من أوراقي .. رومانسية كاذبة !

[بويوسف]

- قول لي احبج ..
- احبج ..

تفر حواجبها وتقزه بعصبية ..

- قول لي كلمة حلوة ..
- يعني مثل اش ؟
- مادري اي شي حلو ..
- حلوى ورهش .. !
- شفيهم ؟ شريت لنا حلوى ورهش ؟
- لا هذيلا شي حلو ..

- انت ماتحبني ..
- بلا احبج .. من قال لج ماحبج ..
- ماتقول لي كلام حلو ..
- ليش شالمناسبة اقول كلام حلو ..
- عشانك تحبني لازم تقول لي كلام حلو ..
- صج ؟ اول مرة ادري ..

- ماتشوف مسلسلات تركية مدبلجة ؟
- لا ماشوف ..

تنهدت ..
- اااه انه اشوف .. ولوتشوف شلون الحب ؟
- وشلون صاير حبهم ؟
- كله كلام حلو ووناسة ..

- صج ؟ انزين هم عندهم عيال ؟
- ماتزوجوا يالذكي لي الحين !
- اي يعني مخطوبين .. سبب منطقي لسخونة الحب ..
اكيد ماشفتيهم ليما يتزوجون اكيد النهاية مأساوية ياحياتي ..

- اتفقوا على امور العرس ؟
- وانه شدراني اتفقوا والا ماتفقوا ..
- ماهو يا اما الرجال ابوه تاجر وماتهمه الفلوس .. يا اما اعراسهم رخيصة ؟
- اهم شي الرومانسية والوناسة ..

- الا بسألج ..
هم يمثلون والا من صجهم ؟
- لاطبعا يالذكي يمثلون ..
- عبالي ..
يدرون انهم يمثلون والا من صجهم ؟
- لاطبعا اكيد يدرون .. دام في تصوير وفي ديكور ..
- اها يعني قاعدين في استوديو تصوير
- اي اكيد ..

- انزين بسألج ..
- شتبي .. (معصبة) ..
- هم يمثلون ببلاش والا بفلوووس ..
- اكيد بفلوس همجة ووايد .. يعني تظن في حد يمثل ببلاش ..

- هممممم انزين انه بعطيج رومانسية كل يوم مثل ماتشوفينه واكثر .. جم تعطيني ؟

نظرة احتقار ... ثم تذهب وتتركه قبل ان تفقد اعصابها اكثر وأكثر .. !

الحقوق محفوظة ويمنع النقل الا باذن .

[مالي ومال الناس]

اسلوب رائع بالكتابه

ياليت تكمل يابو يوسف ولا تحرمنا جديدك :victory:

[بويوسف]

ياهلا اخوي رمز الوفاء ........... شكرا لك .... انشاءالله الجديد موجود :)

[Mozanee]

كل انسان يحتاج الكلمة الطيبة والرومانسية حلوة بين الازواج بس مب دوم وحلاتها تكون طبيعية ومب بالطلب لازم تكون طالعه من القلب ,,
يعطيك العافية على الاسلوب الشيق ,,

[البركان]

طرح راقى باسلوب شيق


عزالله يابويوسف انك جبتها صح

[meme~qatar]

ههههههه
يسلموا على الطرح الراقي

[بويوسف]

كل انسان يحتاج الكلمة الطيبة والرومانسية حلوة بين الازواج بس مب دوم وحلاتها تكون طبيعية ومب بالطلب لازم تكون طالعه من القلب ,,
يعطيك العافية على الاسلوب الشيق ,,

الله يعافيج موزاني .. صدقتي الحياة من غير حب ورومانسية ماتسوى . شاكر لج مرورج :)

[بويوسف]

طرح راقى باسلوب شيق


عزالله يابويوسف انك جبتها صح

ياهلا والله باخوي البركان .. الراقي هو كلامك العذب .. تسلم ياعزيزي :)

[بويوسف]

ههههههه
يسلموا على الطرح الراقي

الله يسلمج اختي meme-qatar :)

[هند88]

سيناريو حلو هههههههههههه

[بو شريم]

في غايه الروعه ولبيب في ايصال المعلومه

قريب من القلب ضحوك سمح المحيا

يحفظك الرحمن جميل ما ابدعت

واصل

ننتظر المزيد

موفق

[سداوي&مدريدي]

الله عليك يا بويوسف

أبدعت

عساك على القوة

[بنت ذياب]

ابدعت ياخوووي ..ههههههههههههه عجبني الحوار

زين بعد ماعصبت.. شصار؟؟ :omen2:

[بـــــــنت النوخـّــــذه]

والله محد خرب التفكير لدى البعض الا المسلسلات التركيه اهههههههههههههههه كلها تدور حول محور واحد وتناست باقي المحاور ^_^

[دريمز]

يسلموو ع الرومانسية الصريحة

[شجرة الدر]

اما صدقت المسلسلات التركية صج رومانسية كاذبه ،،

ماشاء الله عليك ابدعت ،،

يعطيك العافية ،،

[بويوسف]

سيناريو حلو هههههههههههه

اختي هند88 شكرا لمرورك ..

[بويوسف]

في غايه الروعه ولبيب في ايصال المعلومه

قريب من القلب ضحوك سمح المحيا

يحفظك الرحمن جميل ما ابدعت

واصل

ننتظر المزيد

موفق


بوشريم .. الله يعطيك العافية ويوفقك .. ما اقدر اجاري كلماتك الرقيقة والرائعة .. الله يحفظك يالغالي :)

[بويوسف]

الله عليك يا بويوسف

أبدعت

عساك على القوة

سداوي ومدريدي الابداع نتعلمه منكم يالغالي .. انه ضيفكم في الاستراحة ومشاركتي نقطة في بحر المشاركات الحلوة والموجودة منكم ..

تقبل تحيتي ..

[بويوسف]

ابدعت ياخوووي ..ههههههههههههه عجبني الحوار

زين بعد ماعصبت.. شصار؟؟ :omen2:

هلا بنت ذياب .. نثنج سابقا :) تسلمين على المرور الحلو ..

بعد ماعصبت راحت تنام وسكرت الليت .. وبس هههه

[بويوسف]

والله محد خرب التفكير لدى البعض الا المسلسلات التركيه اهههههههههههههههه كلها تدور حول محور واحد وتناست باقي المحاور ^_^

اتفق معاج جرعة الرومانسية كبيرة عندهم تخلي وتذوب الحجر ! بس بالنهاية مب صج ولا واقعية ..

[بويوسف]

يسلموو ع الرومانسية الصريحة

الله يسلمج اختي دريمز ..

[بويوسف]

اما صدقت المسلسلات التركية صج رومانسية كاذبه ،،

ماشاء الله عليك ابدعت ،،

يعطيك العافية ،،

تسلمين اختي على الكلام الحلو .. اعجبني اختيارك للنك نيم .. ياشجرة الدر .. والله يعافيج .

[تحداني]

.. جمعه مباركه على الجميع ..



الرجل دائما يبحث عن شئ يحرك مشاعره يريد كل ما يلفت انتباهه ..
ان كانت كلمات .. او عطاء ..
او موقف يهز كيان هذا الانسان ..



والمرأه تبحث دائما عن الكلمه " الرومانسيه " يكفيها ان تسمع فقط ..
لا يهم ان كان طلب منها ..
او جاءت عفويه من فم هذا الرجل ..




أحيانا أقول بيني وبين نفسي ..
ان كانت المرأه بتلك البساطه ..
لما لا يحاول الرجل كسبها .. لكي يكسب ماهو بعده ..




عطاء المرأه ان كان صادقا .. يثير جنون الرجل ..
لانه سيكون بلا حدود .. وان عاف الخاطر لديها .. سيكون ايضا بجنون ..




.. نعم نحب العفويه .. نحب البساطه ..
نحب الواقف التي تبين حجم الحب ..


لامانع ان نسمع سمفونيه رائعه ..
عندما ترغب الارواح بالاستمتاع ..



ولكن بصدق .. وبرغبه .. وليس بطلب .. والحاح .. وحنه وزنه .. وقتها تفقد لذتها ..





ان كان هذا غيض من فيض ..
فأكرمنا .. بالكثير منه سيدي الفاضل ..


ولا تخف على حقوق الكلمات من السرقه ..
فنحن في شبكه عنكبوتيه .. بلا ادراج ..
وبلا مفاتيح ..

يكفي السارق ان يظلل العباره الاخيره ..
ويضع مكانها .. غير قابل للسرقه .. :)



جملك الله برضى الرحمن

[بويوسف]

اختي تحداني الزمن كالعادة كلمات مختارة بعناية ومنسقة تنسيقا راقيا كصاحبته ... اعلم بانها كلمات موجودة في العالم العنكبوتي ويستطيع ايا كان ان يسرقها .. ولعلمي بأني لم اربح منها شيئا لامعنوى ولامادي ولكني اظن بأن حقي ان اطلب من ذوي الضمائر الحية عدم النقل الا عند الاستأذان .. والا فتظنين اني ارفض نقل خاطرتي البسيطة الى اي مكان ؟ طبعا لن ارفض .

تقبل تقديري وتحيتي لكِ .

[ROSE]

ههههههههههههههههه متنح هالزوج يبي له ضرب العصى

سيناريو عجيب وتسلسل رائع اخوي بويوسف

في انتظار جديدك

[عاشق الشهادة]

هههههههههههه ما اقدر :nice:

طرح رائع بإسلوب شيق يالغالي :)

[::Mo0on'hm::]

مبــــــــــــــــــــــــــــــــــــــــــــــــ ــدع

يسلمووكا

[بويوسف]

ههههههههههههههههه متنح هالزوج يبي له ضرب العصى

سيناريو عجيب وتسلسل رائع اخوي بويوسف

في انتظار جديدك

هلا اختنا الكبيرة روز .. (طبعا صغيرة بالعمر بس كبيرة بالادارة :shy:)

تعتقدين ان الزوج يبي له ضرب عصا والا الزوجة متأثرة بالمسلسلات التركية ؟ انه اقول اثنينهم يبغي لهم ضرب عصا شرايج :tease:

تسلمين على المرور الجميل .. شرفتينا ..

[بويوسف]

هههههههههههه ما اقدر :nice:

طرح رائع بإسلوب شيق يالغالي :)

هلا وغلا باخونا عاشق .. فنان المواضيع المتميزة والحصرية والمصورة .. انت ياعاشق من الناس اللي منتدانا كسبك بصراحة وبدون مجاملة ..

نورتنا ..

[بويوسف]

مبــــــــــــــــــــــــــــــــــــــــــــــــ ــدع

يسلمووكا

شكرا اختي .. مممممممممممون هم .. هل ترجمة الاسم معناه قمرهم بس بالمقلوب يعني بالانكليزي ؟ ماشالله صج تطور :secret:

الله يسلمج اختي :)

[فلفل حار]

حــلاة الرومانسيه تطلع من القلب بلا تصنـع ...:shy:

[بويوسف]

حــلاة الرومانسيه تطلع من القلب بلا تصنـع ...:shy:

يا ابو الرومانسية انت .. خصوصا انك فلفل حاااار .. صج نك حلو من وين جبته :nice:

[بوحارب]

يه يه يه بويوسف شالكلام الخطير ياخوي

من وين جايب سوالف الحبيبة ؟؟؟

اخبرك مال طابوق وبلاستر وهالسوالف الدفشة
واتار السالفة فيها حب وغزل ووو

والله مشكلة انت ^ ـ ^

الله يعطيك العافية على الموضوع الحلو

[فلفل حار]

يا ابو الرومانسية انت .. خصوصا انك فلفل حاااار .. صج نك حلو من وين جبته :nice:

العيـن ماتعـلى على الحاجـب يالطيب ههههههههه ;)


بخصوص النكـ ماعندي الآ حلالكـ الله يسلمكـ ... ^-*

[بويوسف]

يه يه يه بويوسف شالكلام الخطير ياخوي

من وين جايب سوالف الحبيبة ؟؟؟

اخبرك مال طابوق وبلاستر وهالسوالف الدفشة
واتار السالفة فيها حب وغزل ووو

والله مشكلة انت ^ ـ ^

الله يعطيك العافية على الموضوع الحلو


العيـن ماتعـلى على الحاجـب يالطيب ههههههههه ;)


بخصوص النكـ ماعندي الآ حلالكـ الله يسلمكـ ... ^-*


يسلم راعي الكرك ويسلم راعي الفلفل الحار .. :)

[شعنونة قطر]

حلوه


احم سويت نفسك بس ماابي احطه اخاف تقول سراقه :p

عالعموم الحوار اللي حطيته بعيد عن الحب
كتبت حوار عن العولمه خخخ مابي مابي احط :D

حوار حلو على انه بسيط بس ديب ثانكس اقين :؛

[OTOsan]

اشهالزين يابويوسف .. اشهالابداع :)


يعطيك العافيه .. اطلعت الرومانسيه اطلعت :)

[شيط ويط]

عاد لعبتي انا (الرومانسية) :shy:

يعطيك العافيه اخوي بويوسف على أوراقك الكاذبة والمنسية :nice: