تغير علينا وصار عنده سكرتارية ويتكلم من طرف خشمه

[عروة]

كان عندنا زميل مؤدب وحليو وكان من اوائل الناس الى نلجأ لهم في اي مشكلة تخص الادارة وكان له شخصية قوية ويحب يصلح بين اي متخاصمين ودائم كان يقول لنا محد بيسمع لكم من الادارة الا اذا كانت كلمتكم وحدة ومع التغيرات الى صارت تم ترشيح زميلنا علشان يكون هو مدير الادارة الجديد والجميع استبشر خيرا وخصوصا انه فاهم الشغل وعارف كل صغيرة وكبيرة وعارف من هو الى قد المسئولية ومن هو المتسيب

ولكن

المفاجأة انه زميلنا تغير علينا وصار عنده سكرتارية محد يتجاوزها بسهولة وبدون موعد علشان مايضيع وقته وصار يكلمنا من طرف خشمه بطريقة استفزازية وبدل مايسعى يحل مشاكلنا صار هو سبب للمشاكل والفرقة وحتى المعايير الى كان يقيس عليها الاشخاص ايام ماكان موظف تغيرت بعد ماصار مدير

فهل
المنصب ممكن يغير الناس لهذي الدرجة؟
وهل الكرسي مسكون بروح غريبة تتلبس اي حد يقعد عليه؟
وليش الواحد لما يصير مدير تتغير نبرة كلامه ويصير كنه راديو خربان؟

وسلامتكم

[ودي أكون]

التغيير يكون في حالتين :

الحاله الاولى : المنصب عطاه غرور وتكبر صعب ان الواحد يقدر يتكلم معاه اللحين .. الا اذا نزلتوا عمركم له .. وهالفئه من الناس اتغرهم الفلوس والمناصب .. وبعد مايروح منهم هالمنصب يرجعون مثل ماكانوا للاسف بعد شو !!

الحاله الثانيه : ناس تتغير لان المنصب نفسه يطلب منه هالحزم والرسميه .. وهالناس معذورة .. لكنهم ع رغم منصبهم وحزمهم الا انهم يخدمون في حالات بسيطه ..

فالله يعينكم اخوي .. ونتمنى الحاله اللي عندكم اتكون من الحاله الثانيه ... او الغرور والنفس اللي صاده يكون مؤقت عالاقل ..

لان لازم يعرف .. ان ماصار على هالمنصب الا بسببكم وسبب توحدكم مع بعض .. وان انتو تقدر تتوحدون مره ثانيه واتشلون عنه المنصب ..

لعلمه :)

[tulepq]

سبحان الله .. كأنك تتكلم عن شخص كاااااااااااااااااااااااان بنفس هالصفات ..

وعقب ما تمكن سد بابه في وجه العالم وقال : ما همني شي دام المركب تمشي ودرجاتي ..

إييييه الله يرحم يوم كان عند الزاويه والكل يدعي له .. خلها على الله يوم إكتشفنا إن إخوانا العرب يجون المسا وهم اللي كانوا يسوون الشغل ..


بس بقولك شغله وحده : اللي معدنه طيب وأصيييييييييل عمر المناصب ما تغيره .. ولا تخليه يشوف عمره على الناس .. لأن بكره لو طاح ما تسوى عليه ترا الفشيله والشماته .. اللهم لا شماته

[رجل الجزيرة]

طيب ويش رأيكم:

إذا شد على الموظفين فقالوا عنه شايف نفسه، وإذا تهاون معاهم وساعدهم أكثر من اللازم قالوا عنه مسكين هذا المدير حن نقص عليه.

[المبرمج صلاح]

لا حول ولا قوة الا بالله

[راحيل]

كان عندنا زميل مؤدب وحليو وكان من اوائل الناس الى نلجأ لهم في اي مشكلة تخص الادارة وكان له شخصية قوية ويحب يصلح بين اي متخاصمين ودائم كان يقول لنا محد بيسمع لكم من الادارة الا اذا كانت كلمتكم وحدة ومع التغيرات الى صارت تم ترشيح زميلنا علشان يكون هو مدير الادارة الجديد والجميع استبشر خيرا وخصوصا انه فاهم الشغل وعارف كل صغيرة وكبيرة وعارف من هو الى قد المسئولية ومن هو المتسيب

ولكن

المفاجأة انه زميلنا تغير علينا وصار عنده سكرتارية محد يتجاوزها بسهولة وبدون موعد علشان مايضيع وقته وصار يكلمنا من طرف خشمه بطريقة استفزازية وبدل مايسعى يحل مشاكلنا صار هو سبب للمشاكل والفرقة وحتى المعايير الى كان يقيس عليها الاشخاص ايام ماكان موظف تغيرت بعد ماصار مدير

فهل
المنصب ممكن يغير الناس لهذي الدرجة؟
وهل الكرسي مسكون بروح غريبة تتلبس اي حد يقعد عليه؟
وليش الواحد لما يصير مدير تتغير نبرة كلامه ويصير كنه راديو خربان؟

وسلامتكم


ما تكبر الا السمادة :thumbdown:

الشخص الواثق من نفسه ما يكبر بالمنصب

[عروة]

التغيير يكون في حالتين :

الحاله الاولى : المنصب عطاه غرور وتكبر صعب ان الواحد يقدر يتكلم معاه اللحين .. الا اذا نزلتوا عمركم له .. وهالفئه من الناس اتغرهم الفلوس والمناصب .. وبعد مايروح منهم هالمنصب يرجعون مثل ماكانوا للاسف بعد شو !!

الحاله الثانيه : ناس تتغير لان المنصب نفسه يطلب منه هالحزم والرسميه .. وهالناس معذورة .. لكنهم ع رغم منصبهم وحزمهم الا انهم يخدمون في حالات بسيطه ..

فالله يعينكم اخوي .. ونتمنى الحاله اللي عندكم اتكون من الحاله الثانيه ... او الغرور والنفس اللي صاده يكون مؤقت عالاقل ..

لان لازم يعرف .. ان ماصار على هالمنصب الا بسببكم وسبب توحدكم مع بعض .. وان انتو تقدر تتوحدون مره ثانيه واتشلون عنه المنصب ..

لعلمه :)

لعلمه , ولعلمنا المفروض لو كان المنصب يتطلب الحزم والرسمية يفهم الموظفين هذا الشيء اما انه يسكر باب مكتبة ويحاول يرسم له شخصية جديدة مرة وحدة هنا اتوقع نرجع للحالة الاولى والله يشافي كل الى صادهم هالمرض وشاكر لك المشاركة الجميلة

[شبح الصمت]

كرسي الحلاق دوار يأخوك
هذا لأنه أنسان مريض ويحسب أنه يوم كان معاكم وبينكم وحاليا ماسك منصب أنه كل شخــص بيحاول يتقرب منه أو يستغله في شيء ففي هذه الحالة يحاول أنه يبتعد ويبرز شخصيته من وراء الطاوله ..
وبذكرك هذا وقتــه مش طويل في الكرسي وبتشوف
وأنا مع كلام أختــي ودي أكون

[البدع]

وليش ماتقولون تغير لان الناس غيروه

تلاقيه يسوي خير وانتوا اذييوه

هذي شفته بنفسي

موظف يسوي خير .. وماشاف الا الاذية

تغير وصار طبعه قاس

وبعدها الناس مشوا على الصراط المستقيم معاه

[ريم المدينة]

^^
:victory::victory:

[نورالهدى]

الله يهدينا جميعا
من تواضع لله رفعه
مش المفروض المركز يغير مهما كان
تعاملنا مع أرقى الشخصيات وفي قمة التواضع
ولو فرضنا انه موقفه بناءا على مواقف تمت
هذا ليس مبرر
الإنسان المفروض يتعامل بالحكمة وليس بالتكبر
للأسف هذا مرض
أعوذ بالله منه

[الكونجرس]

مالت على هالبني ادم الي تغيره المناصب مصيره خارج الاداره