هام جداً وارجوا الدخول والمناقشة

[كيفي قطري]

موضوع انطرح العام الماضي ( من احد الاعضاء ) واليكم موضوعه

السلام عليكم
مادري شاقول عن هيئة التعليم العالي

والله باطين جبدي
انا مبتعث ولله الحمد .. عن طريق هيئة التعليم
المشكلة الي باتكلم عنها هي مشكلة البدلات
اولأً .. كوني طالب .. اعتقد ان يحق لي تذكرة سفر .. لكن انا الي شريت التذكرة وقالولي بنعوضك ولين اليوم ماشفت شئ ! صار لي اكثر من اسبوعين حالياً
بدل الكتب وبدل استعداد السفر الي تصرف قبل السفر عاده ، قالولي إذا وصلت طرش لنا صورة من ختم دخولك لباريس ، ثاني يوم طرشته ، ولين احين ماوصلت البدلات لحسابي !!
سكن باريس 3 ليالي علشان اخلص الاجراءات مع الملحق الثقافي قبل الانتقال إلى مدينة ثانية .. 3 ليالي في فندق على حسابي وهيئة التعليم ماتتكفل بشئ ( الفترة الي رايح فيها انا رأس السنه ) يعني الاسعار دبل الدبل !!!! انزين 3 ليالي انا مب جاي سياحة جاي اخلص اشغالي مع واجراءاتي مع الملحق الثقافي !! قلنا مو مشكلة .. على حسابنا ..
تذكرة القطار من باريس لين هالمدينة ، طبعاً ماراح تتكفل به هيئة التعليم .. وعلى حسابي
استعداد السفر من أ - ي ،، على حسابي .. ولا قالوا ياجاسم هاك 500 ريال اشتر فيها دلاغ يمكن تستبرد في الغربة تلبسه وتتذكرنا بالخير
حالياً انا في هالمدينة .. وكل شئ على حسابي .. والمشكلة ان كل شئ غالي .. والله العظيم هلكت وانا ادفع وهيئة التعليم مب حاسه في معاناتي
الله يعين بس
قلت افضفض لكم شوي لين يصرفون بدلاتي حسبي الله على بليسهم
انا داري باتصلهم مرة و2 و 3 و10 وباخسر مكالمات ... على ولا شئ .. شكلي بانطر شهرين بدون راتب ..


انا مابي منهم زياده على مستحقاتي ، الي ابيه بس سرعة انجاز المهام . وصرف المستحقات بأسرع وقت ، لأن الطالب في غربه ومحتاج اكثر من كونه في الدوحة وبين اهله واخوانه ..



( والكل تجاوب معاه والردود كانت قاسية على الهيئة ) بس انا بسأل الناس اللي ردوا على الاخ جاسم

هل انتوا عرفتوا الموضوع بالكامل وليش الاخ جاسم شراء التذكرة من حسابه وليش تأخرت بدلاته ومخصصاته الشهرية
اتمنى ان الاخ جاسم يرد على الموضوع

[كازانوفا]

ما في مشكله ضلك فضفض لنا لين يعطونك حقك ما في مشكله بنسمعلك اخوي
ربي يهونها عليك هذا اللى عندي

[كيفي قطري]

اخوي كازانوفا مب انا اللي عندي مشكله
انا ابي الناس اللي ردوا على الموضوع واولهم الاخ جاسم ( صاحب المشكله ) يشرح للناس ليش هالتاخير كله وكنت اتمنى ان اللي ردوا بسرعه وتفاعلوا مع الموضوع وبعضهم قام يسب ويهدد والمشكله انهم سمعوا من طرف واحد بس وهم ( صاحب المشكله ) .

[مروج قطر]

اخوي كل البدلات اللي قلت عنها بتنصرف لك و عادتا تنزل لك مع اول راتب راح ينزل لك
اما بخصوص السكن و التنقلات عادتا الملحق الثقافي غير مسئول عنها و ماتنصرف للطلبه
انا كنت طالبه بلندن و لا مره ضاعت علي اي مستحقات دامك واعي و تطالب بحقوقك

الله يسهل امورك اخوي لا تحاتي

[كيفي قطري]

اخواني الاعزاء الرجاء قراءة عنوان الموضوع
انا ابي اعيد النقاش وابي الاخ جاسم والاخوة اللي شاركوا يردون
لان الموضوع مش مثل انكتب لانه في اعتقادي الشخصي ان سبب التأخير ليس من هيئة التعليم
وانما من الطالب نفسه واتمنى انه يرد علي وكل الاخوان اللي ردوا على الموضوع بعد يشاركون فيه مره ثانية