هل السوق الى انهيار

[فلفل حار]

السؤال هل السوق الى انهيار ام سيرتد وسترتفع الاسعار ؟

واذا كان نعم لماذا واذا لا لماذا يعني اذكر السبب (امتحان ثانوية عامة) :app:

[قناص الخليج]

الظاهر بسبب انفلونزا الطيور

وصلت لمصر وأثرت على بورصتنا

[ابو الاسهم]

السوق انهار خلاص وان شاء الله يبتدي يقوم على رجليه

[خالد علي علي]

السوووووووووووق الحين يقووول انه انهيييييييييييييييت

[النسر الاحمر]

لماذا نصرخ وقت التصحيح القوي الصحي ولا نتكلم عند الارتفاع غير الطبيعي ؟

[فلفل حار]

انزين نسيل فلوسنا عشان نوقف الخساير او ننتظر

[PoBox]

انزين نسيل فلوسنا عشان نوقف الخساير او ننتظر

دامك صبرت الى الحين صامد

ما ينفع الحين تسيل فلوسك ..
في اي لحظة ممكن يطلع السوق ..

[كش ملك!!]

وين عليان :funny:

[ابوسعود]

الظاهر بسبب انفلونزا الطيور

وصلت لمصر وأثرت على بورصتنا

:funny: :funny: :funny: :funny:
:nice: :nice: :nice: :nice:

[برزان1]

وهل هناك إنهيار أكثر من الذي نشاهده في هذه الفترة؟!!

[كحيلان]

السوق قريب جدا للأنطلاق . .

الله يوفق اللي صبر على هذا الهبوط الحاد.

[ولد الرياض]

وهل هناك إنهيار أكثر من الذي نشاهده في هذه الفترة؟!!


لا توك ماشفت شي

[على قد حالها]

انا اقول لو نرد للغوص ابرك!!!

[كسبان جدا]

صابرين ومكافحين,,,وين نبيع الحين والخسارة نصف راس المال
وما كو ارباح يعني دخلنا على القمة القطرية الى الهاويه
يا جماعه انا كنت احب العنابي والله يا عمري قطر
الحين لو تجيبون لي طاري حرف القاف يجيني أكتئاب لاحول ولا قوه الا بالله
اللهم اجرنا في مصيبتنا
هانت ياجماعه
ضاقت ولما استحكمت حلقاتها ضاقت مره ثانيه
صبروا الى ان تنزل جميع الشركات وتتوقف عن النزول وتبدأ خط العوده ونفك برأس مالنا بعد عشر سنوات ان الله اعطانا عمر
يعني استثمار للاجيال القادمه
اما احنا ..فمو وجه فلوس نتمتع فيها
انا بقفل الشاشه عهد ولا اراح افتحها مره ثانية الى بعد سنه بالضبط وفي نفس التاريخ راح اكتب موضوع عن تجربتي المريرة والمثيره في سوق قطر المالي للاسهم
ملاحه كمية كبيره بسعر 280
عقارية كميه اكبر بسعر 92 ريال تقريبا
والله يصبرنا
على اجر ان شاء الله
واهم شي الصحه يا اخوان
احنا اللي نجيب الفلوس ومثل ما جبناها مره نجيبها مرتين
معظم التجار افلسوا عدة مرات قبل ان يصبحوا مليونيريه
انا افلست مره من قبل ورجعت وهذي ثاني مره افلاس
ومعوضينها ان شاء الله
وبدل ما تاكل ربيان وسمك ,, تاكل بيض وجبن مع كاسة شاي مافيه ارخص منه وفي الليل فول (علشان الكوابيس) ,,يعني راتبك بيكفيك. لا تخاف
واذا ما عندك راتب تسلف وابدا مشروع جديد (محل جوالات مثلا مافيها شي) لازم نتبادل الافكار وقت الازمات
المهم الحين الصحه:
توصيات مع الانهيار الحالي:
1) لا تاكل ملح كثير علشان الضغط والازمات القلبيه لاسمح الله.
2) حاول تدلك عضلة القلب باستمرار في الليل قبل النوم لتنشيط الدورة الدمويه علشان تقدر تقوم ثاني يوم.
3) اكثر من زيارة الحدائق والمنتجعات الخضراء حتى تعوض النقص في رؤية اللون الاخضر.
4) نطالب بتغيير لون المنتدى من اللون الاحمر الى اي لون ثاني يبعث على التفائل.
5) ممارسة الرياضة باستمرار.
6) مافيه شي روح للنقطة التالية.
7) ارجع للنقطة 2
8) انسى. اوا حاول على الاقل.
9) يمدحون البر الايام هذي

[سهم طالع]

أضحك الله سنك يا كسبان جداً .. وأنا اضيف معك نقطة .. أصبر وتوكل على الرزاق

[PoBox]

3) اكثر من زيارة الحدائق والمنتجعات الخضراء حتى تعوض النقص في رؤية اللون الاخضر.
4) نطالب بتغيير لون المنتدى من اللون الاحمر الى اي لون ثاني يبعث على التفائل.


:funny: :funny: :funny: :funny:

بس اهم شيء ما تطلب نغير علم البلاد العنابي .. :deal: :funny: :funny: :funny:

[الشهواني لتجارة]

وصلنا الى اخر الانهيار


لاعتقد ان يكون انهيار اكثر من هذا الانهيار وفي هذه الفتراه سيبدا الصعود ان شاء الله .

[مستثمر غير قطري]

السوق ... خلاص انتحـــــــــــــــــــــــــــــــــر !!

غيرت لوني للأحمر حتى اشعار آخر

[مراقب السوق]

السوق خلاص اعلن عن مستووووووووواه هذا الحد الأقصى لسوووق

ومااظن راح يعطي اكثر ,,, يعني ممكن ارتداد بسيط يعني اسعار معتدله

مثل 310 المصرف

الصناعات 139

المتحده 59-60

الدولي 500-530

يعني مستوا عادي .. الله يعين الجميع

والله يوفق الجميع انشالله


وانشوفكم انشالله السنه الجايه ..تحياتي لكم جميع

اخوكم مراقب السوق