@ هل انت/ي اكبر او اصغر من عمرك؟@

[hemoud123]

العمر او السن من المعلومات التى قد نحتاج الى معرفتها عن اشخاص نعرفهم لاول مره اما زملاء عمل او دراسه او غيره لان ذلك قد يتحدد عليه امكانية اقامة علاقه صداقه او غيرها .

بالتاكيد انك لن تسال هذا السؤال ولكن تلجا الى التخمين والتقدير وكثيرا ما يكون التقدير خاطئا او بعيدا عن الهدف والسبب ان كثيرا من الناس اشكالهم لا تعكس اعمارهم الحقيقيه .
وقد يقع الخطأ حتى بين الاخوان والاخوات , فقد تعتقد ان فلان هو اكبر من اخوه علان ولكن يتضح لك بانك كنت مخطئ. وحتى ان هناك حالات ولكنها قليله جدا تخطئ بين ام وابنتها ايهما الاكبر .:secret:

عوامل كثيره لها تاثير سواءا بالسلب او الايجاب على هذا الموضوع كالصحه والمرض او السعاده والشقاء وغيرها واحيانا مايكون فيه سبب .
ربما كلنا قد تعرض لعملية تقدير العمر من شخص ما , احيانا يكون التوقع صحيح :victory: واحيانا يكون بعيد اما اكبر من الواقع او اصغر

بالنسبه لي دائما يكون الناس كرماء معي وامنح على الاقل 6 او 7 سنوات زياده :anger1:

بصراحه هل انت ممن تبدو اشكالهم اكبر من الحقيقه او اصغر؟:)

[ضوى]

:) :) :)

[تحداني]

:) :) :)





:shy:
.. :) ..

[Mozanee]

بصراحة أنا عكسك يعطوني أقل من عمري بنفس السنين الي يزيدونك فيها وحتى هني في المنتدى وغير هالمنتدى ,,
والسبب يكون نعمة من رب العالمين وغير الراحة الجسدية والنفسية والايمان بالله والتغذية الصحيحة والسليمة ,,
وأتمنى نكون شباب على طوووووووووول

[Mozanee]

يه !! أنا بعد بحط لي فيس ,, :(

[دريمز]

أنا دايما يعطوني أقل من عمري بس ماينزلوني وايد سنتين أو ثلاث
عاد أنا انقهر واتحر!!

هع

لاهنت أخوي على الموضوع

[hemoud123]

بصراحة أنا عكسك يعطوني أقل من عمري بنفس السنين الي يزيدونك فيها وحتى هني في المنتدى وغير هالمنتدى ,,
والسبب يكون نعمة من رب العالمين وغير الراحة الجسدية والنفسية والايمان بالله والتغذية الصحيحة والسليمة ,,
وأتمنى نكون شباب على طوووووووووول

الحمد لله رب العالمين
الله يديم عليك النعمه ان شاء الله

[hemoud123]

:) :) :)

مفهووووووووووووووم

[ام خليفه79]

أنا دوم يعطوني أصغر من عمري ب 6 او 7 سنين


عاد انا اقول شدعوه عاد ما يبين سويتوني ياهل!!

واللقبف المنتدى يعني يقول بس أنا معرسه وعندي عيال وأنا لا معرسه ولا شي


بس اللي يشوووف أم خليفه يعطيها وحده لابسه بطوووله

هههههههههههههههههه


تسلمين الغاليه والله يحفظكم

[hemoud123]

أنا دايما يعطوني أقل من عمري بس ماينزلوني وايد سنتين أو ثلاث
عاد أنا انقهر واتحر!!

هع

لاهنت أخوي على الموضوع

الله يسامحك
اكثر الناس يستانسون لو نقصوهم سنه وحده ويعتبرونه انتصار على قوى الطبيعه:)

[بـــــــنت النوخـّــــذه]

اهههههههههههههه

انا الساني اكبر من عمري (التفكير والاسلوب )
المهم عقلي كله يقولون اكبر من عمري 000 واذا تحجيت مع احداذا كان مهب وجها لوجه وصادف المواجهه يقولون هذي يطلع منها الحجي هذا :nice:0يمكن لان احب جلسه الشياب والعجايز :) 0000

والشكل الخارجي وتحديد العمر صراحه اممممم صراحه اممممم اعتقد الاجابه الاولى اتكفي واتوفي ووصلت الفكره 00

[Qatar4all]

موضوع حلو :..


ليت العمر ينعد بــــ الايام والسنين :.. انا أعتبر العمر الرقمي ( مجازا ) nothing اذا بدينا نقارن الرقم بالافعال والتصرفات والاسلوب و ... الخ

أظن المقياس الحقيقي للعمر بالنسبة لي مختلف :..



عســــــــــــــــــاك عالقوة ياخوي :..

[hemoud123]

أنا دوم يعطوني أصغر من عمري ب 6 او 7 سنين


عاد انا اقول شدعوه عاد ما يبين سويتوني ياهل!!

واللقبف المنتدى يعني يقول بس أنا معرسه وعندي عيال وأنا لا معرسه ولا شي


بس اللي يشوووف أم خليفه يعطيها وحده لابسه بطوووله

هههههههههههههههههه


تسلمين الغاليه والله يحفظكم
على طارئ البطوله
في عمان منطقه اسمها سناو اهلها من اطيب ما خلق ربي , البنت لما تتزوج تلبس بطوله بس البطوله كبيره جدا تشوف البنت اللي عمرها 20 سنه تعطيها 40
لكن فعلا اختي انتي اثرتي نقطه فاتتني , وهي ان اللبس والمظهر الخارجي له تاثير ايضا
شكرا على الاضافه

[بوعلي2]

كشكل ماتعطيني اكثر من 23 سنه

وكمعامله واسلوب اترك الناس تقيم العمر مع ان البعض قيمني وعطاني اكبر من عمري بوايد

وشكرا للموضوع الطيب

[hemoud123]

موضوع حلو :..


ليت العمر ينعد بــــ الايام والسنين :.. انا أعتبر العمر الرقمي ( مجازا ) nothing اذا بدينا نقارن الرقم بالافعال والتصرفات والاسلوب و ... الخ

أظن المقياس الحقيقي للعمر بالنسبة لي مختلف :..



عســــــــــــــــــاك عالقوة ياخوي :..

مشاركه مميزه من عضو مميز
ذكرتني بالشاعر التونسي ابو القاسم الشابي توفى وعمره 25 سنه ولكنه ترك ارث ادبي بتتداوله الاجيال لسنيين كثيره قادمه
شكرا لمرورك العطر

[شجرة الدر]

موضوع حلو :..


ليت العمر ينعد بــــ الايام والسنين :.. انا أعتبر العمر الرقمي ( مجازا ) nothing اذا بدينا نقارن الرقم بالافعال والتصرفات والاسلوب و ... الخ

أظن المقياس الحقيقي للعمر بالنسبة لي مختلف :..



عســــــــــــــــــاك عالقوة ياخوي :..



يعطيك العافية اخوي حمود ،،

اوافق اخوي قطر 4 اول في الراي ،،

مفهوم العمر بالنسبة لي احكم عليه من خلال تعامل الفرد وفكره واسلوبه ،،

في ناس عمرهم كبير لكن تصرفاتهم للاسف تكون خاليه من التفكير والعقلانية

والعكس صحيح ،،

[hemoud123]

اهههههههههههههه

انا الساني اكبر من عمري (التفكير والاسلوب )
المهم عقلي كله يقولون اكبر من عمري 000 واذا تحجيت مع احداذا كان مهب وجها لوجه وصادف المواجهه يقولون هذي يطلع منها الحجي هذا :nice:0يمكن لان احب جلسه الشياب والعجايز :) 0000

والشكل الخارجي وتحديد العمر صراحه اممممم صراحه اممممم اعتقد الاجابه الاولى اتكفي واتوفي ووصلت الفكره 00

اكيد وصلت الفكره
وكلامك صحيح ان مجالسة هؤلا الناس تثري دائما العقل وتسرع عملية النضج

[بنت ذياب]

مممممممممممم بالنت يعطوني اكبر من عمري ..

ف الواقع .. يعطوني اصغرر من عمري , على قولة وحدة كله تطنز علي تقوولي : انتي جنج بصف سادس :eek5:

[qtrose]

بالنسبة لي غالبا توقعات الناس تكون صحيحة :)

[ملاذ الروح]

عمري كشكل ...يعطوني اصغر
كعقل وتصرفات ...:shy: هم اصغيره ...يقلون لي بسج كبرتي
انزين أنا جيه الله خالقني جيه شاسوي ...احب الدلع

[غزلان]

من فتره رحت لدكتوره سألتني عن عمري من ضمن البيانات الا تقول لي مبينه اصغر كم سنه

قلت لها ماقصرتي :)


يسلموا

[حليتان*]

ما حد عطاني اكبر من عمري في الواقع

لان اكثر الي اتعامل معاهم اعرفهم

[Mozanee]

ما حد عطاني اكبر من عمري في الواقع

لان اكثر الي اتعامل معاهم اعرفهم

أنا افتكرتك أكبر من عمرك ,, وكنك في أواخر العشرين

[findi]

من فتره رحت لدكتوره سألتني عن عمري من ضمن البيانات الا تقول لي مبينه اصغر كم سنه

قلت لها ماقصرتي :)


يسلموا


هههههههههههههه

وانا بعد من كم يوم كنت رايحه المستشفى ويوم دخلت على الممرضه تاخذ بياناتي

سألتني انتي في أي صف ؟! :rolleyes2:

انصدمت يوم قلت لها انا اشتغل وانصدمت اكثر يوم قلت لها عن عمري

[بنت المطر]

بصراحه هل انت ممن تبدو اشكالهم اكبر من الحقيقه او اصغر؟

الصراحه يعطوني أكبر .. من ناحية الشكل والتصرفات ..

[alrheeb2020]

انا الساني اكبر من عمري (التفكير والاسلوب )
المهم عقلي كله يقولون اكبر من عمري 000 واذا تحجيت مع احداذا كان مهب وجها لوجه وصادف المواجهه يقولون هذي يطلع منها الحجي هذا


:nice:

[يعقوب ذياب]

عاد انا كله يجبرون بخاطري كله يعطوني اصغر من عمري تقريبا من 9 الى 12 سنه

بل انبسط احس نفسي لين الحين شباب

لا واللي قاهر الشباب انه الشيب لحد الحين ما غزاني

لدرجه انهم قالو لي لا تحلق اللحيه وبنشوف في شيب اولا

والحمد الله

بس انا خاطري بالشعر الابيض محد يسلفني

[hemoud123]

عاد انا كله يجبرون بخاطري كله يعطوني اصغر من عمري تقريبا من 9 الى 12 سنه

بل انبسط احس نفسي لين الحين شباب

لا واللي قاهر الشباب انه الشيب لحد الحين ما غزاني

لدرجه انهم قالو لي لا تحلق اللحيه وبنشوف في شيب اولا

والحمد الله

بس انا خاطري بالشعر الابيض محد يسلفني

احمد بك يا بوذياب غيرك وايد يتمنون هالميزه :)
بعدين لا تستعجل الشعر الابيض بيجيك بيجيك
عساك دوم شباب وبيبي فيس :)

[HADi]

بصراحه هل انت ممن تبدو اشكالهم اكبر من الحقيقه او اصغر؟

الصراحه يعطوني أكبر .. من ناحية الشكل والتصرفات ..


الموضوع صار 3 صفحات

:nice: اول بنت تقول انها اكبر من شكلها





بالنسبه لي انا .. الناس مزاجين ..مره يكبروني ومره يصغروني

بس في مستوى قريب من عمري سنه او سنتين



اما داخل المنتدى ما دري كم حامين علي الاعضاء

على العموم عمري 30

[طموحي عالي]

انااااااااا لااااااااا كله مكبريني على الاقل 4 سنوات

طبعا اسلوبي بالشغل وتفهمي
للمواضيع مهما كانت كبيره واحلها بعد

لبسي اللي يعطيني اني وحده كبيره وانا خرطي وتحت العشرين بعد

[شـعـشـبـونـه]

نـفس عمري سواء من الشكل ولا الطبع :shy:



عاد انا كله يجبرون بخاطري كله يعطوني اصغر من عمري تقريبا من 9 الى 12 سنه

بل انبسط احس نفسي لين الحين شباب

لا واللي قاهر الشباب انه الشيب لحد الحين ما غزاني

لدرجه انهم قالو لي لا تحلق اللحيه وبنشوف في شيب اولا

والحمد الله

بس انا خاطري بالشعر الابيض محد يسلفني


اهم شي لاتصبغ وراح يطلع المستخبي ^_*

[hemoud123]

الموضوع صار 3 صفحات

:nice: اول بنت تقول انها اكبر من شكلها





بالنسبه لي انا .. الناس مزاجين ..مره يكبروني ومره يصغروني

بس في مستوى قريب من عمري سنه او سنتين



اما داخل المنتدى ما دري كم حامين علي الاعضاء

على العموم عمري 30

الله يعطيك طولة العمر هادي
وبعدين ملاحظتك في محلها وهذا طبيعي البنات دايما يبدون اصغر من اعمارهم الحقيقيقه الا ما ندر

[Mozanee]

الله يعطيك طولة العمر هادي
وبعدين ملاحظتك في محلها وهذا طبيعي البنات دايما يبدون اصغر من اعمارهم الحقيقيقه الا ما ندر

حسيت بتهام شنيع :(

[hemoud123]

حسيت بتهام شنيع :(

عفوا
انا اقصد ان البنت بحكم الطبيعه تهتم بشكلها ومظهرها اكثر من الرجل لذلك تبدو دائما اكثر شبابا وحيويه

[Mozanee]

عفوا
انا اقصد ان البنت بحكم الطبيعه تهتم بشكلها ومظهرها اكثر من الرجل لذلك تبدو دائما اكثر شبابا وحيويه

لا مب انت ,, :) انا اقصد اول حرف من اسمه : هادي :(