إلى من يهمه الامر..اتقوا الله في عجايزنا

[هتـان قطر]

مشهد لا استطيع نسيانه والغفلة عنه ..حين رأته عيني الى الان

من تقريبا ثلاثة ايام تحديدا في الاول من فبراير كنت في أحد المجمعات الصغيرة

حيث يوجد فرع لاحد المصارف ..

المشهد..
سيدة كبيرة في السن وعاجزه بكل ما تحمله الكلمة من معنى ..في كرسي متحرك

تدفعه ابنتها..وخلفها خادمة تدفع سلندر الاكسجين المتصل بواير في انفها..

وتدخل الى المصرف..وعندي شك كبير ان المصرف مستدعيها علشان المبلغ

اللي يصرف من الضمان الاجتماعي..وبحث هذه الحالة..

ما ان دخلت العجوز ..حتى خرجت عجوز أخرى تمشي على عصى بالكاد تستطيع المشي

مشهد قطع قلبي وتمنيت اني اقدر اسوي شي لوقف تلك المهزلة..

ياااااالله ..الهذه الدرجة وصل بنا الامر..؟؟!!!

لماذا لا يتم ارسال باحثات الى منازل تلك الفئة ...؟

حرااام اللي قاعد يصير وياليت المبلغ يستاهل ..

اتمنى من الجهة المختصة انها تبحث في أمر هؤلاء المسكينات

وتوفير باحثات لارسالهن عند الحاجة الى منازل هؤلاء السيدات كبار السن..

لا اعرف بالضبط من المسؤول عن تلك الحالات واتمنى من لديه

وسيله لنقل هذه الرسالة الى المسؤولين ان لا يتوانى في ارسالها

" وما تقدموا من خير تجدوه عند الله هو خيرا وأعظم أجرا "

[إينشتاين]

سيدة كبيرة في السن وعاجزه بكل ما تحمله الكلمة من معنى ..في كرسي متحرك

تدفعه ابنتها..وخلفها خادمة تدفع سلندر الاكسجين المتصل بواير في انفها..

وتدخل الى المصرف..وعندي شك كبير ان المصرف مستدعيها علشان المبلغ

اللي يصرف من الضمان الاجتماعي..وبحث هذه الحالة..



أختي هتان قطر،، هل سألتي هذيلا العجايز عن سبب وجودهم في المصرف،، قد يكون سبب آخر غير الضمان الأجتماعي

[خوخه وحلو]

صباح الخير بلعكس الضمان الاجتماعي مايقصرون يجون البيت في حاله العجز انا امي الله يرحمها كانو يجونه البيت يعطيهم العافيه

[NEMO]

بغض النظر عن السبب اي كان لازم يوفرون موظفين وموظفات يروحون للشخص اللي تكون حالته مشابهه لهذي الحالات اللي ذكرتيها .....ولاشاطرين بس يوفرون موظفين يروحون للشخص في اي مكان هو فيه عشان يوقع بسسسسس على اوراق القرض :tease:

[موضي قطر]

اشكرك اختي على طرحك للموضوع وإن شاء المسؤولين عن الضمان الاجتماعي مايقصرون

[بـــــــنت النوخـّــــذه]

ترى بقولج اختي بعض العجايز فيج خير اتقولين لهم بروح عنج ولا بدزج بالكرسي000ترى بعضهم يحليلهم عندهم قوه وعزيمه ونشاط يحبون يمارسون كل شي بنفسهم 0000الله يطول بأعمارهم 0000 وفكره حلوه منج انهم يسوون خدمه لكبار السن للمنازل بس تدرين هالفكره صعبه وايد لان بها مسؤوليه لتوصيل المبلغ واستلام المبلغ 0000

انا اقول اهم شيئ يكون معاهم احد من عيالهم وبارينهم هذا الاهم اما منظرهم يابنت الحلال كلنا بنمر بهذي المرحله ^_^

[سهم بن سهم]

أختي هتان تعرفين وين المشكلة ؟ المشكلة تكمن في بعض العقليات المتحجرة من المسؤلين اللي يخترع له قوانين ماأنزل الله بها من سلطان من غير مرونة ويوم تقول له يقول لك قانون ؟؟!!!!

طيب قانون ماختلفنا على العين والراس بس القانون ماهو قران منزل من السما يا اخي :anger1:

شالمشكلة لو طلعت باحثة من البنك أوموظفة من الكستمر سيرفس في البنك للكشف على مثل هالحالات ؟
ليش يجرجرون العجايز والمرضى المقعدين للتوقيع على الاوراق في البنك ولماذا لايكلف البنك أحد موظفيه بالقيام بمثل هذه المهمه ؟

أليس البنك يرسل أحد الموظفين لبعض الهوامير للتوقيع على بعض الاوراق المهمة ؟
من أولى الهامور أم هذا المريض المقعد؟؟؟


دنيا عجيبه وناس أعجب

:anger1:

[بلوتنيوم]

يمكن كانوا يكتتبون بالشركة الجديدة:secret:
بس
المفروض يكون هناك تعامل خاص لكبار السن
وانا شاهدت في بعض البلدان هذي النوعية من التعامل
مثل الاماكن الترفيهية تعطي خصم لمن تجاوز الستين
50% على اسعار الدخول
الموصلات تعطي الاولوية في الجلوس لكبار السن
بعض اماكن الخدمات بالقانون يتم خدمة كبار السن اولا
يعني
محتاجين قوانين جديدة
يكون هدفها تكريم كبار السن وتسهيل حياتهم

[ام السعف]

من حيث الروح الإنسانية التي لمستها من اختي هتان اتفق معاها

بينما هناك امور لا يعملها الا من يعمل في المصارف هذه ،،
انتحال الشخصيات ،، و الخداع و الكذب و التلفيق امور كادت ان تؤدي
بمستقبل موظفات لا ذنب لهن إلا انهن يتعاملت بروح انسانية مع حالات مشابهة ،،

لذلك لابد ان نعلم اولا لما تواجدت هذه السيدة العجوز في هذا الفرع ،، ومن ثم
ننظر للموضوع نظرة متفحصة باحثة عن حلول لمثل هذه الحالات ،،

[هتـان قطر]

أختي هتان قطر،، هل سألتي هذيلا العجايز عن سبب وجودهم في المصرف،، قد يكون سبب آخر غير الضمان الأجتماعي

لا والله ما سألت احد لاني كنت في المجمع وما كانت عندي معاملة

ذاك الحين..لكن ان حصل وكانت عندي معاملة راح استفسر منهم عن هالحالات

[هتـان قطر]

صباح الخير بلعكس الضمان الاجتماعي مايقصرون يجون البيت في حاله العجز انا امي الله يرحمها كانو يجونه البيت يعطيهم العافيه


اذن شاللي جايبهم ..؟ وكان أول الشهر..!!!

[هتـان قطر]

بغض النظر عن السبب اي كان لازم يوفرون موظفين وموظفات يروحون للشخص اللي تكون حالته مشابهه لهذي الحالات اللي ذكرتيها .....ولاشاطرين بس يوفرون موظفين يروحون للشخص في اي مكان هو فيه عشان يوقع بسسسسس على اوراق القرض :tease:


هذا هو المطلوب..يعني اللي يشوف حالة المسكينة بوايراتها راح ينقهر

ومهما كانت الاسباب اللي خلتهم يستدعونها ما لهم اي عذر انهم

يجرجرون هالمسكينات علشان توقيع اوراق بمقدورهم انهم يروحون لها

البيت واخذ كل الاجراءات اللي يبونها

[هتـان قطر]

اشكرك اختي على طرحك للموضوع وإن شاء المسؤولين عن الضمان الاجتماعي مايقصرون


سواء كان الموضوع يخص الضمان الاجتماعي او المصرف نتمنى ينظرون

في حالة كبار السن ويدرسون الطريقة المناسبة اللي تريحهم بدل هالبهدلة والتسحب

[الدمعه]

انزين هالعجييز بدال ماتروح كل شهر البنك تسوي توكيل حق حد من عيالها يجيبه لها ..

جدتي الله يرحمها يوم تعبت سوت لي توكيل اجيبه لها كل شهر ..وارتاحت من ركبي الدرج

ونزلي من الدرج ..

[المها قطر]

مرحبا اختي هتان...اظن الجهة المسؤولة التي وضعتها الدولة مشكورة لهذة الفئة هي (العوين)
لان من يومين فية موضوع باختصاص العوين وان وضع لخدمة امهاتنا وجداتنا الله يخليهم
المفروض يكون هناك مكتب في كل مؤسسة وقطاع لمكتب العوين للمحتاجين لاي مساعدة واول ما يتصلون للعوين يجاوب موظف يا عونك ويشوف المشكلة ويجي الى السيارة ويخلص معاملة الناس الكبار بالسن والمعاقين
والعوين كلمة قطرية اصيلة متداولة سابقا يوم كانواالناس بخيرلان الكل يساعد الاخر الجار مع الجار كأنهم اهل
وانقرضت في هذة الفترة اللي يغلب عليها الانانية وحب التملك والله يرحمنا برحمتة

[هتـان قطر]

ترى بقولج اختي بعض العجايز فيج خير اتقولين لهم بروح عنج ولا بدزج بالكرسي000ترى بعضهم يحليلهم عندهم قوه وعزيمه ونشاط يحبون يمارسون كل شي بنفسهم 0000الله يطول بأعمارهم 0000 وفكره حلوه منج انهم يسوون خدمه لكبار السن للمنازل بس تدرين هالفكره صعبه وايد لان بها مسؤوليه لتوصيل المبلغ واستلام المبلغ 0000

انا اقول اهم شيئ يكون معاهم احد من عيالهم وبارينهم هذا الاهم اما منظرهم يابنت الحلال كلنا بنمر بهذي المرحله ^_^


ما اعتقد يابنت النوخذه ان اللي شفتهم يحسون باي نوع من انواع القوة

الا قمة الضعف والوهن..حتى اللي تمشي على عصا ..جايه بروحها

يالله يالله تمشي ..فيه كبار سن ولكن نشيطين هذولا ما عليهم لو يجون

لكن المقعدين اللي على كراسيهم لازم يشوفون لهم طريقة

الله يعينا اذا صرنا الى ما صاروا اليه..ان الله طول في عمارنا

مردنا بنكون مثلهم ويمكن اردى :(

[صليب الراي]

الحقيقة من الواجب ان يكون هناك حس إنساني لهؤلاء المراجعين وكبار السن
بفض النظر عن سبب وجوده ضمان اجتماعي او غيره من الامور
اتذكر لي صديق عزيز يعمل في بنك محلي إسلامي رأيته مرة خارج مبنى البنك على رصيف البنك واستغربت قلت عقب له شعندك كنت برا ً، احمر وجهه وهو مايحب حد يلاحظه واكتشفت انه كان يطلع برا يخلص معاملات شايب مايقدر يمشي ويرتب له كل شي من غير لايعرفه انما فقط ابتغاء الثواب ، أيضاً كان هناك معاملة اخرى فيها فلوس وتواقيع معينة لكن العميل كان مب حاضر وجاي بداله اخوه الأصغر ولما ساله عن اخوه قال مسوي عملية ومرقد بالمستشفى ، قال له الموظف أنا بروح لأخوك لين المستشفى ، وعطاه رقم الغرفه وراح له بالمسا وخلص له كل اموره ، على فكرة كل هالشغل يسويه من غير تعليمات من إدارة البنك ولا يدرون اصلا. عنه ، اقصد بنهاية كلامي ان هناك نماذج إيجابية ترفع الراس من شباب هالبلد ربي يكثر منهم

[الصريحه]

جزاك الله كل خير

[نحول]

أختي هتان قطر،، هل سألتي هذيلا العجايز عن سبب وجودهم في المصرف،، قد يكون سبب آخر غير الضمان الأجتماعي

:victory::victory:

[غزلان]

الله يكون في عونهم

ان شاء الله مب مقصرين وبيشوفون طريقه افضل