طلب استشارة للعازل والحماية

[شرق الجزيرة]

ابغي المشورة يا اخوان بخصوص تركيب عازل للزجاج وكذلك حماية لوجه السيارة
سمعت ان شركة النهدي للاكسسوارا ت تركب عازل للزجاج +حماية لوجه السيارة ب 3500 ريال
ابغي الافادة وجزاكم الله خير

[شرق الجزيرة]

حد يعطينا افادة ياشباب لاني مسافر يوم الاحد باذن الله

[شرق الجزيرة]

للرفع

[Small Investor]

السلام عليكم

اخوي شرق الجزيره

انا شخصيا ما ركبت عندهم لكن اعرف واحد من الشباب ركب عازل وحماية في الدوحه ب 5700 ريال واعتقد هذا السعر عند اكثر المحلات الي في قطر ويمكن يفرق بشي بسيط

اما انا فانا الله يسلمك ... قبضت الخط ورحت الحساء وركبت عازل وحماية ونايلون على الفرش كله ب 2400 ريال
والحمدلله منها خلصت الموتروتبضعنا وظربنا مندي وعسلنا

[بويعقوب]

انا مجرب شغل النهدي وجونسون ( محل واحد بأسمين مختلفين )
وكلامك صحيح عندهم عرض وميزته ان سعره معقول ومضمون ان شاء الله

[شرق الجزيرة]

الف شكر لك اخ مستثمر صغير على المعلومةولكن انا محتار مابين
محل الحماية اللي في السد سعره5600 عازل + حماية ضمان مدى الحياة على قولته
وشركة النهدي عازل جونسون+ حماية 3500 فقط

[شرق الجزيرة]

شكرا يابيعقوب على الرد
بس ياليت الناس تعتبر بهذا البيت ونا اولهم:


وكيف يلذ ساكنها بعيش*** ويعلم أن مسكنه القبور

[شرق الجزيرة]

المشورة ياشباب

[البحار00]

شوف ياخوي بالنسبه لجونسون ضمانهم على الحمايه لمده خمس اسنين بس بدون خدمه

ااما الحماية ضمانهم مدى الحياة وكل شهرين تروح تسوي عندهم بولش ببلاش تقعد تتقهوى

عندهم ربع ساعه وموترك خالص انا مركب من عندهم وبعدها بيومين سافرت على الموتر

ولا تأثر من اي شيء

اما عن سالفه العازل نصيحه لاتركب عازل غير تيتانيوم انا مركبه من شهر حق كرورز ب 1400 وضمان

خمس سنوات وتركبيهم اسرع تركيب مر علي ركبوة حق موتري في 20 دقيقه بس وشغل محترم

بس نصيحه الحق ركب الحمايه اليوم لو بغيت تركبها علشان يمديك تمر عليهم السبت يشيكون لك على التركيب

ويختمون لك الضمان وعلشان بعد يمديك تخلي السيارة في الشمس يومين

[auto body]

نصيحة اخوي

الحماية الى في السد ركب عندهم وانت مرتاح البال وضمان مدى الحياة
والنهدي والله والله هذا انا حلفت انة فية كذا موتر مركب عندهم ولا فية فايدة بعد شهريين شالوهم

والراي لك اما العازل فركب عند تيتانيوم 1400 ريال

[qatari-vip]

ركب عند حمايه السد

كاافيه كل شهر تجيهم يسون للك باليس على الحمايه اللي على وجهه السياره وقصتهم للحماايه حلوه

وانا 3 سيارات مسيوها عندهم من احسن ماايكون ماارااح اقولك انه حماايه اذا سفرت من العج

بعد حماايه من الحصى الصغير اللي يطااير من التريلات من تجربه شخصيه على سيارتي السبورت لولا الحمايه كاان طاارت الصبغه من ضربات الحصى الصغيييييييييييييييييييره

حتى لو حد حك موترك بوتره مااايطير الصبغ ويحاافض على وجهيه الموتر من البهتاان من العج

خساره 300 ولا 4000 ولا كل فتره رايح وصاابغ الصداام ومبدل الليتات عشان العج ولا ليته كذا وبس

اذا صبغت الموتر وش يفكك من الشريطيه وقت البيع

اتمنى اني افتك

[fahad1]

النهدي باختصار شغله تعبان

[Um Sultan]

العازل للدرايش مالك غير لومار

الصراحه انا صار لي سنه وشوي مركبه رووعه احسن من تيتانيوم و في كول الفاشل