يا لهوي الحقوني باطلق ام خماس !!!:shy:

[التركي]

يا لهوي الحقوني باطلق ام خماس !!!:shy:

تذكرت الماضي السعيد - والايام الجميلة- واستقبال ام خماس لي من العمل ،وابتسامتها- تقول اسنانها بتطيح - الله ! تذكرت مجاملتها لي، الله يذكر ايام زمان _ ايام الدلال ، ايش كبسة! والصبح بلاليط! ايش حب وحنان! ايش ادب !وبذوقك الطبخة الفلانية !وانا من الفرحة والوناسة ظروسي بتطيح :nice:،واقول في نفسي: الله يخلي اللي ام خماس ، ويصبرها علي وعلى العيال ، تعرفون العيال: :tease::nice:حمود وعووش وزلوخ ولا ننسى خماس في البحرين وتدريسهم ،حتى ان بعض عيالي يوم كانوا صغار يتكلمون قطري ،خبركم قطري شمال ، احسن من عيال الجيران كلامهم مكسر خبركم تربية ميريو .
حمود وزلوخ يحبون المحمر، وخماس يحب الهريس، عايشين عيشة خمس نجوم ،حتى ضرب جرس العنز، واقنعتني ام خماس انها تكمل مرحلة الدراسة الجامعية، وانهت دراستها ام خماس مثل العراوي على خط الرياض واسرع بعد ، وعملت عشا في الشيراتون على قولتهم عشا ارستقراطي،وطبعن محسوبكم اللي دفع ، والمهم اشتغلت ماكينة الديزل وحنت علي عشان الشغل، وفي النهاية اشتغلت ام خماس ،وطلبنا خدامة ثانية، واصبح ابو خماس وام خماس يعملون في الصباح عملا كادحا ،ويرجعون من العمل مع بعضهم تعبانين، يعني لو طارت ذبانة راحت فيها ،خاصة تعرفون ام خماس والنسوان بطبيعتهم ما يتحملون اعباء العمل ،بصراحة بعد فترة وجيزة قامت ام خماس تهتم بنفسها عشان العمل ،وبعدها شعرت ام خماس بالراتب واصبحت امراة حديدية:spider: ،واستغنائها عني واضح ،واصبح حمود وعووش وزلوخ وخماس ابناء الخادمة الجديدة،
انا اريد حلا !

[OTOsan]

يمكن يبيلها شوية تفاهم يا التركي :)

انا اشوف المعادلة صعبة شوي .. وتحتاج لخبراء اكثر مني درايه بهالامور ،،

يعطيك العافيه ،،

[هدوء الصباح]

ابو خماس اعتقد انك تبالغ شوي..
يمكن عشانها جديدة على الشغل:nice:
تفاهم معاهم وكلمها بصراحة ولا تشد عليها(خذها بحنانك):victory:

[الرويـس]

تعوذ من ابليس :(

[بـــــــنت النوخـّــــذه]

يقول المثل يالتركي :

الفرس من خيالها، والمرة من رجالها ^_*

[technical]

كلن يقدم اللي يبيه , صلى الله عليه وسلم يوم قالوا له امهات المؤمنين زيدنا فلوس جاهم الرد من ربه وربهم

(يَا أَيُّهَا النَّبِيُّ قُل لِّأَزْوَاجِكَ إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلًا , وَإِن كُنتُنَّ تُرِدْنَ اللَّهَ وَرَسُولَهُ وَالدَّارَ الْآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْرًا عَظِيمًا )

ففي ناس تقدم الشغل والمعاش فوق واجبهم صوب زوجهم وعيالهم . وانتظار هؤلاء لا ينتهي الا عند تقاعدهم من حياه العمل في الشركات أو الهيئات الحكوميه
.

[s o s o]

زين الحين انت ماذكرت اسباب الطلاق ؟

اللي ذكرته امور عاديه تصير في كل بيت

عادي الزوجه تشتغل وتستعين بالخدم وعلى فكره في زوجات مايشتغلون وعندهم بدال الخدامه 2و3 فهذه مش قاعده يعني .

وصدقني اخوي الكريم الطلاق بيحل مشكله انت متضايق منها حاليا ويمكن هالمشكله انت تشوفها كبيره وعظيمه ولكنه (الطلاق) بينتج عنه مشاكل اكبر تهون قدامها اي مشكله من اللي تعانيها الان .

الخلاصه :

نصيحتي لك اخوي الكريم
انك تاخذ ام خماس وتسافرون لمده يومين العمره والااي مكان بشرط تسافرون انتو الاثنين بس بدون يهال اوغيرو ..وتقعدون مع بعض وتكلمها عن اللي تشعر فيه من ضيق وتحاول تذكرها بحياتكم قبل كيف كانت وحاول انت وياها توازنون الامور وترتبون حياتكم وتخلون لكم جدول اسبوعي على سبيل المثال يوم في الاسبوع يكون تطلع فيه مع اسرتك ترحون تتعشون اوتتغدون بره ..يوم لك انت وام خماس بس تتطلعون فيه مع بعض مع هديه بسيطه منك مب شرط كل مره على كلمه حلوه على اعطائها الشعور الكامل بانك مستقر الامان لها ولااسرتها وانكم اساس هالاسره ..يوم في الاسبوع تزورون اسرتها وايوم في الاسبوع اسرتك وهكذا خلو جدولكم وحياتكم اكثر ترتيبا وفيها تعاون منك ومنها ..والله يوفقكم ان شاء الله

وصدقني اذا الزوجه كان اعتمادها فقط على الزوج مادي فقط فااكيد هذا الاعتماد راح يزول مع تأمينها للجانب المادي ..لذلك خلي اعتمادها عليك يكون كلي خليها تشعر انك واسرتها ماشي ابدا ينفع يكون بديل عنكم
والله يبعد الشيطان ان شاء الله ويهدي النفوس

[التركي]

بعد الراتب اصبحت امراة حديدية ؟

اشعر اني يتيم .

[مطيع الله]

تزوج،
الحل الوحيددددددددد،
والله مالك أمل غيره،
حالتك صعبة، يا أخي،
وهي بعد أن كنا لا نسمع بها،
كثرت،
حتى صارت عامة،

تزوج وادعو لي،

[ظبيــღــه]

صارحها....

[hemoud123]

اشعر اني يتيم .
شعورك هذا بيوديك في داهيه

[شموخ وبس]

هههههه انسى ام خماس قول باربيتي 0000 الظاهر انت جاف وياها والا شلي يخليها تقلب عليك
0000اخاف اتهدك وتجوف واحد غيرك ماخرعك في حريم سووها يوم اشتغلوا شاتوا رياييلهم
لان في البدايه مافي حب والا المره تتمسك بحبها اذا كان اصلي هاي وجهة نظر

[الضمير الحي]

هههههه انسى ام خماس قول باربيتي 0000 الظاهر انت جاف وياها والا شلي يخليها تقلب عليك
0000اخاف اتهدك وتجوف واحد غيرك ماخرعك في حريم سووها يوم اشتغلوا شاتوا رياييلهم
لان في البدايه مافي حب والا المره تتمسك بحبها اذا كان اصلي هاي وجهة نظر

الله يسامحك او يسامحج هاي رد اتقولينه ؟؟؟؟؟؟؟؟؟
وش الي تشوط رجلها ليش وين عايشين بامريكا ؟؟؟؟؟؟؟؟؟؟؟:eek5::eek5:

[نورالهدى]

الحين لازم المواجهه والصراحه
هذي امور مصيريه
واللي متعبك قولها عليه وحاورها
واوجدوا حل يرضي الطرفين
والا قولنا بصراحه الموضوع الشغل بس
والا انت طفل كبير متعلق فيها وشايف اهتمامها انصب في مكان ثاني الا وهو العمل
نبهها
يبدو انكم متحابين
والله يديم المحبه بينكم

[ام السعف]

تزوج عليها و حدة مطلقة و بط جبدها :tooth:

[صوت الضمير]

أخوي لازم تقعد معها جلسة صراحة

وقلها اللي بخاطرك .. وصدقيني أنا أعرف الحريم عدل

راح تتغير ..يبدو إنها أنشغلت قليلا عنك مع العمل.. لكن انت لازم تكلمها

وتعطيها فرصة إنها تهتم أكثر فيك..بحيث توافق بين العمل والبيت؟

والله يوفقك أخوي

[طلعة الروح]

زوجتك صارت امرأة حديدية طيب ليش زعلان اخوي؟؟ يعني لازم الوحده تكون ضعيفه ومنكسره وتتلزق بثوب ريلها مثل القطوه عشان تحسون بقوتكم يالريايل بصراحه هاي منطق الرجال الضعيف المب واثق من نفسه مع احترامي الحياه الزوجيه فيها امور واتجاهات كثيره وين راح الحب والتفاهم والتعاطف بينكم...

ماشوف في مشكله لو الوحده اشتغلت واستقلت ماديا بالعكس ميزه حلوه وتنضاف لها ولك ولعيالكم ولو انت ناقصك اهتمام عاطفي ونفسي من ناحية زوجتك لازم تناقشها بالموضوع وتتفاهمون مثل ما اذكروا الاخوان ومع الايام انت بتعود وهي بتعود عالوضع الجديد بس انه توصل لمرحلة الطلاق قرار غير سليم وغير مسؤول....

الله يوفقكم..

[هبة ريح]

الحمدالله والشكر الرجال صاروا يدورون الزله على الحريم بس عشان يطلقون صار الطلاق مووضوع عادي طلق وتزوج وحده ثانية (( بنات الناس لعبه)) حسباله الحريم نفس قبل بس قاعده ومقابلته ومقابله العيال ماتبي تشوف نفسها بعد الحمدالله اشكر مرتك ماقصرت معاك ولاراح تقصر ومافي سبب يستحق انك اطلق تعوذ من الشيطان ياخوي
ودير بالك على بيتك ومرتك وعيالك محد راح ينفعك العيال مصيرهم بيكبرون بعد وبيدرسون و و و ..... احمد ربك لاتجيك وحده اخس واخس ذيك الساعه بتعرف قيمة ام خماس

[التركي]

زوجتك صارت امرأة حديدية طيب ليش زعلان اخوي؟؟ يعني لازم الوحده تكون ضعيفه ومنكسره وتتلزق بثوب ريلها مثل القطوه عشان تحسون بقوتكم يالريايل بصراحه هاي منطق الرجال الضعيف المب واثق من نفسه مع احترامي الحياه الزوجيه فيها امور واتجاهات كثيره وين راح الحب والتفاهم والتعاطف بينكم

انا مادري , لكن الوحده لما تسيطر على زوجها , النسوان يقولون زوجه يحبه- , تغيرت الدنيا , النسوان

اصبحوا


لهم السلطة , الانوثة ذهبت مع الريح , اصبحوا حديد !! راحت الايام الجميلة , ايام الحياء !!

[STAR]

استغرب من بعض الاراء...:rolleyes2:

عالعموم اخوي.. الحل الامثل المصارحة.. ليش ماتصارحها وتقولها اللي بقلبك..

ذكرها بأيام الحلوة الماضية...:shy: ذكرها شنو كانت تسوي وشنو اللحين ماتسوي..

صدقني بالكلمة الطيبة راح تقدر ترجعها مثل قبل....

لا تقولي ماراح تتأثر صدقني باسلوبك راح تقدر...:secret:

بالتوفيق

[..الاميرة..]

بعد الراتب اصبحت امراة حديدية ؟

اشعر اني يتيم .


لا تصدق هالكلام لا مرأه حديدية ولا ما يحزنون ..

المرأه ما لها إلا ريلها وبيتها ..

بعدين خل الحوار دايم يكون بينكم .. والكلام الطيب صدقني له تأثير كبير في النفس ..

اقعد معها قعده وديه خذ بالي بخاطرها وقول إلي بخاطرك ..

وصدقني كل شي باللين والطيب بيمشي .. لكن بإسلوب الأمر بالقوه والعناد إتعقد الامور أكثر ..

يعني لحد يتهور .. والله يهدي سركم ..