الـدريــول الجــديــد (عــاجـل)

[راسي براسك]

السـلام عليـكم ورحمـة الله وبركــاتة


مسـاء الخيــر ،،


أأخواني و خواتـي بغيـت اسـأل كم سـؤال لكـم ،،
بخصـوص أن جاينـي دريـول جـديـد..




1_ شنو أحسن مدرسة سواقه في الدوحة واللي تكون تكاليفها رخيصه ومايطول الهندي فيها وتعاملهم يكون مضبوط ؟!
2 _ بخصـوص الأقاامـه والفحـص ويـن أبدا وويـن أروح ؟!
( أول شي الفحـص ولا أسوي الأقامـة )

أتمنـى تـردون على اسـألتي

:shy:

[متداول عالمي]

بخصوص السؤال الاول ما عندي اجابه ان شاء الله الاعضاء يفيدونج
اجابة السؤال الثاني
اولا تودينه الفحص الطبي (( القمسيون ))
وبعدين البصمه
واخير تودين اوراقه للجوزات توسين له اقامه

[مزيون الدوحه]

بخصوص المدرسه ماعندي فكره
والاحسن تكون اقرب مدرسه لكم

وبخصوص الاجراءات
القمسيون
البصمه
وبعدين الاقامه

واذا تبي تريح راسك بعطيك رقم واحد ياخذ الدريول ويخلص
لك كل هالامور

وموفق ان شاء الله

[اسعاف]

السـلام عليـكم ورحمـة الله وبركــاتة


مسـاء الخيــر ،،


أأخواني و خواتـي بغيـت اسـأل كم سـؤال لكـم ،،
بخصـوص أن جاينـي دريـول جـديـد..




1_ شنو أحسن مدرسة سواقه في الدوحة واللي تكون تكاليفها رخيصه ومايطول الهندي فيها وتعاملهم يكون مضبوط ؟!
2 _ بخصـوص الأقاامـه والفحـص ويـن أبدا وويـن أروح ؟!
( أول شي الفحـص ولا أسوي الأقامـة )

أتمنـى تـردون على اسـألتي

:shy:

سجله في اقرب مدرسة للتعليم

وبعد ما ياخذ الليسن صوره وعطه الصورة وغلفهه له

ترى اذا استلم الأصلية ممكن يسوق لغيرك ويشرد

[سنطره]

احذري من اللي يدربة .....اخذي رقم جوال المدرب ووصية على الدريول كل ثلاث ايام اتصلي
لان المدربين ما يدربونهم زين وما يطلعونهم الشارع وايد عشان جذية يسقطون

[العلم الوكاد]

انا اشوف مدرسة الخبرة بأبو هامور ماعليهم كلام

انا مجربهم بس سعرهم اغلى من المدارس الثانية

وديت لهم دريول جديد عندي وعلى طول خذ الليسن

وبعدها شرد حسبي الله عليه

[بحر العذاب]

دخليه أي مدرسه ووصي المدرب عليه بـــــس لاتتوسطين له وحتى لو تعرفون حد
في المدرسه لاتتوسطون له خلوه يتعلم صح وحتى لو سقط مره أو مرتين أو عشره

وبخصوص الأجراءات

القومسيون

البصمه

الأقامه بعد ماياخذ الليسن

[جوال 11]

دخليه أي مدرسه ووصي المدرب عليه بـــــس لاتتوسطين له وحتى لو تعرفون حد
في المدرسه لاتتوسطون له خلوه يتعلم صح وحتى لو سقط مره أو مرتين أو عشره

وبخصوص الأجراءات

القومسيون

البصمه

الأقامه بعد ماياخذ الليسن

هذا الكلام الصحيح إذا نجح في أختبار السياقة اعملي له إقامه لأن بدون إقامة ممكن يتم تحويله لأي شخص محتاج له بدل السفر وتوفرين قيمة الأقامة

[باراكودا]

السلام عليكم
السوال الذي يطرح نفسه هل يستطيع أن يقدم فحص رخصة القيادة وهو ماعنده أقامه ؟

[khaleeji]

ولا يشوف الليسن ولا البطاقه الشخصيه

عشان لا احد يشغله اذا شرد

[نورالهدى]

صحيح بس القمسيون الطبي أول شيء ليكون فيه أمراض لاسمح الله
وبعدين المدرسة
وخلي الإقامة في الآخر
يعطيكم خيره ويبعد عنكم شره