إحذري عند دخولك حمامات المجمعات

[kitmat]

منذ كم يوم يوم صارت سالفه في مجمع فيلاجيو حيث قامت جنسيه غير معروفه بالإعتداء على قطريه بداخل الحمام أعزكم الله حيث قامت بلف شيلتها على وجه القطريه ومن ثم ضرب رأسها بالحائط ومن ثم ضرب رأسها مرة أخرى بمغسلة الحمام ثم اغمي عليها وقامت الجنسيه الغير معروفه بسرقه محتويات الشنطه والتي تقدر بخمسة الاف والجوال ثم تبين بعد ذالك بأن الكاميرات كانت مغلقة أي لم يتم رصد الفاعل الذي قد يكرر فعلته مره أخرى
حشى كأن نحن مب في قطر منذ متى وتحدث عندنا هذه البلاوي والله الواحد صار يخاف يخل مكان بروحه

[نورالهدى]

يختي متأكده من هالكلام
شوي اشوفه غريب
يعني مافي حد بيدش
ومافي غيرهم بالمجمع
الحيطه واجبه

[حبر سري]

قصة من قصص الخيال العلمي , وكله كلام منتديات , يعني قول اللي تبي

نماذج من الردود المتوقعة:
ياخي قطر ماعادت مثل اول

الاجانب صار ينخاف منهم , وهم ساس البلا في بلادنا

احنا مساكين وضحايا

ياخي قبل غير والحين غير ,

ماصرنا نقدر نطلع مثل اول

ومن هالكلام

والحمد لله قطر تصنف على انها من اعلى الدول امنا وامانا في العالم كله

يالله ياحنان يامنان , يابديع السماوات والارض احفظ لنا نعمة الامن والامان
اللهم استجب

وفي جميع الاحوال لازم الواحد يتوكل على الله اول شي , وياخذ حذره بشكل عادي ,

[حقيقه]

ممكن ليش لا

بس وين عاملة النظافه اللي اربع وعشرين ساعه في دورة المياه ؟

[auto body]

اعتقد غيها نوع من الخيال هالسالفة وليش القطرية ماتعرف تدافع عن نفسها ؟؟

[kitmat]

متأكده من كلامي أنا ماكتب شي الا لما اكون متأكده وما كتبته الالتأخذو حذركم

[راية الفخر]

الظاهر هالسالفه مطلعها احد العاملين المسؤولين عن نظافة الحمامات في المجمع علشان

محد يقرب صوب الحمامات ويرتاحون هم من التنظيف ..

[king999]

شكرا واتمنى يكون خبر غير صحيح

[kitmat]

ياتها من وراها ولفت عليها الشيله وكانت تبي تخنقها لدرجه انها ما شافت إلا لون يدينها الله ستر وماماتت المره

[kitmat]

الشاطره تروح بروحها الحمام والله انا شكلي مب داشه غير حمام بيتنا أكيد المجمع بيتخذ اجراءات ثانيه والله اخاف الي حاطينها في الحمام هي الي قامت بهذه السالفه

[حرقطر]

يمكن مش في فيلاجيو انا اشتغل في مبنى قريب منه وكل يوم اروح افطر هناك ماشفت شي ولا سمعت يمكن غير فيلاجيو

[شموخ وبس]

امبيه والله مب داشه الحمام
بس شكلها مخططه مع عاملة النظافه ويصكرون الكاميرات 0000 لا امدبر
اساسا لازم اتكون العامله موجوده 0000 السالفه فيها ان 0000 اوني نانسي درو

[مابدل العادات]

أتوقع إشاعه من هاي الإشاعات الي تطلع هاي اليومين

لغرض تشويه سمعة الدوله لا أكثر ولا اقل

وقطر للحين بخير :) واهلها فيهم الخير

[كازانوفا]

كلاااااااااااااااام منتديات ونت

[ساحل الشمال]

أتوقع إشاعه من هاي الإشاعات الي تطلع هاي اليومين

لغرض تشويه سمعة الدوله لا أكثر ولا اقل

وقطر للحين بخير :) واهلها فيهم الخير اي سمعة الدولة واي اخرطي؟؟؟ انت عندك الفين جنسية وجنسية من كل ما هب ودب وكلهم يظنون ان هل قطر براميل نفط وذهب تمشي على الارض ... لو كانت الدولة حريصة على الامن ما خلت المراطنين يسيرون اقل من عشرة بالمائة في البلد ؟؟؟ وياما بتشوفون من الحوادث والاعتداء ،،،والقوم في سبات عميق ،،الا يكفيكم يا هل قطر ضياع المال العام على المصاخر والرياضيين والممثلين المسمين زورا وباطلا مثقفين وثقافة ،الا يكفي المهازل اللتي تصير في ما يسمى بالمتحف الاسلامي؟؟؟والاسلام منهم بريء ،الايكفيكم ضياع الاعراض والدعوة للسفور والخموور من خلال السماح للفنادق بفعل كل ما حرم الله بحجة جلب السياحة ؟؟؟اتقوا الله ايها المسئولين والله انكم محاسبون امام الله وثم امام الاجيال اللتي ستعي انكم دمرتموهم بهذه المنكرات المتوفرة بسهولة في البلد على ايدي اجانب خبيثين ومن ورائهم مسئولين يدعمونهم للاستفادة المادية ..وحسبنا الله ونعم الوكيل على من اعان المفسدين على تدمير البلد .

[unless]

بصراحة الموضوع غريب شوي وعذراً صاحب الموضوع
لان حتى لو افترضنا ان وحدة لها نية جريمة ماراح تكون في حمام
والسبب انه مكان للتردد المتكرر والغير محدد في نفس الوقت
والجريمة المذكورة لو وقتناها ...بتكون بالترتيب الاتي:
دخلت المواطنة الحمام ..تحرش في البداية ..مسكت راس المواطنة
واقتادتها للجدار (نفترض عدم وجود مقاومة حتى لو نسبية).ضربت
براسها في الجدار وكررتها ..حصل الاغماء ..تأكد من حالة الاغماء.. بدت بعدها بفتح الشنطة وتفريغها من محتوياتها الثمينة(تحديدها يثير
تساؤل)..كل هذا يحتاج على الاقل 10 دقائق..واظنه وقت كبير كفاصل
بين دخول شخص واخر لمرفق كهذا وخصوصاً في مجمع تجاري..
الموضوع فيه ان في قلب الشاعر(unless-إلا إذا ) كنت نفسك صاحب
الحادثة يا kitmat .

[همس]

منذ كم يوم يوم صارت سالفه في مجمع فيلاجيو حيث قامت جنسيه غير معروفه بالإعتداء على قطريه بداخل الحمام أعزكم الله حيث قامت بلف شيلتها على وجه القطريه ومن ثم ضرب رأسها بالحائط ومن ثم ضرب رأسها مرة أخرى بمغسلة الحمام ثم اغمي عليها وقامت الجنسيه الغير معروفه بسرقه محتويات الشنطه والتي تقدر بخمسة الاف والجوال ثم تبين بعد ذالك بأن الكاميرات كانت مغلقة أي لم يتم رصد الفاعل الذي قد يكرر فعلته مره أخرى
حشى كأن نحن مب في قطر منذ متى وتحدث عندنا هذه البلاوي والله الواحد صار يخاف يخل مكان بروحه

غريبه ان احد يشيل معاه هالمبلغ في الشنطه اخبر دايم يستعملون البطاقه في عمليات الشراء
زين فرضنا ان هالمخلوقه اللي اضربت المرأه وكفختها وفتحت الشنطه وماحصلت شي غير الموبايل
يعني كل هالعنوه على موبايل مايسوى عليها:omen2:
اللي انتي ناقله منه الموضوع شكله شايف فلم هندي قبل يكتب القصه:rolleyes2:

[simsim1963]

السؤال الحمام مافيه الا بنت وحدة؟ وبعدين شلون عرفت ان البنت عندها فلوس في شنطتها

[kitmat]

سبحان الله بغيت اكسب فيكم أجر وأحذركم لاني متأكده من الي صار وصار في حمامات فيلاجيو والكاميرات كانت مسكره وشدعوه محد يشيل 5000 ريال في بوكه على العموم مابي اوضح أكثر في السالفه
انتو لو تدرون ان السالفه صارت للمره وزجها ينطرها في الخارج شنهو بتسون الاجرام زاد في قطر والوقاحة زادت بس ما قول غير انتبهو على انفسكم وما عندي أكثر من الي قلته الي يبي يصدق يصدق والي مايبي يصدق كيفه

[boamir]

الموضوع غير صحيح اشلون حمامات الحريم فيه كيمرات يعني لي تدش الحمام يصورونه صح لا كلش ميدش في العقل يمكان انتي سمعه الموضوع من مدينة تكسس

[غزلان]

اختي يمكن صج سالفتج بس معقوله محد دخل كل الحمام وانتوا بكرامه من رواد السوق لين خلصت السالفه؟!

[kitmat]

المفروض الكامرات تبين الي داخل والي طالع من الحمام بس يعني برع الموضوع صحيح بس عن الكاميرات صح المفروض مافيه كاميرات لان احنا ندخل نعدل الشيله علشان جذيه الكاميرات مسكره بس ماعندي خلفيه
الكاميرات وين اصلا لكن التحقيق اثبت ان الكاميرات مسكره

[boamir]

المفروض الكامرات تبين الي داخل والي طالع من الحمام بس يعني برع الموضوع صحيح بس عن الكاميرات صح المفروض مافيه كاميرات لان احنا ندخل نعدل الشيله علشان جذيه الكاميرات مسكره بس ماعندي خلفيه
الكاميرات وين اصلا لكن التحقيق اثبت ان الكاميرات مسكره


بس تدرين هاي الموضوع وين سامعه من قبل في البحرين في مجمع ستي اول مافتح اي والله

فا مادري موضوعج صح وله مسلسل ناس مسوينه

[ريماس الغلا]

الحمام وانتوا بكرامه لقضاء الحاجه

مب لتعديل الشيله

المفروض الوحده تعدل نفسها وتحشم نفسها من البيت وتغطي نفسها عدل عقب تطلع

مب كاشفه نص شعرها وتمشي مشيه الخيلاء وعقب تقول ليش صار معاي كذا

مثل اللي لابسه عباءه وكاشفه رجوله وتقول الشباب ليش يلاحقوني !!!

هههههههههههه

ومادري اختي انتي كنتي متواجده لما صارت السالفه او سمعتيها ؟

مع الاحترام والتقدير لج

[kitmat]

ردودكم تجيب المرض وانا غلطت يوم بغيت احذركم المرأه اعرفها وانا تحسفت يوم بغيت أحذركم

[kitmat]

بغيتو تصدقون صدقو مابغيتو تصدقون كيفكم الصراحه ردودكم غريبه وكأن الي صاير مايصير في قطر ضحكتوني

[Qt.1]

ردودكم تجيب المرض وانا غلطت يوم بغيت احذركم المرأه اعرفها وانا تحسفت يوم بغيت أحذركم
والله تعبنا من قصص النت هذي ولاا افلاام هوليود ماشاء كل يوم قصه لو انحطهم في كتاب يمكن ايحقق احسن مبيعات..!!الله المستعان.

[kitmat]

أنا غلطانه الي انصحكم المهم الي علي سويته الي يقول فلم والي يقول تشهير اشدعوه قطر بلاوي تستوي فيها واحنا ماندري

[kitmat]

والله تعبنا من قصص النت هذي ولاا افلاام هوليود ماشاء كل يوم قصه لو انحطهم في كتاب يمكن ايحقق احسن مبيعات..!!الله المستعان.

الظاهر إخوي انت متأثر بالافلام وكل شى عندك فلم اصحى ليطلع لك الغول في الحمام

[حبر سري]

انا فهمت الموضوع كله :

اختي الكريمة

انتي كنتي داشة بنك , والكاميرات فيه كانت معطلة ,
وحدة من عميلات البنك عرفت ان الكاميرات مب شغالة

وكانت تناقش الموظفة في الفايدة على السلفية

عصبت قامت وضربتها بطلب القرض

انتي فكرتيها شيلة

والخمس الاف اللي تتكلمين عليهم اختي اعتقد هاذي الفايدة المتبقية على القرض

الخلاصة :
يجب نقل الموضوع الى الاستراحة

[الجنـون]

لو فرضنا القصه صجيه .. حمامات فيلاجيو نادر مايكونون فاضيين .. كل كم ثانيه وحده داشه ولا وحده طالعه ..

وفيه عاملة تنظيف موجوده بالحمام .. السالفه الي قلتيها يبيلها على الاقل من 6 اين 10 دقايق ..

تتوقعين كل ها المده مافي حد فكر يدش الحمام .. وانتي قلتي رجلها كان ينطرها برع .. انزين ماسمعها تصارخ .. مستحيل وحده تنضرب وماتصارخ على الاقل تبي حد يساعدها ..

وقلتي الكاميرات مسكره .. الي اعرفه انه مافي كاميرات بحمام الحريم بالمجمعات .. فيه بس عند باب الدخول بس الحمام لا لانه له خصوصيه .. حتى حمام الرجال مافي بعد ..

فاشلون كاميرا المراقبه الي برع عند الباب ماسجل حالة خروج بعد دخول المره على طول ؟؟

اسمحيلي اختي .. حنا نقول راينا ومشكوره على النصيحه .. واذا على قطر مافيها جرائم وبلاوي .. الا فيها ووايد ..

وصار كل واحد يحتاط ويحاسب .. ومشكوره على نصيحتج وباخذها بعين الاعتبار ..

[السعدي999]

كيمراء في الحمام:omen2: لا وحمام النساء :tease:من وين تجيبي هذا الكلام:anger1:

[ابن الجزيره]

كيمراء في الحمام:omen2: لا وحمام النساء :tease:من وين تجيبي هذا الكلام:anger1:


اتقي الله

اليوم جمعـــة


ولا كلام في منتدى وخلاص

وفالج طيب

[الصريحه]

الله يحفظنا وجزاك الله كل خير على التنبيه

[الصريحه]

والله مصدقتج ومحد يطلع على نفسه واهله وقرايبه كلام
جزيت خير
التسيب
الوحده والاطفال والمراهقين والام كلن بروحه تقولون تايهين في المجمعات وتصير فعلا
خصوصا الصبح لين الظهر المكان خالي مب 10 دقايق الا ساعات
الله يحفظنا واياكم

[السعدي999]

اتقي الله

اليوم جمعـــة


ولا كلام في منتدى وخلاص

وفالج طيب

اللهم اجعلني من المتقين

سلامات وش الموضوع اللي ترد عليه

[ماجور1]

شكرا على النصيحه

وباقي التفاصيل قالوها لاعضاء

[بحر العذاب]

الكلام هذا غير صحيح لأن المجمع كلها مراقبه بالكاميرات وفي كل داعوس كاميرا وعاملات النضافه
24 ساعه في الحمام يعني الحمام مافي أمل يفضى وللعلم تم التأكد من مدير أمن المجمع شخصياً حيث قال
أن لايمكن أن يحدث هذا الشي لأن عاملات النظافه متواجدين 24 ساعه في الحمام وممرات الحمامات
جميعها مراقبه بالكاميرات وأنا بنفسي دخلت غرفة الكاميرات ..

وبلاش أشاعات الحمد الله الدوله محكومه وأحنا في أمن وأمان دام هناك عيون ساهره

[عضو قديم]

منذ كم يوم يوم صارت سالفه في مجمع فيلاجيو حيث قامت جنسيه غير معروفه بالإعتداء على قطريه بداخل الحمام أعزكم الله حيث قامت بلف شيلتها على وجه القطريه ومن ثم ضرب رأسها بالحائط ومن ثم ضرب رأسها مرة أخرى بمغسلة الحمام ثم اغمي عليها وقامت الجنسيه الغير معروفه بسرقه محتويات الشنطه والتي تقدر بخمسة الاف والجوال ثم تبين بعد ذالك بأن الكاميرات كانت مغلقة أي لم يتم رصد الفاعل الذي قد يكرر فعلته مره أخرى
حشى كأن نحن مب في قطر منذ متى وتحدث عندنا هذه البلاوي والله الواحد صار يخاف يخل مكان بروحه


اي بطني.....قوية ياخوك من قلب
انا اول مرة ادري ان فيه كاميرات في حمامات النساء

بروح اشرب اونو