المساعد الشخصي الرقمي

مشاهدة النسخة كاملة : :::قالوا اقطري...قال وظفوه...:::احم...


The Master
07-02-2010, 08:55 PM
احم احم...ثم احم....

من زمان ماكتبت مقال...فا يمكن الاداء نزل شوي...
لكن نبتدي ب الرحمن...

موضوعي اليوم...يتكلم عن مشكله كبيره نواجها في قطر..
وحنا كا شعب...او بمعنى اخص كا شباب...دايما نوجه الاتهام للمسؤولين...حتى بدون تفكير...
لكن من خلال طرحي ياريت تركزون للنقاط اللي باذكرها...
طبعا مش دفاع عنهم...لكن كلمة الحق لازم تنقال...

الطرح...من اسلوبي...اتمنى توصل المعلومه...

خذ هالملف وده حق عبدالله خله يراجعه لي ويشوف وش المطلوب...بس يا بوفهد عبدالله للحين ماوصل...اشدعوه؟؟..بس الحين الساعه 8 ونص...شنسوي...تدري به...بيجيك والعذر في مخباه...اي بس هذا شغل مب مجلس شباب...يجي متى مابغى...هنا نظام وقانون والتزامات...يمكن عنده عذر...

عبدالله...عسى ماشر...السموحه بس امي كان عندها موعد في المستشفى...ووصلتها وجيت...بس هذا كان عذرك الاسبوع اللي طاف...ها...اممم...لا لا بس اليوم اتعبت بزود...لمتى يا عبدالله...مره امك...مره ابوك...مره زحمه...مره خدامتكم...متى راح تلتزمون بشغلكم...
(هو الحين موظف عادي وكذا...بكره لمسك منصب يمكن ماراح يداوم اصلا...احم)

ها بوعابد شفت المباراه البارحه...اسكت قعدت معاها لين الساعه 2...الا وش ريوقكم اليوم؟؟...يبيله فلافل بيروت ها؟؟ اي اي مشروع...بس عندكم كم ملف لازم تخلصه...اي اي مو مشكله...لاحقين على الشغل...العمر يخلص والشغل مايخلص...

بوفهد...تفضل ياعبدالله...الوالده خلصت موعدها...وماعندنا سايق...وتبغيني اوصلها البيت...بس توك جاي ماصار لك الا ساعتين...شاسوي هذي حلوة اللبن وماقدر اخليها اتنقع هناك...بس الاسبوع اللي طاف ترخصت 3 مرات...ونفس الحجج...انت كريم وانا استاهل...

ها عبدالله خلصت الشغل اللي طلبته منك؟؟...اي نعم...طيب وين الملفات...موجوده...بس يبغي لها بعض الشغلات واجيبها لك...اي بس الحين نهاية الدوام...اي اي مو مشكله...بكره من الصبح احطها في مكتبك..."ماضنيت"...

اليوم الثاني...

الله الله....عبدالله يشتغل على الكمبيوتر...وين طالعه الشمس...عشان تعرف بس...وش قاعد تسوي...اقرى الجريده...مالت...والشغل اللي بغاه المدير وينه...اوه اوه زين انك ذكرتني...


الا بوعابد ماقلت لنا متى بيرقونك؟؟...صار لك فتره...مادري عنهم...مع اني قطري...و اصل...وشغلي ماعليه كلام...كل شي اول ب اول...وشاد حيلي...بس الظاهر انهم مايبغوني اخذ مكانهم...تدري يبغون اجنبي... لان عيونه زرق وشعره اصفر...؟؟!!!

في الموؤسسات..."الخاصه"

صج مسخره...وش هالحياه...مايسوى علينا ماخلصنا الجامعه...وش فيك يا سلوم...هزلت...وش السالفه...انا اللي هو انا يخلون هندي يكلمني بخياس نفس...صدق على الدنيا السلام...اي بس انت اللي لك الحاجه...ولازم تتعلم منه...ولازم تحاول تضبط معاه حق حاجتك وفايدتك...يخسي الا هو...هذا اللي ناقص...خله يولي...باشوف لي مكان ثاني ابرك...هزلت...
تعوذ من ابليس...محد بيقبلك بنسبتك الضعيفه...فا هدي بالرحمن وقر مكانك...خلاص خلاص...باكمل الشغل هنا...لكن باسفهه...ولا ابغيه يعلمني ولا اقرب صوبه...هذا اللي قاصر...هندي...


ها داومت اليوم...لا لا ماقدرت...عسى ماشر...امس كنت اشوف فلم هندي وطول...فا ماقدرت اقوم الصبح...بس حاسب يمكن يفنشونك...وشو؟؟؟يفنشوني؟؟؟...يا حبيبي انا قطري...محد كفو يفنشني...
طيب ودوك المصنع ولا للحين؟؟...لا للحين ندرس انجليزي...اشدعوه؟؟؟ سنتين بس انجليزي...شكلك مب شاد حيلك...الا شاد حيلي وادرس...بس شنسوي شباب وسوالف...وناسه وضحك...اي بس كذا ماراح اتطور؟؟...يارجال خلها على الله...في النهايه باروح وامسك سكروب ولا البس هلمت واسكر فالفات(valve)...فا ليه الشقى...بس اذا شديت حيلك يمكن تاخذ شغل افضل...خلني كذا مرتاح ابرك...


بالمبارك...تستاهل النجاح من الثانويه...ها اي جامعه ناوي...ولا بتروح البترول يطرشونك بره تاخذ بكالريوس؟؟...
شنو...اقول...اخبارك بس...يبا انا ماصدقت اخلص...وافتك من الكتب...تجي تقول لي دراسه...افا ليه...على الاكل بالجامعه بتاخذ مناصب افضل...خلها لك...يبا انا اهم شي عندي معااااش وفلووووووس...واخمط لي ذاك الكروزر ولا اللكزس....واعيش حياتي...وش لي بالشقى والغثى...


ناصر...وش طموحك في الشركه...اول شي الله يسلمك اني اصير مدير...طيب ليه...عشان اجي واروح متى ما بغيت....يعني ماتبغي تطور من المكان او تنتج شي جديد...اطور؟؟...المكان متطور وخالص...خلني اقعد واريح...وغصب عليهم يحطوني مدير...ماشاء الله....ليه؟؟...
"لاني قطري"


ادري الموضوع طويل...وكنت اقدر اذكر النقاط...وانتهت السالفه...
لكن حبيت اجيبها ب اسلوب قصصي...وانطور في طريقه الطرح..."ب اسلوبي"...منها الواحد يحس انه سوى شي ومنها من ناحية الابداع...احم

اتمنى وصلت فكرة الموضوع...
وهذي امثله حيه نعيشها...ان ماكنا حنا من اهلنا واخوانا وربعنا...اللي حولنا...
وفي نظري انها فئه كبيره....

فا اللي بغيت اقوله...ان حنا من خلى المسؤولين يدورون ناس كفئ...ناس تشتغل...ناس تبغي التطور...وزياده الانتاج...
وكل هذا لان حنا للحين ماتغيرنا..."كليا"...
فا لازم نغير نظرة المسؤولين...ونبرهن ان حنا قدها وزود...

طبعا تحتاج وقت...وماتجي مني والطريق...عمل واصرار وعزيمه...والاهم الثقه في النفس...والرغبه في التغيير...
لان في النهايه انت الربحان كا "قطري"...

الهدف من الموضوع...لنا حنا كا شعب قطري...

- نطور من حالنا...مب عشان المسوولين وبس...الا عشان نحلل معاشاتنا...
- نطبق الحديث عن الرسول عليه الصلاة والسلام..."من عمل منكم عملا فليتقنه"...
- الاحساس بالرضى عن ماتقدم...وانك سويت شي...والبحث عن ما بداخلك من ابداع....
- شغل العقل ب شي مفيد...وزياده الثقافه...والتطور للافضل...

ومثل دايما...تبقى الاراء شخصيه...ومن منظوري انا...قد يتفق وقد يختلف معي البعض..."لكن تبقى حقيقه"

اترك لكم التعليقات والملاحظات...ويامرحبا بكم...
طلعة الروح
07-02-2010, 09:12 PM
احييك عالموضوع
مادري احس اني قاعده اطالع حلقه من حلقات ((تناتيف)) كح كح غبار لووول سيناريو عبدالله يضحك
المدير يحليله طيب ويخاف على موظفينه وهالايام نادرين هالنوعيه من المدراء..
احس انه مسألة انه القطري يدلع ويطنش ويتسيب ومايتنفش احسها شوي قديمة يمكن في الوزارات وبعض الشركات فيه تسيب وفيه حب خشوم بس في القطاعات الخاصه مالك امل يقبضونه الباب على طول مع احترامي للجميع ههههه هاي الواقع عموما القطريين يستاهلون كل خير عيال البلد وربي يرزقهم من حيث لا يحتسبون انشالله وفي وايد منهم الكفاءات الماشيه على رجلين وللاسف مايقدرونهم الا بعد فوات الاوان وطيران الطير الى عش آخر...
كاريرا
07-02-2010, 10:48 PM
كلام خاطأ ومجحف في حق أبناء قطر

يدل على الستيريو تايب

^الي باي ذا واي الكل قاعد يحاربه

الكل يحارب الصوره النمطيه عن الاشخاص

الي انت جالس تكرسها

(القطري يطلب سندويتشات فول ومايشتغل)

القطريين فيه منهم ناس يكرفون ويحرثون البحر

والي قالو هالكلام ماقالوه الى لانها بلادهم وهم لهم حق يتعاملون فيها بشكل مميز

>أعتقد مادرست الموضوع عدل قبل لا تكتبه

بس سمعت سالفه من واحد من الربع أنه فلان طلب سندويتش بيض وقلت يالله بكتبلي موضوع والسلام

الموضوع فيه اخطاء كبيره وستيريو تايب رهيب عن الشباب القطريين

اتمنى تصحيحه
سواح
07-02-2010, 11:53 PM
السلام عليكم ورحمه الله ..

موضوعك شوي ينرفز :) ..
على فرض ان النماذج اللي ذكرتها موجوده فالواقع لكن انك تقول انها تمثل فئه كبيره .. اسمحلي ..

عن نفسي في مجال عملي المساله مختلفه ..
"فئه كبيره" من هل قطر يشتغلون بذمه ويحترق قلبهم عشان يطورون الوضع ..
و "فئه كبيره" من الاجانب مقصرين فشغلهم كثير وحرام فيهم الراتب ومش فارقه معاهم انشالله تحترق البلد ..

طبعن لكل قاعده شواذ ..

فالنهايه ..
ظلمت اهل بلادك ..
ساعدت كل مسؤول وصاحب قرار انه يشفع لنفسه ظلمه لاهل بلاده ..

سلملمش
:secret:
هدهد سليمان
08-02-2010, 12:18 AM
بيض الله وجهك .. المشكله هالايام كلمة الحق تزعل .. وجزاك الله خير لغيرتك على بلادك وعيال بلادك يا ماستر .. شي جميل نواجه النقد البناء واعتبره بناء بالفعل حتى نصحح من انفسنا .. ونسبه عاليه من اللي ذكرتهم موجودين .. نسأل الله لهم ولنا الهدايه .. وقصه قريبه الى الواقع ..
بوطويشم
08-02-2010, 12:28 AM
السلام عليكم

أغلب المسؤلين ماخذين فكرة سيئة عن القطري

طيب السيناريو الي انت قلته وانا شفت البعض منه تارك الصبح الدوام ويروح الكرك يتريق وقت الدوام يعني هامل شغله

طيب هو ما يبي يشتغل فنشوه انا الحين ادور وظيفة وما لقيت وانا شاك انه ذي السبب

انهم يعممون!!!!
شموخ وبس
08-02-2010, 01:56 AM
واااو واااو احييك ياماستر يابو احم
عالموضوع يبتها صح0000 ندري مو الكل بس اللي ضامنين الواسطه 000احم
وصج انا معجبه باسلوبك وطرحك 0000 والى الامام دوم وحنا وياك
The Master
08-02-2010, 10:21 AM
احييك عالموضوع
مادري احس اني قاعده اطالع حلقه من حلقات ((تناتيف)) كح كح غبار لووول سيناريو عبدالله يضحك
المدير يحليله طيب ويخاف على موظفينه وهالايام نادرين هالنوعيه من المدراء..
احس انه مسألة انه القطري يدلع ويطنش ويتسيب ومايتنفش احسها شوي قديمة يمكن في الوزارات وبعض الشركات فيه تسيب وفيه حب خشوم بس في القطاعات الخاصه مالك امل يقبضونه الباب على طول مع احترامي للجميع ههههه هاي الواقع عموما القطريين يستاهلون كل خير عيال البلد وربي يرزقهم من حيث لا يحتسبون انشالله وفي وايد منهم الكفاءات الماشيه على رجلين وللاسف مايقدرونهم الا بعد فوات الاوان وطيران الطير الى عش آخر...

هلا ومرحب اختي طلعة الروح...

ايام والله تناتيف...
هذا انتي قلتيها الحكوميه...وهي النسبه الاكبر...

اكيد يستاهلون كل خير...ماتكلمنا الا نبغي لهم الخير...ونبغي نصحي فيهم الجزء هذا...وفي نظري هو مهم جدا خاصه في هالوقت...وحنا انتطور ونتحضر بسرعه كبيره....فا نبغي العقليات تتغير وتتطور...

اكيد في ناس مبدعين...لكن الخير يخص والشر يعم...
وهذا الشي اللي ظالم فيه المبدعين...ومخليهم من الفئه المريحه...

اشكر لك تواجدك اختي...
وطرح وجهة نظرك...

ويامرحبا بك
ولاهنتي على التواجد...
omhamodi
08-02-2010, 10:36 AM
للاسف الكلام صحيح الي حد بعيد خصوصا اللي يجون بالواسطة وتري اهما يظلمون انفسهم ويظلمون اخوانهم اللي يشتغلون بذمة وضمير ويبغون البلد تطور
بو شريم
08-02-2010, 10:50 AM
حقيقه لا علم لي في الدوائر الاخرى لكن انا اشوف القطري يعمل ويعمل بجد
والغريب لايتم تطويره يقولك على حسب مزاج المدير
انا شفت في القطاع الخاص ماعندهم مشاكل القطاع الحكومي
يعني فيه ايجابيه في العمل
ومع ذلك القطري يعمل ماشوف الكلام اللي تقولونه
احتمال فئه بسيطه
لاتعممون ولا تكبرون السالفه ترى احنا عيال البلد واذا ماقمنا فيها من يقوم؟
بو الجوري
08-02-2010, 10:51 AM
والله إنك جبتها :..
ومع الأسف هذا حال بعض القطريين :.. وأغلب المسؤولين ماخذين هالفكره :.. ومعممينها على الكل :..

و صح إن في قطريين يشتغلون ويكرفون :.. لكن في فئه مب شوي :.. مخربين عليهم :..

الله يهديهم :.. و يغيرون تفكيرهم :..
hamoor4ever
08-02-2010, 11:25 AM
اخوي كتبت عن الفئه هاذي واعتقد حاليا مافيه قطري يقدر يداوم بالطريقه هاذي ولا راح يتم تفنيشه ليش ماكتبت عن اللي يدامون ويعطون شغلهم اكثر من حقه وبالنهايه يتم ظلمهم بالبند المركزي او خصم الراتب او انذار بسبب تافه او بسيط او يتم طول حياته محلك سر ولو طلب انه يتطور في وظيفته يتم مضايقته كأنه طالب شي صعب او مستحيل
The Master
08-02-2010, 05:50 PM
احم....معليش تاخرت في الرد على مشاركاتكم...انشغلت....
لكن ابشروا لفضيت بالرد...واناقشكم المشاركات المطروحه...
ولاهنتوا جميييعا
تشكرون علي التواجد
ديمه
08-02-2010, 07:35 PM
السلام عليكم اخوي
مبدع كعادتك اسلوب يشد من اول حرف لين آخر نقطة............. قواك الله

كلامك صحيح نوعا ما لكن هناك نسبه منهم ليست بالقليلة ( من وجهة نظري من خلال المكان اللي انا فيه ) ما يحب يطور نفسه يداوم بس على شان الراتب مو مشكلة ولا بغلط كلنا نبي الراتب بس ايش المشكلة لو كان لك بصمة ايجابية في مكانك اللي انت فيه مو اذا شفت المسؤول يكرمون احد المخلصين ياكل قلبك الحقد لانهم كرموه او اذا اختاروا احد اقل منك خبره لمنصب اعلى احتجيت وزعلت واتهمت المسؤولين بالظلم انت اللي ظلمت نفسك هو جا بعدك بس اخلص وابدع و جذب كل الانظار صوبه وانت لين الحين بس اداوم علشان الراتب ما حرصت انك اطور نفسك ما حرصت انك تبدع في شغلك وتكون مميز ونجم يلمع الكل يشوفة
"انا عن نفسي خجولة علاقتي جيدة مع الكل احترم مرؤوسي في الشغل اقوم بالشغل اللي واجب علي بابداع مش من النوع اللي يحب انه يمسح جوخ ومع هذا بين شغلي سواء من طالباتي اللي يذكروني بالخير او من مرؤوسي اللي يتحدثون عني في كل محفل ( مع ان راتبي هو هو نفس راتب اللي مرتاحه ولا اتسوي شي بس انا ابحث عن رضا الذات وقبل هذا رضا الله سبحانه

البعض منهن مبدع فقط يوم تجي الموجهه وباقي السنه ولاشي حتى البنات يوم ادش عليهم بوسائل يسألونها ابله عندنا ضيوف اليوم ( احس فشيله لانهم ايشوفونها بوجهين ) ومع هذا الطالبات اعرفوا والمديرة تعرف والموجه ايضا تعرف ...... انها بوجهين "

المخلص بيوصل شغله لو هو ما تكلم عنه الناس كفيلة باظهاره

والمهمل الكسول المنافق راح يتم محلك سر ولو لقا مسؤول يرفعه اليوم بكره بيحصل اللي يحذفه سابع ارض
انا ما اعمم لان يمكن ان يكون هناك المخلص الذي لم يجد من يقدر عمله لان بعض المسؤول يبحث عن من ينافقه من الموظفين دون النظر الى جودة عمله
ولكن ابشر بأن الله يقدر عملك بل و يحبك (( إن الله يحب إذا عمل أحدكم عملاً أن يتقنه ))

اتمنى من كل موظف ان يبحث عن رضا الله اولا وعندئذ سيرى نتيجة عمله ان لم يكن بترقية فسيكون بدعوات وحب الناس

ولنعمل بحب من اجل قطر اولا واخير

هناك نقاط كثيره في موضوعك ولكن اكتفي بهذا الجانب

عذرا على الاطالة :shy:
ودمتم ...
الزيبق
08-02-2010, 07:57 PM
انا بتكلم عن نفسي قبل لا ايقاعدوني يم كنت اداوم من الساعه 6 الصبح لين الساعه7 المغرب وكرف وعلشان مساعد المدير حضرته يبي اصير المدير رحنا في الرجالين شتقول عن اعيال ديرتك يا ولد الديره بس انا اعرف من شاكلتك وايد تايد الاجانب مثل مساعد مديرا حتى ربعه برع الشغل اجانب
cobra
08-02-2010, 08:16 PM
لاتنسون القطري المدير اللي ماعنده communication skills ولا leaderships ولا counsilng ولا problem solving process شلون تبون الموظفين يلتزمون في الشغل وهالمدير ماعنده هالكورسات عشان يتعامل معاهم ....؟

ولاتنسون الـ feedback ترى تساعد الموظف انه ينتج مب المسكين يشتغل شغل ليل نهار واخر الدوام مافي كلمة شكر واذا نزل كتاب ترقيات طنشو حق الموظف المسكين المنتج الملتزم !!!!

وترقو مرتزقة الواسطه على حساااابه
لــولــو
08-02-2010, 08:27 PM
اولا خلنا نتفق على القطاع الخاص غير عن القطاع الحكومي
لان القطاع الخاص في وجهه نظري فيه عدالة اكثر من القطاع الحكومي من حيث التقيم حتى لو في ظلم بس ما يوصل نفس القطاع الحكومي لان عند التقييم اللي يشتغل او اللي ما يشتغل واحد يعني نفس التقدير ثانيا التطوير بطي جدا و مثل ما قلتوا حب خشوم وهذا ولد عمي وهذا ما ادري من من غير الظلم اللي يصير عيني عينك لان هذا عنده واسطه اللي يخلي الواحد يحس بالقهر وغير الاحزاب و انا ما اعطي القطري مبرر لا لان الواحد فينا يشتغل عشان يحلل الراتب و يخدم وطنه اللي عمرها ما قصرت فيه و صدقني حتى لو الواحد طموح و عنده عزيمة و حاب يتطور بس و الله من كثر الاحباط اللي يجيه ممكن ان يتحول الي شخص نفس راعي الفلافل لو لا المخافة من الله
شموخ وبس
09-02-2010, 03:41 AM
للرفع 0000 احم
The Master
09-02-2010, 01:19 PM
كلام خاطأ ومجحف في حق أبناء قطر

يدل على الستيريو تايب

^الي باي ذا واي الكل قاعد يحاربه

الكل يحارب الصوره النمطيه عن الاشخاص

الي انت جالس تكرسها

(القطري يطلب سندويتشات فول ومايشتغل)

القطريين فيه منهم ناس يكرفون ويحرثون البحر

والي قالو هالكلام ماقالوه الى لانها بلادهم وهم لهم حق يتعاملون فيها بشكل مميز

>أعتقد مادرست الموضوع عدل قبل لا تكتبه

بس سمعت سالفه من واحد من الربع أنه فلان طلب سندويتش بيض وقلت يالله بكتبلي موضوع والسلام

الموضوع فيه اخطاء كبيره وستيريو تايب رهيب عن الشباب القطريين

اتمنى تصحيحه

هلا ومرحب 3

بخصوص الرد...احم...
مادري انت قريت الموضوع ولا للحين تقرا؟؟؟...احم

لان من ردك ملاحظ انك ما استوعبت الموضوع...لانك فاهمه بالعكس...
كيف انا عرفت هالشي...امممم...اقول لك من ردك...
لما قلت الكل يحاربه...يعني شي موجود...فا كيف تقول ان اللي انا قلته خطأ؟؟؟ وكلام مجحف؟؟... يعني اتبلى...كيف اتبلى وانت تقول محاربه هالصوره النمطيه...واللي تعني شي موجود وبكثره...خاصه لما انت ذكرت نمطيه... "فا مب عارف انت كيف فهمت الموضوع ورديت؟؟؟"

تقول اللي انا اكرسها؟؟؟...انت قريت موضوعي ولا لا؟؟؟ او انت قريت ردك عقب ماكتبته؟؟؟...
انا موضوعي ضد هالانواع من الناس...وادعوا للتطور...وانت تقول اني اكرسها؟؟؟..."بصراحه مادري هل خانك التعبير او ماعندك شي تقوله...احم"

اللي قالوا هالكلام؟؟؟...اي كلام انقال ومن قاله...؟؟؟
شسالفه..انت قريت الموضوع عدل...يمكن مشبه على موضوع ثاني...احم

اعتقد انك مادرست الموضوع عدل؟؟؟...دامك تعتقد فا نسبه كبيره ان اعتقادك خطآ...
هل تتوقع موضوع بهالاسلوب...وهالتنوع في الطرح...بيكون بين يوم وليله؟؟؟...
ولما قلت اني مادرست الموضوع...ممكن توريني كيف عرفت...وممكن تبين للناس النقاط اللي تشوف اني اخطأت فيها...ومنكم نستفيد...

واحد طلب بيض...موضوع والسلام...احم...
هنا اكدت لي انك مافهمت الموضوع عدل...او يمكن ماقريته...او يمكن مستوى الطرح كان اعلى...احم
اقرى الاهداف وبتعرف ان كان موضوع والسلام...

اخطاء كبيره...امممم....خلاص ولا تهون...بين للناس وين هالاخطاء...وانت صححها...خلنا نشوف قدراتك...ومنكم نستفيد...

عاده في كل موضوع اذكر ان الناس اراء..لكن من ردك...مالها مكان هالجمله...احم

ويامرحبا بك
ولاهنت على هالطله الحلوه...احم
The Master
09-02-2010, 01:35 PM
السلام عليكم ورحمه الله ..

موضوعك شوي ينرفز :) ..
على فرض ان النماذج اللي ذكرتها موجوده فالواقع لكن انك تقول انها تمثل فئه كبيره .. اسمحلي ..

عن نفسي في مجال عملي المساله مختلفه ..
"فئه كبيره" من هل قطر يشتغلون بذمه ويحترق قلبهم عشان يطورون الوضع ..
و "فئه كبيره" من الاجانب مقصرين فشغلهم كثير وحرام فيهم الراتب ومش فارقه معاهم انشالله تحترق البلد ..

طبعن لكل قاعده شواذ ..

فالنهايه ..
ظلمت اهل بلادك ..
ساعدت كل مسؤول وصاحب قرار انه يشفع لنفسه ظلمه لاهل بلاده ..

سلملمش
:secret:

هلا ومرحب سواح...
وعليكم السلام ورحمة الله وبركاته...

اهم شي النرفزه...احم...يعني الموضوع حرك فيك الحميه...يعني الموضوع وصل...بغض النظر اذا توافق ولا لا...لكن بيخليك تشوف حواليك...وتركز على هالنوعيه من الناس...وبعدها قرر اذا اللي انا قلته صحيح ولا لا...

الحمدلله والله يطرح فيكم البركه لخير هالبلد...والاهم رضا الله...
لكن هذا لا يمنع انك تشوف ربعك جماعتك...ناس حولك...فا شيك...

ان شاء الله ماظلمنا حد...وكلن عقله في راسه...والكل يطرح وجهة نظره...

يامرحبا بك
ولاهنت على التواجد....
نسايم قطر
09-02-2010, 01:53 PM
شكرا على الطرح الجميل
ولكن هناك سؤال يبحث عن اجااابه
شنو الي خلا القطري يوصل حق هالمرحله من الاستهتار في الشغل؟؟؟؟؟؟
من وجهة نظري انه ايشوف غيره يشتغل ويتعب ويحاول ايطور نفسه بس بدون حتى جواب شكر على ورقه بدون شي بس مكتوب عليها نشكر جهودك ويشوف غيره من الاجانب ايحصل المكافئات والتقدير ولامتياز من قبل لايوصل البلد واغلبيتهم متقاعدين او مفصولين من خدمتهم ويشيخون على الموظفين القطرين بالراتب والمميزات................................... اشلون تبون القطري ما يحبط؟؟؟؟
The Master
09-02-2010, 02:00 PM
بيض الله وجهك .. المشكله هالايام كلمة الحق تزعل .. وجزاك الله خير لغيرتك على بلادك وعيال بلادك يا ماستر .. شي جميل نواجه النقد البناء واعتبره بناء بالفعل حتى نصحح من انفسنا .. ونسبه عاليه من اللي ذكرتهم موجودين .. نسأل الله لهم ولنا الهدايه .. وقصه قريبه الى الواقع ..

هلا ومرحب اخوي هدهد...
ووجهك ابيض...
ويجزيك يارب...هم منا وحنا منهم...واللي يضرهم يضرنا...مردنا اخوان او عيال عم...الدوحه صغيره...ويستاهلون خير...
اتمنى ان الموضوع يؤخذ بعين الاعتبار...والناس تشوف حواليها...لان في ناس تقول ماشفنا او مافي حد من هالنوعيه...لكن من خلال الطرح...الناس بتفتح عينها وبتركز...
فا ان شاء الله يسعون للتغيير...ويغيروون اللي حولهم من افكار وعقليات...
تبقى في النهايه...الفايده والخير بيرجع لنا...ولبلادنا...وان حنا مالحقنا...عالاقل عيالنا...

امين يارب...اجمعين....

اشكر لك تواجدك اخوي...
ويامرحبا بك
ولاهنت...
ام السعف
09-02-2010, 02:05 PM
يا سيد احم احم احم الى مالا نهاية احم
كلامك ينطبق على ناس و حاشاهم ناس ثانيين ،، ما نقدر انعمم النظرة ،، ولا نقدر نقول انها مب موجودة ،،

بس الأحم مسوي شغل في المدونة ،، ربنا يزيدك من الأحم احم احم ،،
احم ,,
















أحم ،،
The Master
09-02-2010, 02:05 PM
السلام عليكم

أغلب المسؤلين ماخذين فكرة سيئة عن القطري

طيب السيناريو الي انت قلته وانا شفت البعض منه تارك الصبح الدوام ويروح الكرك يتريق وقت الدوام يعني هامل شغله

طيب هو ما يبي يشتغل فنشوه انا الحين ادور وظيفة وما لقيت وانا شاك انه ذي السبب

انهم يعممون!!!!

هلا ومرحب اخوي بوطويشم...
وعليكم السلام ورحمة الله وبركاته...
ان شاء الله نحاول نغيرها...ونسعى للتطور...

ان شاء الله تامر امر...اكلمهم لك يفنشونه...بس تعال بعض الاعضاء يقولون ان القطري يفنشونه...احم...

الله يوفقك وتشتغل...وتكون من اللي يسعون للتطور...وين ماكنت...

ويامرحبا بك
ولاهنت
The Master
09-02-2010, 02:11 PM
واااو واااو احييك ياماستر يابو احم
عالموضوع يبتها صح0000 ندري مو الكل بس اللي ضامنين الواسطه 000احم
وصج انا معجبه باسلوبك وطرحك 0000 والى الامام دوم وحنا وياك

هلا ومرحب اختي شموخ وبس...
اهم شي الواو...احم
الحمدلله...كل هذا من فضل ربي...
حتى مو شرط الواسطه...في ناس ماعندها ومريحه...

عسى ربي يجملنا...ونكون قد التوقع...وزود...ولي الشرف اختي اعجابك ب اسلوبي...وماعليك زود...

اهم شي معاي في الخير...والتطور...

ويامرحبا بك
ولاهنتي على التواجد خيتو...
qatari911
09-02-2010, 02:42 PM
جبتهااا على الجرح وكنك مادريت
بس انا عن نفسي ابي اشتغل
تدري اني قدمة امتحان في البترول مرتين
وماردو علي
ولما اتصلت فيهم قالولي انا نجحت في الاختبار بس ميقدرون يشغلوني لان ماعندي خبره عسكري ؟؟؟؟
شدخل مادري؟؟
لان وظيفتي لو توظفت بتكون سكورتي
بس ربك كريم
The Master
09-02-2010, 03:27 PM
للاسف الكلام صحيح الي حد بعيد خصوصا اللي يجون بالواسطة وتري اهما يظلمون انفسهم ويظلمون اخوانهم اللي يشتغلون بذمة وضمير ويبغون البلد تطور

هلا ومرحب اختي ام حمودي

ان شاء الله ما من ظلم...ويبغي لنا وقت لين مايتعدل الوضع...والناس قدها وقدود...بس يبغي لهم يتحركون...وربي يكتب اللي فيه الخير...

ويامرحبا بك
ولاهنتي على التواجد...
The Master
09-02-2010, 04:00 PM
حقيقه لا علم لي في الدوائر الاخرى لكن انا اشوف القطري يعمل ويعمل بجد
والغريب لايتم تطويره يقولك على حسب مزاج المدير
انا شفت في القطاع الخاص ماعندهم مشاكل القطاع الحكومي
يعني فيه ايجابيه في العمل
ومع ذلك القطري يعمل ماشوف الكلام اللي تقولونه
احتمال فئه بسيطه
لاتعممون ولا تكبرون السالفه ترى احنا عيال البلد واذا ماقمنا فيها من يقوم؟

هلا ومرحب بوشريم...

المشكله انتوا ركزتوا على شخصية عبدالله...
لكن انا ذكرت امثله عن الخاص...في مثال سالم وناصر...ياريت يتم قرائتها من جديد وبتمعن...
لان الخاص فيه سلبيات كذلك...مش شرط التسيب...في اشيا ثانيه الواحد لازم يتخلص منها...مثل التكبر على الاسيويين او غيره...او التطنيش الحاصل وان اخذوا حقه....اهم شي انه ياخذ معاش ويفتك...

اما التطوير ياخوي....مافي شي اسمه على حسب مزاج المدير...خاصه في الخاص...لان في ناس فوقه يتابعون شغله اول ب اول...اما في الحكومي...فا هذا مانحاول الوصول اليه...التطوير...ونغير وجهات نظر ناس...وهم بعد نطور من عقليات المسؤولين....اللي قبل كانوا نفس عبدالله وغيره..."اتمنى وصلت الفكره"

اخوي انت الحين تقول ان الواحد يشتغل ومايناخذ حقه...وبعدها تقول لا تكبرون الموضوع...
فا انت جاوبت على استغرابك اخوي...

ويامرحبا بك
ولاهنت على التواجد اخوي...
The Master
09-02-2010, 07:41 PM
والله إنك جبتها :..
ومع الأسف هذا حال بعض القطريين :.. وأغلب المسؤولين ماخذين هالفكره :.. ومعممينها على الكل :..

و صح إن في قطريين يشتغلون ويكرفون :.. لكن في فئه مب شوي :.. مخربين عليهم :..

الله يهديهم :.. و يغيرون تفكيرهم :..

هلا ومرحب اخوي بوالجوري
اشكر لك تواجدك...واثرائك...
هذا اللي حبينا نوصله...ان العيب مش من المسؤولين وبس...حنا بعد علينا عتب وعتب كبير...

امين يارب...ويوفقهم ويوفقنا لما يحبه الله ويرضاه...

يامرحبا بك
ولاهنت على التواجد اخوي...
"تستاهل ماجاك...فهد...يتربى في عزك...وعساه يطلع احسن من ابوه...احم"
قريت التوقيع...حبيت ابارك لك...
The Master
09-02-2010, 07:46 PM
اخوي كتبت عن الفئه هاذي واعتقد حاليا مافيه قطري يقدر يداوم بالطريقه هاذي ولا راح يتم تفنيشه ليش ماكتبت عن اللي يدامون ويعطون شغلهم اكثر من حقه وبالنهايه يتم ظلمهم بالبند المركزي او خصم الراتب او انذار بسبب تافه او بسيط او يتم طول حياته محلك سر ولو طلب انه يتطور في وظيفته يتم مضايقته كأنه طالب شي صعب او مستحيل

هلا ومرحب اخوي hamoor4ever
اشكر لك تواجدك...
مافي اقطري يقدر يداوم بهالطريقه...امممم...اخوي ركز حواليك وراح تشوف...كثيييير...يمكن المكان اللي انت فيه يختلف...لكن اجزم لك انهم موجودين...

والنقطه اللي انت ذكرتها...امممم...انت ياخوي تكلمت عن موضوع ثاني...انا اهتمامشي شي واضح ومبين من طرحي...
الله يعينهم اللي تكلمت عنهم...وربي مع المظلوم...
وهذا لا يمنع انك تنزل موضوع بهالخصوص...ويكون موضوع منفرد...عشان ياخذ حقه...
ما ابغي هدفي يتشتت...او يتداخله مواضيع اخرى...

يامرحبا بك
ولاهنت على المرور الطيب...
كاريرا
09-02-2010, 08:40 PM
هلا ومرحب 3

بخصوص الرد...احم...
مادري انت قريت الموضوع ولا للحين تقرا؟؟؟...احم

لان من ردك ملاحظ انك ما استوعبت الموضوع...لانك فاهمه بالعكس...
كيف انا عرفت هالشي...امممم...اقول لك من ردك...
لما قلت الكل يحاربه...يعني شي موجود...فا كيف تقول ان اللي انا قلته خطأ؟؟؟ وكلام مجحف؟؟... يعني اتبلى...كيف اتبلى وانت تقول محاربه هالصوره النمطيه...واللي تعني شي موجود وبكثره...خاصه لما انت ذكرت نمطيه... "فا مب عارف انت كيف فهمت الموضوع ورديت؟؟؟"

تقول اللي انا اكرسها؟؟؟...انت قريت موضوعي ولا لا؟؟؟ او انت قريت ردك عقب ماكتبته؟؟؟...
انا موضوعي ضد هالانواع من الناس...وادعوا للتطور...وانت تقول اني اكرسها؟؟؟..."بصراحه مادري هل خانك التعبير او ماعندك شي تقوله...احم"

اللي قالوا هالكلام؟؟؟...اي كلام انقال ومن قاله...؟؟؟
شسالفه..انت قريت الموضوع عدل...يمكن مشبه على موضوع ثاني...احم

اعتقد انك مادرست الموضوع عدل؟؟؟...دامك تعتقد فا نسبه كبيره ان اعتقادك خطآ...
هل تتوقع موضوع بهالاسلوب...وهالتنوع في الطرح...بيكون بين يوم وليله؟؟؟...
ولما قلت اني مادرست الموضوع...ممكن توريني كيف عرفت...وممكن تبين للناس النقاط اللي تشوف اني اخطأت فيها...ومنكم نستفيد...

واحد طلب بيض...موضوع والسلام...احم...
هنا اكدت لي انك مافهمت الموضوع عدل...او يمكن ماقريته...او يمكن مستوى الطرح كان اعلى...احم
اقرى الاهداف وبتعرف ان كان موضوع والسلام...

اخطاء كبيره...امممم....خلاص ولا تهون...بين للناس وين هالاخطاء...وانت صححها...خلنا نشوف قدراتك...ومنكم نستفيد...

عاده في كل موضوع اذكر ان الناس اراء..لكن من ردك...مالها مكان هالجمله...احم

ويامرحبا بك
ولاهنت على هالطله الحلوه...احم

:eek5:

أنت من صجك مافهمت؟

النمطيه والستيريو تايب معناتها انك تفكر بفئه كامله من المجتمع بنفس الفكره واتعممها عليهم

وهذا انت تكرسها وكاتب موضوعك الي من غير مصادر عليها.

وبعدين اشهالطلعه ذي كل شوي وين اخطأت وصححني؟

^لايكون قاعدين في مدرسه

ترى محبة الناس هبه من رب العالمين

فلما تشوف مواضيع الفيصل في الآف المشاهدات ومئات الردود

واتشوف موضوع ٣ الآف المشاهدات ومئات الردود

^هذا والحمدالله من محبة الناس

ودليل على حسن الصياغه وعلى سلاسة ايصال الفكره بدون مصاخه

بينما لما اتشوف مواضيع ثانيه حدها عدد قليل من المشاهدات واتنرفع ستين الف مره

^هنا تعرف أنه مافي تقبل لها

وفي النهايه ترى محبة الناس هبه من رب العالمين

وشي غير قابل للتغير

مثل مساحات الدول فجزر القمر بتظل جزر القمر ومساحتها ٢٠٠ كيلو

وامريكا بتظل امريكا بمساحتها

وهكذا

وازيدك من الشعر بيت أحياناً تواجد عضو في موضوع ميت ينعشه ويجعل مشاهداته فال٧٠٠

بينما لو لم يوجد هذا العضو لكان حكم على الموضوع ب٤٠٠ مشاهده حد اقصى كالعاده

واحم احم للرفع كالعاده
شموخ وبس
09-02-2010, 10:28 PM
:eek5:
وازيدك من الشعر بيت أحياناً تواجد عضو في موضوع ميت ينعشه ويجعل مشاهداته فال٧٠٠

بينما لو لم يوجد هذا العضو لكان حكم على الموضوع ب٤٠٠ مشاهده حد اقصى كالعاده

واحم احم للرفع كالعاده




وانا احم للرفع يستاهل الماستر موضوعه نايس
ديمه
09-02-2010, 11:01 PM
استغرب من الردود المحبطة ياخي ناقش الكاتب في فكرته يا يقنعك ياتقنعه وبلاش اسلوب التنغز والتطاول .

ازدياد عدد المشاهدات والردود مش مقياس نجاح الموضوع وحب الناس لكاتب الموضوع احيان يكون الموضوع تافه و الكاتب يجيب العيد و تكون معظم الردود سب وانتقاد

وانا استغرب من البعض اللي ينصب نفسه حكم على الناس ووصي على آخرين
انت اكتب
انت لا تكتب
انت ليش ادش
انت مطرود
انت موضوعك جيد
انت لا
ياخي مالك خص
بتناقشني في موضوعي والا توكل على الله وخل غيرك يناقش او حتى يشاهد

واتمنى من هؤلاء البعض الابتعاد عن الحده والتطاول على البعض حين يجد من يخالفه
(( ولو كنت فظا غليظ القلب لانفضو من حولك))

اسفه اخوي اذا طلعت عن موضوعك

ودمتم
ريم المدينة
09-02-2010, 11:18 PM
ياخي في ناس تناااااااااااااااااااااااااااااااااااااااااااااااا ااااااااااااااااااااببلللللللللللللللللللللللللللل ل

ما تبي تحط يدها في شي ما تبي اتعب نفسها و اتقولي خاص و حكومي!!!

بس ما نعمم بعد...
Prestige
09-02-2010, 11:47 PM
حقيقه لا علم لي في الدوائر الاخرى لكن انا اشوف القطري يعمل ويعمل بجد
والغريب لايتم تطويره يقولك على حسب مزاج المدير
انا شفت في القطاع الخاص ماعندهم مشاكل القطاع الحكومي
يعني فيه ايجابيه في العمل
ومع ذلك القطري يعمل ماشوف الكلام اللي تقولونه
احتمال فئه بسيطه
لاتعممون ولا تكبرون السالفه ترى احنا عيال البلد واذا ماقمنا فيها من يقوم؟

ان اؤيد كلام بوشريم

ان القطري لا يتم تطويره

هذا لا يعني بان لا توجد فئة من اللي ذكر في الموضوع، وهم اتكالين ويتصنعون بانهم يقومون باعمال كثيرة، وهم في الاغلب لا يعلمون شئ ولا ينجزون اعمالهم

هذه الفئة مع انهم على خطا الا ان المدير المباشر هو المسؤول الاول عنهم، فهو لم يقدم فيهم تقرير، ولم يقم بتطويرهم او المحاولة بتطويرهم

فهم احق كابناء لهذا البلد بان تكون لديهم فرص للتطوير، واذا وجد عدم تجاوب منهم فهنالك طريقه لردعهم وهو الحساب والعقاب، فمن الظلم ان نجعل هذه الفئة على عماها ونلومهم بعد ذلك لاننا لم نحاول تطويرهم،

لا اؤيد هذه الفئة، ولكن لا يعني بان نترك هذه الفئة كما هي عليه ونقول عنهم بانهم غير مفيدين، اين هو دور المجتمع لكي يطور هذه الفئة
ويطور فيهم العلم والمنفعه بدل السلبية الموجودة لديهم

قال بوصالح وبوصالح صادق

صويلح على ثوارته نافعنا

محشومين الجميع ولا اريد ان اقلل من احد ولا اريد ان اهين احد، ولكن مهما كان دور اي فرد سلبي في المجتمع فلابد ان له فائدة، فقط علينا ان نشجعهم لكي نحصل منهم هذه المنفعة، او نوجههم للعمل الذي يجعل منهم مفيدين.

قطري يكمل الثانوية، يتوظف في مكان اللغة الانجليزية ضرورية، كيف راح يتعامل مع من حوله وهو لا يتقن اللغة، واللي حواليه اجانب لغنهم انجليزية، حتى المراسلات باللغة الاجنبية
هل يستطيع ان يتاقلم مع من حوله، غالبا لا
لان وضع في محيط لا يستطيع ان ياقلم نفسه فيه، ولم يتم تطويره

الله المستعان

الله يهدي الجميع لما هو خير وصلاح
The Master
10-02-2010, 09:35 AM
السلام عليكم اخوي
مبدع كعادتك اسلوب يشد من اول حرف لين آخر نقطة............. قواك الله

كلامك صحيح نوعا ما لكن هناك نسبه منهم ليست بالقليلة ( من وجهة نظري من خلال المكان اللي انا فيه ) ما يحب يطور نفسه يداوم بس على شان الراتب مو مشكلة ولا بغلط كلنا نبي الراتب بس ايش المشكلة لو كان لك بصمة ايجابية في مكانك اللي انت فيه مو اذا شفت المسؤول يكرمون احد المخلصين ياكل قلبك الحقد لانهم كرموه او اذا اختاروا احد اقل منك خبره لمنصب اعلى احتجيت وزعلت واتهمت المسؤولين بالظلم انت اللي ظلمت نفسك هو جا بعدك بس اخلص وابدع و جذب كل الانظار صوبه وانت لين الحين بس اداوم علشان الراتب ما حرصت انك اطور نفسك ما حرصت انك تبدع في شغلك وتكون مميز ونجم يلمع الكل يشوفة
"انا عن نفسي خجولة علاقتي جيدة مع الكل احترم مرؤوسي في الشغل اقوم بالشغل اللي واجب علي بابداع مش من النوع اللي يحب انه يمسح جوخ ومع هذا بين شغلي سواء من طالباتي اللي يذكروني بالخير او من مرؤوسي اللي يتحدثون عني في كل محفل ( مع ان راتبي هو هو نفس راتب اللي مرتاحه ولا اتسوي شي بس انا ابحث عن رضا الذات وقبل هذا رضا الله سبحانه

البعض منهن مبدع فقط يوم تجي الموجهه وباقي السنه ولاشي حتى البنات يوم ادش عليهم بوسائل يسألونها ابله عندنا ضيوف اليوم ( احس فشيله لانهم ايشوفونها بوجهين ) ومع هذا الطالبات اعرفوا والمديرة تعرف والموجه ايضا تعرف ...... انها بوجهين "

المخلص بيوصل شغله لو هو ما تكلم عنه الناس كفيلة باظهاره

والمهمل الكسول المنافق راح يتم محلك سر ولو لقا مسؤول يرفعه اليوم بكره بيحصل اللي يحذفه سابع ارض
انا ما اعمم لان يمكن ان يكون هناك المخلص الذي لم يجد من يقدر عمله لان بعض المسؤول يبحث عن من ينافقه من الموظفين دون النظر الى جودة عمله
ولكن ابشر بأن الله يقدر عملك بل و يحبك (( إن الله يحب إذا عمل أحدكم عملاً أن يتقنه ))

اتمنى من كل موظف ان يبحث عن رضا الله اولا وعندئذ سيرى نتيجة عمله ان لم يكن بترقية فسيكون بدعوات وحب الناس

ولنعمل بحب من اجل قطر اولا واخير

هناك نقاط كثيره في موضوعك ولكن اكتفي بهذا الجانب

عذرا على الاطالة :shy:
ودمتم ...

ماشاء الله...يامرحبا بالساع...هلا ومرحب اختي ديمه...عاش من شافك اختي...
وعليكم السلام...

احييك على هالطرح الجميل والمثري صراحه...ابدعتي اختي في السرد...
وهذا هو المطلوب...اولا تحلل معاشك...ونغير نظرة الناس...ونكون منتجين...ومبدعين...

اكيد الفلوس مهمه...لكن هم بعد انك تكون مبدع في مجال عملك مب شي غلط او عيب...بل هذا هو اللي لازم يصير...خاصه حنا كا شعب...عندنا كل شي..خير وراحة بال ومجتمع محب وطيب...

وبارك الله فيك...من ناحية عملك...وهذا المطلوب من عيال البلد...وان شاء الله تكونين قدوة للبنات...وان شاء الله ربي ياجرك على اخلاصك في عملك...وتكونين مجتمع مبدع من تحت يدك...

يامرحبا بك
ولاهنتي على هالتواجد المثري...والمبدع...
(ويلكم باك...احم)
بو الجوري
10-02-2010, 09:42 AM
"تستاهل ماجاك...فهد...يتربى في عزك...وعساه يطلع احسن من ابوه...احم"
قريت التوقيع...حبيت ابارك لك...

الله يبارك فيك :..:) وإن شاء الله يطلع أحسن من أبوه :..:shy: احم
The Master
10-02-2010, 10:01 AM
انا بتكلم عن نفسي قبل لا ايقاعدوني يم كنت اداوم من الساعه 6 الصبح لين الساعه7 المغرب وكرف وعلشان مساعد المدير حضرته يبي اصير المدير رحنا في الرجالين شتقول عن اعيال ديرتك يا ولد الديره بس انا اعرف من شاكلتك وايد تايد الاجانب مثل مساعد مديرا حتى ربعه برع الشغل اجانب

هلا ومرحب الزيبق...
اشكرك على مرورك...
لكن بصراحه مافهمت انت وش تبغي تقوله...
ولا تهون...توضح وجهة نظرك...
ويامرحبا بك
ولاهنت
The Master
10-02-2010, 10:08 AM
لاتنسون القطري المدير اللي ماعنده communication skills ولا leaderships ولا counsilng ولا problem solving process شلون تبون الموظفين يلتزمون في الشغل وهالمدير ماعنده هالكورسات عشان يتعامل معاهم ....؟

ولاتنسون الـ feedback ترى تساعد الموظف انه ينتج مب المسكين يشتغل شغل ليل نهار واخر الدوام مافي كلمة شكر واذا نزل كتاب ترقيات طنشو حق الموظف المسكين المنتج الملتزم !!!!

وترقو مرتزقة الواسطه على حساااابه

هلا ومرحب cobra
اكيد كلامك صحيح...لكن لو تجي وتفكر...كيف هالمدير ماعنده كل هالمواصفات؟؟؟...بنرجع للاساس...وهو اللي انا قصدته...
فا لان هو كان من هالفصيله من الناس...اكيد بيشوف الناس نفسه...وعلى قولة المثل...كلن يرى الناس بعين طبعه...
لكن مب شرط....

عن الفيدباك...والترقيات...انا قلتها اذا انظلم لازم يدافع عن حقه...ويركض وراه...مب مريح ويقول ياعميييييي...هذا المعاش يمشي وخلاص...

اشكرك على طرحك الجميل...

ويامرحبا بك
ولاهنت على التواجد...
كاريرا
10-02-2010, 07:54 PM
احب اساعد الناس في تحقيق مبتغاهم بالزحمه

للرفع:)
The Master
11-02-2010, 06:35 AM
اولا خلنا نتفق على القطاع الخاص غير عن القطاع الحكومي
لان القطاع الخاص في وجهه نظري فيه عدالة اكثر من القطاع الحكومي من حيث التقيم حتى لو في ظلم بس ما يوصل نفس القطاع الحكومي لان عند التقييم اللي يشتغل او اللي ما يشتغل واحد يعني نفس التقدير ثانيا التطوير بطي جدا و مثل ما قلتوا حب خشوم وهذا ولد عمي وهذا ما ادري من من غير الظلم اللي يصير عيني عينك لان هذا عنده واسطه اللي يخلي الواحد يحس بالقهر وغير الاحزاب و انا ما اعطي القطري مبرر لا لان الواحد فينا يشتغل عشان يحلل الراتب و يخدم وطنه اللي عمرها ما قصرت فيه و صدقني حتى لو الواحد طموح و عنده عزيمة و حاب يتطور بس و الله من كثر الاحباط اللي يجيه ممكن ان يتحول الي شخص نفس راعي الفلافل لو لا المخافة من الله

هلا ومرحب اخت لولو...
تشكرين على التواجد المميز...
واشجع فيج رغبتج وغايتج...وتحليل راتبج...وخدمة الوطن...

وعن الاحباط...ان شاء الله مامن احباط...دام العزيمه موجوده...والرغبه...ولازم عليك تكوين مجموعه تساعدك وتؤيدك...طبعا تتكون المجموعه ب طريقتك في اقناعهم واشعال همتهم...
وان شاء الله الامور بتتيسر...وربي بيسهل...
في النهايه...مافي شي يجي بالساهل...

ويامرحبا بك
ولاهنتي على النقاط المثريه...
The Master
11-02-2010, 03:33 PM
للرفع 0000 احم

تشكرين للمتابعه الطيبه....احم
The Master
11-02-2010, 03:42 PM
شكرا على الطرح الجميل
ولكن هناك سؤال يبحث عن اجااابه
شنو الي خلا القطري يوصل حق هالمرحله من الاستهتار في الشغل؟؟؟؟؟؟
من وجهة نظري انه ايشوف غيره يشتغل ويتعب ويحاول ايطور نفسه بس بدون حتى جواب شكر على ورقه بدون شي بس مكتوب عليها نشكر جهودك ويشوف غيره من الاجانب ايحصل المكافئات والتقدير ولامتياز من قبل لايوصل البلد واغلبيتهم متقاعدين او مفصولين من خدمتهم ويشيخون على الموظفين القطرين بالراتب والمميزات................................... اشلون تبون القطري ما يحبط؟؟؟؟

هلا ومرحب اختي نسايم قطر...
انت يطرحتي سوال مهم جدا...اتفق معاج ان عدم الثناء او الشكر او التقدير يحبط الانسان...
لكن مب هذا هو السبب في الترييح الحاصل في شبابنا...
اسباب كثيره...يمكن من ضمنها اللي قلتيه...لكن الاسباب قديمه...مش بين يوم وليله...
منها الرخاء...والفلوس...وقلة عدد السكان بالنسبه لمدخول الدوله...المجتمع اللي هم فيه...واولوياته...والبيئه اللي حوله...والقدوه اللي حوله...وغيره من امور...

لكن تطرقك لفكره عدم التقدير...فا هذا موضوع ثاني يحتاج له قعده...والبحث عن الاسباب اللي تخلي الناس تنكر او تتفادى الشكر والتقدير...


اشكر لك تواجدك اختي...وطرحك الطيب...

ويا مرحبا بك
ولاهنتي على التواجد...
The Master
11-02-2010, 03:49 PM
يا سيد احم احم احم الى مالا نهاية احم
كلامك ينطبق على ناس و حاشاهم ناس ثانيين ،، ما نقدر انعمم النظرة ،، ولا نقدر نقول انها مب موجودة ،،

بس الأحم مسوي شغل في المدونة ،، ربنا يزيدك من الأحم احم احم ،،
احم ,,
أحم ،،

هلا ومرحب اختي ام السعف...
اكيد مش على الكل...لكن موضوع يستاهل التركيز عليه...وهذا اللي خلاني انزل هالموضوع...

المدونه...احم...لي الشرف اختي...اهم شي الفايده...وماوصيكم بالدعايه الطيبه...ندور الاجر..وان شاء الله لكم كذلك...

تشكرين على الدعاء الطيب...وعسى ربي يجملنا برضاه يارب...وتشجيعكم دافع لنا للتميز...

يامرحبا بك
ولاهنتي علي هالطله الجميله....احم
The Master
11-02-2010, 03:54 PM
جبتهااا على الجرح وكنك مادريت
بس انا عن نفسي ابي اشتغل
تدري اني قدمة امتحان في البترول مرتين
وماردو علي
ولما اتصلت فيهم قالولي انا نجحت في الاختبار بس ميقدرون يشغلوني لان ماعندي خبره عسكري ؟؟؟؟
شدخل مادري؟؟
لان وظيفتي لو توظفت بتكون سكورتي
بس ربك كريم

هلا ومرحب اخوي qatari911
سلامتك من الجروح...(ياعيني على الحنيين...احم)
موفق اخوي وين ماحليت يارب....
مشكله اللي ماعنده خبرة عسكري...احم
مايندرى وش السبب...

الله يعينك...والله يسهل امورك...

ويامرحبا بك
ولاهنت على هالمرور...
The Master
11-02-2010, 04:04 PM
:eek5:

أنت من صجك مافهمت؟

النمطيه والستيريو تايب معناتها انك تفكر بفئه كامله من المجتمع بنفس الفكره واتعممها عليهم

وهذا انت تكرسها وكاتب موضوعك الي من غير مصادر عليها.

وبعدين اشهالطلعه ذي كل شوي وين اخطأت وصححني؟

^لايكون قاعدين في مدرسه

ترى محبة الناس هبه من رب العالمين

فلما تشوف مواضيع الفيصل في الآف المشاهدات ومئات الردود

واتشوف موضوع 3 الآف المشاهدات ومئات الردود

^هذا والحمدالله من محبة الناس

ودليل على حسن الصياغه وعلى سلاسة ايصال الفكره بدون مصاخه

بينما لما اتشوف مواضيع ثانيه حدها عدد قليل من المشاهدات واتنرفع ستين الف مره

^هنا تعرف أنه مافي تقبل لها

وفي النهايه ترى محبة الناس هبه من رب العالمين

وشي غير قابل للتغير

مثل مساحات الدول فجزر القمر بتظل جزر القمر ومساحتها 200 كيلو

وامريكا بتظل امريكا بمساحتها

وهكذا

وازيدك من الشعر بيت أحياناً تواجد عضو في موضوع ميت ينعشه ويجعل مشاهداته فال700

بينما لو لم يوجد هذا العضو لكان حكم على الموضوع ب400 مشاهده حد اقصى كالعاده

واحم احم للرفع كالعاده



هلا ومرحب ب الثلاثه..(مايندرى شخص واحد ولا ثلاثه...احم)

ماكنت باعقب على ردك...لكن شنسوي...ضيف...
مش عشان شي...لكن مارديت على في ردي عليك...فا رد علي بالاول عشان ارد عليك هنا...
وفي النهايه...بينت لي طريقة تفكيرك في المنتديات..."المشاركات والمشاهدات"...فا الله يعينك...ويعينا عليك...احم

ويامرحبا بك...
بخصوص الرفع...احم...تشكر خيو...اهم شي بينت لي انك انت مقتنع من الموضوع....احم
The Master
11-02-2010, 04:05 PM
وانا احم للرفع يستاهل الماستر موضوعه نايس

احم احم...الله ينور...احم
The Master
11-02-2010, 04:11 PM
استغرب من الردود المحبطة ياخي ناقش الكاتب في فكرته يا يقنعك ياتقنعه وبلاش اسلوب التنغز والتطاول .

ازدياد عدد المشاهدات والردود مش مقياس نجاح الموضوع وحب الناس لكاتب الموضوع احيان يكون الموضوع تافه و الكاتب يجيب العيد و تكون معظم الردود سب وانتقاد

وانا استغرب من البعض اللي ينصب نفسه حكم على الناس ووصي على آخرين
انت اكتب
انت لا تكتب
انت ليش ادش
انت مطرود
انت موضوعك جيد
انت لا
ياخي مالك خص
بتناقشني في موضوعي والا توكل على الله وخل غيرك يناقش او حتى يشاهد

واتمنى من هؤلاء البعض الابتعاد عن الحده والتطاول على البعض حين يجد من يخالفه
(( ولو كنت فظا غليظ القلب لانفضو من حولك))

اسفه اخوي اذا طلعت عن موضوعك

ودمتم

هلا ومرحب اختي ديمه...
الموضوع موضوعك...دام في تعديل مسار...ماعندنا اشكال...
احسنتي في الرد...وبارك الله فيك...وان شاء الله ينفع فيهم...
وينفع فينا حتى...احم...(تجينا عرات احيانا...احم)...

يامرحبا بك...
ولاهنتي...(صدق مدرسه...عصب...احم)
The Master
11-02-2010, 04:15 PM
ياخي في ناس تناااااااااااااااااااااااااااااااااااااااااااااااا ااااااااااااااااااااببلللللللللللللللللللللللللللل ل

ما تبي تحط يدها في شي ما تبي اتعب نفسها و اتقولي خاص و حكومي!!!

بس ما نعمم بعد...


هلا ومرحب اختي ريم المدينه...
بخصوص تنابل؟؟؟ كلمه جديده..مامرت علي...بس اتوقع معناها ترييح او تفهي...احم
هذا هو قمة الترييح...ومتعتهم في من يريح اكثر من الثاني...يعني تنافس حتى...احم

اهم شي مانعمم....احم

يامرحبا بك
ولاهنتي على هالمرور الطيب..."جميله تنابل...احم...نحطها في القاموس..."
ريم المدينة
11-02-2010, 05:12 PM
تنبل يعني هو و الكرسي واحد لايهش ولا ينش...
The Master
11-02-2010, 07:49 PM
ان اؤيد كلام بوشريم

ان القطري لا يتم تطويره

هذا لا يعني بان لا توجد فئة من اللي ذكر في الموضوع، وهم اتكالين ويتصنعون بانهم يقومون باعمال كثيرة، وهم في الاغلب لا يعلمون شئ ولا ينجزون اعمالهم

هذه الفئة مع انهم على خطا الا ان المدير المباشر هو المسؤول الاول عنهم، فهو لم يقدم فيهم تقرير، ولم يقم بتطويرهم او المحاولة بتطويرهم

فهم احق كابناء لهذا البلد بان تكون لديهم فرص للتطوير، واذا وجد عدم تجاوب منهم فهنالك طريقه لردعهم وهو الحساب والعقاب، فمن الظلم ان نجعل هذه الفئة على عماها ونلومهم بعد ذلك لاننا لم نحاول تطويرهم،

لا اؤيد هذه الفئة، ولكن لا يعني بان نترك هذه الفئة كما هي عليه ونقول عنهم بانهم غير مفيدين، اين هو دور المجتمع لكي يطور هذه الفئة
ويطور فيهم العلم والمنفعه بدل السلبية الموجودة لديهم

قال بوصالح وبوصالح صادق

صويلح على ثوارته نافعنا

محشومين الجميع ولا اريد ان اقلل من احد ولا اريد ان اهين احد، ولكن مهما كان دور اي فرد سلبي في المجتمع فلابد ان له فائدة، فقط علينا ان نشجعهم لكي نحصل منهم هذه المنفعة، او نوجههم للعمل الذي يجعل منهم مفيدين.

قطري يكمل الثانوية، يتوظف في مكان اللغة الانجليزية ضرورية، كيف راح يتعامل مع من حوله وهو لا يتقن اللغة، واللي حواليه اجانب لغنهم انجليزية، حتى المراسلات باللغة الاجنبية
هل يستطيع ان يتاقلم مع من حوله، غالبا لا
لان وضع في محيط لا يستطيع ان ياقلم نفسه فيه، ولم يتم تطويره

الله المستعان

الله يهدي الجميع لما هو خير وصلاح

هلا ومرحب اخوي Prestige

بصراحه ردك جميل...بارك الله فيك...
وهذا اللي نبغي نفعله ونسويه في مجتمعنا...نغير مفهومهم...ونشجعهم...ونخلق فيهم جو الابداع والانتاج...

وازيد ان لو كان دور الفرد سلبي...ايضا راح يأثر على المجتمع سلبا...ويؤثر في من حوله...وعلى ماهو معروف...عن التفاحه الفاسده ووجودها بين التفاح السليم..."هذا مجرد مثال...ومحشومين شبابنا..." لكن كا رمز يقتدى او يمثل به...

امين يارب...واجمعين...

يامرحبا بك...
ولاهنت على الرد الطيب...
The Master
11-02-2010, 07:51 PM
تنبل يعني هو و الكرسي واحد لايهش ولا ينش...

تشكرين على التعريف....لاهنتي...
كاريرا
11-02-2010, 09:37 PM
هلا ومرحب ب الثلاثه..(مايندرى شخص واحد ولا ثلاثه...احم)

ماكنت باعقب على ردك...لكن شنسوي...ضيف...
مش عشان شي...لكن مارديت على في ردي عليك...فا رد علي بالاول عشان ارد عليك هنا...
وفي النهايه...بينت لي طريقة تفكيرك في المنتديات..."المشاركات والمشاهدات"...فا الله يعينك...ويعينا عليك...احم

ويامرحبا بك...
بخصوص الرفع...احم...تشكر خيو...اهم شي بينت لي انك انت مقتنع من الموضوع....احم

القسم الأول من هالتعليق

فيه الجواب

شخصياً ما احب اطول السالفه وهي قصيره قتلك الي عندي

رحت وحرفت التعليق الأول وجيتني وقتلي مابي ارد ومابي ومابي

وبينلي وين كنت غلطان!

^ترى الغلط بحد ذاته مهب عيب

بس العيب أنك تستمر فالغلط واتكابر

^هنا الغلط

انت موضوعك فيه تعميم رهيب

وفيه ستيريوتايب عن القطريين وهذا شي غلط

واغلب الأعضاء شاركوني الراي

فليه قلبت التعليق الأول بيرسونال يعني!

فالتعليق الثاني حبيت انبهك على نقاط وبكل صراحه ارد عليك بمستوي ردك

^>أنا معروف تتكلم عدل اكلمك عدل

-

التعليق الثاني يراعي همك الأول في الحياه

ولاتقولي لا

لأنه واضح أي شخص يقعد يرفع مواضيعه وللرفع وللرفع

يبي مشاركات اضافيه

^فأنا كنت قاعد اساعدك في تحقيق طموحك أنه الناس اتشارك معاك

ورفعتلك الموضوع ومع ذلك الناس ماتبي اتشارك عندك

اسلوبك يمكن ممل ولا مايليق لهم

يعني أنت كنت تسويها كذا مره مع غيري مع الفيصل ومع مدري مين

والحين معاي

أي حد اتشوف عنده ناس تقراله تدخل موضوعه واتقوله على اي اساس الناس اتصدقك وعلي اي اساس وعلى اي اساس.

الله يهديني ويهديك ويهدي الجميع

اعتبرها هذي آخر مره ارفعلك هالموضوع

الصراحه زهقت وانا ارفعه
The Master
12-02-2010, 08:04 PM
القسم الأول من هالتعليق

فيه الجواب

شخصياً ما احب اطول السالفه وهي قصيره قتلك الي عندي

رحت وحرفت التعليق الأول وجيتني وقتلي مابي ارد ومابي ومابي

وبينلي وين كنت غلطان!

^ترى الغلط بحد ذاته مهب عيب

بس العيب أنك تستمر فالغلط واتكابر

^هنا الغلط

انت موضوعك فيه تعميم رهيب

وفيه ستيريوتايب عن القطريين وهذا شي غلط

واغلب الأعضاء شاركوني الراي

فليه قلبت التعليق الأول بيرسونال يعني!

فالتعليق الثاني حبيت انبهك على نقاط وبكل صراحه ارد عليك بمستوي ردك

^>أنا معروف تتكلم عدل اكلمك عدل

-

التعليق الثاني يراعي همك الأول في الحياه

ولاتقولي لا

لأنه واضح أي شخص يقعد يرفع مواضيعه وللرفع وللرفع

يبي مشاركات اضافيه

^فأنا كنت قاعد اساعدك في تحقيق طموحك أنه الناس اتشارك معاك

ورفعتلك الموضوع ومع ذلك الناس ماتبي اتشارك عندك

اسلوبك يمكن ممل ولا مايليق لهم

يعني أنت كنت تسويها كذا مره مع غيري مع الفيصل ومع مدري مين

والحين معاي

أي حد اتشوف عنده ناس تقراله تدخل موضوعه واتقوله على اي اساس الناس اتصدقك وعلي اي اساس وعلى اي اساس.

الله يهديني ويهديك ويهدي الجميع

اعتبرها هذي آخر مره ارفعلك هالموضوع

الصراحه زهقت وانا ارفعه

احم...
بخصوص يعني؟؟....انت للحين هنا؟؟؟...احم

مادري وش اقول لك...شكلك متملل...ومب عارف وش تسوي...قلت خلني اتنقشر في حد...احم

المهم... ما اقدر اجادلك...انت الصح...وكلك صح...وانت بتاع كله...احم
وفي مثل يقول... لا تجادل الاحمق...فمن الصعب التفريق بينكما...احم
اعتبره اهداء مني...لعل وعسى...يمكن ينفعك او ينفعني في الحياه...احم

حياك هالموضوع...
واتمنى يشفي غرورك هالموضوع...ويلذذ شغفك...ويطفئ شهوتك في تحلليل الناس...احم

:::مقارنة الردود والمشاهدات..لتحديد الافضل والاسوأ في المنتديات:::احم (http://www.qatarshares.com/vb/showthread.php?p=5478850#post5478850)

اي صح اخر شي....
تشكر على رفع مواضيعي...
بصراحه ماعرف وش ارد عليك...
لكن تشكر على اعجابك بمواضيعي...شهاده اعتز بها...
وماعندي مشكله انك تستمر في الرفع...تبقى شغفك...

ويامرحبا بك...
The Master
13-02-2010, 08:09 PM
للرفع....احم
sad-o-bas
27-02-2010, 05:59 AM
احم...
بخصوص يعني؟؟....انت للحين هنا؟؟؟...احم

مادري وش اقول لك...شكلك متملل...ومب عارف وش تسوي...قلت خلني اتنقشر في حد...احم

المهم... ما اقدر اجادلك...انت الصح...وكلك صح...وانت بتاع كله...احم
وفي مثل يقول... لا تجادل الاحمق...فمن الصعب التفريق بينكما...احم
اعتبره اهداء مني...لعل وعسى...يمكن ينفعك او ينفعني في الحياه...احم

حياك هالموضوع...
واتمنى يشفي غرورك هالموضوع...ويلذذ شغفك...ويطفئ شهوتك في تحلليل الناس...احم

:::مقارنة الردود والمشاهدات..لتحديد الافضل والاسوأ في المنتديات:::احم (http://www.qatarshares.com/vb/showthread.php?p=5478850#post5478850)

اي صح اخر شي....
تشكر على رفع مواضيعي...
بصراحه ماعرف وش ارد عليك...
لكن تشكر على اعجابك بمواضيعي...شهاده اعتز بها...
وماعندي مشكله انك تستمر في الرفع...تبقى شغفك...

ويامرحبا بك...

أخوي الماستر.. والله إبداع فالطرح.. وترى على فكرة من زمان آبي أكتب في هالموضوع، بس سبقتني بارك الله فيك.. بارجع لك إن شاء الله أول ما أفضى.. مطلوب منا نحط الأوبجكتفز مالة هالسنة، وبكرة آخر يوم..

بخصوص بعض الناس.. ترى فيه حكمة صينية تقول:
العقول الصغيرة تناقش الأشخاص..
أما المتوسطة فالأشياء..
والكبيرة فلاتناقش إلا الأفكار والمبادىء..

فيه ناس تبي تقنع نفسها إنها من الصنف الثالث، بس والله لو شيسوون ماراح يطلعون عن الأول لا ووايد عليهم، بكمن كلمة تعلموها مخصوص بس عشان هالغرض، وترى هذي عقدة نفسية على فكرة، يسمونها عقدة النقص Inferiority complex..

موضوعك يالماستر والله من أروع المواضيع، لأنه يتكلم عن مسؤوليتنا كأفراد بالتزام المسؤولية.. وراجع له إن شاء الله..
The Master
27-02-2010, 06:55 PM
أخوي الماستر.. والله إبداع فالطرح.. وترى على فكرة من زمان آبي أكتب في هالموضوع، بس سبقتني بارك الله فيك.. بارجع لك إن شاء الله أول ما أفضى.. مطلوب منا نحط الأوبجكتفز مالة هالسنة، وبكرة آخر يوم..

بخصوص بعض الناس.. ترى فيه حكمة صينية تقول:
العقول الصغيرة تناقش الأشخاص..
أما المتوسطة فالأشياء..
والكبيرة فلاتناقش إلا الأفكار والمبادىء..

فيه ناس تبي تقنع نفسها إنها من الصنف الثالث، بس والله لو شيسوون ماراح يطلعون عن الأول لا ووايد عليهم، بكمن كلمة تعلموها مخصوص بس عشان هالغرض، وترى هذي عقدة نفسية على فكرة، يسمونها عقدة النقص Inferiority complex..

موضوعك يالماستر والله من أروع المواضيع، لأنه يتكلم عن مسؤوليتنا كأفراد بالتزام المسؤولية.. وراجع له إن شاء الله..

هلا ومرحب اخوي sad-o-bas
الابداع في تواجدك...وماعليك زود...
صدقني حتى ولو انت طرحت الموضوع...راح تلقاني من اول المؤيدين...كلنا واحد...لمستقبل افضل...ومبدع...

عن المثل الصيني...صدقت ياخوي...واحييك على هالمثل...نحفظه في قائمه الامثال المتبعه عندي...
خاصه اني تفاجأت امس...برد من عضو يعتبر من من يطرحون المواضيع الهادفه والنيرة...ب انه اصبح من العقول الصغيره...لمجرد عدم القدره على الرد...قام يغلط في شخصي انا...يعني ترك الموضوع...وطاح فيني...
تخيل يلمز اسلوبي ب "السخيف"...
وش تقول ولا شو تخلي...اقنعه...وتنكشف ياخوي...خلها علي الله...

تواجدك ياخوي يشرفني...والموضوع موضوعك...وانتظر مشاركتك...نشوف وجهة نظرك...وان شاء الله نستفيد والناس كذلك...

وما اوصيك...هالله هالله في الاوبجيكتيف...نبغي شي عالي...ومبدع...ويطور العقول الموجوده...مب تحطمونها من اول خطوه...احم(نمزح معاك)...

ويامرحبا بك
ولاهنت علي التواجد...