هذه توقعاتي لصيف 2005 ؟؟ !!!

[Taj]

عندما عرضت توقعاتي لصيف 2005 وقلت إن صناعات سيتراوح سعرها من 80 - 100 وناقلات 45 - 55 حذف المقال برمته لأنه لم يلبي طموح الاعضاء وعايزين الواحد يقول لهم الاسعار بتكون لمت اب مبروك عليكم وحتى لم اعطي الفرصة حتى ابين الاسباب التي دعتني لأتوقع ذلك عموما احب اقول لكم إن ناقلات سيصل سعرها اقل من 25 - 35 وحذفوا المقال وشكراً للمشرفين .. ولا تسألون ليش راقبوا السوق وبتعرفون ... تحياتي لكم ومع السلامه

[البرنس]

اخوي تاج ..

كلامك راح يقلب الدنيا ....
ما كل ما يعرف يقال ..

الله يوفق الجميع ..

[مؤثر]

طيحت قلوبنا الله يهديك
تفاءل بالخير تجدة

[مغروور قطر]

اخوي العزيز اول شي نرحب فيك

احنا مو لتوقعات نبي تحاليل تدعم فيها الكلام هذا لو على توقعات لكل بيتوقع

اخوي تاج انت تقول في مقالك سابق 25 ريال وفي مقالك هذا 55 شنوو سبب في تغير السعر بين امس واليوم ممكن تعطيني تحليلك


تحياتي لكم

[بروكر]

مسكين تاج...مادري على ايش بنى توقعاته.....استغرب...!!!!

[ناصر]

مستوى الدعم الاول للصناعات هو 148 والثاني 112 و الثالث هو 83

وانشاالله اكون غلطان و يرتفع قبل

[مستثمر طموح]

25_30 ناقلات ؟؟ حلوة منك

ذكرتني بقيمة صندوق الطما ط

[البرنس]

بالنيابة عن اخوي تاج ..

شوف السوق و انت تعرف !

مثال صغير جداً جداً ..

افتوا مشايخنا الأفاضل و حرموا بيع ناقلات و قالوا الي قالوه و مع ذلك انت شايف الكمية المعروضة في ضل تحريم البيع ،المشايخ اجازوا البيع في شهر 6 و البنوك الي تبي افلوسها اخر مواعيدهم في نفس الفترة ..

وهذا الي ينقال و الي ما ينقال اكثر و اكثر و اكثر ..

و اترك الباقي لكم و كل الأحترام للأخ تاج ..

[ناصر]

لا تستغرب اخوي الطموح بالنسبة لسعر الناقلات لسببين:

1. الاسهم في يد ناس معرفتها قليلة بالسوق ..... والا من يعرض اسهمه فوق المعروض وهو بالملايين والطلب 100الف.

2. في بداية الكلام عن الناقلات, كانوا الجرايد والناس يتكلمون ويتأملون هذي الاسعار.... وبعدين اشتغلت الجرايد بتضخيم هذا الرقم................والله يعينا على جرايدنا اللي المسؤول عن اخبار الاسهم لايفهم في تحليل اساسي ولا فني ولا........ تكرمون.

[المديون]

عزتيلي ياتاج كان كلامك في محله

[المديون]

ياتاج انا مابيك تكسر عزومي .... وتقوللي بينزل سهم الصناعات

وانا من اول كاثرات همومي .... وزدتها ياشيخ حسره وضيقات

[الاستشاري]

كله نزول في نزول

كل الاسهم نزول بتشوفون

كله عرض بعد

[ali]

شوفو انا اتوقع من الي اشوفه واسمعه

وهاذي تحليلي الخاص

ان الاسوق بدمر وبتطيح الاسهم تحت

الاسباب واضحه

خوف المستثمرين الصغار من الخساره

ويرجع 50000 الف بسعر السهم مثال 35 ريال ولا يخسرها بعيدين 30 ريال يحاول يستفيد ويعوض خسارته

ولا يفكر يقول كم سنه لين تطلع الاسهم فوق

لين اليوم اشوف العالم بتبيع وعادي لو 30 ريال ماعندهم مشكله اهم شي يسدون حلوج البنوك

والي في الصناعات بيبيع اذا طاحت اكثر السبب خوف تطيح ويخسر اكثر من جذيه

وهاذي فرصه كبيره وذبيحه جاهزه للهوامير ومن غير عزيمه :) وامنية كل هامور انها تطيح

والشي الاخير الي بوضحه لكم ويمكن يكون غريب على البعض

انه اكثر من هامور خسر خساره فادحه في بعض الاسهم تقدر با الملايين
والسبب هبوط البروصه الغير متوقع بهاذا الحجم

السبب واضح

نزول اسهم ناقلة بعد الاجانب بكم يوم
ومافي مجال للاسف

تحياتي لكم

[كحيلان]

تاج انت مثل المثل اللي يقول ()خاااااالف تعرف))

[محمد بن حمد]

تاج اذا اكبر المحللين غلطوا في التحليل والتوقعات كلها طلعت عكس واذا وزراء ما كانوا متوقعين اللي صار ؟؟؟ في ذمتك من وين لك المعلومات ما تعلمنا يمكن ننقلها لادارة السوق ووزارة الاقتصاد يمكن تستفيد منك

[Taj]

أنا لست محللاً ولست خبير اقتصادي ولكن أخذ الكلام من المحللين ورجال الاقتصاد المحنكين وهذا رأيهم في السوق وفي اسعار بعض الشركات ومنها الصناعات وناقلات

منذ شهور قليلة كانت اسعار الشركات منخفضة وكانت ترتفع بشكل طبيعي وإنسيابي ، وفجأة وبدون سابق إنذار ترتفع الأسعار وكل يوم لمت أب ، وصادف ذلك توزيع الأرباح وتوزيع نسب من الأسهم ، وحنا لم نسأل أنفسنا لماذا كل ذا الارتفاع وهل هذه الارباح جديرة بأن يجاريها هذا الارتفاع لا والله المسألة غير صحيحة وغير سليمة فالارتفاع السريع الغير مدروس الممزوج بالمقالات الصحفية الرنانة التي تنفخ في أداء السوق القوي وهي للأسف الشديد كانت تنفخ في جربة فيها الف ثقب ، وخذ كذلك تصريحات المسؤولين عن إن هذه الأسعار ليست بالاسعار الحقيقية للاسهم وإنما سعرها أكثر من ذلك ، إن مقارنة اسعار بورصة قطر بسوق السعودية لهو خطأ كبير فالاسهم السعودية إرتفاعها طبيعي لأن كل مواطن يا دوب يحصل على 3-5 اسهم في الاكتتاب ويكون سعر السهم عند الاكتتاب مرتفع وعند الطرح يكون بالمئات ... ثم جاء بعد ذلك تصريحات المسؤولين عن دخول الأجانب والنار اللي بيشعلونها في السوق ما يدرون إن هناك حوالي عشر شركات يستطيع الخليجي ان يساهم فيها وكيوتل والسلام خليجي + اجنبي .. السؤال الذي يطرح نفسه إذا الخليجي والاجنبي ما عملوا شئ في السابق هل تعتقد سيكون لهم عمل إيجابي أشك في ذلك !!! سيقول أحدكم إن الاجانب لا يستطيعون دخول الشركات الصناعية .. حلو .. نقول نحن هذا الميدان يا حميدان ... قالوا 35-45 مليار ريال ستضخ في السوق والله حرام علكيم خليتوا بعض الناس تبيع سياراتها وتشتري اسهم (صدمة) والكلام هنا كثير ولكن اترك ايضاً مساحة للاخوة لإبداء الرأي والتعليق وإذا اليوم الخبر بفلوس بكرة ببلاش قبل ما أنهي كلامي ترى المستثمرين الكبار حتى الآن لم يدخلوا السوق ليش الخبر عندهم .... تحياتي للجميع