المساعد الشخصي الرقمي

مشاهدة النسخة كاملة : مطلوب مشوره في هذا المشروع



ولد ابوي
04-02-2010, 12:46 PM
السلام عليكم ورحمة الله وبركاته

بغيت استفسر اذا بسوي مشروع تاجير العاب للاطفال وترفيه

هل لازم افتح محل ؟؟

او اقدر اخذ رخصه وااجر من البيت :omen2:

وايش المطلوب واذا حد عنده فكره بخصوص اسعار السجل في هالامور ؟



لاتبخلون علينا بآرائكم :victory:

شموخ دائم
04-02-2010, 02:12 PM
,

,


السلام عليكم ورحمه الله

اخوي الكريم

على حسب ما فهمت ان مشروعك تأجير معدات ترفيهيه للاطفال

وكل ما يدخل في هذا الجانب من ترفيه بالبيوت

اخوي الكريم

راح احسبها لك على السريع واترك الاجابه لك

الرخص والسجل والاوراق القانونيه بحدود 10 الاف ريال

المحل في ارخص مكان بقطر بحدود 6 الاف ريال ( مو محتاج على شارع ) بيك اب وسائق وتقدر تستخدم بيك اب البيت وسائق البيت

تجهيز المكان ما بيزيد على 25 الف وراح يكون شغلك قانوني 100%


مشروعك يصنف small business

المشاريع الصغيره وهو مهم في كل مجتمع مثل الحلاق والخضار والدكان الصغير

مشاريع صغيره ومهمه جدا بكل مجتمع وتقدم خدمات لكل بيت نحتاجها

وتكلفه هذي المشاريع ما تتجاوز من 30 الف الى 50 الف



القصد من الرخص القانونيه هو تنظيم العمليه ومراعاه امور السلامه
العمل مع الاطفال مو شي سهل لاقدر الله يطيح و يتعور طفل ويتطور الموضوع الى مستشفى وشرطه وتكون بدون سجل ورخصه وراح يكون موقفك ضعيف وخطاء
ويحملونك مسئوليه الطفل المصاب والعمل بدون رخص
ليش الانسان يحط نفسه في هذا الموقف !!!

العمل القانوني والرخص موضوعها بسيط جدا وتكلفتها الماليه والحمدالله بسيطه والاجرائات بسيطه بقطر
الله يديم هذي النعمه وبنفس الوقت تحميك وتحمي الغير من الاخطار لاقدر الله

دائما البدايه الصحيحه يكون النجاح حليفك باذن الله

راح تحتاج محل اكيد البلديه ماترخص بدون محل

توكل على الله ودق باب الرخص


والله يوفقك دنيا واخره ويرزقك الرزق الحلال

,

,



اخوك



شموخ دائم

ولد ابوي
06-02-2010, 11:05 PM
جزاك الله خير

وربي يرزقك من اوسع ابوابه قول امين

المليونير الفقير
06-02-2010, 11:12 PM
حسب علمي مايعطون رخصه الا بعد معاينة المحل عشان هيك ايجارات المحلات فالعلالاي


موفق انشالله

The Planner
07-02-2010, 08:22 AM
صحيح

ولكن بامكانك تأجر مكتب مب محل والمكاتب ارخص شوي

واذا بس تبي تسجل الشركه شوف لك مكتب في الشمال ولا دخان ولا الاماكن الي بع الدوحه

وكل الي تحتاجه لوحه صغيره على الباب وكان الله غفور رحيم