خدمة بنكية مع وقف التنفيذ

[بويوسف]

تفاجأت عند ذهابي الى احد البنوك الاسلامية وذلك لاستلامي دفتر الشيكات بأنه قد تم اتلافه وذلك لانه قد تجاوز الـ عشر ايام ؟ وكنت قد ذهبت لاستلامه بعد اسبوعين من طلب تقديمي للدفتر ..

طبعا قيمة الدفتر عشرة ريالات وطلب مني الموظف في حال رغبتي اصدار دفتر ثاني بأن لا اتجاوز العشر ايام والا سيتم اتلافه مع اخذ عشرة ريالات اخرى !!

السؤال الذي يطرح نفسه

1- هل لدى المصرف المركزي علم بهذه الاجراءات الجديدة ؟ حيث كان سابقا يتم ارسال الشيك الى المستفيد الى بريده وهو ما اخبرني به الموظف وقال لي حرفيا في حال عدم حضورك خلال اسبوع سيتم ارساله لك في البريد الخاص بك .

2- هل لدى البنوك الاخرى نفس النظام ؟ (وذلك لرغبتي في سحب الرصيد وتحويله الى بنك اخر) .

3- استفساري لأدارة البنك هل هذه هي خدمة العملاء المتميزة التي يجب ان تقدم للعملاء ؟ ام انها دكتاتورية واسلوب لي ذراع .

بالنهاية نتمنى ان تقدم البنوك في قطر وخصوصا ذات الصبغة الاسلامية والدولية خدمات متميزة والاهم ان تحترم العملاء وتقدرهم .. وليس العكس .

[ANONYMOUS]

غريبه.. بس ايش مبررهم عشان يتلفونه..

ماسمعوا عن شي اسمه بريد مسجل..

[بويوسف]

غريبه.. بس ايش مبررهم عشان يتلفونه..

ماسمعوا عن شي اسمه بريد مسجل..

والله يا انينوماس هذا اللي صار .. قهرني وقلت له مابغي دفتر شيكات .. خلاص بسحب حسابي الجاري والتوفير من عندكم ..

صارت مش خدمة صارت لي ذراع وعنجهية ..

[ANONYMOUS]

والله يا انينوماس هذا اللي صار .. قهرني وقلت له مابغي دفتر شيكات .. خلاص بسحب حسابي الجاري والتوفير من عندكم ..

صارت مش خدمة صارت لي ذراع وعنجهية ..


مادري انت في بنك.. بس اخبر المصرف.. لو بتسحب اقل من 10 الاف ريال.. ياخذون رسوم يمكن عشر او شي من هالقبيل.. لانك من البطاقه تقدر تسحب لحد 10 الاف ريال في اليوم..

تصدق عاد عندي دفتر شيكات من 10 سنين طلعته ولا استخدمته..

اخاف مدة صلاحيته انتهت

اللي اقصده.. اذا انت مش محتاج هالدفتر.. بلاش منه

[بويوسف]

والله احتاجه بعض الاوقات .. الله المستعان .

[hamoor4ever]

سبق اني عانيت من بنك أخر بمشكله شبيهه واخبرني ان كرتي الخاص تم اتلافه خلال شهر تقريبا مع علمي ان الاجراء السابق كان يتم الانتظار على العميل لمده 3 شهور او الاتصال به على اقل تقدير ولم تنفعني الشكوى عليهم ، اما اتلاف دفتر الشيكات خلال 10 ايام هاذي جديده علي ، على الاقل كان يجب الاتصال على العميل لكن اعتقد ان البنوك حاليا اصبحت من دون رقيب او حسيب ولن تجد حل أخر الا التقديم على طلب جديد لان سياسه لي الذراع انتقلت عدواها مؤخرا للبنوك والمؤسسات ايضا

الله يعينك :)

[عضو المنتدى]

شيكات المصرف الأسلامي لازم ( تتصدق ) على التوقيع حتى لو أنت تبغي تسحب من رصيدك .

و موظف المصرف يتعمد بالتشكيك على توقعك حتى لو ظهرت له البطاقة الشخصيه .

والتصديق على الشيك ب 10 ريال ! أمر أجباري وسالفه صايره مهزلة !

[omega]

... عيني عينك

[hamoor4ever]

شيكات المصرف الأسلامي لازم ( تتصدق ) على التوقيع حتى لو أنت تبغي تسحب من رصيدك .

و موظف المصرف يتعمد بالتشكيك على توقعك حتى لو ظهرت له البطاقة الشخصيه .

والتصديق على الشيك ب 10 ريال ! أمر أجباري وسالفه صايره مهزلة !

الظاهر البنوك عقب ماعطاهم المركزي صلاحيه رفع الفايده وماكفاهم دعم الدوله لهم ، حلت لهم فكره استغلال الزبائن بحركات وشروط جديده ومختلفه صحيح والله الوضع صار مهزله

[مرتبش]

الصراحة البنوك من عقب الأزمة وهي تتنافس في غش وخداع العميل بطرق ما سمعنا فيها ولا فكرنا فيها..

المهم الرسوم..

سؤال؟ ليش البنك ما قال لك يوم طلبت دفتر الشيكات؟ وليش ما بعثوه بالبريد؟

ليش العشر ريالات؟ اول كان بلاش ..
البنوك ربحانة مليارات وخسرانه تطرش دفتر الشيكات في البريد؟ رسالة مسجلة بخمس ربيات

[ahmed jasim]

لولا تدخل الحكومة بدفع 15 مليار للبنوك لشراء القروض العقارية كان بتشوفون الويل

بالنسبة للسؤال
البنوك عندنا نوعين
بنك يعطيك خدمة مقابل رسوم
وبنك يأخذ رسوم لأن غيره يأخذ رسوم

[نورالهدى]

الله المعين
البنوك
شر لابد منه

[بويوسف]

الصراحة البنوك من عقب الأزمة وهي تتنافس في غش وخداع العميل بطرق ما سمعنا فيها ولا فكرنا فيها..

المهم الرسوم..

سؤال؟ ليش البنك ما قال لك يوم طلبت دفتر الشيكات؟ وليش ما بعثوه بالبريد؟

ليش العشر ريالات؟ اول كان بلاش ..
البنوك ربحانة مليارات وخسرانه تطرش دفتر الشيكات في البريد؟ رسالة مسجلة بخمس ربيات

مش المشكلة بالعشر ريالات اللي اصلا خذوها غصب .. ! ولكن في اسلوب التعامل مع العميل واتلاف الدفتر بعد عشر ايام بالتمام والكمال من عدم حظور العميل ..

هل هذا اسلوب بنك من اكبر البنوك الاسلامية في قطر ؟

[كاريرا]

والله حاجه غريبه:(

عي شتقول عن بنك اسلامي طلبت منه يحول مخصصاتي على بنك امريكي قالي طرش لنا صوره من البطاقه الشخصيه وصوره من الجواز وكتاب رسمي مع توقيعك بالفاكس.

^قلنا معليه وسوينا المطلوب

عقب قالولي لا

لازم تجي انت واتوقع:eek5:

^يعني معقوله بركب طياره وبقبظ خط يوم كامل عشان اوقع وعقب اركب طياره واعود!!

>باقي البنوك الي هنا كل شي اونلاين ماشفت وجيه موظفي البنك الى يوم فتحت الحساب

والبنوك القطريه كل شي تعال و وقع!!

بطاقتي البنكيه القطريه قتلهم ابعثوها لي بالبريد عالفيديكس ولا غيره وعلى حسابي ارفضو

^قالو ممنوع

كل شي ممنوع عندهم

>ذكروني ببنوك الدول الشيوعيه

الله يعينك ويصبرك يابويوسف فالأخير انشالله ربي بيجزاك خير على هالصبر

[بويوسف]

والله حاجه غريبه:(

عي شتقول عن بنك اسلامي طلبت منه يحول مخصصاتي على بنك امريكي قالي طرش لنا صوره من البطاقه الشخصيه وصوره من الجواز وكتاب رسمي مع توقيعك بالفاكس.

^قلنا معليه وسوينا المطلوب

عقب قالولي لا

لازم تجي انت واتوقع:eek5:

^يعني معقوله بركب طياره وبقبظ خط يوم كامل عشان اوقع وعقب اركب طياره واعود!!

>باقي البنوك الي هنا كل شي اونلاين ماشفت وجيه موظفي البنك الى يوم فتحت الحساب

والبنوك القطريه كل شي تعال و وقع!!

بطاقتي البنكيه القطريه قتلهم ابعثوها لي بالبريد عالفيديكس ولا غيره وعلى حسابي ارفضو

^قالو ممنوع

كل شي ممنوع عندهم

>ذكروني ببنوك الدول الشيوعيه

الله يعينك ويصبرك يابويوسف فالأخير انشالله ربي بيجزاك خير على هالصبر


تخلف :eek5:

ذكرتني في حال بعض الجهات في العمل .. كنا نقول لهم بنرسل لكم ايميل بطلباتنا (مشتريات واحتياجات الادارة) طبعا باسم المدير ورئيس القسم .. يقولون لنا لا لازم كتاب .. ياجماعة مستعجلين والايميل الرسمي مثل الكتاب الرسمي موثق انه من فلان .. بالعكس بيكون محفوظ ومأرشف بطريقة افضل من الكتاب العادي ..

لكن شتسوي في العقول اللي مش راضية تتطور يا نمبر 3 :secret:

انه ودي اشتكي على هالبنك انه ماعنده مواقف للعملاء ولاني كم مرة امر صوبه وابغي انزل ومالقى موقف ابدا .. !

[بويوسف]

بعدين هالبنك الموظفين مايبتسمون ابدا :) مادري ليش .. الظاهر محتاجين دورات في خدمة العملاء .

[بويوسف]

لولا تدخل الحكومة بدفع 15 مليار للبنوك لشراء القروض العقارية كان بتشوفون الويل

بالنسبة للسؤال
البنوك عندنا نوعين
بنك يعطيك خدمة مقابل رسوم
وبنك يأخذ رسوم لأن غيره يأخذ رسوم

15 مليار ومش فايدة فيهم .. الله يستر بس ..

على قولتك بنك باخذ رسوم بدون خدمة .. وبنك العملاء مش مستفيدين منه الا الخساير .. مب كأنهم يستفيدون من فلوسنا ويتاجرون فيها ..

[كاريرا]

تخلف :eek5:

ذكرتني في حال بعض الجهات في العمل .. كنا نقول لهم بنرسل لكم ايميل بطلباتنا (مشتريات واحتياجات الادارة) طبعا باسم المدير ورئيس القسم .. يقولون لنا لا لازم كتاب .. ياجماعة مستعجلين والايميل الرسمي مثل الكتاب الرسمي موثق انه من فلان .. بالعكس بيكون محفوظ ومأرشف بطريقة افضل من الكتاب العادي ..

لكن شتسوي في العقول اللي مش راضية تتطور يا نمبر 3 :secret:

انه ودي اشتكي على هالبنك انه ماعنده مواقف للعملاء ولاني كم مرة امر صوبه وابغي انزل ومالقى موقف ابدا .. !

تبي الصج يابويوسف ترى حن القطريين مقصريين من قلب

يعني ليه مانسوي صفحه عالفايس بوك تبدي امتعاضنا من البنك الفلاني
انسميها صفحة مقاطعة البنك الفلاني ونعلن اسبابنا

ليه مانسوي موقع الكتروني لجمع تواقيع ضد هالبنك عشان نرغمه يغير معاملته

>لكن من سوى من نفسه سبوس ....:(

المشكله فكرة التضامن الشعبي مهب موجوده عندنا

معني شخصياً اراهن انه لو ٧٠ قطري تضامنو بين ١٠ اغنيا وباقي عاديين

راح يسون زلزال فالاداره المقصوده وبيغصبونها غصب تحترمهم وتحترم طلباتهم

>فكرة التضامن مغيبه مع أنه تواجدها فالواقع يقدر يفرض اشيا كثيره

>يعني لو اي قطري فرضياً صاده شي الله لا يقول

ومن بدال مانقعد نتكلم عالفاضي سوينا صفحه لدعمه وجمعنا فلوس له

بناخذ اجر وبنحل مشكلة الرجال

وبنحرج المسؤولين نره وحده

يعني ٣ عصافير بحجر

--

بس عرفت البنك اكيد الفرع الي جنب الفاميلي فود سنتر!

^دوم زحمه اقبظله خط من قلب العين وآخرتها مافي مواقف:(

[بويوسف]

نمبر 3 انت قاعد في امريكا وافكارك امريكية .. ياليت نقدر نسوي شي .. خايف عليك تجي قطر ويصيدك ذبول من هالافكار الحلوة .. احيانا تحس انه مافي فايدة ولكن ان تشعل شمعة خير من ان تلعن الظلام .. ياكثر ما اشعلنا الشموع في بلادنا والحمدلله ..