رفقا بالقوارير يابنك قطر الوطني

[قناص الخليج]

خلال الاسبوع الماضي ذهبت الى احد فروع بنك قطر الوطني لصرف شيك واخذت رقم وجلست انتظر فالطابور طويل كان امامي اكثر من عشرين مراجع

دخلت امراءة واخذت رقم وراحت للموظفه قالت لها انتظري دورج كنت اشوف المراءة منحرجه لانها بين 30 مراجع وبس هي المراءة الوحيده المراءة خذت زاويه وقفت وانتظرت

وبعدها بخمس دقائق دخلت عجوز يالله تمشي ومعاها خدمتها ونفس الشيء راحت للموظفه وقالت لها انتظري دورج استغربت من تصرف الموظفة قمت وقلت لها مشيها هذي كبيره بالسن وماتقدر على الانتظار ومثل ماتشوفين كله اجانب وين توقف بين هل الهنود
قالت لي هذي اوامر البنك التزام بالدور

وبعد حنا ورنه وتدخل موظفة قطريه مشوا العجوز



هنا اوجه سؤالي لبنك قطر الوطني البنك الاول بدولة قطر انتم اغلقتم جميع الفروع النسائية ماعدا فرع واحد هنا لماذا لايوجد كنونتر خاص للنساء او رجعوا الفرع النسائية

[STAR]

اي صح ليش مافي قسم نسائي؟

[القلب المؤمن]

يمكن وسيلة من وسائلهم الشيطانية لتشجيع الاختلاط !!:anger1:

[بدور]

من أسوأ البنوك الوطني في المعاملات مع العملاء وبدت الهجره من العملاء افواج وافواج

انا وحده معاي 24 من البنات سحبنا فلوسنا من عندهم ورحنا لبنك آخر

الاسباب : من قهري خلوني أفضفض:omen2:

اذا بغيت أكلم موظفه في قسم السيدات يرد عليك الفرع الرئيسي طيب وصلوني بفلانه يردون ما

نقدرهذا قوانينا قولي وش تبين احنا بنساعدج وفي الأخير بعد ما يعرفون الموضوع يقولون

والله ما نقدر نفيدج روحي الفرع المطلوب كلميهم واستفسري دام انتوا لاتهشون ولاتنشون

وراكم مترززين يا عليميه قوانينكم خلوها لكم لانكم فاشلين في وضع القوانين العشوائيه المغلوطه

ثانياً : ما يحترمون لاصغير ولا كبير ولا شايب ولا عجوز يظنون ان العملاء موظفين عندهم

وناسيين انهم هم اللي في خدمة العملاء

انسرقت بطاقتي في لندن اتصل فيهم ابغيهم يلغون البطاقه 4 ساعات لين توصلت لهم وقدرت

اكنسلها معقوله للدرجه هذي خدمتهم وجع فيهم ما واطنهم

ثالثاً : رحت اسكر حسابي عندهم الجاري والتوفير المميز حاوطوني 3 موظفات في الفرع النسائي

ليش يا فلانه وش اللي مضايقج من الفرع تعوذي من ابليس وحده تدخل وحده تطلع قلت لهم ابغي فلوسي الحين وسكروا حسابي ويكفينا اللي جانا منكم crazy

نداء عاجل اللي عنده حساب في الوطني يسكر حسابه ويروح اي بنك ثاني ابرك له من الوطني:ok2:

[ســـهم]

الحريم يطالبون بالمساواه

لذلك لابد ان يستحملوا هذه المساواه ويلتزمون بالدور ..

!!

[La Bella]

مافي أحسن من المصرف الاسلامي

[االبتاار]

سارلي ثلاث سنوات مسكر احسابي وللحين ما تسكر

وطامة الكبرى عندي كتاب منهم يفيد اني مسكر احسابي

تحية لبنك قطر الوطني وللمسؤلين في فرع الغرافة

[ماجور1]

يمكن وسيلة من وسائلهم الشيطانية لتشجيع الاختلاط !!:anger1:



:nice:

[mlson]

راعي رسمي في كل المناسبات

وربوي واكثر اهل قطر مديونين بسببة

طبعا لازم يحترم الدرهم ولكن للاسف مايحترم عجوز كبيرة ماتقدر تتنتظر الدور

تحياتي

[قناص الخليج]

الحريم يطالبون بالمساواه

لذلك لابد ان يستحملوا هذه المساواه ويلتزمون بالدور ..

!!

خلنا من الى يطالبون بالمساواه

شنو ذنب هل العجوز
ترضاها على وحده من عجايزنا

[بوخالد911]

تقريبا بكل فرع
في قسم للسيدات

الوطني الاسلامي ولا أرووع

[فرفوش]

المصرف الاسلامي ولا بلاااااااااااش

[دلوليانوز]

من أسوأ البنوك الوطني في المعاملات مع العملاء وبدت الهجره من العملاء افواج وافواج

انا وحده معاي 24 من البنات سحبنا فلوسنا من عندهم ورحنا لبنك آخر

الاسباب : من قهري خلوني أفضفض:omen2:

اذا بغيت أكلم موظفه في قسم السيدات يرد عليك الفرع الرئيسي طيب وصلوني بفلانه يردون ما

نقدرهذا قوانينا قولي وش تبين احنا بنساعدج وفي الأخير بعد ما يعرفون الموضوع يقولون

والله ما نقدر نفيدج روحي الفرع المطلوب كلميهم واستفسري دام انتوا لاتهشون ولاتنشون

وراكم مترززين يا عليميه قوانينكم خلوها لكم لانكم فاشلين في وضع القوانين العشوائيه المغلوطه

ثانياً : ما يحترمون لاصغير ولا كبير ولا شايب ولا عجوز يظنون ان العملاء موظفين عندهم

وناسيين انهم هم اللي في خدمة العملاء

انسرقت بطاقتي في لندن اتصل فيهم ابغيهم يلغون البطاقه 4 ساعات لين توصلت لهم وقدرت

اكنسلها معقوله للدرجه هذي خدمتهم وجع فيهم ما واطنهم

ثالثاً : رحت اسكر حسابي عندهم الجاري والتوفير المميز حاوطوني 3 موظفات في الفرع النسائي

ليش يا فلانه وش اللي مضايقج من الفرع تعوذي من ابليس وحده تدخل وحده تطلع قلت لهم ابغي فلوسي الحين وسكروا حسابي ويكفينا اللي جانا منكم crazy

نداء عاجل اللي عنده حساب في الوطني يسكر حسابه ويروح اي بنك ثاني ابرك له من الوطني:ok2:

:nice:
أحلى شي وهم يترجون..يعني لو قلت لهم..دفعولي مبلغ وقدره بتم عندكم..بيوافقون
يعني لو قلت مثلا..اتخلوني اخذ قرض بيت..وبدون فايده ولا فايده مخفضه..بيوافقون

يالله ..ارتحتي
وانشاء الله البنك الجديد احسن.. هداكم الله يا الوطني
الكل يتشكى,,, بديت اغير رايي بالبنك:victory:

[بـن عدوان]

انا حسابي الوطني ..

مادري أفكر اغيره ..!!

[قطري vip]

غير المصرف الاسلامي مافيه اسلامي وراحه

[العنيد000]

ماشفتو بنك الدوحه والله تموتون قهر



اي والله المصرف ولا بلاش

[صوت الضمير]

استغرب فعلا بعد اغلاقهم لفرع النساء اللي في الريان

وخلوا بس فرع الرجال .. غصب عنا نروح وحالنا مثل هالمراه اللي شفتها

لا والمراه تنطر .. ليش مافيه مكان للنساء على الاقل بينا وبين الرجال حاجز

أنا غصب عني حسابي في البنك الوطني لاني طالبه بالجامعه واجباري يكون عندنا حساب في الوطني

لكن أول مااشتغل باذن الله على طول على البنك الاسلامي..

واحترامهم للمرأه بوجود قسم خاص للسيدات وكادر نسائي

أبداع

[فلفل حار]

ع فكـره لاحظت شي في آغلب المراكز الصحيه والبنوكـ بشكل عام ...

لو جا عميل ذكر حق موظفه ... تخلص شغله ع طول
ولو جات عميله بنت حق موظفه ... تطنشها وتعاملها برسميه شديدهـ ...!


وبعد العكس صحيح للآســف ...
مشكلهـ من يمشي على غرائزهـ ويهمل آمانـة التعامـل ...!
المفروض في عدل في تخليص المعاملات ...

الآ في بعض الحالات الخاصه مثل ماذكرتها يا قناص الخليج لما تجي بنت وسط 20 رجــال ... المفروض الآولويه لها ...

[هذلان]

ان خليت خربت


بفضل الله لين اليوم و ان قاله الله لين بكره . الناس الي فيها خير و مايرضون بالغلط بالي يقدرون عليه (مثل صاحب الموضوع جزاه الله خير ) لا شاف عجوز او بنت في موقف مايناسبها بيبادر من نفسه و بيتصرف .

و بنك قطر ،،،،،،،،،،، ولا نسكت افضل :anger1:

[FHN]

ياعلك تسلم والله .. فعلا رجال
فرجت على العجوز الله يفرج كرباتك دنيا واخره

[واقعي وصريح]

العيب مو في البنك العيب في اهل العيوز وينهم وليش مخلينها تراجع بنفسها وتعب نفسها

وين زوجها عيالها اهلها؟

[بـن عدوان]

العيب مو في البنك العيب في اهل العيوز وينهم وليش مخلينها تراجع بنفسها وتعب نفسها

وين زوجها عيالها اهلها؟


يمكن اهلها من النوع اللي مايفتكرون فيها ...!

[هيدوس]

الموقف هذا صار في بنك الوطني الاسلامي مع موظف
دخلت عجوز فقال لها الموظف تفضلي يمه وخلصها جزاه الله خير
قام الأخ الي عليه الدور اشتكى على الموظف وكان بيروح فيها لأنه ما مشى بالدور!!

بعيد عن العواطف اعتقد تصرف الموظفة تصرف سليم
وبالنسبة للناس الي عندهم ظروف وما يقدرون ينتظرون الدور بامكانهم يراجعون مدير فرع البنك وهو يتكفل بتخليص معاملاتهم لكن الالتزام بالدور من وجهة نظري ضروري بالنسبة لموظف البنك

[bo_hamad]

يمكن وسيلة من وسائلهم الشيطانية لتشجيع الاختلاط !!:anger1:


بس هذا هو :nice:

[black@white]

تقريبا بكل فرع
في قسم للسيدات

الوطني الاسلامي ولا أرووع



الفرع الاسلامي ايضا يطلب من النساء صرف الشيكات من قسم الرجال
بسبب عدم وجود موظفات

[moonبنتnight]

صج بطوا جبدي لما سكروه 00 أنقهرت ليش 00 يقولون لان موظفاتهم ما يشتغلون كثر قسم الرجال زحمه 00 وفتحوهم على بعض وقولون تطوير خدمة جديدة 00 حراج لنا 00 وخذ لي يمشي ويدعم ولي يقز ودي أبط عينه 00 ولا توجد حتى كراسي تكفي نقعد فيها واقفين 00 وكبار السن لاحترام ولاحشيمه لهم 00

[تحداني]

.. صباح الخير على الجميع ..




هناك الكثير من القوانين نستطيع تخطيها ولا مانع من ذلك ..
اذا كان وراء هذا الموقف امرأه عجوزه ..
او فتاه بوسط الرجال ..
او رجل كبير في السن ..



ويعود ذلك ..

لشهامه الموظف .. ونبل أخلاق الفتاه ..
ولا اعتقد هذا مبرر .. لسوء التصرف ..





جملك الله برضى الرحمن

[الجنـون]

انا من زمان كارهه ها البنك .. وشكلي راح اسكر حسابي واروح لبنك اسلامي ..

بس وين تنصحوني المصرف ولا الدولي ^_^

[بـــــــنت النوخـّــــذه]

يمكن لو مشت الحريم ولا العجايز يقومون فيها الي ينتظرون الدور 000

صراحه بعد اللوم على الي جالسين لو انا شفت شايب ولا عجيز داخله ولا بنت ورقمي جدام بعطيها الرقم وبدخلها جدامي 000(اذا المكان مزدحم بالرجال )صراحه ياريت حد من الي مسمتين عمرهم جدموهم عشان يخلصون000

انا مره صادف ورحت احد المجمعات للضروره دخلت اسحب مبلغ ماينسحب بالصراف الالي لكن شاقول الريايل متسمتين على الكراسي طلبت من الموظفه اتمشيني حصلت كل واحد مبقق عينه ليش اتشمينها قبلنا 00الحين وين الذوق والذذرابه فيهم

الخطأ من البنك ومن زوار البنك 00000بعد المفروض فيه اقسام للنساء

[Q N B]

خلال الاسبوع الماضي ذهبت الى احد فروع بنك قطر الوطني لصرف شيك واخذت رقم وجلست انتظر فالطابور طويل كان امامي اكثر من عشرين مراجع

دخلت امراءة واخذت رقم وراحت للموظفه قالت لها انتظري دورج كنت اشوف المراءة منحرجه لانها بين 30 مراجع وبس هي المراءة الوحيده المراءة خذت زاويه وقفت وانتظرت

وبعدها بخمس دقائق دخلت عجوز يالله تمشي ومعاها خدمتها ونفس الشيء راحت للموظفه وقالت لها انتظري دورج استغربت من تصرف الموظفة قمت وقلت لها مشيها هذي كبيره بالسن وماتقدر على الانتظار ومثل ماتشوفين كله اجانب وين توقف بين هل الهنود
قالت لي هذي اوامر البنك التزام بالدور

وبعد حنا ورنه وتدخل موظفة قطريه مشوا العجوز



هنا اوجه سؤالي لبنك قطر الوطني البنك الاول بدولة قطر انتم اغلقتم جميع الفروع النسائية ماعدا فرع واحد هنا لماذا لايوجد كنونتر خاص للنساء او رجعوا الفرع النسائية




عميلنا الكريم/ قناص الخليج

السلام عليكم و رحمة الله و بركاته

في البدايه أشكرك على طرحك للمشكله و إهتمامك بمستوى الخدمه وهو ما تشاركك به إدارة qnb

الرجاء إرسال إسم الفرع على الخاص مع تاريخ و وقت الحادثه إن أمكن

و سأطلعك شخصيا على ما يستجد و ما هي القرارات الإداريه التي ستتخذ بهذا الخصوص

و لك الحق في نشرها بموضوعك هذا ليطلع الجميع على مستوى إهتمام qnb بجودة الخدمه

و الدعوه مفتوحه لجميع عملائنا الكرام لمساعدتنا بالإرتقاء في مستوى و نوعية الخدمه المقدمه لهم

حيث أن الموظفين بشر و جل ما لا يخطأ و لكن الغير مقبول هو الإستمرار بالخطأ وهو أمر لا يمكن لإدارة qnb التساهل به

بإنتظار رسالتك الكريمه و شكرا لإهتمامك

[Q N B]

الموقف هذا صار في بنك الوطني الاسلامي مع موظف
دخلت عجوز فقال لها الموظف تفضلي يمه وخلصها جزاه الله خير
قام الأخ الي عليه الدور اشتكى على الموظف وكان بيروح فيها لأنه ما مشى بالدور!!

بعيد عن العواطف اعتقد تصرف الموظفة تصرف سليم
وبالنسبة للناس الي عندهم ظروف وما يقدرون ينتظرون الدور بامكانهم يراجعون مدير فرع البنك وهو يتكفل بتخليص معاملاتهم لكن الالتزام بالدور من وجهة نظري ضروري بالنسبة لموظف البنك



عميلنا الكريم/ هيدروس

إدارة qnb لن تسمح بأن يتم تقييم الحالات الإنسانيه حسب نظرة الموظف أو مدير الفرع للعميل

بل سيتم إصدار قانون إداري يلزمهم بأولية تلك الحالات في الخدمه

الدعوه موجهه لك كذلك بإرسال تفاصيل الحادثه على الخاص لتعزيز الشكوى الأساسيه المقدمه من الأخ قناص الخليج صاحب الموضوع

وهو بدوره سيعلمكم إن شاء الله بما يستجد بهذا الخصوص

شكرا لإهتمامك و أتطلع لرسالتك الكريمه .

[Q N B]

.. صباح الخير على الجميع ..




هناك الكثير من القوانين نستطيع تخطيها ولا مانع من ذلك ..
اذا كان وراء هذا الموقف امرأه عجوزه ..
او فتاه بوسط الرجال ..
او رجل كبير في السن ..



ويعود ذلك ..

لشهامه الموظف .. ونبل أخلاق الفتاه ..
ولا اعتقد هذا مبرر .. لسوء التصرف ..





جملك الله برضى الرحمن




صباح النور أخي الكريم

إدارة qnb تتفق مع ما طرحته إتفاق كامل بالشكل و المضمون

ولن تسمح بأن يتم التعامل مع الحالات الإنسانيه إعتماداً على شهامة موظف أو نبل أخلاق فتاة كما تفضلت

بل سيكون هناك قوانين إداريه داخليه تلزم جميع الموظفين بأولوية تقديم الخدمه لتلك الحالات الإنسانيه

شكرا لك .

[Q N B]

يمكن لو مشت الحريم ولا العجايز يقومون فيها الي ينتظرون الدور 000

صراحه بعد اللوم على الي جالسين لو انا شفت شايب ولا عجيز داخله ولا بنت ورقمي جدام بعطيها الرقم وبدخلها جدامي 000(اذا المكان مزدحم بالرجال )صراحه ياريت حد من الي مسمتين عمرهم جدموهم عشان يخلصون000

انا مره صادف ورحت احد المجمعات للضروره دخلت اسحب مبلغ ماينسحب بالصراف الالي لكن شاقول الريايل متسمتين على الكراسي طلبت من الموظفه اتمشيني حصلت كل واحد مبقق عينه ليش اتشمينها قبلنا 00الحين وين الذوق والذذرابه فيهم

الخطأ من البنك ومن زوار البنك 00000بعد المفروض فيه اقسام للنساء




العميله الكريمه/ بنت النوخذه

معك حق فيما طرحته

و هذا خطأ لن يتم السكوت عليه ولا يتماشى مع سياسة البنك و توجه إدارته نحو الإرتقاء بمستوى الخدمه و جودتها

و لن يتم الإستمرار بالتعامل مع الحالات الإنسانيه إعتمادا على فزعة عميل أو شهامة موظف

بل سيتم إقرار قانون داخلي يلزم جميع الموظفين و العملاء الكرام بأولوية الخدمه للحالات الإنسانيه منعا للإحراج

و سيتم إعلامكم بما يستجد بهذا الخصوص بإذن الله .