المساعد الشخصي الرقمي

مشاهدة النسخة كاملة : فيزه حره


دلة الرسلان
10-02-2010, 08:43 AM
دريولنا من جنسيه عربيه اشوفه يسولف مع واحد من جنسيته سألته عنه قال هذامحامي

كان جاي بفيزه حره واشتغل حارس في شركه وبعدين حصل له شغل في مكتب محاماه !!

صراحه ما توقعت الأمر بها السهوله أي واحد يقدر يتمشى ويدخل البلد وبعدين يرتب اوضاعه

مع معارفه .طيب لو ما قدر يرتب نفسه هل ممكن يتهرب ويتم بينا بدون كفيل؟

اكيد بيكون فيه ضغط على الخدمات الصحيه واللي يبغي عمليه بيسويها واذا بيدفع بيكون السعر

بسيط ما يقارن ببلادهم .

هل فيه ضوابط عند منح الفيزه الحره ام انها متاحه للكل ؟؟؟

لماذا شرعت وما الفائده المرجوه منها ؟

ياليت اللي عنده معلومات عن الفيزه الحره يشاركنا :nice:
ماريسا
10-02-2010, 09:11 AM
رفع و متابعة
hamoor4ever
10-02-2010, 09:36 AM
ماعتقد فيه ضوابط انا اشوف دخول هالبلاد مافيه اسهل منه ، الحين القطري مربوط بشغله مايقدر يغير مكانه بسبب هالقانون الجديد اما الاجنبي مرتاح اخر راحه انا مانبغي شي كشعب بس ياليت يساوونا فيهم بمميزاتهم وغيره القطري يضايقونه بالشهاده الجامعيه من وين جايبها وغيره وغيره اما الاجنبي لو شهاده مزوره مادرو عنه
الله يعين
بنوته
10-02-2010, 09:47 AM
السلام عليكم ورحمة الله وبركاته

ماعندي خليفه عن الفيزه الحره بس هالاجانب سواء عندهم فيزه حره او شاردين ....سهلات كل الوظايف ماتحه لهم لا ويدرسون اون لين في الشغل ويترقون اما القطري حامض على بوزك تصير جامعي كلشي مسكر بوجيهنا ...حسبي الله ونعم الوكيل على كل من كان سبب في شقى اهل قطر

....

الله يوفقكم
جوال 11
10-02-2010, 01:26 PM
الشخص يشتري تذكرة من بلاده الى الدوحة ذهاب وأياب على القطرية ويحصل على تأشيرة زيارة ويقدر يجدد ويسرح ويمرح لين يحصل شغل المدرسين يشتغلون تدريس خاص وكلهم فيز زيارة على القطرية وبعد التحويشة يغادر أو يشتغل أو يشرد
الفقير
10-02-2010, 01:42 PM
مافي شى اسمه فيزا حره تلقاه شاري فيزا البائع الكفيل عني مبلغ وقدرة وانت يالمكفول دبر نفسك تشغل اتبوق
يعني الغلط على الكفيل
OTOsan
10-02-2010, 01:50 PM
بالنسبة للفيز ماعندي فكره عنها بس اعتقد انها متاحة لجنسيات معينه وليس الكل ،،

بس يا اخت دله بالنسبة للرعاية الصحيه او العمليات فاعتقد انها في قطر اغلى بكثير من الدول الاخرى ، وعلى حد علمي اللي جاي بفيزا وما عنده اقامة بتكون عليه رسوم غاليه من ناحية الرعاية الصحيه ،،

يعطيج العافيه :)
jajassim
10-02-2010, 01:52 PM
مافي شى اسمه فيزا حره تلقاه شاري فيزا البائع الكفيل عني مبلغ وقدرة وانت يالمكفول دبر نفسك تشغل اتبوق
يعني الغلط على الكفيل

كلامك صحيح ،،

ومازلنا بحاجة باجراءات صارمة لحمايتنا من هالأشكال ، :telephone:
حقل الشمال
10-02-2010, 02:19 PM
البحث والمتابعة والخويا مب قصريـــــــــــــــــــــــــــــــــــن
نورالهدى
11-02-2010, 02:09 AM
بصراحه انا تعبت من هالمواضيع
كلن بياخذ رزقه
الارزاق مكتوبه مع يوم الميلاد ويوم الوفاة
اللهم لا اعتراض
سهم مديون
11-02-2010, 10:18 AM
اول مره اسمع عنها فيزه حره:omg: