ماذا استفاد الشعب القطري من رياضة السياكل ؟؟

[بوحارب]

وبعدين مع تسكير الشوارع عشان خاطر الأنجليز وسياكلهم :anger1:


يعني الناس تتاخر والمشاغل تتوقف والشوارع تغلق :omg: وووو وكل هذا عشان يمر سيكل عليه اجنبي:omen2:


ياريت لو تكون هذي السباقات خارج مدينة الدوحة يا وزارة الرياضة او المسؤولين عن الرياضة :(


ولا حاطين حق كل مجموعة من السياكل دوريات مخصصة

وفي بلادهم يمكن ياكلون تبن وهني حرس خصوصي :eek5:


اللي كان صوب شوارع الدفنه وحواليها الساعة 4 العصر يمكن بيحس بالمعاناه اللي مرة على الناس هناك :weeping:

ولاحول ولا قوة إلا بالله

[موضي قطر]

شفيك يابو حارب خلها على ربك ؟؟؟؟؟!!!

بعدين تعال علمني انت اشقر ؟؟؟ عيونك زرق ؟؟؟

وبعدين اللي استفادة الشعب القطري ان الأجنبي مستانس :secret:

[VX.R]

هي جات على السياكل بس .

الله يرحم الحال

[ام السعف]

رياضة ممتعة جدا

[شويهينــه]

هذا جدول السباق ومساره عشان تتفاداه في المستقبل

http://www.up.qatarw.com/get-2-2010-z7r2tiwd.bmp

[الماليه]

لوتدري يا خوي بوحارب عن المبالغ والتنازلات والحمايه والحركات اللي تصير في في السباق وغير السباق ايش بتقول والله اخاف عليك وعلى الاخوان الاعضاء خلني ساكت بس

[البدع]

كنت ماشي على خط الخور

واشوف زحمة ماشفت مثلها في حياتي

واطلعت السالفة ان في

بنات راكبين سياكل... ولابسين ملابس مب محتشمة

وكل سائق سيارة يهدي السرعة ويشوف

[بوحارب]

شفيك يابو حارب خلها على ربك ؟؟؟؟؟!!!

بعدين تعال علمني انت اشقر ؟؟؟ عيونك زرق ؟؟؟

وبعدين اللي استفادة الشعب القطري ان الأجنبي مستانس :secret:
والنعم بالله

اشدخل اشقر وازرق

تراني بوحارب مب جون كنيدي :D

هنيئاً لك ايها الاجنبي :(


هي جات على السياكل بس .

الله يرحم الحال
الله يرحم الحال


رياضة ممتعة جدا
اهم شي لحد يتهور ويروح يركب سيكل :eek:

اما ام السعف تدور في سيكل باااال شكلج بيكون غلط :o


هذا جدول السباق ومساره عشان تتفاداه في المستقبل

http://www.up.qatarw.com/get-2-2010-z7r2tiwd.bmp
اشكرج اختي شويهينه

بس هالجدول رح يفيد الأجانب اكثر

اما انه وقت الجدول هذا بكون منثبر في الكلاس :)


لوتدري يا خوي بوحارب عن المبالغ والتنازلات والحمايه والحركات اللي تصير في في السباق وغير السباق ايش بتقول والله اخاف عليك وعلى الاخوان الاعضاء خلني ساكت بس
اسكت اسكت لاتكلمني عن المبالغ هالشهر:weeping:

الله كريم ياخوي :)


كنت ماشي على خط الخور

واشوف زحمة ماشفت مثلها في حياتي

واطلعت السالفة ان في

بنات راكبين سياكل... ولابسين ملابس مب محتشمة

وكل سائق سيارة يهدي السرعة ويشوف



يا سلام يعني الناس توقف والمشاغل تتاخر وكل هذا عشان الأجانب يتمشون في السياكل

والله العظيم كلام فاضي :anger1:

هالصورة خذتها لكم عند خروجي من الكلية



http://up.souqaldoha.com/get-2-2010-sralpif3.jpg (http://up.souqaldoha.com)


الواحد طالع متملل حده يبي يروح يكرك وفي الأخير تعلقنا نص ساعة تقريبا عشان مرور موكب السياكل :omen2:

[الشمالي111]

ياحيك نص ساعه

اذكر مره طلعنا من دخان الساعه 2 تدري متى وصلنا بيوتنا الساعه 4 ونص لا وهذا واحنا مقطعين قطوع وانت تقول خلهم في الشوارع الخارجيه الله يهديك بس تبيهم يوهقونا بعد ياخي خلهم يحطونهم يوم الجمعه والسبت اللي العالم فيها اجازه والصبح بس مب العصر بعد


لاكن شرايكم نسوي سباق سياكل هل ياترى بيحطون لنا دوريات وحرس ويسكرون الشوارع لنا ولا لا؟

[بوحارب]

ياحيك نص ساعه

اذكر مره طلعنا من دخان الساعه 2 تدري متى وصلنا بيوتنا الساعه 4 ونص لا وهذا واحنا مقطعين قطوع وانت تقول خلهم في الشوارع الخارجيه الله يهديك بس تبيهم يوهقونا بعد ياخي خلهم يحطونهم يوم الجمعه والسبت اللي العالم فيها اجازه والصبح بس مب العصر بعد


لاكن شرايكم نسوي سباق سياكل هل ياترى بيحطون لنا دوريات وحرس ويسكرون الشوارع لنا ولا لا؟

والله ياخوي انه قلت الخطوط الخارجية لانه تدري داخل الدوحة شلون تكون حالة الشوارع

والقهر انهم مسويين السباق الساعة 4 العصر ( وقت الذروة ) :eek5:

المهم روح انت سو سباق سياكل بس خل واحد من ربعك يكون وراك لأنه سيكل بيتصدر في البوحوض مال الدوريات وبيخلونك في الشارع :)

[Chambray]

بالعكس ، هالبطولة بطوله عالميه مهمه جداً .. ابطالها دوماً من اسبانيا ومن ايطاليا .. وهي دورة مشهورة جداً ولها شعبيه جداً جداً في فرنسا وتسمى tour de france
يلفون فرنسا كلها جنوبها وشمالها وغربها وشرقها ، طبعاً عبر خط معين ..
لكن الي لفت انتباهي اني يوم كتبت في قوقل tour de france تدري ايش طلع لي !؟
Tour of Qatar 2010
يعني هالبطولة مهمه جداً وانا اجزم ان اكثر من 40 قناة تلفزيونيه عالميه تنقل الحدث ، وهذا شئ مهم لدولتنا الحبيبه قطر ..
http://www.letour.fr/

http://www.letour.fr/2010/TQA/COURSE/img/parcours.gif

[دلة الرسلان]

ماذا استفاد الشعب القطري من رياضة السياكل ؟؟

نفس الفائده من التنس الأرضي ( ليش فيه جوي ؟) الأسكواش والجولف :(

[بوعلي2]

وبعدين مع تسكير الشوارع عشان خاطر الأنجليز وسياكلهم :anger1:


يعني الناس تتاخر والمشاغل تتوقف والشوارع تغلق :omg: وووو وكل هذا عشان يمر سيكل عليه اجنبي:omen2:


ياريت لو تكون هذي السباقات خارج مدينة الدوحة يا وزارة الرياضة او المسؤولين عن الرياضة :(


ولا حاطين حق كل مجموعة من السياكل دوريات مخصصة

وفي بلادهم يمكن ياكلون تبن وهني حرس خصوصي :eek5:


اللي كان صوب شوارع الدفنه وحواليها الساعة 4 العصر يمكن بيحس بالمعاناه اللي مرة على الناس هناك :weeping:

ولاحول ولا قوة إلا بالله



والله انك صادق

مللونا


من كم يوم ماخذ غدى من المطابخ الشعبيه لي وحق البيت

وجان يسكرون الشارع وينقعوني يمكن ساعه الا ربع

ماوصلت البيت الا الاكل برد :weeping:

مللونا

الله يهديهم

[شيط ويط]

استفاد ثقافة جديدة :)

[ام السعف]

[COLOR="red"]اهم شي لحد يتهور ويروح يركب سيكل :eek:

اما ام السعف تدور في سيكل باااال شكلج بيكون غلط :o



:eek2:

:p

[BO SAUD]

اشلون ماستفدنا الله يهديك يابوحارب الا ستفدنا استفاده كبرى وهى
زحمه وقهر وتأخير عن مواعيدنا:anger2:

[بوحارب]

بالعكس ، هالبطولة بطوله عالميه مهمه جداً .. ابطالها دوماً من اسبانيا ومن ايطاليا .. وهي دورة مشهورة جداً ولها شعبيه جداً جداً في فرنسا وتسمى tour de france
يلفون فرنسا كلها جنوبها وشمالها وغربها وشرقها ، طبعاً عبر خط معين ..
لكن الي لفت انتباهي اني يوم كتبت في قوقل tour de france تدري ايش طلع لي !؟
Tour of Qatar 2010
يعني هالبطولة مهمه جداً وانا اجزم ان اكثر من 40 قناة تلفزيونيه عالميه تنقل الحدث ، وهذا شئ مهم لدولتنا الحبيبه قطر ..
http://www.letour.fr/

http://www.letour.fr/2010/TQA/COURSE/img/parcours.gif
وجهة نظر وواجب علينا احترامها

بس انه ضد هالرياضة بالطريقة اللي تصير حالياً



ماذا استفاد الشعب القطري من رياضة السياكل ؟؟

نفس الفائده من التنس الأرضي ( ليش فيه جوي ؟) الأسكواش والجولف :(
يعني الفائدة 0 في كل الرياضات المذكورة :(



والله انك صادق

مللونا


من كم يوم ماخذ غدى من المطابخ الشعبيه لي وحق البيت

وجان يسكرون الشارع وينقعوني يمكن ساعه الا ربع

ماوصلت البيت الا الاكل برد :weeping:

مللونا

الله يهديهم
كان جبت غداك وجيت تتغدى عندي في الخيمة ترى البيت قريب :secret:

اي والله مللونا

اليوم انه تمللت وانه ناطر في مواقف الكلية ناشب في الزحمه :weeping:


استفاد ثقافة جديدة :)
ثقافة ركوب الدراجات الهوائية

المشكلة ماشفت ولا قطري يسوق السيكل

:eek2:

:p


:telephone:

[بوعبدالله2005]

اللي استفادة الشعب القطري ان الأجنبي مستانس

احلى تعليق و في الصميم و فعلا الأجنبي مستانس و ياريت يقول شكرا الا يسب فينا

[SomeOne]

بوحروب ،، يعني لازم تبي تستفيد من كل شئ

احمد ربك ، انا ساكت عنك ، بس وين الكرك تريلام

[اسعاف]

استفدنا واجد

1- قلة الحياء

2- تشجيع بناتنا على العري

3- تضييع وقت الصلاة

4- علشان العالم يقول قطر متحررة وغير متخلفة (شوو )

5- تشجيع الشباب الى النظر الى عورات الأجانب

[SomeOne]

استفدنا واجد

1- قلة الحياء

2- تشجيع بناتنا على العري

3- تضييع وقت الصلاة

4- علشان العالم يقول قطر متحررة وغير متخلفة (شوو )

5- تشجيع الشباب الى النظر الى عورات الأجانب

والله كلامك صح :nice:

[فراغ]

السلام عليكم
رجعت لكم بعد الشوته برى
المهم
أنا حبيت أكتب في الموضوع لكن سبقني أبو حارب والباند
وأنا بقولكم عن تجربتي وكنت بكتبها في جرايدنا لكن مع الأسف ما ينشرون لنا
وكان العنوان
سباق الدراجات الهوائيه
اليوم هو الأحد
الموقع دار المعارض
الوقت الثانيه ظهرآ
خرجت بعد أن طلبت قهوتي من قهوة دار المعارض متجهآ الى بيتي في منطقة الخيسه
فوجدت العجب
زحمه لا تطاق أستغرقتني مدة ساعه من دار المعارض حتى دوار ملعب القلف وكلها حافلات كبيره متجهه للمشاريع في اللؤلؤه وسببه هذه البطوله
كل ذلك يهون
لكن ما أثار عجبي في هذه الرياضه أن هنالك يكون مشجعين على قارعة الطريق
لكني لم أجد مشجعين ما عدى أمرأه عجوز شمطاء ذات شعر أصفر تقف على قارعة الطريق ممسكه بقارورة ماء صحه صغيره وتنتظر تحت أشعة الشمس الحارقه والريح القويه والغبار الكثيف
فعلمت ببديهتي أن لها أبن في ذلك السباق ((( يالقلب الأم)))
المهم
بمروري على خيمة النهاية بالقرب من العمارة المتعوجه (الراقصه) وهي عباره عن بيت شعر لم أجد جمهورآ ووجدت أعداد قليله من ذوات الشعور الصفراء والعيون الزرقاء ومن بينهم رجل واحد بثوب وغتره
فعلمت ببديهتي كذلك أنه مسئول الحفل وأنه من يقوم بتوزيع الأقداح والكؤوس
وعندما أبتعدت عن الزحمه
دارت في عقلي تساؤلات
لماذا مثل هذه البطولات التي لا يحضرها أحد
لماذا نتعب المرور لتنظيم المرور فوق تعبهم اليومي في تخفيف الزحام
لماذا كل هذه التغطيه الأعلاميه الأرضيه والجويه بواسطة الهلكبتر بدون وجود حياه في هذا السباق
لماذا لا نستبدل مثل هذه الرياضات الغريبه علينا ولا يتابعها أحد ببطولات قريبه منا مثل بطولة أحسن عارض في العرضه أو الرزفه (أفضل رزاف)مثلآ
وفي الأخير هذه وجهة نظري وللأخرين وجهة نظر مختلفه
التوقيع
متقاعد يبحث عن وظيفه

[تغلبية]

استفدنا واجد

1- قلة الحياء

2- تشجيع بناتنا على العري

3- تضييع وقت الصلاة

4- علشان العالم يقول قطر متحررة وغير متخلفة (شوو )

5- تشجيع الشباب الى النظر الى عورات الأجانب


الله يهداك بس .. وشهالكلام ؟؟

احنا يالبنات اشدخلنا فيهم ... ؟ والا لهالدرجة بنات قطر ضعيفات مهزوزات ..
توهم بيشوفون هالاشكال .. وبيتأثرون فيهم وبيتشجعون على العري !!

[جاسم القطري]

الله ياخذهم ان شاء الله


لعوزونا اليوم على خط لفان


سكرو الخط عشان السياكل


ايش هالمسخره

من الدوام للبيت بالكثير 45 دقيفه

اليوم ساعه ونص طبعا مع التقطع وضرب ارصفه

حسبي الله ونعم الوكيل عليهم

[مافيا قطر]

اليوم مت من القهر كنت رايح الخور عندى شغله وارجع الدوحه الا اشوفهم مسكرين الشارع

الا الشرطى يقولى اشان السياكل قلته اى سياكل قالى سباق قلته عساهم كلهم الطيحه ونفتك منهم

يعنى عمان ودول الخليج ماسوت نفس السباقات هذه احنا ايش مستفدين منها
ولا نحب الظهور وخلاص وفلوس تتطير على الفاضى

[نورالهدى]

الله المعين

[الخفي]

هي موب بس السياكل البطولات كلها الهدف منها مصالح شخصيه

والحقيقه ان الجماعه مستفيدين من البطولات يبون يمشون فنادقهم وشركاتهم والحال ينطبق على

المؤتمرات عشان الفنادق تكون مشغوله على مدار السنه والجيب يكون ملياااااااااااااااااان

[فلفل حار]

آهم شي لايقربـون كركـ النعيمـي ...
:victory:

[بريكان]

الله يهديهم ربعنا يبون يقلدون دبي بكل شي حتى البطولات مع ان دبي ما سووا مثل هالشي ولو سووا مثل هالمسابقة بيكون تنظيمهم افضل من تنظيمنا لان بصراحة الي شفته امس يدل على عدم تنظيم من اتحاد السياكل
وان اقول لو يسوون المسابقة المرة الجاية في فريج من فرجان ودواعيس الدوحة اريح من اننا نشوفهم بشوارعنا وحنا طالعين من الدوام

[موضي قطر]

هي موب بس السياكل البطولات كلها الهدف منها مصالح شخصيه

والحقيقه ان الجماعه مستفيدين من البطولات يبون يمشون فنادقهم وشركاتهم والحال ينطبق على

المؤتمرات عشان الفنادق تكون مشغوله على مدار السنه والجيب يكون ملياااااااااااااااااان


جبتها :victory::victory::victory:

[Breakaway]

بلادكم خلاص ماهي بلكم!

[شبح الصمت]

الاستفادة الرياضة الحره يابوحارب :omen2:
لو منك ومرو علي يابوحارب على طول انزل واقرب سيكل (8) وتلثوومه ومر عليهم دف بعد تدري ما يحتاي الثمانية هب رررريح ومر عليهم وانت منقز خلاص بتدخل معاهم البطوله بس ها تحمل اهم شيء تربط الثوب عدل والصرول ما يكون فيه ايل واذا مافي ابريك تدري حركة اول حط نعالتك وانت بكرامه على التاير ويوقف على طول بريك منك وفيك
بالتوفيق يابوحارب ولا تنسى ود معاك راعي الابيض
:nice:

[بنت قطر202]

محد استفاد شيء هم المستفيدين الفلوووووووووووووس الي ياخذونها http://www.9ower.com/uploads/images/9ower.com-908a7553d9.gif (http://www.9ower.com)

والزحمه الي سووها بس هذي الي احنا استفدناه وعوار الراس ،،

ليش قطر ماتسوي مثل الدول المتقدمه وتبني لهم مكان خاص فيهم مب أحســــــــــــن؟؟؟

يعني لو منتخب قطري يلعب في السيكل بيصكرون الشوارع؟؟؟

[خوي الشوق]

بطولة سياكل وتسكرت الشوارع وسارت ازمة شلون لو ينظمون كأس العالم وبعدين انا الي اشوفه انه كل شي بدون جمهور وغير ناجح وصرف فلوس مالها داعي

[الخبــره]

ااااخ لو تدري يابوحارب بعد
انه المنتخب القطري للسياكل مب مشاركة السنة
يعني وين حتى اللي مجنسينهم مال السياكل
قمة القهررررررررررر

[بريكان]

بطولة سياكل وتسكرت الشوارع وسارت ازمة شلون لو ينظمون كأس العالم وبعدين انا الي اشوفه انه كل شي بدون جمهور وغير ناجح وصرف فلوس مالها داعي

اتوقع لنظموا بطولة كاس العالم بيقولون اقعدوا ببيوتكم او لازم تسافرون وقت البطولة

[زنجبيل]

قريت امس بالجريده

بتصريح من رئيس اتحاد الدراجات بأنهم استفادو من السباق مآديا ( المبلغ كبير ) بس مو مذكر كم قال ..

[لاجل QT]

اهم شي يابوحارب ماتزعل نفسك ولايهمك دز سياكلهم بسيارتك هع هع :tease:

[بوخالد911]

ولا شي


سوى بهرجة اعلامية


وكنت رايح الجمعة سيلين
وشفتهم ياين من هونيييك


تحياتي للعيون الزرق والخضر

!!@@!!

[حسين بن عاقول]

يالحب من متى عندنا وزارة رياضة..؟

[::.Silent.::]

لو عندنا قطري مشارك بنقوووول
معليه .. يمكن ولدنا يفوووز

لكن ولا قطري مشارك

ليش مستضيفين البطوووووله ؟؟؟

[بن داوود]

سباق السياكل مب عاجبكم
التنس هم مب عاجبكم
غولف مب عاجبكم
سباق الزوارق السريعه بعد مب عاجبكم
سباق الرالي مب عاجبكم
مهرجان الاغنيه العربيه مب عاجبكم
المهرجان الثقافي مب عاجبكم
سباق الهجن مب عاجبكم
الدوري القطري لكره قدم مب عاجبكم
وطني الحبيب صباح الخير مب عاجبكم
دجاج كنتاكي مب عاجبكم

بصراحه مافي شي يعجبكم

[عذايب قطر]

بالنسبة لي كنا رايحين الشمال عن طريق الخور وانشوفهم ع السياكل مشتطين
وهرن عليهم يمكن واحد منهم يطيح.. بس ماشي فايده مركزين مع السيكل

ولا بعد تراهم ساكنيني في فندق الريتز وانا شفتهم وشفت اللي متكسرين

بس عشان يقولون قطر وقطر وقطر...


تحياتي لكم
عذايب قطر

[Prestige]

اقول يمكن ولحد يفهمني غلط لاني ما اتابع هالنوع من الرياضة

رياضة السياكل تقوي النظر:eek5:

[المضعد]

هذا انت قلت انجليزي يعني عيون خضر والشعر اشقر
لاول ولا قوة الا بالله العلي العظيم

[فلفل حار]

سباق السياكل مب عاجبكم
التنس هم مب عاجبكم
غولف مب عاجبكم
سباق الزوارق السريعه بعد مب عاجبكم
سباق الرالي مب عاجبكم
مهرجان الاغنيه العربيه مب عاجبكم
المهرجان الثقافي مب عاجبكم
سباق الهجن مب عاجبكم
الدوري القطري لكره قدم مب عاجبكم
وطني الحبيب صباح الخير مب عاجبكم
دجاج كنتاكي مب عاجبكم

بصراحه مافي شي يعجبكم

يعجبني انه الوضع مب عاجبك ...
:tease:




اتغشمر معاكـ وووسع الخاطــر عشره سانتي ياخووي ...
:nice:

[ام السعف]

سباق السياكل مب عاجبكم
التنس هم مب عاجبكم
غولف مب عاجبكم
سباق الزوارق السريعه بعد مب عاجبكم
سباق الرالي مب عاجبكم
مهرجان الاغنيه العربيه مب عاجبكم
المهرجان الثقافي مب عاجبكم
سباق الهجن مب عاجبكم
الدوري القطري لكره قدم مب عاجبكم
وطني الحبيب صباح الخير مب عاجبكم
دجاج كنتاكي مب عاجبكم

بصراحه مافي شي يعجبكم

القريات التراثية ،، فيها هريس و نخي و باجلة و خبز الرقاق :nice:

[الخفي]

الجماعه ربعنا في كل اتحاد صايرين staff ضيافه فقط شغله بس ينظم ويسلم الشيك

والربع يجون ساكنيين بلاش ويمارسون هوايتهم وياخذون الملايين ويمشون

وبكره اللي بعده ال staff الثاني يكون جاهز للتنظيم وتسليم الشيك وعقبه اللي بعده

وتمشي السنوات ولا يستفيد الموطن ولا الوطن من هالبطولات والمؤتمرات المستفيد الواحد

اصحاب الفنادق اللي هذا داش وهذا طالع والحسابه بتحسب من وين من ميزانيه الدوله

[فراغ]

هي موب بس السياكل البطولات كلها الهدف منها مصالح شخصيه

والحقيقه ان الجماعه مستفيدين من البطولات يبون يمشون فنادقهم وشركاتهم والحال ينطبق على

المؤتمرات عشان الفنادق تكون مشغوله على مدار السنه والجيب يكون ملياااااااااااااااااان
ذكرتني بمقولة
أنا أأجر على أنا
وأنا أوظف أبن أنا
وأنا أهدي أنا
وأنا أعطي أنا
وياليل أدانه دانه
هذي السالفه

[Arab!an]

يقولون فرنسا نظمت سباق للهجن .. والمانيا بعد

[IPOD]

اخرونا وحنا واقفين ننطر
لكن شاقول غير الرياضة في قطر فوق الجمــــــــــــــيع

[بوحارب]

اللي استفادة الشعب القطري ان الأجنبي مستانس

احلى تعليق و في الصميم و فعلا الأجنبي مستانس و ياريت يقول شكرا الا يسب فينا
يسب فينا لأنه مب وجه نعمة ومايستاهل الا تبن في حلجه

بوحروب ،، يعني لازم تبي تستفيد من كل شئ

احمد ربك ، انا ساكت عنك ، بس وين الكرك تريلام
ايه انه لازم استفيد من كل شي وفي كل شي :shy:

الكرك موجود بس انت امر وتدلل :tease:


استفدنا واجد

1- قلة الحياء

2- تشجيع بناتنا على العري

3- تضييع وقت الصلاة

4- علشان العالم يقول قطر متحررة وغير متخلفة (شوو )

5- تشجيع الشباب الى النظر الى عورات الأجانب
صح السانك خالي Hospital:)


السلام عليكم
رجعت لكم بعد الشوته برى
المهم
أنا حبيت أكتب في الموضوع لكن سبقني أبو حارب والباند
وأنا بقولكم عن تجربتي وكنت بكتبها في جرايدنا لكن مع الأسف ما ينشرون لنا
وكان العنوان
سباق الدراجات الهوائيه
اليوم هو الأحد
الموقع دار المعارض
الوقت الثانيه ظهرآ
خرجت بعد أن طلبت قهوتي من قهوة دار المعارض متجهآ الى بيتي في منطقة الخيسه
فوجدت العجب
زحمه لا تطاق أستغرقتني مدة ساعه من دار المعارض حتى دوار ملعب القلف وكلها حافلات كبيره متجهه للمشاريع في اللؤلؤه وسببه هذه البطوله
كل ذلك يهون
لكن ما أثار عجبي في هذه الرياضه أن هنالك يكون مشجعين على قارعة الطريق
لكني لم أجد مشجعين ما عدى أمرأه عجوز شمطاء ذات شعر أصفر تقف على قارعة الطريق ممسكه بقارورة ماء صحه صغيره وتنتظر تحت أشعة الشمس الحارقه والريح القويه والغبار الكثيف
فعلمت ببديهتي أن لها أبن في ذلك السباق ((( يالقلب الأم)))
المهم
بمروري على خيمة النهاية بالقرب من العمارة المتعوجه (الراقصه) وهي عباره عن بيت شعر لم أجد جمهورآ ووجدت أعداد قليله من ذوات الشعور الصفراء والعيون الزرقاء ومن بينهم رجل واحد بثوب وغتره
فعلمت ببديهتي كذلك أنه مسئول الحفل وأنه من يقوم بتوزيع الأقداح والكؤوس
وعندما أبتعدت عن الزحمه
دارت في عقلي تساؤلات
لماذا مثل هذه البطولات التي لا يحضرها أحد
لماذا نتعب المرور لتنظيم المرور فوق تعبهم اليومي في تخفيف الزحام
لماذا كل هذه التغطيه الأعلاميه الأرضيه والجويه بواسطة الهلكبتر بدون وجود حياه في هذا السباق
لماذا لا نستبدل مثل هذه الرياضات الغريبه علينا ولا يتابعها أحد ببطولات قريبه منا مثل بطولة أحسن عارض في العرضه أو الرزفه (أفضل رزاف)مثلآ
وفي الأخير هذه وجهة نظري وللأخرين وجهة نظر مختلفه
التوقيع
متقاعد يبحث عن وظيفه
الله يرزقك بوظيفه يارب

والله مقالك هذا بروحة يبيله نص صفحة في جرايدنا :)

وليش ما عزمتني على الكوفي!

يعني ماتدري اني احب الكوفي ومشتقاته ؟؟؟:(




الله يهداك بس .. وشهالكلام ؟؟

احنا يالبنات اشدخلنا فيهم ... ؟ والا لهالدرجة بنات قطر ضعيفات مهزوزات ..
توهم بيشوفون هالاشكال .. وبيتأثرون فيهم وبيتشجعون على العري !!
يمكن هو قال هالكلام لأنه البنات مرتزين في كل حدث

عاد لين يروحون هالأماكن حدث ولا حرج عن اشكالهم وهم رايحين

يمكن مايكشخون للأعراس نفس هالأماكن وهذا الكلام ينطبق على البعض



الله ياخذهم ان شاء الله


لعوزونا اليوم على خط لفان


سكرو الخط عشان السياكل


ايش هالمسخره

من الدوام للبيت بالكثير 45 دقيفه

اليوم ساعه ونص طبعا مع التقطع وضرب ارصفه

حسبي الله ونعم الوكيل عليهم
الله يعينك يالجسمي


اليوم مت من القهر كنت رايح الخور عندى شغله وارجع الدوحه الا اشوفهم مسكرين الشارع

الا الشرطى يقولى اشان السياكل قلته اى سياكل قالى سباق قلته عساهم كلهم الطيحه ونفتك منهم

يعنى عمان ودول الخليج ماسوت نفس السباقات هذه احنا ايش مستفدين منها
ولا نحب الظهور وخلاص وفلوس تتطير على الفاضى
قول حسبي الله ونعم الوكيل



الله المعين
ونعم المعين



هي موب بس السياكل البطولات كلها الهدف منها مصالح شخصيه

والحقيقه ان الجماعه مستفيدين من البطولات يبون يمشون فنادقهم وشركاتهم والحال ينطبق على

المؤتمرات عشان الفنادق تكون مشغوله على مدار السنه والجيب يكون ملياااااااااااااااااان
اهااااااااااااااااااااااااااااا:)

اهم شي الجيب يكون مليان يالمختفي :victory:


آهم شي لايقربـون كركـ النعيمـي ...
:victory:
يخسون الا هم العنقليز الحترين:tease:


الله يهديهم ربعنا يبون يقلدون دبي بكل شي حتى البطولات مع ان دبي ما سووا مثل هالشي ولو سووا مثل هالمسابقة بيكون تنظيمهم افضل من تنظيمنا لان بصراحة الي شفته امس يدل على عدم تنظيم من اتحاد السياكل
وان اقول لو يسوون المسابقة المرة الجاية في فريج من فرجان ودواعيس الدوحة اريح من اننا نشوفهم بشوارعنا وحنا طالعين من الدوام
والله ياريت لو يسوونها المرة الجاية في فريج الغانم القديم او فريج عبدالعزيز عند البتان عشان تروح عليهم من قلب :eek5:


بلادكم خلاص ماهي بلكم!
:telephone:




الاستفادة الرياضة الحره يابوحارب :omen2:
لو منك ومرو علي يابوحارب على طول انزل واقرب سيكل (8) وتلثوومه ومر عليهم دف بعد تدري ما يحتاي الثمانية هب رررريح ومر عليهم وانت منقز خلاص بتدخل معاهم البطوله بس ها تحمل اهم شيء تربط الثوب عدل والصرول ما يكون فيه ايل واذا مافي ابريك تدري حركة اول حط نعالتك وانت بكرامه على التاير ويوقف على طول بريك منك وفيك
بالتوفيق يابوحارب ولا تنسى ود معاك راعي الابيض
:nice:
هههههههههههههههههههههههههههههااااااااايييي

اخاف انزل بالسيكل ال 8 وافوز عليهم واشتهر
وانت تدري اخوك بوحارب ما يحب الشهره خخخخخخخخخخخخخخخخخ

راعي مشكلة خله بعيد عن هالأشيا :secret:



محد استفاد شيء هم المستفيدين الفلوووووووووووووس الي ياخذونها http://www.9ower.com/uploads/images/9ower.com-908a7553d9.gif (http://www.9ower.com)

والزحمه الي سووها بس هذي الي احنا استفدناه وعوار الراس ،،

ليش قطر ماتسوي مثل الدول المتقدمه وتبني لهم مكان خاص فيهم مب أحســــــــــــن؟؟؟

يعني لو منتخب قطري يلعب في السيكل بيصكرون الشوارع؟؟؟

اتمنى من وزارة الرياضة ترد على تسائولات الأخت :telephone:

[بوحارب]

بطولة سياكل وتسكرت الشوارع وسارت ازمة شلون لو ينظمون كأس العالم وبعدين انا الي اشوفه انه كل شي بدون جمهور وغير ناجح وصرف فلوس مالها داعي
باااال لو بطولة العالم يمكن تصير ازمة عندنا



ااااخ لو تدري يابوحارب بعد
انه المنتخب القطري للسياكل مب مشاركة السنة
يعني وين حتى اللي مجنسينهم مال السياكل
قمة القهررررررررررر
بعد مافيه قطرييين!!!
:weeping:


اتوقع لنظموا بطولة كاس العالم بيقولون اقعدوا ببيوتكم او لازم تسافرون وقت البطولة
اذا بيتكفلون في التذاكر والمصاريف بسافر ماعندي اي مشكلة ههههههههههه



قريت امس بالجريده

بتصريح من رئيس اتحاد الدراجات بأنهم استفادو من السباق مآديا ( المبلغ كبير ) بس مو مذكر كم قال ..

وش استفادوا !!:telephone:


اهم شي يابوحارب ماتزعل نفسك ولايهمك دز سياكلهم بسيارتك هع هع :tease:
مب فاضي مشاكل :tease:




ولا شي


سوى بهرجة اعلامية


وكنت رايح الجمعة سيلين
وشفتهم ياين من هونيييك


تحياتي للعيون الزرق والخضر

!!@@!!



اهم شي العيون الخضر

اعجبتك هاه :tease:



يالحب من متى عندنا وزارة رياضة..؟
هلا

انه قلت وزارة الرياضة او المسؤولين :shy:



لو عندنا قطري مشارك بنقوووول
معليه .. يمكن ولدنا يفوووز

لكن ولا قطري مشارك

ليش مستضيفين البطوووووله ؟؟؟
يمكن يتهيئون للأسياد

سباق السياكل مب عاجبكم
التنس هم مب عاجبكم
غولف مب عاجبكم
سباق الزوارق السريعه بعد مب عاجبكم
سباق الرالي مب عاجبكم
مهرجان الاغنيه العربيه مب عاجبكم
المهرجان الثقافي مب عاجبكم
سباق الهجن مب عاجبكم
الدوري القطري لكره قدم مب عاجبكم
وطني الحبيب صباح الخير مب عاجبكم
دجاج كنتاكي مب عاجبكم

بصراحه مافي شي يعجبكم
حتى بن داوود مب عاجبنا :tease:


بالنسبة لي كنا رايحين الشمال عن طريق الخور وانشوفهم ع السياكل مشتطين
وهرن عليهم يمكن واحد منهم يطيح.. بس ماشي فايده مركزين مع السيكل

ولا بعد تراهم ساكنيني في فندق الريتز وانا شفتهم وشفت اللي متكسرين

بس عشان يقولون قطر وقطر وقطر...


تحياتي لكم
عذايب قطر
بل فندق الريتز مرة وحده

هذولي فندق شيزان وايد عليهم :(


اقول يمكن ولحد يفهمني غلط لاني ما اتابع هالنوع من الرياضة

رياضة السياكل تقوي النظر:eek5:
وانته صح خخخخخخخخخخخخخخخخخخ


هذا انت قلت انجليزي يعني عيون خضر والشعر اشقر
لاول ولا قوة الا بالله العلي العظيم

الله المستعان :)

[الرويـس]

وين ماي الزمزم والا بخرب موضوعك :(

وبعدين ياخي ياما استفدنا واستفدنا من السياكل الهندية :( << شدخل !!

[مع الناس]

والله انا داشه الموضوع بعلق تعليق جامد أو بالاحرى جد ,
بس شفت الردود من اولها لأخرها ومت من الضحك وماعاد أبغي اكتب شيء جامد ,

على كل حال هي امور كثيرة تحتاج تغير وحكم صارم لكن وش نقول الله يعين

[بومحمد1]

السلام عليكم

لانعلم كيف السياسة في هذا البلد

إهدار للمال العام
في أمور ليس من وارئها عائد على الفرد والمجتمع
فقط للتلميع

أما البنى التحتية فمازلنا نعاني من سوء تخطيط وتأخير في المشاريع
وليس شارع سلوى عنا ببعيد

لا أبالغ ان قلت بين اشارة مرورية وأخرى 500 متر
أبراج تبنى وفنادق وكل يعلم ماهو العائد على الفرد والمجتمع
فكلها حلقات متشابكة من الدراجة الى البرج

فهذه دبي لم تترك بطولة وبرج ومؤتمر الا ونظمته فقط للتلميع وليقال كذا وكذا

وفي الاخير ؟!

إنهيار وأزمات وغرق وديون

والاعظم من كل هذا السقوط من عين الله تبارك وتعالى

لكن أقول كما قال تبارك وتعالى :{ قُتِلَ الإنْسانُ ما أكْفَرَهُ }

[HotBlood]

وين مكان سباقهم الجاي بروح اصب آيل على الشارع :secret:

[شموخ وبس]

خاطري في سيكل يابو حارب 0000 ممكن اتوفره لي 0000 اتغشمر هههه بس
يسوونه قطريين بعد فديتهم بس 0000 ودي اركبه

[بـن عدوان]

اللي بيصير انه الاجانب اللي جوا عجبهم الوضع >> جافوا في فلوس

بيردون بلادهم وبيقدمون على وظيفة ولازم الدولة ترد لهم الجميل لانهم شــــاركـــــوا في البطولة

بترسل لهم عقود خارجية برواتب خيالية

كمل انت

[بوحسن2009]

صباح الخير يا بوحارب
كان لخيت واحد منهم بالخيزران ولا عاد سوق سيل بعد يحك جنبه اسبوع من حرة الضرب.....هههههههههههههههههههههههههههههههههههههههه هههههههههههههه
تحياتى للجميع ...

[bo_hamad]

في كل شئ تنتقدون ههههههههههههه

[راسي براسك]

توهم مارين قدامي جايين من الدوحة متوجهين الى الوجبه والزحمه عند دوار بني هاجر مب طبيعيه
ماأستفدنا منها الا الزحمه والتأخير والتعري قدامنا وقدام عيالنا ورياجيلنا ..

[الدبلوماسي]

يقولون فرنسا نظمت سباق للهجن .. والمانيا بعد

المانيا وفرنسا معروفين عالمياً ولو تسأل اي حد عن فرنسا او المانيا عرفها
لكن قطــــــر ، ليست معروفه او مشهوره عالمياً ، لو تروح لامريكا وتسألهم عن قطر والله مايعرفوها إلا القليل ..
قطر تريد إظهار نفسها على واجهه الرياضه العالميه بإقامة هذه البطولات العالميه ..

لكن لو المانيا اوفرنسا نظمت سباق هجن مثلاً .. محد راح يظيف شئ للموضوع وبيكون الموضوع غريب !! ليش قطر ماتنظم مثلاً مسابقه محاربه الثيران ، لان محاربه الثيران شئ مقتصر على الاسبان والمكسيكان .. ولو تم تنظيمه هنا راح يكون شئ غريب ..
لكن الدراجات رياضه عالميه ومشهوره .. والتنس والقدم واليد و و إلخ ..

[الخفي]

المانيا وفرنسا معروفين عالمياً ولو تسأل اي حد عن فرنسا او المانيا عرفها
لكن قطــــــر ، ليست معروفه او مشهوره عالمياً ، لو تروح لامريكا وتسألهم عن قطر والله مايعرفوها إلا القليل ..
قطر تريد إظهار نفسها على واجهه الرياضه العالميه بإقامة هذه البطولات العالميه ..

لكن لو المانيا اوفرنسا نظمت سباق هجن مثلاً .. محد راح يظيف شئ للموضوع وبيكون الموضوع غريب !! ليش قطر ماتنظم مثلاً مسابقه محاربه الثيران ، لان محاربه الثيران شئ مقتصر على الاسبان والمكسيكان .. ولو تم تنظيمه هنا راح يكون شئ غريب ..
لكن الدراجات رياضه عالميه ومشهوره .. والتنس والقدم واليد و و إلخ ..



(( الدول طال عمرك تتقدم بالعلم والنهوض بالبلد وبالشعوب وليس بالبطولات

وبالمال هل تصدق ان اليابان ضربت بالقنبله الذريه وهاهي الان من افضل

البلدان اقتصاديا وماديا وعلميا تقولي البطولات

اللي يبي يتقدم وينعرف يتقدم بشي ينفع بلده وشعبه موب بطولات تنفع اللاعبين

والتجار تحت اسم رفع اسم البلد ))

[بوحارب]

(( الدول طال عمرك تتقدم بالعلم والنهوض بالبلد وبالشعوب وليس بالبطولات

وبالمال هل تصدق ان اليابان ضربت بالقنبله الذريه وهاهي الان من افضل

البلدان اقتصاديا وماديا وعلميا تقولي البطولات

اللي يبي يتقدم وينعرف يتقدم بشي ينفع بلده وشعبه موب بطولات تنفع اللاعبين

والتجار تحت اسم رفع اسم البلد ))


صح السانك يالغالي ولاهانوا الأعضاء الباقيين على المشاركة في الموضوع :)

[auto body]

يابو حارب
ليش زعلان
هاذي رياضة الاباء والاجداد

[لولوتي]

8 8

:omg:
السياكل
:omg: اي اباء واجداد

الود ودي لو اطيرهم في الشارع نفس البولينغ :anger1:

[فتى الجود]

يمكن تقلييد للشعب الهندى ؟

اشدخل

والله ياخوك المثل يقول


اللى عنده قرش محيره يشترى به حمام ويطيره
ربعنا عندهم فلوس مب عارفيين شنسوي فيها

[hope4all]

:-) رياضة

[bu abdulla]

لازم يسكرون الشوارع خايفين عليهم و انت يالقطرى .................... خلها على الله