المساعد الشخصي الرقمي

مشاهدة النسخة كاملة : بغيت مساعده بخصوص مستشفيات امريكا .. اللي عنده خبره لا يبخل علي



عبدالمحسن
05-02-2010, 01:35 PM
السلام عليكم


فيه واحد من الربع ناوي يروح امريكا ( فحوصات )


ولكن نجهل كيفية اخذ الفيزا !! هذا اولا


ثانيا : افضل المستشفيات في امريكا !! ( قلب ) و ( باطنه ) !!


بحثت في الانتر نت . ولم تكن هناك معلومات دقيقه حول المستشفيات وتخصصاتها وفي اي الولايات والاسعار الخ !!



اللي عنده خبره ياليت يتفضل مشكوراً

فرقة الصقور
05-02-2010, 01:44 PM
راجع ادارة العلاج في الخارج

الـقـاسـي
05-02-2010, 01:51 PM
ولكن نجهل كيفية اخذ الفيزا !! هذا اولا

الفيزا اخوي امرها هين تدخل على موقع السفارة الامريكية في قطر وتاخذ الطلب وتعبيه وعقبها تسوي له برنت بيطلع لك رقم للباركود تاخذ موعد عن طريق الموقع للمقابلة وسهل الموضوع ترى مايبي لها شي ..

بالنسبة للمستشفيات اللي اعرفه انه جونز هوبكنز في ميرلاند من افضل المستشفيات في امريكا تبعد عن واشنطن 45 دقيقة تقريبا بالسيارة ..

اذا تقصد بالاسعار العلاج هناك ما ادري بس اكيد مكلف اما اذا للحياه بشكل عام هناك ارخص من الدوحة بكثير ..

وبحاول اجمع لك معلومات اكثر بأذن الله ..

دانـة قطـر
05-02-2010, 02:13 PM
وعليكم السلام ورحمة الله وبركاته

التأشيرة أنواع منها سياحه وعلاج ودراسة..تأشيرة العلاج تفضل

http://arabic.qatar.usembassy.gov/medical_visas.html


بس اعتقد يلزم احضار تقرير طبي من مستشفى حمد أو عيادة الدوحه

وفيه تأشيرة سياحية أو زيارة إذا ما عنده تقرير

http://arabic.qatar.usembassy.gov/tourist_business.html

بالنسبة لأفضل مستشفى للقلب في أمريكا هو كليفلاند بولاية أوهايو وبالنسبة للسعر أكيد غالي لإنه أغلب مرتاديه الأمراء والشيوخ :rolleyes2:

والله يشفي مريضكم ومريضنا

Qt.1
05-02-2010, 02:31 PM
السلام عليكم


فيه واحد من الربع ناوي يروح امريكا ( فحوصات )


ولكن نجهل كيفية اخذ الفيزا !! هذا اولا


ثانيا : افضل المستشفيات في امريكا !! ( قلب ) و ( باطنه ) !!


بحثت في الانتر نت . ولم تكن هناك معلومات دقيقه حول المستشفيات وتخصصاتها وفي اي الولايات والاسعار الخ !!



اللي عنده خبره ياليت يتفضل مشكوراً

بالنسبه للفيزا اتعبي الطلبات مثل ماقالو لك الااخوان وتطبعهم وترفق كل مستنداتك واتوكل على لله للسفاره ومايحتاج موعد اذا جهزت كل شي روح بس روح من وهل يعني على الااقل الساعه 7 وربع اتكون عندهم,,,

اما بخصوص المستشفيات والله ماعندي علم لكن الاسعار عامه غاليه بشكل كبير..واحد من الربع ذاك اليوم ضرسه عوره وديناه العياده طبعا خاصه قالو له بيعالجونه بــ 1600 دولاار هذا ومجرد ضرس بس طبعا هذي غير فتح الملف والاجراءات الثانيه...

يعني لاازم ايكون عندكم مبلغ قوي لاان المستشفيات بشكل عام اهني في امريكا غاليه وايد.
والله يشفي مريضكم وايجيره من كل شر يارب.

ahmed jasim
05-02-2010, 03:02 PM
إتصل على الملحق الطبي فى أمريكا
أرقامهم
12022741648
12022584701
12022741632

العلم الوكاد
05-02-2010, 03:27 PM
اخوي القاسي الا الحياة هناك اغلى من الدوحة بكثير جدا

يمكن ارخص من ناحية السكن شقق وفنادق بس

والا الاسعااااااار نااااااااار هناك

رجل الجزيرة
05-02-2010, 05:13 PM
مهوب كل الولايات غالية، أكيد فيه ولايات رخصية.

كاريرا
05-02-2010, 05:44 PM
السلام عليكم

ماتشوفون شر انشالله

اخوي لاختيار المستشفى الأفضل للعلاج لازم تعرف المرض وتشخيص المرض

ترى مهب كل مستشفى زي الثاني فهالمجالات

>يعني جون هوبكنز للأطفال هو فعلاً ماخذ الأول عالعالم للءطفال بس مهب في كل التخصصات

فاول شي انصحك اتقول وشهو المرض بالتحديد وبناء على ذلك تقرر المستشفى المختار

اذا حاب اي مساعده فالمراسله مع المستشفيات وعرض التقارير خبرني

فيه شركات متخصصه لتنسيق الملفات تاخذ ملفك وادور فيه عالمستشفيات واطلعلك الاحسن والاوفر

فرحة ايامي
05-02-2010, 06:31 PM
مرحبا يا أخوي..
فيه مستشفى ممتاز وفيه معظم التخصصات بس يعالج مرضى السرطان بنسبة 70% وفيه واحد في الملحق الطبي ممكن يساعد جدا : Mohammed Husain - Qatar Embassy -Washington - Tel: 0012022741630 M D Anderson Hospital / Huston - Texas.
اسم المستشفى اندرسون هوسبتال - هيوستن - تاكسس.. ما ادري كتبتها بالعربي صح والا
بالشفاء العاجل لمرضاكم ومرضانا ومرضى المسلمين.

Stranger Man
05-02-2010, 08:28 PM
صحيح كلام الاخ رقم 3

كل مستشفى متميز وماخذ مركز عالمي في تخصص واحد

فالافضل ان صاحبك يتم تشخيصه بالاول وعقب يروح للمستشفى المتميز

على العموم بالنسبه للجهاز الهضمي افضل مستشفى في امريكا هو مستشفى جامعة لوس انجلوس

UCLA Medical Center, Los Angeles

ومايشوف شر

القناعة كنز
05-02-2010, 10:28 PM
شوف هالرابط اخوي ان شاء الله يفيدك
مثلا افضل مستشفى في امراض القلب وجراحه القلب cleveland clinic

http://health.usnews.com/health/best-hospitals/heart-and-heart-surgery-hospital-rankings/name+/state+/sort+rank/page_number+1/page_size+25

واذا تقصد الباطنه بالجهاز الهضمي افضل مستشفى هو مايو كلينك

http://health.usnews.com/health/best-hospitals/digestive-disorders-hospital-rankings/name+/state+/sort+rank/page_number+1/page_size+25


اي تخصص تبيه روح يسار الصفحه تحت modify search وعقب اختار القسم اللي تبيه
واضغط على go

383 STROKER
05-02-2010, 10:37 PM
شوف هالرابط اخوي ان شاء الله يفيدك
مثلا افضل مستشفى في امراض القلب وجراحه القلب cleveland clinic

http://health.usnews.com/health/best-hospitals/heart-and-heart-surgery-hospital-rankings/name+/state+/sort+rank/page_number+1/page_size+25

واذا تقصد الباطنه بالجهاز الهضمي افضل مستشفى هو مايو كلينك

http://health.usnews.com/health/best-hospitals/digestive-disorders-hospital-rankings/name+/state+/sort+rank/page_number+1/page_size+25


اي تخصص تبيه روح يسار الصفحه تحت modify search وعقب اختار القسم اللي تبيه
واضغط على go

مايو كلينك او مستشفى الشيخ زايد الله يرحمه لانه تعالج فيه ومشهور لامراض القلب
اذكر ان الشيخ زايد الله يرحمه وايامها كنت طالب في ولاية اوهايو.

بنت سلمان
05-02-2010, 10:42 PM
بالتوفيق