الخدامة شردت اشلون الاقيها

[موضي قطر]

صديقتي خدامتهم شردت هي اثيوبية الجنسية المشكلة نعرفهم عدل حلوين مع الخدم

وماتلمس راتبها كل شي يجبونه لها حتى كروت الاتصال يجيبونها لها وهي شردت اليوم

الفجر بس صديقتي محترة تقول تشرد واذا شبعت احنا بناخذ لها تذكرة على حسابنا ؟؟؟

قالت نزلي الموضوع في المنتدى يمكن احد يساعدنا شلون نلاقيها ( هي ماتبيها اتم في البلاد

تسرح وتمرح ) وهي صار لها عندهم سنة سنة و7 شهور يعني فيه قانون يلزمهم

انهم يسفرونها على حسابهم ؟؟

[رجل الجزيرة]

نعم لأن قرار وزارة الداحلية واضح وصريح يقول: أي كفيل قطري يجلب له عامل فيجب عليه إعادته لبلاده، إلا أذا طلع قانون أو قرار آخر من الأمير أو نائب الأمر أو مجلس الوزراء. يتقض له القرار السابق. فالمشكلة حتى الآن ما فيه قانون.

[حياة]

هذا حالنا مع الخدم الله يعوض عليها وعلينا
احنا خدامتنا تمت سنتين وسافرت وقالت بترجع بعد شهرين ولا رجعت والفيزا 6 شهور باقي لها
المهم قبل لاتنتهي الفيزا بيوم جانا مسج انها دخلت الدوحه وتمينا اندور عليها ومالقيناها وللعلم تعرف جوالاتنا ورقم بيتنا ولا اتصلت وقعدنا اسبوع بعدين بلغنا عليها
ولين الحين الله وكيلج ولانعرف مكانها ولاعند من تشتغل
والشرطه ماسوت شي قالت خلاص انتوا اخلصتوا ذمتكم منها وماعليكم شي
والحين اذا صادوها بيحبسونها يوم او3 وعقب بيسفرونها
وانا منقهره ودي اعرف تشتغل عند من وهي باسمنا ومن هالاوادم اللي شغلوها وهم يعرفون انها مش على كفالتهم وعلى قوله المثل (من امن العقوبه اساء الادب)

[ســـهم]

القانون في صف الخدم اكثر من المواطن

بس غريبه خادمه وتشرد يعني لو دريول بنقول راح يشتغل في شركة براتب أعلى

لكن ذي وين بتروح ؟!

[رفيق الغيم]

بلغ عليها بلاغ هروب باداره البحث والمتابعه علشان تخلى نفسك من مسئوليتها وريح راسك

[موضي قطر]

نعم لأن قرار وزارة الداحلية واضح وصريح يقول: أي كفيل قطري يجلب له عامل فيجب عليه إعادته لبلاده، إلا أذا طلع قانون أو قرار آخر من الأمير أو نائب الأمر أو مجلس الوزراء. يتقض له القرار السابق. فالمشكلة حتى الآن ما فيه قانون.


هذا بلا ابوك ياعقاب الحين القانون قرآن منزل بسيطة يلحقونه بقانون ثاني مشروط

ينص انه اذا العامل هرب يدفع ثمن تذكرته ويدفع غرامة للدولة ماتقل عن 10000 الآف

لأنه يتحايل على الأفراد لتسهل دخولة للبلاد تحت مسمى عامل - خادمة - سائق وغيره

ولا شطار يدفعون اللي شغلهم وتستر عليهم ترى القنون الحالي مايحل المشكلة العماله تشوف

انها مهما سوت ماعليها شي غيرهم بيدفع وهم بسافرون بلادهم وهم متشققين من الوناسة

واذا وصلوا بلادهم عطوا ابناء جلدتهم الوصفة السحرية للعمل في الخليج

[الــوفـــــي]

100% بتحصلوونها في صــالونان النساء

لان صارت لنا مع اثيوبيه ولقوها اهناك

وقالو لنا كلهم يشتغلون هالشغله وخاصه الصالونات

[boamir]

بلغ عليها بلاغ هروب باداره البحث والمتابعه علشان تخلى نفسك من مسئوليتها وريح راسك



معاك في كلامك انا اقول البحث والمتابعه احسن بله عوار راس

[استغفرالله]

خدامة شردت ولقوها معزبينها في عرس من اللي يقدمون في الاعراس
يوم شافتهم شردت والشركة اللي مشغلتها انكرت انها موجودة او اشتغلت اصلا عندهم

[موضي قطر]

خدامة شردت ولقوها معزبينها في عرس من اللي يقدمون في الاعراس
يوم شافتهم شردت والشركة اللي مشغلتها انكرت انها موجودة او اشتغلت اصلا عندهم


:eek5::omg::eek5:

[ابوعلي]

الأهم اختي تسلم صورة من الجواز او الجواز لإدارة البحث والمتابعة وتبلغهم انها هاربة حتى تخلي مسئوليتها

لأن لو صادوها وما بلغت تتحمل المسئولية وتدفع حوالي 9000 ريال مخالفة

[هبوب الشمال]

اذا عندها جوال بلغوا الشرطه عنها وعطوهم رقم الجوال وبيجيبون لج مكانها بالظبط

[الشاااهين]

نعم ملزم الكفيل بدفع التذكره اذا ما كمل العامل سنتين بس في حالة صادو العامل ادارة البحث والمتابعه تتصل على الكفيل وتقوله يحضر التذكره ويحاولون اخذها من العامل اذا اقدرو بس اذا قال ماعندي الله يعين الكفيل والا انحط في القائمه السوداء اذا مادفع.

[رفيق الغيم]

[QUOTE=boamir;5453621]
معاك في كلامك انا اقول البحث والمتابعه احسن بله عوار راس [/Q

انا تكلمت كذا علشان لو صادوها تشتغل فى مكان اخر ما يتحمل مسئوليه يكون هو قد بلغ عليها واخلى مسئوليته وعنده وصل البلاغ يقدر يستقدم به خادمه اخرى

[عالم المحيطات]

الأهم اختي تسلم صورة من الجواز او الجواز لإدارة البحث والمتابعة وتبلغهم انها هاربة حتى تخلي مسئوليتها

لأن لو صادوها وما بلغت تتحمل المسئولية وتدفع حوالي 9000 ريال مخالفة

ماازيد عللا كلام اخوي ابوعلي...:nice:

[العلم الوكاد]

اذا ما كملت سنتين

تبلغ ادارة الابعاد وتسلمونهم الجواز

وتخلون مسؤوليتكم

وهم بيسفرونها

انا عندي خادمة نفس الشي

وبلغت وبعد كم من شهر

جاني رسالة مطراش من عندهم انها غادرت البلد

ولا دفعت ولا ريال للتذكرة

[E L L E]

انا خدامتي شردت وبلغت عليها من اول يوم وقالوا اذا مر شهر مالك خص فيها الدوله تتكفل بها يوم مرت 3 شهور سلمت نفسها للشرطه ودفعوني تذكرتها

الله يعين رفيقتج

[خيريه]

خلاص خلهم ينسونها اهم شي يبلغون عنها وخلاص
وعقب مايصيدونها تتدفغ تذكرتها
لانها السايق الي كان عندنا شرد بعد شهرين حصلوه
اتصلوا فينا علشان ندفع فلوس التذكره اخوي قالهم خلوه عندكم
وماله شي عندنا ردوا عليه اوكي بنسفره بس بيكون الكفيل
عليه منع سفر لمدة سنين فاضطرينا ندفع ونفتك من شره
الله يعينهم

[وحيد-الشوق]

خلاص خليها تنسى الخدامة :(

حسبي الله ونعم الوكيل

والله الي يصير مصخره من سنة تقريبا او اكثر جبنا خدامة اثيبوية خلص ضمان المكتب 3 شهور شردت بلغنا في البحث والمتابعة وتخيلي لين يومج هذا ماحصلوها ولحد عطانا خبر ههههههههههههه

سمعت كلام من شخص عن هروب الاثيبوبيات بالذات بس مب متذكر من من يامكتب خدم او من الجوزات المهم قالي انه في مكان معين بعد مايشردون من الكفيل يرحون له !!!!!

افضل حل خليها تبلغ عنها وتسلم الجواز في البحث والمتابعة والله يكون بعونها

حشى جايين سياحة مب شغل اذا زهقوا اشردوا :anger1:

[هذلان]

السلام عليكم


الكفيل مايدفع التذكره . اعتقد صار فيه تعديل على القانون . اخوي جاب دريول و سواله كل شي من اقامه و فحص و الامور هذي . قدم فحص مدرسه السواقه و رسب و بعدها شرد الدريول . بلغ اخوي عنه و بعد فتره يمكن شهر و شوي ولا واصله مسج ان الهندي تسفر .

[هبة ريح]

والله مشكلة هالخدم من كثر مشاكل الاثيوبيات امنعوهم من الشغل بالاخير بيمنعون الجنسيات كلها عاد دوروا حد يشتغل مادري ليش الهروب هل من سبب المعزبين ولا من سبب المكاتب اللي يجيبون هلخدم والا ربعهم

[HIGHNESS]

كلنا نفس الحاله مع الاثيوبيات ... والحمدلله امنعوا هالجنسية ... بس غريبه وين يروحون ومن يشردهم ... شكلهم مسويين مافيا اثيوبية

[امـ حمد]

بتلاقوها في سفارتها

خدامات بنتي شردوا ولقتهم في سفاراتهم

الخدم إذا شبعوا يشردون

[نورالهدى]

شوفي خدامتك كانت في الفترة الأخيره لها علاقة بأي من الخدامات
وحاولوا تستجوبوها
بالحيله بتعرفون

[موضي قطر]

مشكورين جميعاً على ردودكم بس صديقتي محترة تقول نعاملهم احسن معاملة

وهي صادقة انا اذا جيت بيتهم زيارة الاقيهم قاعدين لا شغلة ولا عملة وتاخذ

عاة ما ظن 700 مادري 800 ويعطونهم على حسابهم كروت للمكالمات وكل

شي يجيبونه لهم بس القانون ضد الكفيل الله يعنه الكفيل من بياخذ حقه سبق

في نفس الموضوع اقترحت ان العمالة سواء منزلية او غيره لازم تتغرم مبلغ

وقدرة مو الكفيل او الشخص اللي اشتغلت عنده بيتغرم وهالعمالة لاااااااااااااا

اكيد بيشردون ماعليهم شي ولا يبدفعون ريال ؟؟؟؟؟؟؟؟

[Qatarianes]

انزين ماجيكتي في www.google.com ?

[خوي الشوق]

الاثيوبيات مشاكلهم ماتخلص

[رذاذ]

لازم يكون في تفتيشات نسائية مفاجئة يومية من ساعه 4 الين 9 بالليل على الصالونات
وعلى شركات الى خدم الى تعامل بالساعه وعلى المقاهي .

[aljaber1]

بس القانون ضد الكفيل الله يعنه الكفيل من بياخذ حقه سبق

في نفس الموضوع اقترحت ان العمالة سواء منزلية او غيره لازم تتغرم مبلغ

وقدرة مو الكفيل او الشخص اللي اشتغلت عنده بيتغرم وهالعمالة لاااااااااااااا

اكيد بيشردون ماعليهم شي ولا يبدفعون ريال ؟؟؟؟؟؟؟؟

اختي الكريمه لو ضبطت تعمل عند غير كفيلها
يغرم الي شغلها ويتحمل نفقات السفر

اما اذا سلمت نفسها وماعندها حق العوده يتحمل الكفيل
لان الدوله لاتتحمل سفر الهارب ومادخل البلاد الا بكفالة الشخص
والحمد الله انهم مايغرموننا ازعاج سلطات

[موضي قطر]

لازم يكون في تفتيشات نسائية مفاجئة يومية من ساعه 4 الين 9 بالليل على الصالونات
وعلى شركات الى خدم الى تعامل بالساعه وعلى المقاهي .

اقتراح ممتاز بس من بيطبقه ؟؟

[بن داوود]

هروب السائقين والخادمات من المنزل صارت ظاهره طبيعيه في الدوحه لانهم عرافين العواقب او النتائج المترتبه على ذلك بعد ما يشبعون يسلمون انفسهم للشرطه والشرطه توديهم الابعاد والابعاد يتصلون على الكفيل يقولون له ادفع قيمه التذكره لان قررنا نسفر المكفول الي بلاده
وطول ما الكفيل يدفع قيمه تذاكر المكفول . ماراح تنحل مشكه هروب الخدم الحل الوحيد يحبس السائق الهارب او الخادمه الهاربه في السجن مده مده هروبها من منزل كفيلها
مثلاً الي يهرب شهر يحبس شهر والي يهرب خمس شهور يحبس خمس شهور وهكذا
وقيمه تذكره يدفعها المكفول الهارب

[موضي قطر]

هروب السائقين والخادمات من المنزل صارت ظاهره طبيعيه في الدوحه لانهم عرافين العواقب او النتائج المترتبه على ذلك بعد ما يشبعون يسلمون انفسهم للشرطه والشرطه توديهم الابعاد والابعاد يتصلون على الكفيل يقولون له ادفع قيمه التذكره لان قررنا نسفر المكفول الي بلاده
وطول ما الكفيل يدفع قيمه تذاكر المكفول . ماراح تنحل مشكه هروب الخدم الحل الوحيد يحبس السائق الهارب او الخادمه الهاربه في السجن مده مده هروبها من منزل كفيلها
مثلاً الي يهرب شهر يحبس شهر والي يهرب خمس شهور يحبس خمس شهور وهكذا
وقيمه تذكره يدفعها المكفول الهارب

موبس يخلون الخادمة او السائق يدفعون بس التذكرة لا المفروض يطلع قانون يغرمهم

اقلها 10000 ريالتحت نص يقول ( غرامة هروب من الكفيل ) والتذكرة والسجن بعد صدقني بتنتهي هالمشاكل

[فلفل حار]

يعلها تنتحر نفس هالخبله وتفكـ الآوادم من شرهـا ...

http://up.lm3a.net/uploads/3c707a0dd2.jpg

:anger1:














بلغ عليها بلاغ هروب باداره البحث والمتابعه علشان تخلى نفسك من مسئوليتها وريح راسك
:nice:

[موضي قطر]

يعلها تنتحر نفس هالخبله وتفكـ الآوادم من شرهـا ...

http://up.lm3a.net/uploads/3c707a0dd2.jpg

:anger1:














:nice:


آي والله صادق صديقتي تقول لو شفتها بذبحها محتره عليها

[المشط]

[color="darkgreen"]نعم لأن قرار وزارة الداحلية واضح وصريح يقول: أي كفيل قطري يجلب له عامل فيجب عليه إعادته لبلاده، color]

اتوقع اخوي ان القانون تغير

من سنه ونص شرد عندي صبي وبلغت عنه وبعد 6 شهور رجع لي البيت واتصلت للشرطه ... طرشو لي دوريه وخذوه .. وتسفر على احسابه

[اسعاف]

اذا ما بلغتي عنا

فسوف تغرمين 20 ألف
واذا لقوها لكي الأبعاد

فسوف تدفعين قيمة التذكرة لها

سواء كملت مدة شهر او لا

يعني يا مواطن كد على الخدم

والقانون دلع الخدم و000 الموطن

[الصريحه]

بلغ عليها بلاغ هروب باداره البحث والمتابعه علشان تخلى نفسك من مسئوليتها وريح راسك

معاك وصح كلامك

[بنات وبس]

انابعد الدريول بعد ماطلعنالة ليسن ماتم 3 شهور شرد 2004 لين الحين ماليقيناه ومره شفناه عند رامز يغسل سيارات والله وكيلك بس عرفنا حط ريلة وماشفناه بعدها لين الحين 2010 وعلية بلاغ من اول ماشرد من 2004

[موضي قطر]

صديقتي امس راحت السوق تقول والله ياموضي ماعرفت اخلص شي من اغراضي اقولها ليش ؟؟

قالت كله قاعدة اطالع في الاوادم يمكن احصلها ولو اني محصلتها موب احسن لها !!!!

[عالم المحيطات]

صديقتي امس راحت السوق تقول والله ياموضي ماعرفت اخلص شي من اغراضي اقولها ليش ؟؟

قالت كله قاعدة اطالع في الاوادم يمكن احصلها ولو اني محصلتها موب احسن لها !!!!

شدعوه لهدرجة .... الله يكون بعونها:secret::eek5:

[عالم المحيطات]

.... عندي كم حل ...

تدور في بيوت جيرانها + تدور في الاماكن الي حافظتها الخدامة + الاهم تتأكد ماعندها اشياء مسروقة...

في النهاية لازم تروح البحث والمتابعة وتقدم بلاغ هروب وبعدها بترتاح لانه لوصادو الخدامة في جريمة او مشكلة الله لايقول بتكون صديقتج في وضع محرج...

[طبعي كذا]

بصراحه متفشيه ذاالظاهره بشكل كبيرولاندري متى بيلاقون لهاحل ..ومستحيل مايكون فيه أحديساعدهم على إنهم يشردون...أذكرشردت خدامه هنديه من بيت أهلي بلغ أبوي عنهاوبعد4سنين سلمت نفسهاللإبعادوسفروها....بس طول ذاالفتره وين كانت..لوكان فيه قانون يستجوبهم ويجازيهم باالسجن كان مافكروايشردون ...فياليت تبلغ رفيجتج وترتاح ..

[موضي قطر]

على فكرة اللي اعرفه انهم بلغوا بس متى الداخلية بتحط حل جذري

لقوة عين العمالة بكافة اشكالها ومسمياتها ؟؟؟؟؟؟؟؟؟؟؟؟؟؟؟؟

[موضي قطر]

شدعوه لهدرجة .... الله يكون بعونها:secret::eek5:

لاتلومها خسرت عليها فلوس وغير هذا معاملتها لها اللي قاهرها لي ما قالت مابي

اشتغل بس الجديد راعي الدكان شايفها كذا مرة اجيها واحد تالي الليل تعطيها جزء من

اغراضها لين قشت كل شي والليلة الأخيرة طقت بكبرها بس يتوقعون فيه واحد يشرد

الخدامات على ما ظن شامي ؟؟؟؟؟

[um-shahad]

والله ما نقول غير حسبي الله ونعم الوكيل..

اذكر من 6سنوات شردوا خدامات امي سريلانكيات ثنتين قبل رمضان بيومين تخيلوا يا دوب مخلصين 3 شهور بلغنا عنهم وعقب شهر صادوهم ثنتينهم مع بعض ... الأغبياء شردوا من نفسهم وما كان عندهم حد يخشهم لقوهم دورية ومسكوهم .. المهم دقوا على اخوي لقينا خداماتكم تعالوا ادفعوا مبلغ التذاكر احلفت امي ما تدفع وحلفت اخوي انه ما يدفع من وراها .. قالوا لها اذا ما دفعتي بتنحطين في اللسته السودا ههههههه
قالت امي لسته سودا ولا بيضا والله ما ادفع يعطوني الفلوس اللي خسرتها عليهم ولا ما فيه تذاكر..
وتم موضوعهم يمكن اسبوعين بين رفض امي واصرار الأبعاد .. وفي الأخيرررر..

تسفروا الخدامات على حساب الدولة .. وجاب اخوي خدامات للبيت على كفالته .. وعقب سنه قدمت الوالده على خدامتين وعطوهااا .... هههههههه بتقولون لي اشلون اقول لكم ما ادري ..!!!!!!