للاسف سوقنا ما .....

[دهن العود]

للاسف أنا اكتشفت أن سوقنا ماينفع للاستثمار وأن حاليا أفكر أستثمر فلوسي في شي ثاني غير الاسهم وذلك للسبب الاتي :

لاحظت أن الناس وايد معتمدين على الاشاعات وفقاعات الكلام اللي يطلع من فلان وفلتان الناس ما تدري أن هالكلام مجر د دعاية للشركة علشان الناس تشتري الاسهم لا ويحرض الناس أنها ما تبيع الاسهم لأي سبب من الاسباب .

ثاني ملاحظة : سوقنا ياأما مرتفع ياأما نازل هذي مب سالفة !! يعني ياأما تبيع ياأما تشتري؟ الواحد ما يقدر يشتري أي شركة لان جميع الشركات لمت أب ولا يقدر يبيبع أي شي لا ن جميع الشركات لمت داون ؟! ياجما عة ما في شركة وحدة مغلطة وارتفعت ؟ من فترة الناس كلها هاجت على الشراء ليما خلو السوق يرتفع إرتفاع رهيب خلى الكل استغرب منه والحين الكل يبيع وخلى الكل أيضا يستغرب شالحل ؟ الحين الواحد إذا أشترى وحدة من الشركات النازلة أكيد راح يخسر لأنها راح تنزل بكرة أكثر وأكثر أنا أنصح المساهمين أنهم ما يشترون أي شي الا إذا كانوا يحملون صفة وحدة الا وهي صبر أيوب

[نوارة]

صدقت ياأخي في مجمل ماقلت
وخاصة (مصيدة) الارتفاع الوهمي للأسعار
وكذبة أبريل اللي اسمها دخول الأجانب
وبصراحة
المسألة ماكانت إشاعات بس
كانت حالة عامة والكل يدفعك من صوب
لين صار الناتج خسارة ونزيف أحلام مستمر ..


والصغار مساكين مب عارفين راسهم من رجلهم الكل يطالبهم بالصبر
بس إلى متى ...







محد عارف ...!!

[البرنس]

كلام غير صحيح ..
سوقنا قوي جداً للأستثمار ، و ضعيف بعض الشيئ للمضاربة ..

ارجع و اقول في فرق بين الأستثمار و المضاربة ..

مع خالص تحياتي و امنياتي للجميع بالتوفيق ..

[المديون]

والله السووق يصلح للي بيشري في الاكتتاب وينطر لين يرتفع السووق ويبيع وينطر شركه جديده يكتتب فيها

[سهم عتيج]

أنا أتفق مع البرنس في كل ما طرحه,, فالمؤشرات الاقتصادية للبلد تدل على ان سوقنا من أفضل الأسوق المالية للاستثمار,, ولكن في هذا الوقت بالذات فانه لا يصلح للمضاربة,, لأن السوق ارتفع منذ بداية السنة الى نهاية الربع الأول بأكثر من 71% ,, يعني هذا الارتفاع الكبير في هذه الفترة القياسية القصيرة لا يشجع المراقب للسوق جيدا للدخول فيه,, لأن نسبة الارتفاع كانت عالية جدا في وقت قياسي قصير جدا,, ولكن عندما يستقر السوق ان شاء الله في الفترة القادمة,, فأعتقد بأن الامور راح تاخذ منحنى جديد,, وهذا بالتأكيد سيجعل الكثيرين للتفكير بطريقة سليمة بدلا من التفكير العشوائي الغير معتمد على أي دلائل تدل على جدوى الشراء في ذلك السهم او ذاك,,

وأرجو يادهن العود أن تكون دقيقا في طرحك للموضوع,, لأن هناك فرق كبير جدا بين الاستثمار والمضاربة,,
وأنا شخصيا أحد المستثمرين في السوق القطري منذ بدايته,, وحتى قبل ان يفتح السوق,, لأنني مستثمر,, والحمدلله فان العوائد التي أحصل عليها من محفظتي فانها مرضية جدا بالنسبة لي,, طبعا لا أعني عوائد المضاربة,, ولكن ريع السهم,, يعني الأرباح السنوية التي أحصل عليها في جميع أسهمي التي أملكها مرضية بالنسبة لي,, لذلك فانني لا أهتم كثيرا بمسألة طلوع السوق من هبوطه بقدر ما أهتم بأمور ثانية مختلفة,, لذلك فانني من الناس الموجودين دائما في البورصة سواء كانت في حالة رواج أو كساد,, وأنا أعرف الكثير مثلي الذين لا يفكرون بطلوع السوق وهبوطه بقدر تفكيرهم بنتائج الشركات المتوقعة للفترة القادمة,,

ونتمنى التوفيق للكل,, وان شاء الله يعوض علينا جميعا خيرا..
والله الموفق

[الاستشاري]

قايل لكم محد يصدقتي ؟

جميع الاسهم نزول تدريجي علشان تعرفون الصناعات امس 177.70 واليوم 167.20 وبكره اللي هو الاربعاء

بيكون 160.20 او 158.60 ريال لا تقولون ما قلت لكم وبكيفكم !!!

مش الصناعات وبس جميع الاسهم كله نزول هالمره قوووووووووي من قلب والله العظيم لي خبره بالسوق

وعارف بتنزل لكن محد يصدق والسلام عليكم ...

[مستثمر طموح]

اسبوعين الشركاات لمت دااون والمصيبـة محد قادر يبيــــــع فعلا بورصــة تضحـك

وفي الاخير الشعب كلة بطلع مفلس

[KhalidQ]

http://i2.photobucket.com/albums/y19/getar1983/DSMorSport.jpg

[دهن العود]

البرنس + سهم عتيج أنا ما قصدت أن سوقنا مب قوي أنا قصدي أن سوقنا يامرتفع يانازل يعني كل الشركات ياأما ليمت أب ياأما لمت داون مثل حالنا الحين شرينا ذيك الايام والحين ما نقدر نبيع لأن خسرانين

صدقت يالمستثمر طموح يوم قلت أن سوقنا يضحك وأنا أقول محد يقدر يستحملة إلا طويل البال

وأغلبية الناس ما عندهم صبر يبون يشترون ويحصلون ربح بعد يوم أو يومين

[نوارة]

مب شرط الربح في يومين
يادهن عود
لكن
بعد مب سنتين لأنها وايد


للجميع تحياتي

[متسلف وفي الاخير]

احمد ربي اني بعت اسهمي وماخسرت

انا حاس فيكم ياحبايبي دهن العود ونوارة وادري من حرة قلوبكم تقولون هل كلام وترى اكثر الناس مثلكم عايشين هالايام خوف من الخسارة بس اصبرو شوي الحين البورصه يوم ارتفعت الناس تقول متى بتنزل الاسعار علشان نشتري ويوم انزلت قلتو خسرتو لا مافي شي اسمه خسران الا في حاله وحدة اذا انتو عرضتو اسهمكم للبيع الحين كل مازاد العرض قل السعر وكل مازاد الطلب زاد السعر هذا مبد البورصه في كل بلاد وانا مستغرب وين الهوامير والتجار ليش مايشترون الحين خايفين على فلوسهم اذا ماشرو الحين متى بيشترون الظاهر مايبون يرفعون الاسعار الحين يبون الاسهم تطيح من قلب علشان فايدتهم تكون كبيرة وخسارة الفقاره كبيرة
انا ماظاحكني الا يوم قالو في خلل فني الظاهر يقلدون كيوتل عذرهم الوحيد خلل فني وخلل فني والله مع المساكين وانشالله خير ورب ضارة نافعه وانا احس انه البورصه بتطير فوووووووووق الايام المقبله

[LiquidMoney]

ليش الخساره .. اذا السوق مارده لو وصل وين .. بيرد يرتفع !
والناس اللي سحبت فلوسها بترد اتدخلها مره ثانيه للاستثمار !!!
يعني ياتكون ربحان على طول ... يا السوق مايسوى !!!
ايش المشكله انك تصبر كم شهر ؟ اش بينقص منك!!!
وبعدين ياجماعه انتوا غافلين عن نقطتين مهمتين جدا ...
1- انه كل الشركات نزلت ارباح مهوله ووزعت اسهم ... واللي متابع البورصه من اكثر من سنه ... بيعرف انه
هالحاله اتصير كل سنه لما تتوزع الارباح والاسهم المجانيه ...
2- احنا داخلين على صيف ... والعاده الناس تبيع لأنها تبي اتسافر وتقضي امورها .. غير اللي يبي يعرس ...etc
اللي اختلف السنه ... نزول ناقلات في البورصه ... وللاسف مثل ما اتشوفون وايد من الناس عندها جهل بالاستثمار
وبس تبي اتبيع اللي شرته بالاكتتاب ... لما تسألهم ليش ... بيقولون لك ... الكل يسوي جذي ! ! !
اعرف وايد ناس باعوا صناعات ... و تحسفوا وايد لأن بعدين اضطروا يشترونها وهي مرتفعه !!!
يعني ليش ما تتعلمون من اخطاءكم !! اموت افهم !!!

وبــــــــــــــــــــــــــــــــــــــس!

[كحيلان]

لا والله مانرضى تموتين عشان تفهمين بعدين مين يبقى يحلل لنا؟

[LiquidMoney]

لا والله مانرضى تموتين عشان تفهمين بعدين مين يبقى يحلل لنا؟

:o معليش اعصابي متحطمه :p