+ السفر لامريكا مب امـان ! +

[saddawi4ever]

اليوم واحد من الربع الي قولي حاسب تروح امريكا احين

مب امان كلش ومشددين خصوصا في المطارات ومركزين على العرب

ويقولي التفتيش دقيق ومهين وقالي في قطري كان مسجون لمدة 3 ايام

بدون مايذكرون له الاسباب اسجنوه 3 ايام وطلعوه

فشرايكم هل الكلام صحيح ولا غير صحيح

يعني نسافر امريكا ولا مانسافر ؟

[ماجور1]

عاتقد انهم حطو لسته دول يفتشونها تفتيش مشدد

وقطر خارج اللسته

بس يمكن اضافوا قطر............ مادري بصراحه

[قناص الخليج]

قطر خارج هل اللسته

وبعدين لا تبوووق ولا تخاف

[رجل الجزيرة]

شوف هذا الرابط من موقع السفارة الأمريكية في قطر:

http://arabic.qatar.usembassy.gov/_____.html

[STAR]

الله يعين العرب

[مع الناس]

قطر خارج هل اللسته

وبعدين لا تبوووق ولا تخاف

:nice:100%

[الوعب]

قطر خارج هل اللسته

وبعدين لا تبوووق ولا تخاف

خارج السته من ناحيه الاشعه اللي حاطينها في المطار

اما التشديد الامني فهو موجود ويتم الاختيار العشوائي لاشخاص للتفتيش الدقيق

وقد حصلت معانا من شهرين , كنا مجموعه فتم اختيار اثنان منا للتفتيش الدقيق


بس انا اقول امريكا ام الدنيا على المساؤى اللي فيها

[فلفل حار]

واحد من ربعنـا رايح هناكـ من 3 آيـام وماندري عن آخبـارهـ ...

الله يحفظه ويحفظ المسلمين ويردهم بالسلامه ...

[نورالهدى]

الله المعين
المضطر يروح
واللي ماعنده ضرورة بلاها الروحه

[بــو فهــد]

اخوي سداوي ما عليك .. انا تاريخ ١٨ يناير وصلت امريكا والحمدلله اموري مشت بسرعه وبسهوله " مطار هيوستن " .. انصحك فيه الصراحه هادي ونظيف وامورك تمشي بسرعه .. مطار واشنطن توصل الطياره في وقت مزدحم وهني تتاخر .. اما مطار هيوست توصل وكل الكاونترات فاضيه ..
توكل على الله والله يحفظك ان شالله

[سهم ماسي]

انا وصلت أمريكا من حوالي شهر وكان التفتيش أكثر بشوي, بس الحمدلله مشت الأمور
يازين الدوحه (:

[lawyer]

انا حاليا في امريكا
والحمد لله الربع راحوا واررجعوا وامورهم تمام
والله يحفظ الجميع

[الكونجرس]

بس انا اقول امريكا ام الدنيا على المساؤى اللي فيها

يقولون الي يشرب من نهر المسيسيبي لازم يرجع له:nice:

[qtrose]

أنا سافرت أمريكا من سنتين وكنت قبل السفر متخوفة

من سوء المعاملة لنا كمسلمين وعرب !

وبصراحة لما وصلت هناك لقيت الوضع عادي جداً ، صحيح في

تفتيش بمطاراتهم بس الكل كان يتفتش الأجنبي والمواطن .

في شي حبيت أنوه عنه وهو انك بعد ما تخلص من ( الجوازات )

راح يطلبون منك تدخل غرفة وهناك راح يسألك الضابط ( مادري شنهي

رتبته ) بعض الأسئلة الروتينية.

وبس. لما تحط ريلك على الأراضي الأمريكية بتشوف المعاملة الحلوة

والأخلاق الطيبة من الأمريكان :)

وبالتوفيق.

[joker qtr1]

انا رحت امريكا في اجازة عيد الاضحى مطار هيوستن

دوخونا بالاسئله بس عقب عادي مشونا

والسبب اللي خلاهم يسئلونا اسلئه هي الفلوس الزايده اللي وديناها فأنصح كل واحد ما يودي معاه فلوس هو مب في حاجه لها

[المجروح]

انا رحت قبل 3 اسابيع كلشي كان عادي وانا واوكي
والتفتيش عادي حالي حال الامريكي

[بوخالد911]

هلا بكم

ما زلنا متعقدين من وكالة ( يقولوون )


لابد من وجود اجراءات امنية مشددة
ولا يمنع من التعاون معهم

يعني لو اطلبوا من 1 فصخ حزام بنطلونه وهو مصر ما يفصخه
وش تتوقعون من الشرطي يسوي له

هل بيطلب له شاي وقهوة


لا طبعا


مشكلة البعض
عدم الانصياع لتعليمات الشرطة



مرة كنت راجع من فيينا
ووصلت مطار ميونخ
تفتيش دقيق
لكن سمعت كلامهم
فصخت الجوتي تكرمون والحزام

وحتى كاميرتي طلبوا مني تشغيلها
وشغلتها لهم

وبس


مسيوو / بوخالد911

[ماريسا]

مش أمان للعرب
و مالومهم عالتفتيش الدقيق كله للمصلحة العامة

[الحجاجي]

السلام عليكم ..

هالوضع طبيعي ..

بعدين مادري اشلون يبين على الشخص ..

في شهر 11 رحت لاول مرة هناك ..

وصلت مطار هيثرو بلندن ..

ناس قبلي في التفتيش وانتو بكرامه حتى الجوتي خلوهم يشيلونه مع الحزام مع الجاكيت ..
والاب تب لازم تطلعه وينحط بروحه والخ ..

انا الحمدلله عادي لا حزام ولا غيره / بس الاب تب ضروري ..

/

في مطار سان فرانسيسكو بامريكا ..

وقفوني تقريبا ساعه تفتيش
واسئلة روتينة

فلما سئلت اغلب الشباب

طلع الموضوع عااادي
عندهم اسباب كثيرة يأخرونك

منها الاسئلة الدقيقة يتاكدون عن مكانك واقاربك
ومعلوماتك ..
ومنها يحاولون يأخرونك على اساس اذا انت متواعد تسوي شي ولا شي ( على كلام البعض ) .

ولا دخلوني غرفه ولا قالو لي شيل أي شيء أبداً ..


//

//


وانا راجع الدوحه .. في 1 يناير 2010
التفتيش كان أدق .. خلوني على جنب ..
وطبعاً الجاكت والحزام والجوتي ..
والاب تب بروحه ..

وقالي تفضل اجلس لين نخلص التفتيش
خليت نفسي عادي بكل هدوء جلست
قعد ربع ساعه يفتش شنطة الاب تب ..

وعقب خلصت وطلعت ..

من خلال سؤالي لأغلب ربعي هناك

تصير مواقف ..

منها / اسمك مشابه لشخص معين ..
جوازك فيه ختومات غريبة .
هيئتك يعني شكلك من لبس وحركات .
طريقة تعاونك وكلامك معاهم ..


يعني عندي ربعي وهم عرب وجوازاتهم امريكية
يدخلونهم غرفــه الفحص والهواء والاشعه والخ ..



/

يعني خلك واثق من نفسك .. متعاون معاهم .. انيق في ملبسك ..
متواضع في تصرفاتك . هادىء في ردود فعلك .


/ الله يوفق الجميع يارب ..

[saddawi4ever]

واحد من ربعنـا رايح هناكـ من 3 آيـام وماندري عن آخبـارهـ ...

الله يحفظه ويحفظ المسلمين ويردهم بالسلامه ...

لاحول ولاقوة الا بالله

بشرنا وطمنا عنه

[أم جود]

انا بروح ان شا الله على شهر 4
محتارة بين امريكا واوربا

وخاطري اروح اوربا اكثر
يعني ميونخ وفيينا وباريس

[tnt789]

انا وصلت امريكا تاريخ 22/ 1 الحمدلله مافي تشديد الحمدلله كل شي نفس ماهو طبيعي

[Stranger Man]

التفتيش في كل ديره حتى مطار دبي بيفصخون يالواحد تكرمون النعال فا اذا التفتيش في اغلب الدول ليش نتروع من دخول بلد مثل امريكا , المثل يقول لاتبوق لاتخاف

[بو خليفه 123]

اخوي المثل يقولك اسال مجرب ولا تسأل طبيب

أنا توني من فتره بسيطه جداً بعد هذي الاحداث الاخيره راجع من نيويورك و كانت معاي زوجتي

الحمدالله رب العالمين كانت معاملتهم سلسه جداً و مكتب الخطوط الجويه القطريه المسؤوله هناك كانت محترفه و تعاملها طيب معانا وصلتنا لين قاعة الانتظار بحكم انه احنا اول مره نروح امريكا .

الامريكان بشكل عام بالمطار كانوا سهلين رغم انه زوجتي كانت لابسه الحجاب وهي مسلمه لكن ماشفنا الا كل خير منهم ...... و تصدق ان البعض من الامريكان كانوا يفكرون ان قطر تابعه للعراق .. يقولك وين هذي قطر ؟

المهم بشكل عام أنا تجربتي الشخصيه كانت ممتازه و لله الحمد و افضل من لندن او اوروبا بشكل عام .

اما من ناحية الاشخاص الي يحجزونهم بدون سبب هذي وارده لأنه أنا تم حجزي في الاردن لمدة 6 ساعات و هذي دوله عربيه (او مملكه بالاصح) و بعدها اكتشفوا انه في تشابه اسماء مع واحد من جنسيه خليجيه اخرى مطلوب للجهات الأمنيه الاردنيه

بس اهم شي العارض مايكون ثقيل ... انا عطيته زيرو :funny: