الشرطة أو السكيورتي في المجمعات؟؟؟؟؟؟؟؟؟؟؟؟؟؟؟؟

[بوطويشم]

السلام عليكم

اخباركم يا اعضاء منتدى الأسهم

بدش الموضوع على طول

قبل ايام بدايات مجمع الاندمارك والستي سنتر كنا نشوف الشرطة داخل المجمع ولهم مكانهم الي هو عند الباب الرئيسي

و كانو مسؤلين على سلامة المتسوقين من المغازل الهواش الخ الخ.....

والحين تشوف السكيورتي فكل مكان وأنا اشوف ان المغازل زاد لن يعرفون ان السكيورتي يخاف منهم ولاحد يوقفهم عند حدهم

في وجهة نظركم ايهم أفضل الشرطة او السكيورتي في المجمعات

[qatari911]

الشرطة افضل
بعدين المغازل صار في كل مكان حتى وانت تمشي بسيارتك وحدهاو واحد يشوف وحده ت/يمر صوبك وت/يضرب هران
الله يستر علينا وعليكم
الواحد يخاف يطلع اهله من السوالف لان المغازل يجك يوم تغاز وحد الا يمردغك وااااحد من اهلها وفي الاخير تبكبك او يروح يشتكي
انا اسف اذا كلام جرح احد منكم
تحيااااتي لكم
عبر الانترنت

[الــوفـــــي]

اخــوي اذا على المغازل في كــل


مــكان دوامك ,سيارتكـ,ع النت,مجمعات .


حــتى الواحد مع اهله مايسلم

من وجهت نضري .. الشرطه احسن لان هيبتهم اكثر من السيكورتي

[omega]

السيكيورتي افضل بشرط اعطائهم الصلاحيات اللازمة

[بوطويشم]

قطري 911

الوفي

مشكورين على كلامكم وصج هم فكل مكان لازم حد يوقفهم عند حدهم


السيكيورتي افضل بشرط اعطائهم الصلاحيات اللازمة

ليش السكيورتي؟؟؟

انتظر ردك

:)

[شموخ وبس]

وجهة نطري اذا الوحده محتشمه او ماتعطيهم ويه بيتعبون ويروحون عنها

[hamoor4ever]

شرطه سيكيورتي كلهم نفس الشي اخوي ، اول الشرطه لهم هيبه الحين الشرطه والسيكيورتي نفس الشي ههه ماتشوف الشرطه وسوالفهم كل يوم ولا يومين نسمع ان حد ضاربهم

[بوطويشم]

وجهة نطري اذا الوحده محتشمه او ماتعطيهم ويه بيتعبون ويروحون عنها

مشكورة أختي على وجهة النظر


شرطه سيكيورتي كلهم نفس الشي اخوي ، اول الشرطه لهم هيبه الحين الشرطه والسيكيورتي نفس الشي ههه ماتشوف الشرطه وسوالفهم كل يوم ولا يومين نسمع ان حد ضاربهم

لان ما عندهم صلاحية يضربون اي واحد عشان خاطر "حقوق الأنسان"

[مطراش]

ما اعتقد انه الشباب يغازلون البنات المحتشمه والي في حلهم والكل يعرف هذا الشي وبعدين المغازل من البنت والولد

[نورالهدى]

الله يهدي الجميع
الحين هم حاطين السيكيوريتي عشان السرقات داخل المجمعات
والتنظيم
لكن حق المغازلات يسون عمرهم مايدرون

[فلفل حار]

تبي الصج ...؟؟
آنا من رآيي لاسكيورتي ولا شرطه ...

خل الشباب يتمصخرون ويزهقون الآشكـال الهندسيه آلي يتكشخون حدهم عشان يتآدبون ...
لعل وعسى يعقـلون ...!



والفئات المحترمـه محد كـفو يقربهم وهذا آحلـى رد ...

وجهة نطري اذا الوحده محتشمه او ماتعطيهم ويه بيتعبون ويروحون عنها

:nice:




ويعطيكـ العافيـه يالغالـي ... ^^

[ماريسا]

الشرطة طبعاً و بلباسهم الرسمي!!
السكيوريتي جبان شيقدر يسوي يعني ههه

[بوالنوف]

Police

الشرطة

[بنت قطر202]

الشرطه أفضـــــــــل

والي قالو البنت المحتشمه محد بيقرب صوبها كذااااااااااااااااابين يعني لازم تكتبون المحتشمه والمحترمه ليش عشان يعني الأعضاء يشوفون ؟؟

على العموم الكلام كذب والشباب يلاحقون المحتشمه والي مب محتشمه وكلكم تعرفون هالشيء بس مادري شالقصد من الكلام الي انكتب...

[تحداني]

.. ليه الشاب يحاول يرخص من رجولته وهيبته ومكانته ..
" ويلحق بنت "
كلمه يلحق جدا مخزيه في حق رجال لابس غتره واعقال ..
وشنب وعارض ..



ما اعرف وقتها ايش يحس ..؟؟
معقوله بنت تهز رجولتك .. وتخليك مثل" ........"
ما احب اتلفظ فيها ..
تلاحقها يمين يسار ..



معقوله لهالدرجه هانت عليك نفسك ..
انك تتعامل بكل الاساليب بس عشان تتمكن منها ..



هل تعتبر وصولك لوقاحه الفتاه انك حققت إنجاز ؟؟

والغريب في الأمر لو شاب أصغير مراهق عمره 14 ولا 15 تعذره ..
تقول لسه يشوف الحياه ..



لكن واحد عمره تخطى الــ 25 والــ 28 ابهالمنظر ..
وقتها تقول راحت الرجوله .. وقلوا الرجاجيل في العالم ..
وتظل تآخذ انطباع عن معظم الشباب ..




كل هالكلام ليس دفاعا عن المرأه ولا وقوفا في صفها ..
ولكن الرجل هو دائما سيد القرار .. حتى لو كانت البنت دنيئه ..




ما يبيلهم لا شرطه .. ولا سكيورتي ..
يبيلهم كف يسنعهم ويسنع هالبنات ..




جملك الله برضى الرحمن

[بوخالد911]

الشرطة اقووى

الله يهدي الكل

[جاسم القطري]

الشرطي يخوف اكثر

خبرك موظف حكومه ومب اي وزاره

الداخليه

يعني سويت لك صيه وضربت الشرطي وشلخته

موضوعك خالص

بيستضيفك بو ناصر في لخويا كم يوم

لكن السكيورتي لا صلاحيات ولا هيبه ولا شي

يعني لو صار الصج بيقول انا مالي شغل بروحه راتبهم تعبان بعد ينضرب

وبالنسبه للمغازل حدث ولا حرج

واذا ما غازلت غازلوك

خخخخخخخخخخ

[bo_hamad]

أكيد رجال الامن ( الشرطة ) أفضل بكثير لانهم متدربين ومؤهلين في حالة حدوث اي من المشاكل داخل المجمعات والله المستعان

[بـــــــنت النوخـّــــذه]

مره كان معنا اكياس (اغراض )شاريينها وتوهقنا الدريول تأخر يحليله السيكيورتي شل الاغراض عنا :nice: بالعكس يساعدونا 000كشيل الاغراض اشوفهم مهمين اما دواعي امنيه تراهم يخافون وبعضهم اتحط بمخباه فلوس يسكت 0000
بس من ناحيه امنيه اتوقع الشرطه وجودها اقوى واهم بس عاد مشكله لي ياكم واحد لابس زي رسمي للشرطه واول من يقزز ويغازل بهالرخاص الي يدورون متبرجين بالمجمعات والشوارع 000:) عموما من الاخر اتمنى يكون الكل رقيب على نفسه لان الي مايحط احساب لرب العالمين عمره مابيحترم القوانين ويلتزم بها

[ماجور1]

وجود الشرطي ماله داعي لان الشرطي له مهام ثانيه غير

الشخص الذي يجب ان يكون هناك السكيوريتي

بس لازم يعطى جميع الصلاحيات

[هند88]

اكيد الشرطه ...
بس بعد بيغازلون ما يطوفهم شي
جان زين يسون نفس الامارات اذا صادوه يغازل يقرعونه ويحطون صورته في الجرايد بااااااااااااااااااااااااااااااااااااااااااال والله فشليه ماتوقع عقبها بيطلع من البيت

[الموضوعي]

الشرطة مب شغالين عند التجار اصحاب المولات صحيح في تعاون لكن الأمن الخاص بالمولات هو المسؤول الأول

[بحر العذاب]

أنا من رأيي أن لا الشرطه ولا السكيورتي يقدرون يسون شي دام أن البنت هي اللي
رضت على نفسها وحتى لو البنت محتشمه ومحترمه الشرطي مايقدر يسوي شي بدون شكوى رسميه
وبما أني عملت في هذا المجال بقولكم شو اللي حاصل بالضبط ،، البنت لما تبلغ الأمن الوقائي أو النجده
عن تحرش شخص فيها وتجي الشرطه وتمسك الشخص ونطلب من البنت أنها تقدم شكوى رسميه
تقول لا أنا مبلغه بس عشان يتأدب خلاص خلوه يروح يعني الشرطي متعني ومستلم البلاغ وداعس عالخط
وآخرتها تقول بس عشان يتأدب ..

أو رجل الأمن الوقائي المتواجد في المجمع 24 ساعه لما يشوف شخص يتحرش في بنت سواء كانت
متبرجه أو محتشمه أذا مسك الشخص تروح البنت وتقوله خله أنا ماشتكيت لك ..

يعني الشرطه حتى لو تواجدو في المجمع مايقدرون يسون شي بدون شكوى رسميه والبنت أذا ماتبي
تشتكي تعتبر راضيه ..

[شاهيناز]

انا استغرب من الي يقول البنت المحتشمه ماتتعرض للمعاكسات,, اكثر ناس يتعرضون لتحرش المحتشمات ,, لا الشباب للاسف مايتعرضون للبنات الي ستايل غريب واشكالهم اعوذ بالله
لكن المحتشمه حتى لو مايبين ضفر منها تلقاهم وراها,,,,

[فلفل حار]

اكيد الشرطه ...
بس بعد بيغازلون ما يطوفهم شي
جان زين يسون نفس الامارات اذا صادوه يغازل يقرعونه ويحطون صورته في الجرايد بااااااااااااااااااااااااااااااااااااااااااال والله فشليه ماتوقع عقبها بيطلع من البيت

والبنات آلي مغازليني باللاند آكثر من مره ..؟؟
الجمال مصيبـه ...

[رجل الجزيرة]

.. ليه الشاب يحاول يرخص من رجولته وهيبته ومكانته ..
" ويلحق بنت "
كلمه يلحق جدا مخزيه في حق رجال لابس غتره واعقال ..
وشنب وعارض ..



ما اعرف وقتها ايش يحس ..؟؟
معقوله بنت تهز رجولتك .. وتخليك مثل" ........"
ما احب اتلفظ فيها ..
تلاحقها يمين يسار ..



معقوله لهالدرجه هانت عليك نفسك ..
انك تتعامل بكل الاساليب بس عشان تتمكن منها ..



هل تعتبر وصولك لوقاحه الفتاه انك حققت إنجاز ؟؟

والغريب في الأمر لو شاب أصغير مراهق عمره 14 ولا 15 تعذره ..
تقول لسه يشوف الحياه ..



لكن واحد عمره تخطى الــ 25 والــ 28 ابهالمنظر ..
وقتها تقول راحت الرجوله .. وقلوا الرجاجيل في العالم ..
وتظل تآخذ انطباع عن معظم الشباب ..




كل هالكلام ليس دفاعا عن المرأه ولا وقوفا في صفها ..
ولكن الرجل هو دائما سيد القرار .. حتى لو كانت البنت دنيئه ..




ما يبيلهم لا شرطه .. ولا سكيورتي ..
يبيلهم كف يسنعهم ويسنع هالبنات ..




جملك الله برضى الرحمن

كلام سليم.

[بوحسن2009]

السلام عليكم اخوي بوطويشم...
الافضل الشرطة اكيد لان المغازلية يخافون منهم .......
وترى المحترم محترم فى كل مكان وزمان بالعربى وحده لابسة ومب لابسة فجج
وتقول الشباب يلاحقونى يا سبحان الله ...
واحترامى للجميع ..

[خيال شمر]

لا شرطة ولا سكيورتي الي بتحشم عمرها وبتلبس عدل وماتحط عطر بو كيلو ومكياج فول والكرتون الي فوق الراس ( سنام الجمل )
والشباب لو ماينزلون الا للحاجه فقط لأنه معروف السوق للحريم ... والرجال يشتري الشغله ويطلع مايقعد يلف ...

مع التحيه

[omega]

السكيورتي افضل
لأنه ببساطه يمكن تواجدهم باعداد كبيره في جميع الاماكن

بينما الشرطه لو زاد عددهم يحس المتواجدين في المكان بأن هناك جريمه وسالفه كبيره

بس طبعا بشرط اعطاء السكيورتي صلاحيه