الفقراء في قطر والمتذمرين .... بالصور

[البدع]

http://www.manartsouria.com/up//uploads/images/manartsouria.com-a8a17fe5bb.jpg

في قطري عايش على حصير بدل الرخام والسجاد ... اللهم لك الحمد


http://www.manartsouria.com/up//uploads/images/manartsouria.com-7d612e8670.jpg

في قطري زبال .. او مسجون للاسف لانه شاري سيكل ... اقصد رنج روفر .... اللهم لك الحمد


http://www.manartsouria.com/up//uploads/images/manartsouria.com-026fc7258c.jpg

في قطري عياله ماعليهم لبس ... وجمعية قطر الخيرية مب قصرين في توزيع الملابس.... اللهم لك الحمد


http://www.manartsouria.com/up//uploads/images/manartsouria.com-f13e9b4d6c.jpg


في قطري نام وهو جوعان ... الله يخلي مشروع حفظ النعمة عندنا.... اللهم لك الحمد


http://www.manartsouria.com/up//uploads/images/manartsouria.com-8b0d75046e.jpg

في قطري ماعنده ماي بارد ... مافي مسجد الا وفيه ماي ... اللهم لك الحمد




الفقر مب عيب

العيب هو الي ينسى النعمة الي هو عايش فيها

العيب هو الي يقوم كل يوم الصبح ومايحمد ربه على النعمة

وجالس يتذمر 24 ساعة من الدولة ويقط نقزات على ولاة الامر

هذا هو العيب

ورب الكعبة ... قريت التاريخ

وما اعرف احد في التاريخ كله متنعم مثلنا في هذا العهد

اللهم لك الحمد والشكر عدد خلقك ورضى نفسك وزنة هرشك ومداد كلماتك

اللهم لاتحاسبنا بما فعل السفهاء

[ذوق]

الحمدالله على النعمــه .. لكن أخوي اذا ممكــن تتقبــل وجهة نظري المتواضعه ..

فعلآ القناعة كنز لا يفنى ولكـن ليس لأن لدينـا الخيــر ورأينــا هناك أخطاء من ولاة الأمر أن لا نتذمـر أو أن نلفت أنظارهـم لذلك الخطـأ

بالعكــس نحتاج لتطــوير والأفضـل حتى لو كــان تحت بيت كل منــا بئر للبترول .. ^_^

لك تحياتي المؤلمه للصور المؤلمه

[حمد]

نحتاج للتخطيط المستقبلي الصحيح .... على مستوى الدولة .... وحتى على المستوى الشخصي ... وهو الاهم في وجهة نظري

[وحيد-الشوق]

الحمدلله حمدا كثيرا على نعم الله سبحانه وتعالى

لكن ياخوي هل انت شفت القطريين كلهم مب محتاجين في ناس محتاجه الله العالم بظروفهم شلون صعبه يمكن ماتتوقعها بس صاكين على روحهم الباب وساكتين وطبعا اكيد شفت بعض حلقات برنامج الدار ووطني الحبيب صباح الخير وسمعت الشكاوي الي اغلبها من اهل قطر قطري ماعنده بيت قطري عليه ديون مالها اول ولاتالي قطري ساكن في خيمه قطري ووووو الخ ..

لاتعمم ياخوي يمكن انت او انا عايشين مستورين لكن غيرك الله اعلم بحالهم شلون

فكر كم قطري في البلاد صدقني مايعدون 300 الف الا يستحق هولاء معيشه افضل من هذه بكثير

وفي النهاية احمد ربي واشكره مليون مره

[Mozanee]

الحمدلله على كل نعمه انعم الله بها علينا ,, لكن اذا كان بالامكان نكون احسن وعندنا اللي يخلينا افضل ليش ما نتذمر ونطالب بحقوقنا ,, يعني نشوف ذول المساكين وما نشوف خيرات بلادنا والامكانيات المتاحة لنا وتكون لغيرنا ,,,

[hamoor4ever]

اخوي الصور اللي حطيتها هاذي دول حكامها ظلمه واحنا الحمدلله حكامنا مب ظالمين ، ولاتحسب ان ربك غافل عن هالناس اللي انظلمو بياخذ لهم حقهم يوم القيامه ، بس احنا نحب حكامنا ومانتذمر الا لان نحب الخير لهم واذا هم يبون الدعوه الزينه لازم مايقصرون على شعوبهم وصدقني لو التبرعات تروح حق هالناس محد بيزعل ، ليش مايتم اعمار الصومال ليش ماتوصل مساعداتنا للمسلمين بالهند والفلبين ممكن اتجاوبني ؟
ليش خيرنا مايروح الا لشغلات مب مهمه واذا هم يبون الفلوس تنحط بشغلات مالها فايده خل يعطونها للشعب هو اولى فيها

سلام عليكم والحمدلله على كل حال والله يوفق مسؤولينا وحكامنا لما فيه الخير ويرزقهم الجنه

[abdulla999]

الحمد الله الفضل لله واحدة ولاشريك له
هذي فضل الله مش فضل احد ولا فضل الدولة

[cl63]

الحمد لله على النعمة الي حنا فيها الله لايغير علينا

[hard to get]

بارك الله فيك اخوي

موضوع رائع

المشكلة ان كثير من الناس مب حاسين ومقدرين النعمة اللي احنا فيها
اذا الحكومة اعطت او انفقت
فهي تعطي اناس من مثل هذه الفئة المعدومة
اما القطريين
الحمدلله مب بحاجة لسجاد او لقمة عيش
القطريين يبون يبدلون مواترهم كل سنة
او يصيفون بلندن كل سنة
القطري يريد يلعب في راتبه وبعدين يجي ويقول
ليش الحكومة تتبرع وتبني وتسوي للغير
انا اولى

احنا ايضا مانبي نقول ان وصلنا لمرحلة الكمال والاكتفاء
اكيد نطمح ان وضعنا يكون افضل من ماهو عليه
يوجد عندنا مشاكل كثيرة وتحتاج الى اهتمام
ومنها التعليم والصحة والبنية التحتية

لكن بشكل عام
احنا ولله الحمد افضل من غيرنا بكثير
والله يديم علينا هالنعمه ويحفظها من الزوال

[أخت الغالي]

الحمدلله حمدا كثيرا على نعم الله سبحانه وتعالى

لكن ياخوي هل انت شفت القطريين كلهم مب محتاجين في ناس محتاجه الله العالم بظروفهم شلون صعبه يمكن ماتتوقعها بس صاكين على روحهم الباب وساكتين وطبعا اكيد شفت بعض حلقات برنامج الدار ووطني الحبيب صباح الخير وسمعت الشكاوي الي اغلبها من اهل قطر قطري ماعنده بيت قطري عليه ديون مالها اول ولاتالي قطري ساكن في خيمه قطري ووووو الخ ..

لاتعمم ياخوي يمكن انت او انا عايشين مستورين لكن غيرك الله اعلم بحالهم شلون

فكر كم قطري في البلاد صدقني مايعدون 300 الف الا يستحق هولاء معيشه افضل من هذه بكثير

وفي النهاية احمد ربي واشكره مليون مره


صدقت أأخوي وااجد ناس مايعلم بحالهم الاالله متلتهين لكن ماشكوا الحال

الحمدلله اللي على كل حال

[بنوته]

السلام عليكم ورحمة الله وبركاته

ربنا لك الحمد كما ينبغي لجلال وجهك وعظيم سلطانك

اخوي نحمد الله ونشكره ليل ونهار على كل النعم ...لكن ياخوي لا تعمم ترى والله في ناس قطرين اصلين حالتهم مايعلم به الله و لا يطلبون منة احد حامدين ربهم وشاااااكرينه وراضين بنصيبهم

....

احنا بس لو نفكر في الناس اللي نزلت رواتبهم ومايصفى من راتبه غير 2000 في الشهر هذا شنو وضعه بعد اسبوع من استلام الراتب ...

والله ثم والله اعرف ناس عدد عيالهم 9 غير الام والابو كانو يتعشون بقيطو قيمر ...شرايك ....بس الحمدلله درسو واشتغلو وكل واحد في منصب ...

...

الله يوفقكم

[Loca_qtr]

اول شي الحمدلله على النعم اللي الله منعمها علينا

ثاني شي لاتقول مافيه قطريين فقراء إذا انت ماشفت ولا سمعت لاتحكم على الناس

واللي يده فالنار مب نفس اللي يده فالماي

في ناس محتاجه وفقراء بس متعففين مايطلبون من الجمعية الخيرية ولا من الديوان

بعدين انت تقول الناس تتذمر على الحكومة ... هذا مب تذمر بس من حقي كمواطن في دولة تعتبر ثاني دولة في انتاج الغاز فالعالم اني اعيس برخاء ومايكون فيه قطري فقير:nice:

وارجع واقول اللهم لك الحمد والشكر

[مبارك سعد]

والله يا اخوان ما في احسن من نعمة العافية واذا كنت معافي فأنت اغني الناس والعافية كنز وغنى والحمد لله على كل حال وشكرا للصور اللي حقيقة اوجعت قلوبنا للهم اغني كل فقراء العالم بالعافية والصحة والمال وان لاتحوجهم لاحدا سواك

[الجني]

و ان تعدوا نعمة الله لا تحصوها

اللهم لك الحمد و الشكر

[الأغر]

تسمحولي بالمداخله يا اهلي يا اهل قطر ، والله انكم عايشين في نعمه البعض منكم مش حاسس فيها الله يديم عليكم نعمة الامن والامان وهذا كافي وجزاك الله خير يا صاحب الموضوع

[الـقـاسـي]

اولا الحمد لله على نعمة .. والحمد لله ان حالنا احسن من غيرنا بمراحل ..
الانسان اذا انتقد او ابدا رأيه مش معناته انه مايحب بلاده او مش عاجبته ..
الواحد فينا من حبه لبلاده ينتقد ويتكلم يبي بلاده وشعب بلاده احسن من اي شعب او دولة ثانية ..

[النهار]

الحمد الله الفضل لله واحدة ولاشريك له

[عيون Qatar]

الحمد لله على ما أنعم به ربنا علينا


من نعم لا تعد ولا تحصى ..

[qatari1]

جزاك الله خيراً أخي الكريم على هذا الموضوع الجميل.

لكن...

هل من معتبر؟!

هل من حامد لربه؟

هل من شاكر لأنعم الله عليه؟!

هل فينا من يقول:" اللهم لك الحمد كما ينبغي لجلال وجهه، وعظيم سلطانه" ؟

هل فينا من يتذكر قول الرسول صلى الله عليه وسلم: "من بات معافىً في جسده، آمناً في سربه، عنده قوت يومه، فقد حيزت له الدنيا بأطرافها" ؟!

[الموضوعي]

الحمدالله حنا بخير ونعمة لكن يجب نضمن مستقبل اولادنا احنا الحين كملنا 9 سنوات من الطفرة النفطية وماعندنا بنية تحتية متطورة وتستوعب الزيادة المستقبلية للسكان اغلب الشوارع والمنشآت وابرزها المنشآت الصحية اللي نعتمد عليها موجود من الثمانينات صحيح سووا لها سمكرة شوي لكن استنفذت غايتها وطاقتها الاستيعابية نبي تطبيق صارم للقوانيين وبرلمان يحاسب ويراقب الأداء الحكومي ويردع المقصر

[XQTRX]

الحمد لله على النعمة الي حنا فيها الله لايغير علينا

[ريم المدينة]

الحمدلله على كل حال...

بس ترى صج في ناس عايشة على 3000 ريال معاش التقاعد و هالمعاش اللي من سنة 19 و حطبة يالله يالله يكفيهم...

الله يغنينا بحلاله عن حرامه...

[هبة ريح]

والله في ناس عايشه احسن عيشه ومب حامده ربها على العيشه اللي عايشينها الله بيسخط فيهم بيوم
ومايحسون بقيمة النعمه الا يوم تزول منهم.. اللهم لك الحمد والشكر.. عايشين بخير ونعمه

[المشط]

في البدايه احمد ربي على نعمه الاسلام

واحمد ربي على الخير والامن والنعمه وهذا كله من نعم ربي علينا وثم من حكومتنا الرشيده

واحمد ربي على حريه الرأي عندنا

اخوي نعم شعب قطر عايش في خير ونعمه لكن مب معني هذا مافي ناس محتاجه

التتذمر يكون لما اقطري راتبه 15 الف واجنبي في نفس الوظيفه راتبه 60 الف وبيت وسياره وتذاكر

التتذمر يكون لما اقطري سقف بيته طايح ويتم صرف الملايين على مناطق في لبنان

[امـ حمد]

الحمد لله والشكر لله

الله يديم علينا نعمه

[نورالهدى]

الله يرزق المحتاج
ويديم علينا الصحة ويوسع بأرزاقنا جميعا
أستغفرالله العظيم
أستغفر الله العظيم
أستغفر الله العظيم

[كازانوفا]

من زمان ودي احد ينزل موضوع مثل هذا لكثر الشكاوي اللى اسمعها
بس الحمدلله لكل شي له اوانه
اشكرك على الموضوع

[الدوحي7]

الحمد لله على النعمه الى انا فيهاا،واااعتبرني انا اول المتذمرين وليش ماتذمرواشوف المدخول من البترول والغاز ولا شوف منه شي ليش، اعيد واكرر خيرنا لغيرنا شوفوانا ياناس احنا نعطي والشعب مكانك سر،،

[عذب الكلام 1]

الحمد لله على كل حال والله يبارك لنا ولكم ولجميع المسلمين

[fooz55]

الحمدالله اني قطري

حتى لو اني فقير ..

يكفيني الارض الي اعيش فيها ..؟

اطيب شعب وامن بلاد

الله يحفظها ويحفظ اميرنا

[بن داوود]

اللهم لا حسد

[لاداعي]

الحمدلله على كل حال

[(بوعوف)]

ههههههه يريدون من الفقراء أن لايتذمرون
في حين أن الاغنياء طفحوا من غناهم وشبعوا ويقولون هل من مزيـــــد

[Amigo]

ياخوي القطريين مايتذمرون من الفقر
القطريين يتذمرون لان خيرهم يروح لغيرهم
وانت افهمها براحتك
ياخي طلع لي قطري راتبه 96 الف نفس الاخ الي في الجزيره
طلع لي قطري راتبه مثل راتب اي اجنبي في البترول ولا الغاز
ياخي وش هي مميزات عملك ؟؟
يعطونك تذاكر مجانيه ؟ - يدفعون فواتيرك كيوتل وغيره ؟ - يدرسون اعيالك في مدارس خاصه
التأمين الصحي غير البترول وبعض البنوك عندك تأمين صحي ولا طواري حمد ابرك ؟؟
هني نتذمر ونحس نفسنا فقراء مع العلم انا رواتبنا عاليه مقارنتن مع الدول المجاوره
والبنوك لاعبه في حسبة القطري لا مو البنوك بس الا الاسواق وكل مكان
الشي الي تشتريه بــ 100 ريال الاجنبي يشتريه بــ 30 .. وان قلت ليش قال لك انت قطري انت شيخ
الحمدلله على كل حال

[الصريحه]

اللهم لك الحمد من قبل ومن بعد

[ماجور1]

يالله لك الحمد والشكر على النعمه قولو امين

[البدع]

الى كل من شكر وحمد الله على النعم الي عنده في هذه المقالة:

لئن شكرتم لأزيدنكم ولئن كفرتم إن عذابي لشديد

أحترم جميع الاراء

ولكن ما ادري عن اي فقير يتكلمون

الناطور (الي يداعونه في المجالس ويسمونه سيكيروتي) راتبه 7 الاف ريال وفوق

اي فقير راتبه 7000 ريال

الا هو الي فقر نفسه بنيسان بترول

وجوالين

وزبو

ومهايط

وسفرات

والله ان 7000 ريال تعيش الانسان في خير اذا تواضع في سيارته ولبسه واكله

والله محد دمرنا الا المظاهر

واحد مب راضي يدرس في الجامعة ... عشان راتبه يطير فوق ال 12 الف ريال

واحد عايش كسلان واتكالي وعايش يومه اشاعات ويشجع نادي رياضي ... كيف ماتبونه يصير فقير ياجماعة

قطر فيها خير ووظائف ... والي تعلم واشتغل حصل الخير والنعيم

والكسلان معروف وش صار فيه

فلايلوم الا نفسه الكسلانه

ولا يلوم الا اتكاليته على الغير

[الوووووعد]

اللهم لك الحمد والشكر على النعمه اللي احنا عايشين فيها اللهم دوم علينا النعمه يارب سبحانه وتعالى

[ماريسا]

الحمدلله على النعم

[جاسم القطري]

الحمدلله على النعمه

والله يديمها علينا ان شاء الله

[المضعد]

يارب لك الحمد كما ينبغي لجلال وجهك وعظيم سلطانك
اللهم ادم علينا الامن والاماااااان
اللهم امين