربي الشارع لو مافيه 6 مطبات اطلع مافهم شي
وربي تعبنا عندي اوريون التعن خيرها من هالمطبات
انزين افرضو واحد عنده حالة طارئه يقعد كل دقيقه يمسك بريك والقهر ان المطبه كبيره لدرجه مو طبيعيه والله تعبنا وزهقنا شي يغث حتى الواحد مايقدر يتمشى كل دقيقه بريك انغثينا والله مانبي هالمطبات والله مانبيها :(
موضوع مميز

[HIGHNESS]

تعالو الشحانيه الحين وربي يسمونها مدينة المطبات وربي الشارع لو مافيه 6 مطبات اطلع مافهم شي
وربي تعبنا عندي اوريون التعن خيرها من هالمطبات
انزين افرضو واحد عنده حالة طارئه يقعد كل دقيقه يمسك بريك والقهر ان المطبه كبيره لدرجه مو طبيعيه والله تعبنا وزهقنا شي يغث حتى الواحد مايقدر يتمشى كل دقيقه بريك انغثينا والله مانبي هالمطبات والله مانبيها :(
موضوع مميز

فعلاً الحالات الطارئة نقطة مهمه !! :omg: على بالي بس منطقتنا .. طلعت وايد مناطق في الدوحة ... للأسف شي غير حضاري .. انا وغيري من المتضررين من هالمطبات بشكل كبير ويومي .. اعيد واكرر ليش هالمطبات بهالعدد الكبير وبدون مقاييس وفي كل مكان !! مابالغ لو قلت لكم كل مترين او ثلاثه مطب !! يعني اي واحد يقدم طلب عشان مطب يعطونه ؟؟ بدون مايكون فيه تخطيط ؟؟ شكراً على مرورك المميز

[ممنوع اللمس]

المصيبه اللي يطلبون مطبات كل ما حد اشتكى وكلموهم قالو نخاف على عيالنا الصغار
انزين ياخي انت ليش تطلع ولدك برا يلعب فالشارع؟ هذا اصلا غلط حتى لو في مطبه خطر عليه
كل من هب ودب قال ابي مطبه يعني شنو كشخه مثلا
انا قدام بيتي مافي مطبه ولا ابي يحطون
والله كل مسافه بسيطه مطبه ياليت بعد تاركين مساحه كل دقيقه بريك شي شي غريب مادري شسالفه وفي مطبات كبار لدرجه ما تتصور مو ناقص الا يجتمعون عليها الشباب ويطعسون :@

[snood]

صراحه ما في العالم كله مطبات مثل ما عندنا ما في شارع الا فيه مطبات

[HIGHNESS]

المصيبه اللي يطلبون مطبات كل ما حد اشتكى وكلموهم قالو نخاف على عيالنا الصغار
انزين ياخي انت ليش تطلع ولدك برا يلعب فالشارع؟ هذا اصلا غلط حتى لو في مطبه خطر عليه
كل من هب ودب قال ابي مطبه يعني شنو كشخه مثلا
انا قدام بيتي مافي مطبه ولا ابي يحطون
والله كل مسافه بسيطه مطبه ياليت بعد تاركين مساحه كل دقيقه بريك شي شي غريب مادري شسالفه وفي مطبات كبار لدرجه ما تتصور مو ناقص الا يجتمعون عليها الشباب ويطعسون ههههه :taunt::@

زين اليهال ضاق عليهم الحوش عشان يلعبون في الشوارع !! ..صدقني ماشوف يهال في الفريج .. السالفة بس تحكير ( مايبون حد يمر جنب بيتهم ) والدليل كل واحد محوط بيته بمطبات .. مو مشكلة يحطون مطبات بس بمقاييس مرتبه مو بهالطريقة

[شيزكيك]

الله يعينكم لو تزورنا خريطيات أو ازغوي وبعدين راح اتهون عليك مصيبتك

صاج اخوي احنا بيتنا في الخريطات بس الشارع من كل صوب فيه مطبات صج سيفتي

حق عيال الفريج بس ملل

[ليفربولي]

المطبات ازمه عندنا ... يعني اللي عنده صالون وبالذات من شركه عبد الغني تيوتا او لكزس صالون ومركب ناس معاه بتحك لو يمشي 5 .. وغير البريكات كل شوي .. يعني كل شهر تبدل سفايف وكلشات وصرفيه بترول وتاخيييييييييييييييير ..

والعذر يقولك عندي يهال في البيت .. اذا كل واحد عنده يهال في البيت حط مطبه او مثل ما يسون مطبتين .. يمكن ما تتحرك السياره .. وعلى كلام الاخ اللي اشتكى من الخريطيات .. صحيح كلامك بس مب بس الخريطيات... وعلى طاري الخريطيات شسالفه المطبات اللي على الشوارع العامه ؟؟ وخل نبدا بازغوى ..

- الشارع من بعد اشارات عيسى بن ربيعه وانت متجه شمال .. مطبتين عند مسجد .. يعني لا يهال ولا هم يحزنون .. والصلوات 5 .. و 3 منهم ما تلقى حد بالشارع .. يعني المطبات لصلاتين ..

- شارع معيذر من دوار ال شافي وانت متجه جنوب .. يمكن 7 مطبات مع ان المسافه من الدوار الى الدوار او الاشاره ما تجي 500 متر ..

- منطقه بني هاجر لو مشيت على الشارع الموازي لخط الشحانيه في المنطقه يمكن فيه 10 مطبات ..

- شارع معيذر التجاري يمكن فيه مليون مطبه ..

طبعا من اللي حط المطبات يخليك تتفهم .. اعرف السبب بطل العجب ..

تقبلوا تحياتي

[وطن]

اختي في ناس يسرعوون وايد حتى لو داخل الفريج والشارع ما يستحمل
فيضطرون الناس يحطون مطبات

بس المفروض تكون بمواصفات وقياسات معينه
عشان ماتضر السيارة ولا الركاب

احيانا نمر على مطبات حتى لو شوي شوي السيارة تحك
واحيانا ما تكون المطبات عليها علامات واضحه والسيارات تطير فوقها