طلبات للي عنده عزبه او مكان فالريضان

[q-a-t-a-r]

يليت حد يفيدني بغيت اسوي عزبه للسنه الجايه اذا الله احيانا وعندي اسئله واتمنى تفيدوني
س1- شلون اسوي رخصه من البلديه (الموقع في روضه فالجنوب)
س2- عندي بيت شعر عود مسموح اسويله دكه وعقب انظف المكان
س3-بغيت محل يبيع خيام الصباح الكويتيه درجه اولى ماقدر اسافر ابي حد موجود واعاين الخيمه
س4-وين يبيعون المكاين الكبار اللي تشغل عزبه كامله يعني مكيفات حمامات ليتات
وعلى ماعتقد ان في منها بدون صوت
س5-احسن محل يفصلي حدايد داخليه للخيام وسعره مناسب
س6-محل يفصل الجلسه السدو اللي تشبه الكراسي للخيام
س7-محل يفصل حمامات غير العطيه لان اسعاره غاليه
للعلم سمعت عن حمامات عالحدود صوب المراكز كوبي من العطيه على 3500
ياليت تفيدوني الله يجزاكم خير
س8- عمال يسونلي دكه للعلم الاغراض علي انا طابوق واسمنت
س9- حد يفصل طربال للخيام سمعت ان اسعارهم غاليه ابي حد يكون سعره مناسب
للعلم مشاركاتي ماتسمح لي اراسل الاعضاء عالخاص

[q-a-t-a-r]

8 مشاهدات ومحد يرد ياليت يفيدنا بوحارب
عليه كرك مب طبيعي لا وبعد فالعنه ولا النعيمي

[ابن مانع]

طويل العمر الرخص موقفه اذا كنت تقصد العزب الجواله او الدايمة
واذا كنت تقصد المؤقته لهم شروط كل سنه تتغير
والله يوفقك

[بوعبدالعزيز999]

س7-محل يفصل حمامات غير العطيه لان اسعاره غاليه

عندك اي محل مال جينكو خذ منه وجيلك هندي

ويسويلك اياه

[q-a-t-a-r]

تسلمون عالردود

[محمد-القاضي]

تسلمون

[cristal]

مرحبا اخوي..وعساك عالقوة ..
بالنسبة للعزبة من وجهة نظري يبيلها طولة بااااااااااال وتنسيق وتخطيط وميزانية والله يعينك على قائمة المشتريات :deal: بس راح تستمتع صدقني:thumbup1:

فالبداية العزبة بتكون شبابيه او عائلية؟
1- حدد عدد الخيام المطلوبة.. (خيمة بيت شعر + خيمة النوم + المطبخ) << خيام الصباح من فترة في شخص بالمنتدى كان حاط اعلان واحنا شرينا من عنده خيمة 8* 5 بسعر 3000 ريال وعنده احجام صغيره وكبيره واسعارة حلوه ونوعية الخيام للأمانه ممتازة.
جلسات السدو + اغراض المطبخ + الفرش والملاحف << الحسا وانت مغمض عيييييينك!!:ok2:
2- حمامات الفيبر يفضل عدد 2 (رجال+ حريم) << اكبر حجم متر ونص بسعر 2800
توانكي الماي في الحسا واسعارهم يااااابلاش.
3- العريش والكراسي الخشب<< مناجر الريان وسعرها بحدود 350 ريال
4- بالنسبة للحلال دامك مخطط عالسنة الجاية يفضل تشتري الغنم عالصيف لان اللي عرفته من الوالد الاسعار بتكون ارخص في سوق الغنم والدجاج والبط وارانب وحمام.
5- الشبوك والاقفاص انصحك بالحسا
وأخييييرا
حاول انك تفضي لك يومين وتروح الحسا وتشتري اغراضك من اهناك ويااااا كثر سيارات التحميل , يوصلون اغراضك لغاية باب بيتك وسعرهم معقول..
والمبلغ اللي راح تدفعه اهنيه ... راح تصرف نصه فالحسا ونص فلوسك بمخباك .. وعمولة 10% لي !!!:ok:

مرفق في ردي لك بعض صور خلال جولتنا الشرائيه فالحسا..:yes:
وبعد ما تشتري العده والعتاد تاخذ معاك كهربائي وبايب فيتر عشان التمديدات الكهربائيه والاضاءة والحمامات.

على فكره.. هاي من واقع خبرة نسائية :shy: بعدد قرار بالاجماع وبموافقة الوالد الله يحفضه .. بتعديل العزبة واضافة لمسات نسائية وان شاء الله راح انزل تقرير قريب عن عزبتنا :dance
تحياتي لك..
واي استفسار انا جاهزة..

[البحار00]

رخص العزب الجوالة مكنسله من زمان

[q-a-t-a-r]

تسلمين cristal عالرد الوافي وماتقصرين كفيتي ووفيتي
تسلم البحار عالرد