ارجو الأفادة .. العلاج في المانيا

[وحيد-الشوق]

السلام عليكم

الله يشفي مرضانا ومرضى المسلمين

سبق وطرحت موضوع عن حالة امي المريضة :(

http://www.qatarshares.com/vb/showthread.php?t=322315

الحين يااخوان مادري شسوي احترت صراحه انا حاليا في تايلاند وراجع بكره ان شاء الله وديت الوالدة المسشتفى الملكي وبعد الفحص والاشعة العادية والmri ( الرنين المغناطيسي ) وطلع الي كنت شاك فيه قالوا عندها التهاب في العظم او بالاصج في جرثومه في العظم طبعا بسب مقصبنا المميز والي قهرني اكثر في مستشفى حمد تم عمل اشعة الرنين المغناطيسي والاشعة العادية حق الوالده ومابين فيها شيء :anger1: امحق مسشتفى صج كجره تخيلوا في تايلاند الاشعة العادية بينت كل شيء وانا شفت بعيني شلون حاله عظم الساق :eek5:

المشكلة في تايلاند الطبيب ماعطاني نسبه جيدة لنجاح العملية قالي يمكن بعد العملية مايكون في شفاء تام واحتمال يبقى شيء من الالتهاب والنسبة حددها تقريبا 50 % :( وحتى مسشتفى ويشتاني قالي الطبيب مااقدر احدد نسبة النجاح بس يقول ان العلاج بسيط وهو ازالة الالتهاب وقالي أيضا يمكن تقعد بعد العملية يمكن 4 ايام يمكن اسبوعين او ثلاثة او شهر او اكثر وانا خايف صراحه الواحد مايقدر يغامر مع العلم ان علاجهم وخدمتهم اكثر من ممتازة للأمانة

والله قهر يالربع مادري ليش اللجنة الطبية للعلاج في الخارج رافضين علاجها في الخارج 3 مرات وحتى الوزير نفسه رفعت له كتاب وشاف الافادة من اللجنة وبعد رفض علاجها يقول علاجها موجود عندنا طبعا لوكان شخص عزيز عليه ماكان بيقول هالكلام :( احد يصدق مريض ياخذ مضاد حيوي 4 سنوات :( مع العلم مضاعفات هذا المرض خطيرة جدا :weeping: يعلم الله لو اني مقتدر مابقصر عليها في اي مكان في العالم :(

مااقول غير حسبي الله ونعم الوكيل في ذمتهم هذا كله اختي توفت بسبب اهمالهم والحين الوالدة ملوثين رجلها الله ياخذ حقنا منهم :anger1:

يليت يااخوان تدلوني وين اروح المانيا؟ هل هي ممتازة فعلا وشلون التكاليف هناك حتى لوبشكل تقريبي والسكن الخ ..

محدثكم وحيد-الشوق من تايلاند :weeping:

[البحار00]

اخوي عليك ببون في المانيا متخصصين في العظام

كان عندنا مريض رايح متكسر وبفضل الله وشطارة الدكاتره هناك رجع لنا يمشي بعد 6 شهور

بس التكاليف شوي مكلفه اما السكن رخيص لحد ما لان بون مب بلد سياحيه بكثر ماهي علاجيه

والله يشفي والدتك وكل مرضى المسلمين

[قطرية مثقفة]

أول شي استخير إذا تكمل علاجه في تايلاند أو لا ،،،،،،،،، يمكن تكمل علاج وتخف على طول بإذن الله ،،،،،،،، لأن ممكن تروح ألمانيا ويقولون لك نفس الكلام ،،،،،، وإذا نويت على ألمانيا حاول طرش فحوصاته اللي سويته في تايلاند عن طريق السفارة القطرية في ألمانيا لمستشفى متخصص هناك ،،،،،،، علشان يردون عليك إذا في علاج وتحسن بنسبة أكبر من اللي حصلته في تايلاند ،،،،،،،،،،وأجر وعافية إنشاالله

[نحول]

والله اتمنى افيدك بس ماعرف

لكن يكفيني اني ادعوا لها بالشفاء العاجل ويارب تردون سالمين غانمين

[كاريرا]

السلام عليكم

الله يشفي مرضانا ومرضى المسلمين

سبق وطرحت موضوع عن حالة امي المريضة :(

http://www.qatarshares.com/vb/showthread.php?t=322315

الحين يااخوان مادري شسوي احترت صراحه انا حاليا في تايلاند وراجع بكره ان شاء الله وديت الوالدة المسشتفى الملكي وبعد الفحص والاشعة العادية والmri ( الرنين المغناطيسي ) وطلع الي كنت شاك فيه قالوا عندها التهاب في العظم او بالاصج في جرثومه في العظم طبعا بسب مقصبنا المميز والي قهرني اكثر في مستشفى حمد تم عمل اشعة الرنين المغناطيسي والاشعة العادية حق الوالده ومابين فيها شيء :anger1: امحق مسشتفى صج كجره تخيلوا في تايلاند الاشعة العادية بينت كل شيء وانا شفت بعيني شلون حاله عظم الساق :eek5:

المشكلة في تايلاند الطبيب ماعطاني نسبه جيدة لنجاح العملية قالي يمكن بعد العملية مايكون في شفاء تام واحتمال يبقى شيء من الالتهاب والنسبة حددها تقريبا 50 % :( وحتى مسشتفى ويشتاني قالي الطبيب مااقدر احدد نسبة النجاح بس يقول ان العلاج بسيط وهو ازالة الالتهاب وقالي أيضا يمكن تقعد بعد العملية يمكن 4 ايام يمكن اسبوعين او ثلاثة او شهر او اكثر وانا خايف صراحه الواحد مايقدر يغامر مع العلم ان علاجهم وخدمتهم اكثر من ممتازة للأمانة

والله قهر يالربع مادري ليش اللجنة الطبية للعلاج في الخارج رافضين علاجها في الخارج 3 مرات وحتى الوزير نفسه رفعت له كتاب وشاف الافادة من اللجنة وبعد رفض علاجها يقول علاجها موجود عندنا طبعا لوكان شخص عزيز عليه ماكان بيقول هالكلام :( احد يصدق مريض ياخذ مضاد حيوي 4 سنوات :( مع العلم مضاعفات هذا المرض خطيرة جدا :weeping: يعلم الله لو اني مقتدر مابقصر عليها في اي مكان في العالم :(

مااقول غير حسبي الله ونعم الوكيل في ذمتهم هذا كله اختي توفت بسبب اهمالهم والحين الوالدة ملوثين رجلها الله ياخذ حقنا منهم :anger1:

يليت يااخوان تدلوني وين اروح المانيا؟ هل هي ممتازة فعلا وشلون التكاليف هناك حتى لوبشكل تقريبي والسكن الخ ..

محدثكم وحيد-الشوق من تايلاند :weeping:

:(

الله يشفيها يارب اللهم آميين

ياخوي احسن اربع مستشفيات عظام فالعالم فامريكا شيك الخاص عندك

والله يشفي مريضكم يارب:(

[بـومـشـاعـل]

الله يشفيها لك وماعندي غير الدعاء لها

[auto body]

الله يشفيها ان شاء الله
ياخوى فية بروفسور معروووف على مستوى العالم اسمة البروفسور/ نت هارد
ومنطقتة اخن بالمانيا انا متعالج عندة
والسكن رخيص والمعيشة رخيصة
واذا بغيت اي شي حاضر ممكن اخليك تطرش التقرير للبروفسور على طول والمكتب الطبى في المانيا حدث ولا حرج
مامنة فايدة

[عبدالمحسن]

انصحك بلندن


وابسط الاسباب لأقتراحي وجود الاستاذ عبدالله الانصاري .. راح يسهل عليك امور كثيره لأن مكتبنا في المانيا الله بالخير



ارسل تقاريرك للانصاري .. وهو بيرتب لك كل شي ان شاء الله


والله يشافينا ويشافي مريضكم

[قطري طموح]

اخوي مثل ماقال الاخ البحار عليك بمدينة بون انشالله تلاقي علاجها هناك ، وبعدين عن تايلند اللي اعرفه عن مستشفياتهم بانها مفيده للاورام اما عن العظام ماعرف عن احد استفاد منهم .

[لطيف الروح]

الله يشفيها ان شاء الله
ياخوى فية بروفسور معروووف على مستوى العالم اسمة البروفسور/ نت هارد
ومنطقتة اخن بالمانيا انا متعالج عندة
والسكن رخيص والمعيشة رخيصة
واذا بغيت اي شي حاضر ممكن اخليك تطرش التقرير للبروفسور على طول والمكتب الطبى في المانيا حدث ولا حرج
مامنة فايدة

كلامك صحيح 100% بخصوص البروفسور وانا اعرف ناس تعالجو عنده. اما المكتب الطبي بعد الاستاذ / عبدالله انصاري صار حليب منزوع الدسم لاهل قطر والسبب البطل الي يديره

[الصريحه]

الله يشفيها ويعافيها

[ابن الجزيره]

السلام عليكم

الله يشفي مرضانا ومرضى المسلمين

سبق وطرحت موضوع عن حالة امي المريضة :(

http://www.qatarshares.com/vb/showthread.php?t=322315

الحين يااخوان مادري شسوي احترت صراحه انا حاليا في تايلاند وراجع بكره ان شاء الله وديت الوالدة المسشتفى الملكي وبعد الفحص والاشعة العادية والmri ( الرنين المغناطيسي ) وطلع الي كنت شاك فيه قالوا عندها التهاب في العظم او بالاصج في جرثومه في العظم طبعا بسب مقصبنا المميز والي قهرني اكثر في مستشفى حمد تم عمل اشعة الرنين المغناطيسي والاشعة العادية حق الوالده ومابين فيها شيء :anger1: امحق مسشتفى صج كجره تخيلوا في تايلاند الاشعة العادية بينت كل شيء وانا شفت بعيني شلون حاله عظم الساق :eek5:

المشكلة في تايلاند الطبيب ماعطاني نسبه جيدة لنجاح العملية قالي يمكن بعد العملية مايكون في شفاء تام واحتمال يبقى شيء من الالتهاب والنسبة حددها تقريبا 50 % :( وحتى مسشتفى ويشتاني قالي الطبيب مااقدر احدد نسبة النجاح بس يقول ان العلاج بسيط وهو ازالة الالتهاب وقالي أيضا يمكن تقعد بعد العملية يمكن 4 ايام يمكن اسبوعين او ثلاثة او شهر او اكثر وانا خايف صراحه الواحد مايقدر يغامر مع العلم ان علاجهم وخدمتهم اكثر من ممتازة للأمانة

والله قهر يالربع مادري ليش اللجنة الطبية للعلاج في الخارج رافضين علاجها في الخارج 3 مرات وحتى الوزير نفسه رفعت له كتاب وشاف الافادة من اللجنة وبعد رفض علاجها يقول علاجها موجود عندنا طبعا لوكان شخص عزيز عليه ماكان بيقول هالكلام :( احد يصدق مريض ياخذ مضاد حيوي 4 سنوات :( مع العلم مضاعفات هذا المرض خطيرة جدا :weeping: يعلم الله لو اني مقتدر مابقصر عليها في اي مكان في العالم :(

مااقول غير حسبي الله ونعم الوكيل في ذمتهم هذا كله اختي توفت بسبب اهمالهم والحين الوالدة ملوثين رجلها الله ياخذ حقنا منهم :anger1:

يليت يااخوان تدلوني وين اروح المانيا؟ هل هي ممتازة فعلا وشلون التكاليف هناك حتى لوبشكل تقريبي والسكن الخ ..

محدثكم وحيد-الشوق من تايلاند :weeping:


لا تتحرك الا تكلم السفارة وهم بيسألون بألمانيا
تحديدا ((بون))
بعدين انت وصلت صح بانكوك فيها العلاج
اسأل الاماراتين
بالمستشفى الامريكي
قريب من حي العرب
انا كنت من فتره وعطوني علاج واحد من الربع

ولا تيأس والله يوفقك

الربع بالسفارة يفيدونك

وفالك طيب

[فرحة ايامي]

السلام عليكم

الله يشفي مرضانا ومرضى المسلمين

سبق وطرحت موضوع عن حالة امي المريضة :(

http://www.qatarshares.com/vb/showthread.php?t=322315

الحين يااخوان مادري شسوي احترت صراحه انا حاليا في تايلاند وراجع بكره ان شاء الله وديت الوالدة المسشتفى الملكي وبعد الفحص والاشعة العادية والmri ( الرنين المغناطيسي ) وطلع الي كنت شاك فيه قالوا عندها التهاب في العظم او بالاصج في جرثومه في العظم طبعا بسب مقصبنا المميز والي قهرني اكثر في مستشفى حمد تم عمل اشعة الرنين المغناطيسي والاشعة العادية حق الوالده ومابين فيها شيء :anger1: امحق مسشتفى صج كجره تخيلوا في تايلاند الاشعة العادية بينت كل شيء وانا شفت بعيني شلون حاله عظم الساق :eek5:

المشكلة في تايلاند الطبيب ماعطاني نسبه جيدة لنجاح العملية قالي يمكن بعد العملية مايكون في شفاء تام واحتمال يبقى شيء من الالتهاب والنسبة حددها تقريبا 50 % :( وحتى مسشتفى ويشتاني قالي الطبيب مااقدر احدد نسبة النجاح بس يقول ان العلاج بسيط وهو ازالة الالتهاب وقالي أيضا يمكن تقعد بعد العملية يمكن 4 ايام يمكن اسبوعين او ثلاثة او شهر او اكثر وانا خايف صراحه الواحد مايقدر يغامر مع العلم ان علاجهم وخدمتهم اكثر من ممتازة للأمانة

والله قهر يالربع مادري ليش اللجنة الطبية للعلاج في الخارج رافضين علاجها في الخارج 3 مرات وحتى الوزير نفسه رفعت له كتاب وشاف الافادة من اللجنة وبعد رفض علاجها يقول علاجها موجود عندنا طبعا لوكان شخص عزيز عليه ماكان بيقول هالكلام :( احد يصدق مريض ياخذ مضاد حيوي 4 سنوات :( مع العلم مضاعفات هذا المرض خطيرة جدا :weeping: يعلم الله لو اني مقتدر مابقصر عليها في اي مكان في العالم :(

مااقول غير حسبي الله ونعم الوكيل في ذمتهم هذا كله اختي توفت بسبب اهمالهم والحين الوالدة ملوثين رجلها الله ياخذ حقنا منهم :anger1:

يليت يااخوان تدلوني وين اروح المانيا؟ هل هي ممتازة فعلا وشلون التكاليف هناك حتى لوبشكل تقريبي والسكن الخ ..

محدثكم وحيد-الشوق من تايلاند :weeping:

مرحبا يا أخوي فيه مستشفى في ميونخ اسمه : Alfa clinic والدكتور الجراح المتخصص أحسن واحد في هذا المستشفى في العظام اسمه : Dr. Touf وهذا الجراح أجرى عدة عمليات لشخصيات كبيره بما فيهم رئيس دوله لكن سمعت ان المستشفى الحين - يمكن - تحت التعديلات لو فكرت بالجراح هذا بارسل لك تلفوناته الخاصه على الخاص وعنوانه كامل.
ممتاز جدا هذا الجراح فيه واحد ثاني بعد بس ما اعرف اسمه وعنوانه بالضبط هو بعد في ميونخ جراح عظام ممتاز باجيب لك اسمه .
دعواتي للوالدة بالشفاء العاجل

[كيت كات قطر]

السلام عليكم عندك في المانيا احسن علاج للالم الظهر والعضام في مدينة باد ولدينغ كله اهل قطر هناك وعندهم دكتور داهيه معروف في المانيا برفيسور عالمي انصحك فيه واسم المستشفى مستشفى فيرنر فيكر العنوان 34537 باد فلدونجن راينهاردس هاوزن تلفونهم 05621/803-260 الاسم بالانجليزي werner -wiker -klinik

[وحيد-الشوق]

اخوي عليك ببون في المانيا متخصصين في العظام

كان عندنا مريض رايح متكسر وبفضل الله وشطارة الدكاتره هناك رجع لنا يمشي بعد 6 شهور

بس التكاليف شوي مكلفه اما السكن رخيص لحد ما لان بون مب بلد سياحيه بكثر ماهي علاجيه

والله يشفي والدتك وكل مرضى المسلمين

شكرا اخوي عالافادة

الله يرحم والديك


أول شي استخير إذا تكمل علاجه في تايلاند أو لا ،،،،،،،،، يمكن تكمل علاج وتخف على طول بإذن الله ،،،،،،،، لأن ممكن تروح ألمانيا ويقولون لك نفس الكلام ،،،،،، وإذا نويت على ألمانيا حاول طرش فحوصاته اللي سويته في تايلاند عن طريق السفارة القطرية في ألمانيا لمستشفى متخصص هناك ،،،،،،، علشان يردون عليك إذا في علاج وتحسن بنسبة أكبر من اللي حصلته في تايلاند ،،،،،،،،،،وأجر وعافية إنشاالله


المشكلة في تايلاند ماعطوني نسبة جيده وكلامهم ماطمني لذلك ماقدرت اغامر قلت ارجع واشوف مكان ثاني :(

جزاج الله خير


والله اتمنى افيدك بس ماعرف

لكن يكفيني اني ادعوا لها بالشفاء العاجل ويارب تردون سالمين غانمين

آمين

الله يجزاك خير ياخوي ويحفظك من كل مكروه



:(

الله يشفيها يارب اللهم آميين

ياخوي احسن اربع مستشفيات عظام فالعالم فامريكا شيك الخاص عندك

والله يشفي مريضكم يارب:(

شيكت الخاص وان شاء الله بعد مااخذ ايميلك برسل لك التقارير


الله يشفيها لك وماعندي غير الدعاء لها

آمين الله يشفي مرضى السلمين


الله يشفيها ان شاء الله
ياخوى فية بروفسور معروووف على مستوى العالم اسمة البروفسور/ نت هارد
ومنطقتة اخن بالمانيا انا متعالج عندة
والسكن رخيص والمعيشة رخيصة
واذا بغيت اي شي حاضر ممكن اخليك تطرش التقرير للبروفسور على طول والمكتب الطبى في المانيا حدث ولا حرج
مامنة فايدة

الله يجزاك خير اخوي

يليت ترسلي تفاصيل اكثر واذا تقدر تطرشلي التقارير حق الدكتور بتسوي خير




انصحك بلندن


وابسط الاسباب لأقتراحي وجود الاستاذ عبدالله الانصاري .. راح يسهل عليك امور كثيره لأن مكتبنا في المانيا الله بالخير



ارسل تقاريرك للانصاري .. وهو بيرتب لك كل شي ان شاء الله


والله يشافينا ويشافي مريضكم

آمين

اذا عندك اي طريقة للتواصل مع عبدالله الانصاري يكون افضل


اخوي مثل ماقال الاخ البحار عليك بمدينة بون انشالله تلاقي علاجها هناك ، وبعدين عن تايلند اللي اعرفه عن مستشفياتهم بانها مفيده للاورام اما عن العظام ماعرف عن احد استفاد منهم .

والله ياخوي راسي افتر مادري وين افضل مكان

بالعكس تايلاند ممتازين جدا للعظام ايضا خصوصا الملكي وويشتاني والثاني هذا مستشفى متخصص في العظام لكن شخصيا ماقدرت استفيد كثير منهم بس كافي المعاملة الطيبة منهم :)


كلامك صحيح 100% بخصوص البروفسور وانا اعرف ناس تعالجو عنده. اما المكتب الطبي بعد الاستاذ / عبدالله انصاري صار حليب منزوع الدسم لاهل قطر والسبب البطل الي يديره

يعني الدكتور نت هارد ممتاز ؟ وقصدك عبدالله الانصاري الي في لندن خخخخ واحد يذم واحد يمدح



الله يشفيها ويعافيها

آمين ..جزاج الله خير



لا تتحرك الا تكلم السفارة وهم بيسألون بألمانيا
تحديدا ((بون))
بعدين انت وصلت صح بانكوك فيها العلاج
اسأل الاماراتين
بالمستشفى الامريكي
قريب من حي العرب
انا كنت من فتره وعطوني علاج واحد من الربع

ولا تيأس والله يوفقك

الربع بالسفارة يفيدونك

وفالك طيب

اكيد بكلم السفارة وانا قلت بالمره اسمع راي الاعضاء

بكره السبت اكيد اجازة مافي الا ننتظر لين الاثنين

اخوي انا اليوم رجعت من بانكوك للتو رحت الملكي وويشتاني ماعطوني نسبة زينه لنجاح العملية الاول قالي 50 % والثاني قالي مااقدر احدد نسبة نجاح كبيره لكن احتمال تتحسن




مرحبا يا أخوي فيه مستشفى في ميونخ اسمه : Alfa clinic والدكتور الجراح المتخصص أحسن واحد في هذا المستشفى في العظام اسمه : Dr. Touf وهذا الجراح أجرى عدة عمليات لشخصيات كبيره بما فيهم رئيس دوله لكن سمعت ان المستشفى الحين - يمكن - تحت التعديلات لو فكرت بالجراح هذا بارسل لك تلفوناته الخاصه على الخاص وعنوانه كامل.
ممتاز جدا هذا الجراح فيه واحد ثاني بعد بس ما اعرف اسمه وعنوانه بالضبط هو بعد في ميونخ جراح عظام ممتاز باجيب لك اسمه .
دعواتي للوالدة بالشفاء العاجل

ماقصرتي اختي اشوف الاغلبيه يرشحون المانيا ان شاء الله برسل التقارير لأكثر من مكان

الله يسمع منج


السلام عليكم عندك في المانيا احسن علاج للالم الظهر والعضام في مدينة باد ولدينغ كله اهل قطر هناك وعندهم دكتور داهيه معروف في المانيا برفيسور عالمي انصحك فيه واسم المستشفى مستشفى فيرنر فيكر العنوان 34537 باد فلدونجن راينهاردس هاوزن تلفونهم 05621/803-260 الاسم بالانجليزي werner -wiker -klinik

جزاك الله خير اخوي

الله يكتب الي فيه الخير

[ali440]

بارك الله فيك وكثر من امثلك لهتمامك بوالديك والله يشفي والدتك انه هو السميع العليم

ونصيحتي لك بعد اتخاذ الاسباب

هو قول رسول الله: إن كان في شيء مما تداوون به خير ففي الحجامة
انصحك بها اعملهه لوجة الله لا للتجربه ودع ربك ان يشفيها انه هو السميع العليم
وسترى بعينك ان الله هو الشافي وهو على كل شي قدير

مع السلامة لك ولوالدتك الغالية

[كازانوفا]

الله يشفيها ويوقف لكم عيال الحلال يا رب
ويشفى مرضانا يارب العالمين

[M!$s ĀŁ!eN]

الله يشفيها يارب
رووووح الهند اهناك العلاج وايد زين

[ودي أكون]

الله يشفيها يارب ..

أخوي بألمانيا صار له 9 شهور هناك يعالج ولده .. إذا أحتجت شي خبرني وماراح أخليه يقصر باستفساراتك ..

الله يشفيها يارب .. ياحظك عالاجر اللي تاخذه ابركات الوالدة :(

الله يوفقك يارب :discuss:

[عديـل الـروح]

الله يشفيها لكم ... ويردها سالمه معافاه

ولا نملك الا الدعاء بظهر الغيب ..

اللهم رب الناس اذهب البأس لا شفاء الا شفاءك

[مضاربه]

الله يشفي الوالده يارب انا صار لي كم يوم ادور في النت على دكاتره في لندن عندي احتكاك في غضاريف الظهر وطبعا دكاتره الدوحه ماعندهم الا المسكنات المشكله في حمد والا في العيادات الخاصه كلهم نفس المستوى مادري ليش في ناس يقولون المانيا احسن من لندن في علاج العظام بس انا ماحب الالمان من عقب دكتور مارتن الي في سباير الي قال لي لازم اسوي لج عمليه في الركبه ولا تسوين علاج طبيعي مايفيد في حالتج يوم رحت لندن الا قال لي الدكتور سوي تمارين واسبحي وشرط يخف الورم والالتهاب والحمدالله انا احسن بوايد الحين حبيت اقول لك قصتي علشان ماتتسرع وتسوي عمليه الا بعد استشارة كذا دكتور

[قطري33]

اخوي اطرق باب العزيز الجبار قال تعالى في كتابه العزيز (امن يجيب المضطر اذا دعاه ويكشف السوء) وقال تعالى {وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ }البقرة186 ... وبأذن الله ربي بيفرج عنك كربتك وبيشفى والدتك وبييسر امور علاجها .

اللهم انت الشافي وانت المعافي لاشفاء الا شفائك..شفاء لا يغادر سقما.. اشف ام اخونا وحيد الشوق ويسر لها كل امور علاجها

[ولد المشرب]

اخوي الله يشفي والدتك
والله يكثر من امثالك
واتمنى لها الشفاء العاجل باذن الله
بقولك شيئين
الاول حادث لولد عمي الله يبعد عنكم الشر
رايح على حساب الدوله لندن وتم 3 اشهور تقريبا ولا استفاد شي نهائيا الا دمروه
وتلاحقوا عليه وراح تايلاند والحمد الله تحسن 80% وانصحوه يمكل علاج الطبيعي ف تشيك وبيكمل العلاج الطبيعي في تشيك
والثاني
بنت اخوي من اسبوعين تقريبا فيها عيب خلقي والحمد الله ما تطول وحده من رجليها وحصل اخوي في المانيا والدوله خصصوا يروح بون
لكن الحمد الله غير الجهة الى العاصمة ميونيخ والحمد الله قابل البرفسور وقاله عملية وحده في الحوض(من قبل في دبي قاله الدكتور 4 عمليات ) والحمد الله اسبوع الجاي راح يبتدي فالعمليه
والسفارة ما قصرت باي شي هناك

وانت لازم تستخير واذا تايلاند قولوا شي مافي مصلحة والدتك روح المانيا ومعروفه بالعظام

تبي اسال اخوي عن اي شي حاضرين

[رفيعة الشآن]

الله يشفيها ويعافيها يارب
والله يصبركم ويجزاكم الخير
وحاولوا تستعجلون وتودونها المانيا مثل ماقالوا باقي الاخوان لان كل يوم محسوب عليها من صحتها والله ييسر لكم اموركم ويفرج كربتكم ويخلي لكم الوالده ويشفيها ويعافيها

اللهم آمين

[المضعد]

توكل علىالله وعالجها في تايلند لان المانيا غاليا جدا جدا... واذا ماعندك تقرير يعني بكره بتبيع بيتكم..الافضل تايلند ..علاجهم ماعليه كلام.
الله يشفيها ويعافيها ويخليها لكم
ومن توكل على الله ماخاب

[روح الاطلس]

الله يشفيها قريت موضوعك اليوم في جريدة الشرق لعل الوزير ينفض بشته شوي ويطلب لها علاج على حساب اللجنة الطبية

انا مدري اللجنة مفتوحة لمن بالضبط؟؟ اذا حالات مستعصية ومالها علاج في قطر ليه مايوافقون على العلاج في الخارج ؟ ميزانية الصحة ضخمه وين تروح هالاموال حسبي الله ونعم الوكيل

[وحيد-الشوق]

بارك الله فيك وكثر من امثلك لهتمامك بوالديك والله يشفي والدتك انه هو السميع العليم

ونصيحتي لك بعد اتخاذ الاسباب

هو قول رسول الله: إن كان في شيء مما تداوون به خير ففي الحجامة
انصحك بها اعملهه لوجة الله لا للتجربه ودع ربك ان يشفيها انه هو السميع العليم
وسترى بعينك ان الله هو الشافي وهو على كل شي قدير

مع السلامة لك ولوالدتك الغالية




جزاك الله خير اخوي

الحجامة فكرت فيها لكن صدقني ماراح تنفع حاليا لأنه البلا في العظم من داخل وضروري لازم تعمل جراحه


الله يشفيها ويوقف لكم عيال الحلال يا رب
ويشفى مرضانا يارب العالمين

آمين

الله يرحم والديك


الله يشفيها يارب
رووووح الهند اهناك العلاج وايد زين

آمين

الهند ياخوك الواحد يبي يروحها ومتردد والي يقهر اجراءات السفارة المعقدة :anger1:


الله يشفيها يارب ..

أخوي بألمانيا صار له 9 شهور هناك يعالج ولده .. إذا أحتجت شي خبرني وماراح أخليه يقصر باستفساراتك ..

الله يشفيها يارب .. ياحظك عالاجر اللي تاخذه ابركات الوالدة :(

الله يوفقك يارب :discuss:

جزاج الله خير

احنا ناوين على المانيا اذا ماودها على حساب الدولة بنروح على حسابنا اذا الله اراد


الله يشفيها لكم ... ويردها سالمه معافاه

ولا نملك الا الدعاء بظهر الغيب ..

اللهم رب الناس اذهب البأس لا شفاء الا شفاءك

جزاك الله خير ورحم الله والديك


الله يشفي الوالده يارب انا صار لي كم يوم ادور في النت على دكاتره في لندن عندي احتكاك في غضاريف الظهر وطبعا دكاتره الدوحه ماعندهم الا المسكنات المشكله في حمد والا في العيادات الخاصه كلهم نفس المستوى مادري ليش في ناس يقولون المانيا احسن من لندن في علاج العظام بس انا ماحب الالمان من عقب دكتور مارتن الي في سباير الي قال لي لازم اسوي لج عمليه في الركبه ولا تسوين علاج طبيعي مايفيد في حالتج يوم رحت لندن الا قال لي الدكتور سوي تمارين واسبحي وشرط يخف الورم والالتهاب والحمدالله انا احسن بوايد الحين حبيت اقول لك قصتي علشان ماتتسرع وتسوي عمليه الا بعد استشارة كذا دكتور

اختي الدكتور الشاطر مايهد بلاده لما رحت سبيتار وشاف الدكتور الحاله توهق وقال انا مااقدر اسوي شيء احنا تخصصنا اصابات رياضية وكسور بسيطة

ماقصرتي جزاج الله خير


اخوي اطرق باب العزيز الجبار قال تعالى في كتابه العزيز (امن يجيب المضطر اذا دعاه ويكشف السوء) وقال تعالى {وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ }البقرة186 ... وبأذن الله ربي بيفرج عنك كربتك وبيشفى والدتك وبييسر امور علاجها .

اللهم انت الشافي وانت المعافي لاشفاء الا شفائك..شفاء لا يغادر سقما.. اشف ام اخونا وحيد الشوق ويسر لها كل امور علاجها

ونعم بالله اخوي الكريم

الله يسهل امورنا ويشفي جميع مرضى المسلمين


اخوي الله يشفي والدتك
والله يكثر من امثالك
واتمنى لها الشفاء العاجل باذن الله
بقولك شيئين
الاول حادث لولد عمي الله يبعد عنكم الشر
رايح على حساب الدوله لندن وتم 3 اشهور تقريبا ولا استفاد شي نهائيا الا دمروه
وتلاحقوا عليه وراح تايلاند والحمد الله تحسن 80% وانصحوه يمكل علاج الطبيعي ف تشيك وبيكمل العلاج الطبيعي في تشيك
والثاني
بنت اخوي من اسبوعين تقريبا فيها عيب خلقي والحمد الله ما تطول وحده من رجليها وحصل اخوي في المانيا والدوله خصصوا يروح بون
لكن الحمد الله غير الجهة الى العاصمة ميونيخ والحمد الله قابل البرفسور وقاله عملية وحده في الحوض(من قبل في دبي قاله الدكتور 4 عمليات ) والحمد الله اسبوع الجاي راح يبتدي فالعمليه
والسفارة ما قصرت باي شي هناك

وانت لازم تستخير واذا تايلاند قولوا شي مافي مصلحة والدتك روح المانيا ومعروفه بالعظام

تبي اسال اخوي عن اي شي حاضرين

اخوي انا كنت في تايلاند لكن كلامهم ماطمني

صحيح انه في المانيا في طبيب رد علي وقالي هذا مرض مزمن واحتمال يرجع هالشيء مره ثانية لكنها محتاجه عملية لأنه المضاد الحيوي مايجيب فايده





الله يشفيها ويعافيها يارب
والله يصبركم ويجزاكم الخير
وحاولوا تستعجلون وتودونها المانيا مثل ماقالوا باقي الاخوان لان كل يوم محسوب عليها من صحتها والله ييسر لكم اموركم ويفرج كربتكم ويخلي لكم الوالده ويشفيها ويعافيها

اللهم آمين


الله يسمع منج

الله يرحم والديج


توكل علىالله وعالجها في تايلند لان المانيا غاليا جدا جدا... واذا ماعندك تقرير يعني بكره بتبيع بيتكم..الافضل تايلند ..علاجهم ماعليه كلام.
الله يشفيها ويعافيها ويخليها لكم
ومن توكل على الله ماخاب

والله ياخوك ماندري بنقرر وبنشوف بس اكبر احتمال المانيا

الله يشفي جميع مرضى المسلمين


الله يشفيها قريت موضوعك اليوم في جريدة الشرق لعل الوزير ينفض بشته شوي ويطلب لها علاج على حساب اللجنة الطبية

انا مدري اللجنة مفتوحة لمن بالضبط؟؟ اذا حالات مستعصية ومالها علاج في قطر ليه مايوافقون على العلاج في الخارج ؟ ميزانية الصحة ضخمه وين تروح هالاموال حسبي الله ونعم الوكيل

آمين

الواحد يتعب ويراكض بدون فايده وناس عندها واسطة في يوم وليلة مسافرين :rolleyes2:

واخر شيء يقولون في علاج في الدوحة طيب لو في علاج ليش ماتعالجت من قبل !!!

[sendarala]

السلام عليكم
اخوي روح المستشفى الجامعي الالماني في دسلدوف
عند البروفسور كروسب
العنوان
Universitatsklinik Dusseldorf
Univ.-Prof.Dr.med.Krauspe
اتمنى لك وللوالدة الصحة والعافية