إقتراح .. لمعارضين قانون البلدية ( غرف السواقين )

[شيخ الشباب]

السلام عليكم ورحمة الله وبركاته

بما ان القانون مبني على نص قانوني من عام 1985 .. حيث كانت آلية توزيع الاراضي بمساحات مرضيه للمواطنين .. وحيث أغلب العوائل في ذلك العام لايوجد لديهم دريول للعائلة

فلا يجب ان نعتبر هذا القانون غير قابل للتعديل .. خصوصاً وانه ضد مصلحه اغلب العوائل القطريه .. والذين اؤكد حتماً بأن اغلبهم لايملكون مساحات شاسعه

بل فناء منازلهم بالكاد لاتكفي سيارات العائله المتراكمه في منزل واحد بسبب تأخر توزيع الاراضي والبناء وعدم توافر الخدمات الأساسية لأغلب الأراضي المصروفه من سنوات مضت

وكما ان العادات والتقاليد في مجتمعنا المحافظ تدعوا للأداب ولا ترضى بدخول رجل غريب ليعيش بمنزلهم المتوسط .. عكس لو كان قصراً وغرفة السائق بجانب البوابة الكبرى

أعزائي الأعضاء

ما رأيكم بأن يتم تخصيص من الوقت يوم الأحد القادم 7/2/2010 صباحاً .. ويتم الاتصال ببرنامج وطني الحبيب صباح الخير

ويتم توضيح كل ماسبق .. والمطالبه بتعديل تطبيق القانون بشروط :

1- ان تكون غرفة السائق لها منظر جمالي غير مشوه للمنظر العام .. كما ذكر

2- ان تكون الغرفة لا يشتكي منها الجيران من ناحية التضييق على منازلهم او خارجه بحدود الشارع المقابل للمنزل

3- اي شروط أخرى تضاف وللمصلحة العامة دون الضرر بأي طرف







تمنياتي لكم بالتوفيق
اخوكم شيخ الشباب

[alshaikh]

انا مع قرار البلدية بازالة غرف السائقين من خارج المنزل حيث تشكل خصوصية يعلم الله وحده على ماذا تحتوي والحاقها بداخل المنزل حفاظا على الأمن الخاص والعام حتى يصبح السائق تحت نظر أهل المنزل ، وخصوصيته بهذا الشكل لا تحمد عقباها

[شيخ الشباب]

انا مع قرار البلدية بازالة غرف السائقين من خارج المنزل حيث تشكل خصوصية يعلم الله وحده على ماذا تحتوي والحاقها بداخل المنزل حفاظا على الأمن الخاص والعام حتى يصبح السائق تحت نظر أهل المنزل ، وخصوصيته بهذا الشكل لا تحمد عقباها

أحترم وجهة نظرك .. ارى ان السائق ليس مراهقاً حتى تتم مراقبته ويكون تحت نظر أهل المنزل بشكل دائم

[بـــــــنت النوخـّــــذه]

[][المشكله اغلب الي مأيدين قرار البلديه ماعندهم دريوليه ؟؟؟؟؟؟؟؟

"]فطبيعي يأيدون القرار لان ظروف ماحدتهم ولا همن يحزنون 000

عموما اخوي للعلم اعتقد البلديه بتعطي["] اسثنائات ]لبعض الظروف 0000 واتمنى يكون صج الخبر تعطي اسثناءات لبعض الاسر الي تستدعي الحاجه لوجود الغرفه خارج المنزل خصوصا انها تراعي النظافه وموافقه الجيران 00والباقي المأيدين ازالتها يعطون عمرهم السعه وينظرون من العينين مهب من عين وحده 000حلو الشخص ينظر نظره انصاف وعدل مهب عشان انا ما عندي دريول خلاص اعمم القرار على الكل [/مثلا انا ماعندي غرفه سائق بورتكبين خارج المنزل ولكن عندي احساس بشعور كل شخص حدتة الظروف اعرف ناس الظروف حدتهم لهذا الشي ولولا الظروف ماتنزلو لاستعطاف فلان وعلان لجل يخلون البورتكبين000حلو الانسان ينظر لظروف الناس مهب مع الخيل ياشقره كنهم يتعاملون مع ملحق اسرائيلي ^_^ [/ وحيالله السفارات الي رازين اغرف الحرس خارج المبنى شخبارهم 0000[/

[عالم المحيطات]

[][المشكله اغلب الي مأيدين قرار البلديه ماعندهم دريوليه ؟؟؟؟؟؟؟؟

"]فطبيعي يأيدون القرار لان ظروف ماحدتهم ولا همن يحزنون 000

عموما اخوي للعلم اعتقد البلديه بتعطي["] اسثنائات ]لبعض الظروف 0000 واتمنى يكون صج الخبر تعطي اسثناءات لبعض الاسر الي تستدعي الحاجه لوجود الغرفه خارج المنزل خصوصا انها تراعي النظافه وموافقه الجيران 00والباقي المأيدين ازالتها يعطون عمرهم السعه وينظرون من العينين مهب من عين وحده 000حلو الشخص ينظر نظره انصاف وعدل مهب عشان انا ما عندي دريول خلاص اعمم القرار على الكل [/مثلا انا ماعندي غرفه سائق بورتكبين خارج المنزل ولكن عندي احساس بشعور كل شخص حدتة الظروف اعرف ناس الظروف حدتهم لهذا الشي ولولا الظروف ماتنزلو لاستعطاف فلان وعلان لجل يخلون البورتكبين000حلو الانسان ينظر لظروف الناس مهب مع الخيل ياشقره كنهم يتعاملون مع ملحق اسرائيلي ^_^ [/ وحيالله السفارات الي رازين اغرف الحرس خارج المبنى شخبارهم 0000[/

كلام حلو منج اختي...

ومن وجهة نظري الي يقول انه الدريول بيكون تحت عينه داخل البيت ..انا اقول لو انه خارج البيت ابرك لانه لو صار شي لتحمد عقباه في البيت بتقول ياليتني ماخليته...

لو ينزل قرار انه البروت كب يكون داخل البيت وينفتح له فتح في الطوفه على برع وااااايد احسن...:anger1::anger1::anger1:

تحياتي لكم

vip-99

[مسباح عاج]

قانون تنظيم المباني لسنة 1985م
أجريت عليه تعديلات عديده أخرها عام 2009م

[بويوسف]

مشكلة الخصوصية تحل بفتح باب خارجي للسايق واحنا نعرف ان معظم الاراضي سابقا كانت بمساحات كبيرة .. ليش مانشوف التعدي موجود في منطقة الدفنة مثلا او مناطق كثيرة ثانية .. مع العلم بأن كثير من الناس مأجرين الملاحق اللي داخل بيوتهم وفاتحين لها ابواب تطل من الخارج ..

[شيزكيك]

بل لو تشوفون فريجنا اشكثر فيه كباين بس الصراحه بيوتهم صج صغيره ماعندهم حيشان وجارنا

توه مركب بورت كابن ومخسر عليه واحنا بعد كنا بنحط ماعندنا حوش كبير بس شكلنا بنهون عن

السواق

[La Bella]

ليش مايخصوص بكل منطقة قطعة أرض
والدولة تبنيها سكن للدريولية بطراز معين وحلو و بكافة ملحقاتها الأساسة .
ويتم تأجيرها من الدولة بأسعار رمزية.
ورب الأسره أذا محتاج الدريول يتصل له ويكون عنده خلال 5 دقايق.
:)

مجرد أقتراح

[فرفوش]

اقتررررح انه يتم بناء حجره صغيره للسائق داخل البيت والباب يكوووون خارجي

[alshaikh]

[][المشكله اغلب الي مأيدين قرار البلديه ماعندهم دريوليه ؟؟؟؟؟؟؟؟

"]فطبيعي يأيدون القرار لان ظروف ماحدتهم ولا همن يحزنون 000

عموما اخوي للعلم اعتقد البلديه بتعطي["] اسثنائات ]لبعض الظروف 0000 واتمنى يكون صج الخبر تعطي اسثناءات لبعض الاسر الي تستدعي الحاجه لوجود الغرفه خارج المنزل خصوصا انها تراعي النظافه وموافقه الجيران 00والباقي المأيدين ازالتها يعطون عمرهم السعه وينظرون من العينين مهب من عين وحده 000حلو الشخص ينظر نظره انصاف وعدل مهب عشان انا ما عندي دريول خلاص اعمم القرار على الكل [/مثلا انا ماعندي غرفه سائق بورتكبين خارج المنزل ولكن عندي احساس بشعور كل شخص حدتة الظروف اعرف ناس الظروف حدتهم لهذا الشي ولولا الظروف ماتنزلو لاستعطاف فلان وعلان لجل يخلون البورتكبين000حلو الانسان ينظر لظروف الناس مهب مع الخيل ياشقره كنهم يتعاملون مع ملحق اسرائيلي ^_^ [/ وحيالله السفارات الي رازين اغرف الحرس خارج المبنى شخبارهم 0000[/

اولا عندنا بدال الواحد ثلاثة بما فيهم الطباخ حاطينهم في البيت من داخل لهم ملحق وبيبان غرفهم في الداخل وحتى درايشهم داخل البيت ملحقهم عند الباب الخارجي بس من الداخل ولا يفصلهم عن البيت سور.
واحنا مهب مع الخيل يا شقره - هدي أعصابج يا اختي - لكن في اشياء تهم الأمن العام والخاص في المقام الأول ، الأخ يقول مهب مراهقين الا أحيانا يكونون أكثر من مراهقين، وما دمت جبتهم وعلى كفالتي أعاملهم مثل هل البيت واحذفهم بره ليش بهالشكل اللي يسيء للذوق العام ، وأخلي القرعه ترعى والله يعلم ايش يسوون بدون اشراف.
بعدين ما ينطبق على المساكن العادية لا تنطبق على السفارات لأن السفارات لها وضع خاص وأمنهم من أمن الدولة واللي في الغرف مهب حراس هذولا شرطه يعني أمن يتناوبون على الحراسة كل عدة ساعات.
وقرار الازالة في مصلحة وأمن المواطن في الدرجه الأولى .

[HIGHNESS]

في ناس بصراحه مصخوها وشوهوا المنظر العام للفريج كل واحد حاط بدال البورتكابن 3 والفريج صار كانه عزبة وكل واحد مخلي غرفة السايق مجابلة باب الجيران ويخلي هله يطلعون من باب ثاني وحوشه كانه ملعب كرة قدم !!! ... و غير الي مسوي له عزبه صغيره جنب بيته والله في ناس مادري شلون عايشين بطريقة عشوائية .. وهم اللي خربوا على اللي ماعندهم مكان ... انا مع هالقرار ضد هالفئات بالذات مو ضد اللي ماعندهم مساحات ...

[صوت الضمير]

اقتررررح انه يتم بناء حجره صغيره للسائق داخل البيت والباب يكوووون خارجي


شلون يبني وماعنده مساحه

نص بيته ملاحق للشباب المتزوجين ولاطلعت بيوتهم
ومطبخ خارجي
ومجلس خارجي

حتى مابقى مساحه يتوسعون فيها أهل البيت


أنا أويدك أخوي صاحب الموضوع ..

أبداع

[ام سلطون]

المفروض يكون فيه استثناء
ابي الى مع القرار والي ضد القرار يجاوبوني على هالسؤال؟
لو عندك زوجة وعيالك صغار(تحت سن المدرسة) ونت سبوع فالبيت واسبوع فالدوام شلون اتأمن ان واحد غريب قاعد مع اهلك فالبيت؟؟؟؟؟؟

(هذي حالي)

[قطر العطاء]

أحترم وجهة نظرك .. ارى ان السائق ليس مراهقاً حتى تتم مراقبته ويكون تحت نظر أهل المنزل بشكل دائم
بالعكس السائقين اخطر بكثير من اولادنا المراهقين ......... كما ان وجود الكابينة منظر مشوه للمنطقة ولا اقبل ان ادف ما لايقل عن 3000000 ريال لشراء منزل لكى يقوم جارى بوضع غرفة من الصفيح امام منزلى ومن ثم تصبح مجلس دريولية ......... ومن ثم يتم نشر الملابس امام منزلى خصوصا الداخلية ......................

[بـــــــنت النوخـّــــذه]

اولا عندنا بدال الواحد ثلاثة بما فيهم الطباخ حاطينهم في البيت من داخل لهم ملحق وبيبان غرفهم في الداخل وحتى درايشهم داخل البيت ملحقهم عند الباب الخارجي بس من الداخل ولا يفصلهم عن البيت سور.
واحنا مهب مع الخيل يا شقره - هدي أعصابج يا اختي - لكن في اشياء تهم الأمن العام والخاص في المقام الأول ، الأخ يقول مهب مراهقين الا أحيانا يكونون أكثر من مراهقين، وما دمت جبتهم وعلى كفالتي أعاملهم مثل هل البيت واحذفهم بره ليش بهالشكل اللي يسيء للذوق العام ، وأخلي القرعه ترعى والله يعلم ايش يسوون بدون اشراف.
بعدين ما ينطبق على المساكن العادية لا تنطبق على السفارات لأن السفارات لها وضع خاص وأمنهم من أمن الدولة واللي في الغرف مهب حراس هذولا شرطه يعني أمن يتناوبون على الحراسة كل عدة ساعات.
وقرار الازالة في مصلحة وأمن المواطن في الدرجه الأولى .


سؤال بس : هل انا وجهت الكلام لج اختي ؟؟؟؟؟؟؟؟؟؟؟؟؟؟ وليش هالحده والعصبيه انتي الي اهدي 00خذتينا بشراع وميداف 0 وتبين الصج توني اساسا ادري ومنتبهه انج معلقه تعليق سابق للموضوع اتصدقين عاد شفت اقتباسج قلت شسالفه ورجعت حصلت تعليق سابق 00

ليش حسبتيه موجه لج شي غريب والله !!!!!!!!!!!!!!!!!! ترى الموضوع بشكل عام ومهب موجه لفلانه ووفلان من الاعضاء
وترى كلنا عندنا الي قلتي عنه مافي شي جديد وانا نوهت اني انظر بنظره الاشخاص المحتاجين يعني ماعممت اتمنى صراحه قبل الاستعجال واقتباس الرد ان الشخص يقره كذا مره ويعرف الكلام له ولا لفئه معينه طالما ما اقتبست الرد وحطيت ردي 0000وعموما اكرر اتمنى البلديه اتحط استثنائات لبعض الاسر وهذا رأيي واعتقد هذا الي بيسوونه مراعاه بعض الاسر لظروفهم والله يهدي الكل 0000000000000000000000000

[بـــــــنت النوخـّــــذه]

ويسمحلي صاحب الموضوع اعلق بمداخله نهائيه :

سواء عارضنا ولا أيدنا القرار والكلمه النهائيه للمختصين اهم الي يقررون هل يسمحون ولا لا (لبعض الاسر) الي عندهم اسباب مقنعه 0000000 والاختلاف في الرأي لايفسد للود قضيه اهو مجرد موضوع وحلو مراعاه الاسباب والظروف للبعض حتى لو ماكنا متعايشينها 000

[وارث العز]

بصراحة الشارع الي فيه بيتي متروس كباين تقول ساكن في الهند مب قطر مشوهين المنظر .

انا مع قرار البلدية بس يكون فية استثناءات اهمها مساحة الارض . والله المستعان

[الفهد1]

انا مع قرار البلدية بازالة غرف السائقين من خارج المنزل حيث تشكل خصوصية يعلم الله وحده على ماذا تحتوي والحاقها بداخل المنزل حفاظا على الأمن الخاص والعام حتى يصبح السائق تحت نظر أهل المنزل ، وخصوصيته بهذا الشكل لا تحمد عقباها
ايد رايك بكل احترام

[eXpert*]

الله يهدي بعض الناس تلقى عنده بدل الملحق ثلاثه .

بس مأجرهم على عوائل (طمع) و مسكن الدريول في بورت كابن خارج البيت ّّّ!!

أليس من الأولى تحط دريولك في واحد من الملاحق ؟

[توتي]

اقول عارضتم او ماعارضتم القانون بيتطبق ابى من ابى ورضي من رضي

لكن مايمنع الواحد يحط رايه وشكرا لصاحب الموضوع

[alshaikh]

المفروض يكون فيه استثناء
ابي الى مع القرار والي ضد القرار يجاوبوني على هالسؤال؟
لو عندك زوجة وعيالك صغار(تحت سن المدرسة) ونت سبوع فالبيت واسبوع فالدوام شلون اتأمن ان واحد غريب قاعد مع اهلك فالبيت؟؟؟؟؟؟

(هذي حالي)

كان الله في عونج يا الأخت ، بس قفلي البيبان من الداخل عليج والله يحفظج واليهال واذا الدريول فيه سو ترى داخل البيت والا بره البيت سوه معاه ، والبلاد فيها امان ان شاءالله ماعليج شر، ترى احنا بعد نترك نساوينا داخل البيت ونسافر احيانا والدريوليه داخل البيت مثل ما قلت في ملحق داخل البيت بس جنب الباب ، تقدرين تخلين غرفته مجابله الباب بس من الداخل والطوفه في ظهر البيت.

[العـوا]

قرار حكيم

[ضوى]

شنهي المشكلة لو دخلنا البورت كبن داخل البيت وفتحنا باب عالشارع له فيها مشكلة ؟؟

[alshaikh]

سؤال بس : هل انا وجهت الكلام لج اختي ؟؟؟؟؟؟؟؟؟؟؟؟؟؟ وليش هالحده والعصبيه انتي الي اهدي 00خذتينا بشراع وميداف 0 وتبين الصج توني اساسا ادري ومنتبهه انج معلقه تعليق سابق للموضوع اتصدقين عاد شفت اقتباسج قلت شسالفه ورجعت حصلت تعليق سابق 00

ليش حسبتيه موجه لج شي غريب والله !!!!!!!!!!!!!!!!!! ترى الموضوع بشكل عام ومهب موجه لفلانه ووفلان من الاعضاء
وترى كلنا عندنا الي قلتي عنه مافي شي جديد وانا نوهت اني انظر بنظره الاشخاص المحتاجين يعني ماعممت اتمنى صراحه قبل الاستعجال واقتباس الرد ان الشخص يقره كذا مره ويعرف الكلام له ولا لفئه معينه طالما ما اقتبست الرد وحطيت ردي 0000وعموما اكرر اتمنى البلديه اتحط استثنائات لبعض الاسر وهذا رأيي واعتقد هذا الي بيسوونه مراعاه بعض الاسر لظروفهم والله يهدي الكل 0000000000000000000000000

ترى انا رجال ما ادري ليش تكلميني على اساس بنت ، وانا مع قرار الأزالة، بارك الله فيج.

[النهار]

نعم إننا لا نبالغ عندما نقول إن حماية أملاك الدولة مسلك حضاري لا بد من التقيد به على أكمل وجه.وهذا من شأنها الحد من مظاهر التعدي على أملاك الدولة وتعيد للقوانين قوتها وهيبتها.
لا يجوز شرعا التعدي على أملاك الدولة ولا مخالفة أنظمتها وقوانينها ويجب على الجميع الالتزام بذلك حفاظا على المصلحة العامة ، لما يترتب على مخالفتها من أضرار، ولوجوب طاعة ولي الأمر لقوله تعالى

( يأيها الذين امنوا أطيعوا الله وأطيعوا الرسول وأولي الأمر منكم ) (سورة النساء،الاية 59 )

[الامانه]

واللي ساكن في بيت للاجار
وعنده سايق
وصاحب البيت ما يرضى انك تفتح الباب على برع
شيسووي

[الموضوعي]

يسون مثل السعودية غرفة صغيرة لشخص مع الحمام تكرمون يكون بابها على الشارع مباشرة

[$$كلنا قطر$$]

وكما ان العادات والتقاليد في مجتمعنا المحافظ تدعوا للأداب ولا ترضى بدخول رجل غريب ليعيش بمنزلهم المتوسط ..



أول تحوول يا اخووي اي عادات واي تقاليد الي تتكلم عنها خلاص راحت الا من رحم ربي
غرفة الدريول برع
وداخل البيت مأجر حق عزاب
المفروض غرف السواقين تنشال والي مسكن عنده عوايل او عزاب يدفعون كهربا وماي
لانها تعتبر سرقه

[طاش]

اقول الله يعنيك انا اشوف المشاكل كثيرة وراح اتحصل مؤيد ومعارض ولايوجد حل صعبة

[BuNooR]

أحد الحلول اللي طرحتها الحكومه لمثل هذي المشاكل هو السماح للمرأه بالحصول على رخصه قياده

وانا اشوف اللي عنده عائله صغيره يخلي زوجته تسوق

وبلا عوار راس مع السواق وغيره
بيكون اوفر واريح لباله

انا مع قرار الازاله

[سوق واقف]

بدون زعل أنا مع القرار

[heavy duty q]

نرى القرار للكباين والمظلات الخارجيه ( الطبيلات ) وانا اشوف وايد بيوت حاطين طبيلات خارجيه ويوقفون سياراتهم برع على املاك الدوله ويعتبرون متعدين على املاك الدوله

اذا العالم شالت المظلات الخارجيه بنشيل الكباين مافي احد احسن من حد

[البرونزي]

قسم بالله ماعندي مكان احط الدريول فيه غير هالمكان
البيت بدون حوش المساحه الموجوده سويتها غرفه حق الخدامه

عطوني حل يالمعارضين !!!!

حسبي الله ونعم الوكيل
مفتكرين كل الناس عايشين في قصور

[حقل الشمال]

الله يكتب الي فية الخير

[النهار]

قسم بالله ماعندي مكان احط الدريول فيه غير هالمكان
البيت بدون حوش المساحه الموجوده سويتها غرفه حق الخدامه

عطوني حل يالمعارضين !!!!

حسبي الله ونعم الوكيل
مفتكرين كل الناس عايشين في قصور


ياما شفنا مشاكل مع ناس يوم توقف سيارتك عند طوفة بيته تحصلحه اما مبنشر لك التاير ولا ناطرك بتاير لوير ولا متصل بالشرطه والتوقيف يكون مؤقت لساعات يعني الشخص مومسكر عليه باب بيته بعيد عن باب البيت مره صارت لي مشكله مع واحد سيارتي بنشرت وانا مافيني شده على تغير التاير كروزر صعب تفك توايراها رحت اجيب البنشرشي ولا راعي البيت قالب علي الدنيا اول ماوصلت مع الريال يقول لي الحمدالله السلامه قلت له الله يسلمك قال اشلون توقف عن طوفة البيت وانا وين اوقف وانا اتصلت بالشرطه قلت ايش فيها اتصل بالدفاع المدني بعد قال الحين برويك سنع الله خلى الشرطه تجي قلت انا ناطر انا واقف في املاك الدوله مش في ملكك الخاص جات الشرطه عاينت المكان قالواله مش من حقك تمنعه يوقف انت لك حدود معينه يجيب عدم تجاوزها وهي باب البيت فقط اذالواحد يمنع وقوف سياره في حاله اطراريه كيف يسمح لنفسه يحط كابينه في ملك الدوله للأبد

[سنطره]

انا مع قرار البلدية بازالة غرف السائقين من خارج المنزل حيث تشكل خصوصية يعلم الله وحده على ماذا تحتوي والحاقها بداخل المنزل حفاظا على الأمن الخاص والعام حتى يصبح السائق تحت نظر أهل المنزل ، وخصوصيته بهذا الشكل لا تحمد عقباها

ما فكرتي بالبيت اللي عنده بنات بالذات المراهقات او الصغار راح ايكون خطر عليهم لو السائق كانت غرفته داخل البيت