شرايكم في الهمر Hummer H3 ?

[الرايــق]

السلام عليكم

شرايكم يا شباب في الهمر H3

نفس اللي فالصورة ؟


http://pictures.topspeed.com/IMG/crop/200807/hummer-h3-sensation_460x0w.jpg


حد عنده فكرة عن الاسعار وقطع الغيار

تنصحوني فيه ولا لا ؟؟

ومشكووررين


.

[الوسيط العقاري]

نصيحة أخو لوجه الله لاتشتري هالموتر

لانه بيطيح في جبدك ؟ موتر مايمشي

واذا جيت تبي اتبيعه انسى ..

[ولد الانصاري]

مرحبا اخوي

انا مع اخوي السهم الطايح .. بالنسبة للبيع

انا جربت الموتر كاستعمال وقوة تحمل... ما عليه كلام..

قطع غيار ارخص من التويوتا ...

لاني جربت التويوتا وجربت الهمر..

موتر يتحمل ... واذا عن الاستعمال.. والله اني ما حشمت الموتر (شيل + سايدات + تطير في سيليين )

والموتر ما كان يشتكي والحمد لله..

والسفايف كل سنه تبدلها..

واسمح لي طولت عليك..

والله يوفقك..

[بن درويش]

موتر زين وحلو ويستحمل كلشي بس عيبه انه بطي مايمشي وسعره يطيح عند البيع
والله يوفق

[العودي V.X.R]

انا من وجهة نظري ...... ها الموتر لو يشيلون الكراسي والطبلون ويخلون فاظي ... ويقلبونه قفص للحمام ابرك .... دابشه شبيلي ... اخوي فكر بموتر يعزك ويرزك ...

تحياتي ......؟

[بو عيسى]

والله اخوي ماانصحك بالموتر لاني احس انه مش عملي هذا من وجهة نظري والله يوفقك انشالله

[حمد]

اذا على السرعة .... ترى نزل 2010 مكينته 5.3 وبعد 8 سلندير
يعني مكينة اليوكون .... يعني اسرع من الكروزر باختلاف انواعه

طبعا في نوعين من المكاين 8 سلندر هذي الجديده وفي 5 سلندر القديمة ...

[بواردي]

عندي فوجي fj
وبعته

والحين ادور لي اتش 3

الهمر له كاريزما خاصة

وانا جربته موتر حلو و رزة
بس الاتش 2 ثقيل وعود

الفوجي جلف وخشن

وبالنسبة للسيرفس

عندنا جمس واعتقد نفس الوكالة الخدمة اعطيها 9 من 10

اما التيوتا اعطيهم 1 من عشرة كثير عليهم

[G0LD]

اذا ناوي على الهمر عليك با إتش 2 هو الهمر لكن اتش 3 احسه مبهمر وبعدين 5 سلندر

اسأل مجرب عليك بالهمر h2 قوه ومتانه ومرغوب وشكله طبعا ماعليه كلام


واخيرا لولا الأذواق لبارت السلع

وبالتوفيق

[بواردي]

اذا ناوي على الهمر عليك با إتش 2 هو الهمر لكن اتش 3 احسه مبهمر وبعدين 5 سلندر

اسأل مجرب عليك بالهمر h2 قوه ومتانه ومرغوب وشكله طبعا ماعليه كلام

واخيرا لولا الأذواق لبارت السلع

وبالتوفيق

هلا اخوي جولد

بس حبيت اجرب h2 في حد ياجره..؟
والله شكله رهيب وبالذات لي ركبت له تواير جبلية و رنقات نيكل

[زمن الغدر]

انا جربت النوعين فاشلين من حيث العزم السرعه
وبيعته تقولك دورني

[بواردي]

انا جربت النوعين فاشلين من حيث العزم السرعه
وبيعته تقولك دورني

والله مليت من التويوتا خلاص بنغير شوي

والناس اذواق
ولولا اختلاف الاذواق لبارة السلع

[جبر]

انا عندي اتش 3 موتر ريف مب وعر مثل باقي المواتر الفورويل بعدين الموتر رزه في الشارع ...لاكن على فكره مب انة 5 سلندر معناتها مايصرف بترول يصرف اكثر من 8 سلندر وهاي الشي الي مب عاجبني فية ..الموتر قومته ثقيلة ...قطع الغيار مب غالية

[hussam-ahmed]

صراحة سيارة ولا احلى انا استعملها من ثلاث سنين ..
وكالة محترمة و سيارة خشنة

[فقط قطر]

عليك بــــ Hummer H1

[simota uae]

الهمر بشكل عام زباله وما ينفع لا فالبيع ولا فالشرا خذلك جمس ولا شفر ابرك بالف مره اذا حاب امريكي
ونصيحتي لك toyota وبس

[BURBERRY]

همر سكرو مصنعها لان الشركه مفلسه

فالمستقبل يمكن ماتلقى قطع غيار

[AL_MUTAEM]

اخوي نصيحه h3 انا خذيته من الجميح شهر 11 04 بـ150 ريال سعودي كامل الزيادات واستخدمته 6 شهور وماخليت مكان مارحت فيه وبعته بـ148 ريال قطري يعني تقريبا كسبان فيه ^_*

بس المتعارف عليه او معظم الشباب بقطر مايحبون اللا التويوتا يعني اذا انت رغبان بالموتر اتمنى انك تجربه اول واذا اعجبك توكل على الله وللعلم قطع الغيار متوفره وباسعار حلوه .

[وحيد-الشوق]

نصيحة لاتشترية كفايه انه 5 سلندر ههههههههههه والله شيء يضحك موتر شكبر و5 سلندر

ولاتنسى الداخلية بايخه من قلب

دور واستخير بتلاقي سيارات كثيره بنفس سعرها وافضل بعد

:)