لو كنتوا في محلي !!!!

[باريس]

السلام للجميع
عندي 360 سهم في المصرف الأسلامي وبعد اجتماع الجمعية العممومية للمصرف بيعطوني 252سهم مجاني...المجموع بيكون 612 سهم أخواني بأيش تنصحوني هل ابيعهم بعد مايكون سهم المصرف نازل وأرد أشتري فية... أو أخليهم...علمآ أني مش محتاج للمبلغ بس أبي أزيد في أرباحي

[كحيلان]

تفكيرك سليم

[باريس]

أخوي كحيلان شكرآ على الرد بس ماعطيتني رأيك أرد أشتري ولا أخليهم ؟؟؟؟؟

[كحيلان]

خبر عااااااااااااااااااااااااااااااااااااااااااجل الجماعه وافقوا 10% ليمت اب 5% لميت داون

[متداول]

اخوي باريس نصيحة احتفظ بالاسهم لان المصرف قوي واسلامي ومطلوب يمكن ينزل في الفترة القادمة بسبب وضع السوق بس في النهاية سهم قوي والدليل الارباح المحققة في الثلاث اشهر الماضية 130 مليون مقارنة بالعام الماضي 30مليون مع مراعات زيادة الاسهم في راس المال هذا رايي والله اعلم .
وسلامتكم ,,,,,,,,,,

[المراقب]

إذا تمكنت من البيع وبسعر معقول فبع ثم ارجع اشترى، غير ان هذا الوقت ليس للبيع والشراء برأي، فالسوق غير مستقر.

والله أعلم.

[باريس]

مبروووووووووووووووووووووووووووك بس عطني رأيك أخوي كحيلان!!!!!!!
ترى أنا أشتغل برأي الأخوان الطيبين اللي في المنتدى لأني مقروص من الوسيط...ولأن الربع في المنتدى عندهم ذمة

[باريس]

محتار بين رأي متداول والمراقب!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!

[كحيلان]

القوه اخوي باريس انا لو محلك اخليها لين يرتفع السوق ثم ابيع والسوق تراه بيرتفع عن قريب وبشكل جنوني

[متداول]

اخوي باريس
ما في فرق بين كلامي وكلام المراقب هو يقول بيع واشتر في حالة النزول وانا اقول احتمال ينزل السعر بس في النهاية ما ينفرط .

[عزيز]

اخوي باريس نصيحتي الخاصه لك اذا مانت محتاج لاتبيع خير شر وانساهم وقول الحمدلله انهم عطوك أسهم مجانيه والله شاء الله بيعطونك زياده بالمستقبل يارب لاتدخل نفسك في متاهات السوق وعوار الراس خلهم محوفظين عندك باأمان أبرك لك من الخربطه أخوي والله هذي رأيي المتواضع الشخصي واانت براحتك اخوي وشوف رأيي الأخوه الكرام :)

تحياتي لك :)

[ابوعلي اليافعي]

اخوي باريس سهم المصرف من الاسهم الاستثماريه الممتازه ودائما بعد التوزيعات ينزل السهم ولكنه مع الوقت يعاود الصعود وبشكل تدريجي ابتداء من شهر 10الى توزيع الارباح ..ونتائج البنك لل3اشهر الاولى فوق الممتازه مما يعطي مؤشر مبكر على ان توزيعات المصرف القادمه ستكون كارباحه فوق الممتازه..نصيحتي احتفظ بالسهم ولا تنظر اليه الا السنه القادمه هذا ان لم تكن محتاج اما ان كنت محتاج للمبلغ فبع على قد حاجتك..والله اعلم

[باريس]

أخواني كلكم مشكورين وماقصرتوا.....والله يجزيكم خير
وأنت ياخوي ابوعلي اليافعي....توكلت على الله وبسوي برأيك 100% وأنا مش محتاج للمبلغ ....ومشكور وماقصرت وتر أنا خذت بشورك في العقارية والله وفقني وربحت ربح مش بسيط والله ...وترى أنا ماقول هذا الكلام دعاية لا بس من واقع تجربة معاك...لأني أعترف أني لازلت ذو خبرة بسيطة في الأسهم والبورصة....ولأني لايعة جبدي ومقروص على الأخر من وسيطي وأشوارة البايخة....أخويابو علي شكرآ لك وماقصرت والله يتحها بوجهك وين مارحت وأوعدك أن الله أحيانا بعلمك وش صار معاي
أخوك باريس

[ابوعلي اليافعي]

لا شكر على واجب اخوي باريس واحنا جميعا فالمنتدى اخوان نتناصح بحدود الي نقدر عليه..