بلاك بيري "هلا" متوفر للجميع الآن في دولة قطر

[احب قطر]

الخدمة مسبقة الدفع توفر قوة الأداء والخيارات المتعددة للجميع عن طريق البلاك بيري

الدوحة، قطر

أعلنت كيوتل اليوم عن استمرارها في تطوير خدمة البلاك بيري في قطر من خلال إطلاق خدمة البلاك بيري هلا ، والتي تتيح لعملاء خدمة هلا الاستمتاع بخدمات البلاك بيري لأول مرة.

وفي إطار الاحتفال بالخدمة الجديدة، تطلق كيوتل عرضاً لتفعيل الخدمة مقابل 100 ريال قطري فقط مع إيجار للخدمة البلاك بيري مجاناُ لمدة شهرين.

حيث تقدم كيوتل خدمات البلاك بيري في دولة قطر منذ أكثر من عامين، مدعومة بأفضل شبكة اتصالات وأكثر الخيارات لسرعة الانترنت. ويوفر إطلاق هلا للبلاك بيري خيارات أكثر ومرونة أكبر في السوق، وذلك لاتاحة الفرصة للجميع لاستخدام البلاك بيري في أي وقت.

وتبين الدراسات التي قامت بها كيوتل أن فئة الشباب ترى أن استخدامهم للبلاك بيري ومايقدمه من حلول مفيدة لتصفح مواقع الشبكات الاجتماعية والدردشة وسيكون ذلك أفضل مع خدمة هلا مسبقة الدفع.

ويقول دكتور ناصر معرفية، الرئيس التنفيذي لكيوتل: "قمنا في كيوتل باطلاق العديد من المبادرات الخاصة بالبلاك بيري بفضل امتلاكنا لبنية تحتية متقدمة للانترنت.و نحن سعداء الاَن بتسهيل إمكانية استخدام البلاك بيري عن طريق خدمة هلا مسبقة الدفع في دولة قطر من أجل تقديم هذه الخدمة المتميزة لأكبر عدد من عملائنا".

لاستخدام وتفعيل خدمة البلاك بيري الجديدة عن طريق خدمة هلا مسبقة الدفع، يجب على عملاء خدمة هلا استخدام إحدى أجهزة البلاك بيري وإرسال رسالة تفعيل إلى 92550 . أما العملاء الجدد فعليهم زيارة أي من مراكز كيوتل.

ويمكن للعملاء في أول ثمان أسابيع الاستمتاع بالدخول إلى الانترنت والدردشة وارسال الرسائل الاليكترونية بدون رسوم ايجار، وسيتم احتساب 35 ريال قطري عن كل أسبوع بعد تلك المدة. ويمكن للعملاء إعادة شحن رصيدهم باستخدام بطاقات هلا مسبقة الدفع أو عن طريق القسائم الاليكترونية، كما يمكنهم الاستفادة من العديد من مميزات خدمة البلاك بيري طالما أن الرصيد يحتوي على 100 ريال قطري على الأقل.

وتتناسب المستويات المتقدمة من الآداء والخيارات الخاصة بالبلاك بيري مع شبكة الجيل الثالث 3g hsdpa التي توفرها كيوتل، وقد أكد العملاء من الأفراد والمؤسسات على الامكانيات الكبيرة لهذا الحل الرائع.

وباعتبارها المزود الأول لخدمة البلاك بيري وخدمة الاتصالات الجوالة في قطر، بذلت كيوتل قصارى جهدها لتقديم أحدث الخدمات و الاجهزة في السوق، مدعومة بمجموعة من الباقات المبتكرة التي تمكن الناس من إعداد وتكييف خدمة البلاك بيري مع احتياجاتهم اليومية. وقد قامت كيوتل مؤخراً باطلاق جهاز البلاك بيري الجديد بولد 9700، والذي يعد حلاً آمناً وأنيقاً للبقاء على اتصال والاستمتاع بالعديد من خيارات الترفيه.

يمكن للعملاء معرفة المزيد عن خدمات البلاك بيري من خلال التكرم بزيارة مراكز كيوتل في فيلاجيو والوكرة والتحدث إلى خبراء الاتصالات في كيوتل.

[احب قطر]

قامت كيوتل اليوم بمضاعفة حجم البيانات المتداولة على باقات البرودباند الجوال ليتمكن العملاء من استخدام الانترنت لمدة أطول وبدون أي أسعار إضافية.

فقد تم ترقية عملاء الباقة "لايت" 1 غيغابايت لباقة "لايت" 2 غيغابايت، وهو ما يعد مضاعفة حجم بياناتهم مجاناً. أما عملاء باقة "بلاس" 3 غيغابايت، فتم ترقيتهم لبلاس 5 غيغابايت، وبالمجان أيضاً. ومن خلال ترقية إثنين من باقاتها الأكثر إقبالاً، تقوم كيوتل بدعم دورها الرائد في تطوير الانترنت لعملاءها، ومثال على ذلك حملتها في 2009 لمضاعفة سرعة الانترنت لجميع عملاء خدمة ADSL بالمجان.

وتقدم خدمة البرودباند الجوال من كيوتل لعملاءها النفاذ على الانترنت من أي جهاز مدعوم بتكنولوجيا الجيل الثالث. وفي المتوسط، يستطيع العملاء استقبال سرعة تتراوح بين 1 – 3 ميغابت \ الثانية حسب موقعهم من أقرب برج لتكنولوجيا الجيل الثالث من كيوتل، وحسب عدد العملاء المتواصلين على نفس البرج.

بالنسبة للعملاء الحاليين، فسوف تتم الترقية الجديدة يوم 14 فبراير. وليس مطلوب من العملاء فعل أي شىء لتفعيل هذه الترقية.

ويمكن للعملاء الجدد الاشتراك في باقة لايت 2 غيغابايت مقابل مصاريف تفعيل 100 ريال قطري ومثلهم كل شهر. أما العملاء الراغبون في الاشتراك في باقة بلاس 5 غيغابايت، فيمكنهم الاشتراك مقابل 100 ريال قطري مصاريف تفعيل و200 ريال قطري كل شهر. ويمكن للعملاء الاشتراك لمدة 12 شهراً للحصول على جهاز مودم USB مجاناً. للمزيد من المعلومات، رجاء زيارة أي من مراكز كيوتل أو زيارة موقعنا على الانترنت www.qtel.qa.

ويتجلى دور كيوتل في دعم استراتيجية برودباند قطر، وهي الاستراتيجية التي تهدف إلى أن تصبح قطر الدولة الأكثر تواصلاً على الانترنت في العالم، من خلال استثماراتها وابتكاراتها المختلفة في مجال خدمات الانترنت.

[شبح الصمت]

توه واصلني الخبر عالجــوال
يعطيــك العافيـــــــــــــه
بس صــراحه أنا البلاك بيري لين الحين ما أقــتــنعـت فيه

[ماريسا]

يعطيك العافية عالخبر

[البدع]

انا البلاك بيري كارهه كره العمى

احسه للشات والكلام الفاضي

على العموم كيوتل تغيرت بشكل كبير وتحسن اداءها بعد دخول فودافون

[بنسل]

الحين ما بيبقى بزر الا وخذاه

[مطيع الله]

احنا هل الكرم،
ندفع فلوسنا لسوا أحسن،
خاصة مع شرط 100 ريال في الرصيد للتمتع بأي خدمة،
يعني تنقص عن 100 تحلم يشتغل معك أي خدمة!!!

ما في أي خدمة تقدمها كيوتل ما تدس فيها السم مع العسل!!

سوا وبس والباقي كيوتل

[hamoor4ever]

الحين عرض هلا صار افضل من خط الفاتوره :)

[نور اعيوني]

انا خير شر مب عاجبني البلاك بيري..

[waseet]

شنو البلاك بيري

[فلفل حار]

والله ماشريته الآ عشــان لون الكــفر ذي ...


http://www13.0zz0.com/2010/02/14/12/596436867.jpg










عجبني من قلب وخليت فيه كرت هلا آستخدمته كم شهر وتوني بايعه ...
وعطيت الغوولد حق حلاقي التركي مقابل تحديد عارض وحلاقه شعـر ببلاش // :thumbup1:

[patrol]

خدمة ممتازه من كيوتل

[م. عبدالعزيز]

مبروك لمستخدمي هلا .. انزين بيشمل الشهري كنترول ولا بس هلا ؟

[saddawi4ever]

والله ماشريته الآ عشــان لون الكــفر ذي ...


http://www13.0zz0.com/2010/02/14/12/596436867.jpg










عجبني من قلب وخليت فيه كرت هلا آستخدمته كم شهر وتوني بايعه ...
وعطيت الغوولد حق حلاقي التركي مقابل تحديد عارض وحلاقه شعـر ببلاش // :thumbup1:

كم مرة بتحلق بلاش ؟

والله يعينك على نفسيته يوم يحلقلك ببلاش

[الواعد]

الشهري ارخص لأنه في الشهر تدفع للبلاك بيري حوالي 120 ريال

والخدمة الجديدة لكرت هلا إذا أسبوعياً 35 ريال = 140 ريال في الشهر


بس عندي سؤال هل لو حبيت ارسل رسالة لواحد عنده نفسي بلاك بيري

هل الرسالة بتكون مجانية يعني ماراح ينحسب علي غير الـ 35 في الأسبوع ؟؟


للحين مادخل مزاجي هالبلاك بيري مجرد تشات ومضيعة فلوس

[فلفل حار]

كم مرة بتحلق بلاش ؟

والله يعينك على نفسيته يوم يحلقلك ببلاش

هههههه عدت على خيـر ...:telephone:

[ابو مشعل]

بس عندي سؤال هل لو حبيت ارسل رسالة لواحد عنده نفسي بلاك بيري

هل الرسالة بتكون مجانية يعني ماراح ينحسب علي غير الـ 35 في الأسبوع ؟؟





:)
................

[سوق واقف]

شسالفة يعني البي بي يشتغل في الهلا الله يعين الجميع الحين الكل يتمشى ويطالع تليفونه وخذوا الحوادث

[qatari911]

انا كاره البلاك بيري
اذا حتى العجايز عندهم بلاك بيري :eek5:

[برزان]

اما البلاك بيري صارت له ازمه من فترة مثل ازمة البيض ذيك الايام :)

[ANONYMOUS]

مشالله كيوتل قامت تبدع

زين سوت فيكم هالفودافون

[NEMO]

كيوتل الحرامية كلوا رصيدي .......... اليوم حولت جوالي من الشهري كونترول لهلا المهم كان جوالي فيه رصيد 50 يوم حولته شغلت التلفون طلع رصيدي 25 اتصلت كيوتل قالوا لا اذا تحول من كونترول الرصيد كامل يروح ........قلت له انا عبيت الرصيد بنفسي مش من ال200 اللي في الشهري كونترول قال لا خلاص راحت عليج ..........حتى موظف كيوتل يوم رحت احول التلفون ماقال لي ان الرصيد يروح .......حسبي الله عليكم ياكيوتل .....طالعين ماكلين نازلين ماكلين (منشااااااااااااااار)

[شموع قطريه]

الله يعين .. الحين مب تام ياهل ولا فلبينيه ولا دريول الا وعنده بلاك بيري وحاسبوا على بلاك بيرياتكم الحين بتبدأ السرقات ..

[العاقل]

كيوتل الحرامية كلوا رصيدي .......... اليوم حولت جوالي من الشهري كونترول لهلا المهم كان جوالي فيه رصيد 50 يوم حولته شغلت التلفون طلع رصيدي 25 اتصلت كيوتل قالوا لا اذا تحول من كونترول الرصيد كامل يروح ........قلت له انا عبيت الرصيد بنفسي مش من ال200 اللي في الشهري كونترول قال لا خلاص راحت عليج ..........حتى موظف كيوتل يوم رحت احول التلفون ماقال لي ان الرصيد يروح .......حسبي الله عليكم ياكيوتل .....طالعين ماكلين نازلين ماكلين (منشااااااااااااااار)

لالالالالالالالالالالالالالالالالا
ماتروح عليج ولا شي
بس انطري الين تطلع اول فاتورة بعد تاريخ التحويل
وان كان لج رصيد تاخذينه

انا سالت وتاكدت بنفسي
وريحي بالج
فلوسج ماتضيييييييييييييييييع

[نورالهدى]

بصراحه ما اقتنعت فيه
وماراح اقتنع

[مريش]

خاطري مره كيوتل تنزل بيان بدون حشو في الكلام ونغزات وتهليل بنفسها بدون داعي والقهر اخر شي العرض مب مفهوم ههه والله كيوتل ماراح تتغير وتتطور هذا سيفوه وهاذي خلاقينه ومثل ماقال عضو السم مدسوس وسط العسل

[بو الجوري]

(( وسيتم احتساب 35 ريال قطري عن كل أسبوع بعد تلك المدة.
ويمكن للعملاء إعادة شحن رصيدهم باستخدام بطاقات هلا مسبقة الدفع أو عن طريق القسائم الاليكترونية،
كما يمكنهم الاستفادة من العديد من مميزات خدمة البلاك بيري طالما أن الرصيد يحتوي على 100 ريال قطري على الأقل. ))



أخوي احب قطر :.. بغيت توضيح :..

الـ35 ريال اللي بتندفع أسبوعياً :.. هل إذا الرصيد كان تحت الـ35 أو نسيت أعبيه أو كنت مسافر :.. وما لحقت أعبيه :.. بتتكنسل الخدمه ؟ !!! وأرجع أفعلها بـ100 أو 150 من أول ؟

وبخصوص جملة ( طالما أن الرصيد يحتوي على 100 ريال قطري على الأقل. ) :.. !!!
هل معناته لازم دايماً يكون فرصيدي 100 !!!!! موظفة 111 قالتلي إن هالـ 100 بس عشان التفعيل وعقب عادي !!!

يرجى التوضيح !!!

تحياتي :.. :nice:

[صوت الضمير]

مأفكر أخذ بلاك بيري أحس إنه مضيعه للوقت

الواحد يضيع وقته في شي ينفعه ابرك له..

[صوت الضمير]

سؤالي لأخوي أحب قطر بخصوص كرت التعبئة اللي مسحت منه رقمين بالغلط

وراجعتكم مرتين ..وأرسلت لك رسالة بالتفاصيل

الكرت بالدرج طايح من شهر ...إلا رقمين أنا استغرب قبل يطلعون الرقم بدقيقه

وباتصال اللحين اروح لكم لازم.. خذوا رقمي ولااتصلوا

وانا بصراحه عجزانه اروح لهم للمرة الثلاثة

ياليت اخوي تشوف لي الموضوع

وبخصوص عرض اعبي 200 ريال مافهمت المسج بالضبط

يعني اشتري كرت ب200 واذا عبيته يصير 400 ريال .. ياليت توضح لنا أخوي؟؟

ولك جزيل الشكر

أبداع

[brent]

سؤالي لأخوي أحب قطر بخصوص كرت التعبئة اللي مسحت منه رقمين بالغلط

وراجعتكم مرتين ..وأرسلت لك رسالة بالتفاصيل

الكرت بالدرج طايح من شهر ...إلا رقمين أنا استغرب قبل يطلعون الرقم بدقيقه

وباتصال اللحين اروح لكم لازم.. خذوا رقمي ولااتصلوا

وانا بصراحه عجزانه اروح لهم للمرة الثلاثة

ياليت اخوي تشوف لي الموضوع

وبخصوص عرض اعبي 200 ريال مافهمت المسج بالضبط

يعني اشتري كرت ب200 واذا عبيته يصير 400 ريال .. ياليت توضح لنا أخوي؟؟

ولك جزيل الشكر

أبداع

عروضهم فيها الكثير من الغموض واللف والدوران :telephone:
والهدف معروف للجميع :anger1:

[جنوب الدوحه]

اللف والدوران من سمات دعايات كيوتل ..

انا من مستخدمي بروند باند الغير محدود << الي هو في الاصل غير محدود << مجبورين الين الله يفرجها ونشوف عرض الشقيقه فودافون الي اتسمت دعاياتها بالشفافيه والوضوح :)

[احب قطر]

سؤالي لأخوي أحب قطر بخصوص كرت التعبئة اللي مسحت منه رقمين بالغلط

وراجعتكم مرتين ..وأرسلت لك رسالة بالتفاصيل

الكرت بالدرج طايح من شهر ...إلا رقمين أنا استغرب قبل يطلعون الرقم بدقيقه

وباتصال اللحين اروح لكم لازم.. خذوا رقمي ولااتصلوا

وانا بصراحه عجزانه اروح لهم للمرة الثلاثة

ياليت اخوي تشوف لي الموضوع

وبخصوص عرض اعبي 200 ريال مافهمت المسج بالضبط

يعني اشتري كرت ب200 واذا عبيته يصير 400 ريال .. ياليت توضح لنا أخوي؟؟

ولك جزيل الشكر

أبداع

اختي ممكن تطرشين لي البيانات مره ثانية عالخاص... بخصوص 200...؟؟ ماادري عن ايش بالضبط تتكلمين؟

[احب قطر]

عروضهم فيها الكثير من الغموض واللف والدوران :telephone:
والهدف معروف للجميع :anger1:

اللقافة مهب زينه

[احب قطر]

(( وسيتم احتساب 35 ريال قطري عن كل أسبوع بعد تلك المدة.
ويمكن للعملاء إعادة شحن رصيدهم باستخدام بطاقات هلا مسبقة الدفع أو عن طريق القسائم الاليكترونية،
كما يمكنهم الاستفادة من العديد من مميزات خدمة البلاك بيري طالما أن الرصيد يحتوي على 100 ريال قطري على الأقل. ))



أخوي احب قطر :.. بغيت توضيح :..

الـ35 ريال اللي بتندفع أسبوعياً :.. هل إذا الرصيد كان تحت الـ35 أو نسيت أعبيه أو كنت مسافر :.. وما لحقت أعبيه :.. بتتكنسل الخدمه ؟ !!! وأرجع أفعلها بـ100 أو 150 من أول ؟

وبخصوص جملة ( طالما أن الرصيد يحتوي على 100 ريال قطري على الأقل. ) :.. !!!
هل معناته لازم دايماً يكون فرصيدي 100 !!!!! موظفة 111 قالتلي إن هالـ 100 بس عشان التفعيل وعقب عادي !!!

يرجى التوضيح !!!

تحياتي :.. :nice:

الشيخ حاليا تشترك عن طريق ارسال رسالة وبيتم اقتطاع 100 ريال وراح تكون الخدمة موجودة عندك لمدة شهرين حتى لو رصيدك مافيه ولا ريال، بعدها اسبوعيا راح تجيك رسالة ان راح ينخصم 35 ريال...ولو ماكان في رصيد راح توقف الخدمة ومجرد ماتعبي 35 ريال راح تشتغل مره ثانية ...

[brent]

اللقافة مهب زينه

... شكرا....
:)

[بو الجوري]

الشيخ حاليا تشترك عن طريق ارسال رسالة وبيتم اقتطاع 100 ريال وراح تكون الخدمة موجودة عندك لمدة شهرين حتى لو رصيدك مافيه ولا ريال، بعدها اسبوعيا راح تجيك رسالة ان راح ينخصم 35 ريال...ولو ماكان في رصيد راح توقف الخدمة ومجرد ماتعبي 35 ريال راح تشتغل مره ثانية ...

تسلم أخوي عالرد :.. لكن متأكد من النقطه اللي فوق( اللي بالأحمر ) :..
يعني ما راح ياخذون مبلغ إعاده خدمه ؟ أو مبلغ تفعيل الخدمه مره ثانيه ؟

[العنان]

انزين بس ابي اعرف شي هال35 ريال اللي تندفع اسبوعيا تعطيني كم ميجا للاستخدام الاسبوعي؟؟؟

[كازانوفا]

ايش خسرانيين خلهم ينزلو كل يوم اعلان وخبر جديد
لكل شي الله خلق له ناسه

[صوت الضمير]

اختي ممكن تطرشين لي البيانات مره ثانية عالخاص... بخصوص 200...؟؟ ماادري عن ايش بالضبط تتكلمين؟

أرسلت لك بالخاص

أخوي اقصد مافهمت العرض حق هلا ..

ياليت توضح لنا .. العرض اللي هلا أدفع بالشهر 200 .. وضح لي أكثر

الشهري كنترول؟؟؟ وضح لي أكثر وشلون أشترك بها الخدمة

وهل فيه تجوال؟؟؟

أبداع

[بن داوود]

بصراحه ما اقتنعت فيه
وماراح اقتنع

حتى انا ما اقتتنعت فيه واغلبهم خذوه علشان الماسنجر فقط

[hope4all]

ثمار المنافسة ...

[البيرق]

اللقافة مهب زينه
كل عضو له راي في كيوتل وله حق في ابداء رايه والى متى كيوتل بتمارس احتكارها
ولا يجوز ترد بها الاسلوب الرخيص الذي نعتبره سبه شديدة اما اذا كانت بسيطة عندك فاعتقد هذا مجتمعك الذي تعيشه من حولك ولاتنقله هنا
الرد عليك ما يكفي واعتقد انك بترد علي برد جارح ان سببتك ردا على اسلوبك هذا الذي رددت على العضو محارب الغلاء

الى الادارة
انا اتابع بعض من ردوده واشوف اغلاق المواضيع(كما حصل سابقا) خطا ان لم يتم التنبيه عليه بشده
وهو لايمثل كيوتل بل يمثل شخصه وهو عار على كيوتل ان مثلها
فلا اعتقد ان كيوتل بتحط واحد مثله في هذا الامر
اطالب الادارة وضع حد لهذا العضو بمراسلته او ايقافه ان لزم ذلك
وشكرا

[البيرق]

... شكرا....
:)

انت الكبير
وعند الله الجزاء

[احب قطر]

كل عضو له راي في كيوتل وله حق في ابداء رايه والى متى كيوتل بتمارس احتكارها
ولا يجوز ترد بها الاسلوب الرخيص الذي نعتبره سبه شديدة اما اذا كانت بسيطة عندك فاعتقد هذا مجتمعك الذي تعيشه من حولك ولاتنقله هنا
الرد عليك ما يكفي واعتقد انك بترد علي برد جارح ان سببتك ردا على اسلوبك هذا الذي رددت على العضو محارب الغلاء

الى الادارة
انا اتابع بعض من ردوده واشوف اغلاق المواضيع(كما حصل سابقا) خطا ان لم يتم التنبيه عليه بشده
وهو لايمثل كيوتل بل يمثل شخصه وهو عار على كيوتل ان مثلها
فلا اعتقد ان كيوتل بتحط واحد مثله في هذا الامر
اطالب الادارة وضع حد لهذا العضو بمراسلته او ايقافه ان لزم ذلك
وشكرا

وانا ارجع اقول لك انت بعد...اللقافة مهب زينة.. وماابغي ارد على الاشياء الثانية الل انت كاتبها

لان من باب الادب والاحترام اذا كان في سؤال موجه حق شخص فالمفروض الشخص نفسه يرد عليه ... لان الاخت في بداية كلامها قالت عندي سؤال لاحب قطر...ماقالت كلام عام او سألت سؤال حق الاشخاص كلهم...

الظاهر ان العضو محارب الغلا مااختار له المحامي الصح...

[NEMO]

لالالالالالالالالالالالالالالالالا
ماتروح عليج ولا شي
بس انطري الين تطلع اول فاتورة بعد تاريخ التحويل
وان كان لج رصيد تاخذينه

انا سالت وتاكدت بنفسي
وريحي بالج
فلوسج ماتضيييييييييييييييييع


شلون ماتضيع علي وموظف كيوتل بنفسه قال لي مالج ولاريال ولفلوس راحت عليج ...وبعدين انطر اي فاتورة انا حولت جوالي لهلا يعني مافي فواتير ...

[NEMO]

وفوق هذا كله اني اشتركت في خدمة لبلاك بيري وطرشت مسج من جوالي هلا وخذوا من رصيدي 100 وللحين مافتحوا الخدمة ؟؟؟؟شكلهم قاصديني كيوتل

[احب قطر]

وفوق هذا كله اني اشتركت في خدمة لبلاك بيري وطرشت مسج من جوالي هلا وخذوا من رصيدي 100 وللحين مافتحوا الخدمة ؟؟؟؟شكلهم قاصديني كيوتل

طرشي الرقم عالخاص ولايصير خاطرج الا طيب

[م. عبدالعزيز]

وفوق هذا كله اني اشتركت في خدمة لبلاك بيري وطرشت مسج من جوالي هلا وخذوا من رصيدي 100 وللحين مافتحوا الخدمة ؟؟؟؟شكلهم قاصديني كيوتل
طلع الشريحه ودخلها مره ثانيه وبتشتغل

[الحجاجي]

وفوق هذا كله اني اشتركت في خدمة لبلاك بيري وطرشت مسج من جوالي هلا وخذوا من رصيدي 100 وللحين مافتحوا الخدمة ؟؟؟؟شكلهم قاصديني كيوتل

ياليل مطولك ..

خدمه جديده تم تدشينها أمس ..

اكيد فيها بعض التأخير ..

الصبر زين ..


يالله بما انك اشتركت نبي رأيك
في البيري على الهلا ..

[ماريسا]

انزين بس ابي اعرف شي هال35 ريال اللي تندفع اسبوعيا تعطيني كم ميجا للاستخدام الاسبوعي؟؟؟

نفس السؤال

[brent]

انت الكبير
وعند الله الجزاء

الله يجزاك خير يا البيرق

[brent]

وانا ارجع اقول لك انت بعد...اللقافة مهب زينة.. وماابغي ارد على الاشياء الثانية الل انت كاتبها

لان من باب الادب والاحترام اذا كان في سؤال موجه حق شخص فالمفروض الشخص نفسه يرد عليه ... لان الاخت في بداية كلامها قالت عندي سؤال لاحب قطر...ماقالت كلام عام او سألت سؤال حق الاشخاص كلهم...

الظاهر ان العضو محارب الغلا مااختار له المحامي الصح...

فعلا أسلوبك يدل على أخلاقك (الرفيعة)

[NEMO]

طلع الشريحه ودخلها مره ثانيه وبتشتغل

سويت الحركه مليون مره مافي فايده :weeping:

[بو الجوري]

أخوي ما رديت على سؤالي الثاني !!! ؟ :telephone:

وبخصوص اللي قال انه سجل بس للحين مافتحوا الخدمه :..
شيل البطاريه دقايق ورجعها والخدمه بتشتغل ان شاء الله :..:)
رفيجي طرش مسج :.. ونزل الخدمه وشال البطاريه ورجعها :.. والامور طيبه :..:nice:

[abn qatar]

مشكله اعضاء مجلس اداره كيوتل كل خدمه لازم يقعدون يمدحون افضل تقنيه اول دوله افضل

بنيه تحتيه الظاهر الاخ مايطلع من بيته ولا يروح شمال او جنوب قطر حتى يشوف افضل

بنيه تحتيه للانترنت اكيد عنده سيرفر خاص فيه ولا يحس بنقطاع الخدمه او مشاكلها مايمدح

السوق الا من ربح فيه بسكم نفاق وضحك على الذقون اشتغلو بذمه وضمير

[abn qatar]

خاطري مره كيوتل تنزل بيان بدون حشو في الكلام ونغزات وتهليل بنفسها بدون داعي والقهر اخر شي العرض مب مفهوم ههه والله كيوتل ماراح تتغير وتتطور هذا سيفوه وهاذي خلاقينه ومثل ماقال عضو السم مدسوس وسط العسل

خدمات كيوتل وشروطهم مثل لوائح الاتحاد القطري المطاطيه مافي احد يعرف لها

الا هم ياليتهم يعرفون يفسرونها لاتعب نفسك اخوي مع كيوتل بتضيع

[E L L E]

زحده من ربعي تشتغل ف كيوتل تقول عندنا فائض مليووون ريال ماندري من وووووووين خخخخخخخخ


ع العموووم ثانكيو ع الخدمه

[احب قطر]

زحده من ربعي تشتغل ف كيوتل تقول عندنا فائض مليووون ريال ماندري من وووووووين خخخخخخخخ


ع العموووم ثانكيو ع الخدمه

اختي ترويج هالاشاعات مهب زين والكلام عاري عن الصحة وممكن تتطلعين عالبيانات المالية للشركة من خلال الموقع وتشوفين جميع التفاصيل...بس ممكن اعرف وظيفة رفيجتج اللي في كيوتل؟؟

[احب قطر]

تسلم أخوي عالرد :.. لكن متأكد من النقطه اللي فوق( اللي بالأحمر ) :..
يعني ما راح ياخذون مبلغ إعاده خدمه ؟ أو مبلغ تفعيل الخدمه مره ثانيه ؟

اي نعم الشيخ...لان اصلا رسوم التفعيل الحالية عالعرض اللي هو اشتراك مجاني لمدة شهرين، وبعد انتهاء العرض راح يتم الاعلان عن رسوم توصيل الخدمة اللي اقل بكثير من هالمبلغ

[احب قطر]

خدمات كيوتل وشروطهم مثل لوائح الاتحاد القطري المطاطيه مافي احد يعرف لها

الا هم ياليتهم يعرفون يفسرونها لاتعب نفسك اخوي مع كيوتل بتضيع

الشيخ اعتقد ان الخبر جدا واضح واحنا نتجنب اي كلام غير مباشر ، ومن المهم توضيح الشروط قدر الامكان علشان تكون شروط الخدمة واضحة واذا عندك اي استفسار فانا تحت امرك.

[احب قطر]

انزين بس ابي اعرف شي هال35 ريال اللي تندفع اسبوعيا تعطيني كم ميجا للاستخدام الاسبوعي؟؟؟

خدمة البلاك بيري استخدام لامحدود داخل دولة قطر ، راح يتم حساب الخدمة لو استعملت موزاييك او موبينت.

[احب قطر]

مشكله اعضاء مجلس اداره كيوتل كل خدمه لازم يقعدون يمدحون افضل تقنيه اول دوله افضل

بنيه تحتيه الظاهر الاخ مايطلع من بيته ولا يروح شمال او جنوب قطر حتى يشوف افضل

بنيه تحتيه للانترنت اكيد عنده سيرفر خاص فيه ولا يحس بنقطاع الخدمه او مشاكلها مايمدح

السوق الا من ربح فيه بسكم نفاق وضحك على الذقون اشتغلو بذمه وضمير

الشيخ لو عندك مشكله مع اي خدمة طرش لي عالخاص رقمك وبنشوف ايش المشكلة

[وحيد-الشوق]

الشيخ حاليا تشترك عن طريق ارسال رسالة وبيتم اقتطاع 100 ريال وراح تكون الخدمة موجودة عندك لمدة شهرين حتى لو رصيدك مافيه ولا ريال، بعدها اسبوعيا راح تجيك رسالة ان راح ينخصم 35 ريال...ولو ماكان في رصيد راح توقف الخدمة ومجرد ماتعبي 35 ريال راح تشتغل مره ثانية ...


تسلم أخوي عالرد :.. لكن متأكد من النقطه اللي فوق( اللي بالأحمر ) :..
يعني ما راح ياخذون مبلغ إعاده خدمه ؟ أو مبلغ تفعيل الخدمه مره ثانيه ؟

يعني نفهم من كلامك اخوي احب قطر

ان خدمة هلا بلاك بيري افضل من الفاتورة لأنه الفاتوره تفعيل الخدمة 150 ريال وعقبها كل شهر 125 ريال واذا حبيت تكنسلها خلال اول شهر مثلا او حتى بعد الاشتراك بعد دقيقة لازم تدفع مقدم 3 شهور عشان يسكرون الخدمة واذا سكرتها وحبيت تفعلها بعد فتره بعد راح تدفع رسوم تفعيل 150 ريال !!!

مايندرى والله المشكلة الحين نسمع هالكلام اخاف عقب ناكلها :tease:

[احب قطر]

يعني نفهم من كلامك اخوي احب قطر

ان خدمة هلا بلاك بيري افضل من الفاتورة لأنه الفاتوره تفعيل الخدمة 150 ريال وعقبها كل شهر 125 ريال واذا حبيت تكنسلها خلال اول شهر مثلا او حتى بعد الاشتراك بعد دقيقة لازم تدفع مقدم 3 شهور عشان يسكرون الخدمة واذا سكرتها وحبيت تفعلها بعد فتره بعد راح تدفع رسوم تفعيل 150 ريال !!!

مايندرى والله المشكلة الحين نسمع هالكلام اخاف عقب ناكلها :tease:

بشكل عام حاليا في عرض عالهلا وممكن تستفيد منه استفادة كامله ، طبعا بعد انتهاء العرض راح يكون في مراجعة كاملة للخدمة على النظامين .

[AL-RAYYANI]

ولله زيين نزلوو الخدمه علما بان الدول المجااوره عندهم خدمة البلاك بيري على مسبقة ادفع من زماان

[موجه بحر]

اخوي بخصوص الخدمه خارج قطر شلون تكون الحسبه

[Cafe way]

تلفون الأغبياء

[بوجاسم 2009]

السلام عليكم

رسوم الخدمة بـ 100 ريال للمرة واحده
اول شهرين مجانا
بعد شهرين سوف يحسب بـ 35 ريال اسبوعيا
و اللي بيشترك الخدمة بعد شهرين من العرض بيكون رسوم الخدمة بـ 150 ريال

و ملاحظة : خدمة بلاك بيري هلا فقط محلي داخل قطر و التجوال ما بيشتغل


تحياتي

اخوكم
بوجاسم

[hope4all]

نجني ثمار المنافسة .. نبي مزيد من العروض كيوتل

[العاقل]

شلون ماتضيع علي وموظف كيوتل بنفسه قال لي مالج ولاريال ولفلوس راحت عليج ...وبعدين انطر اي فاتورة انا حولت جوالي لهلا يعني مافي فواتير ...


بعد عميلة التحويل او الفصل
تطلع فاتورة اسمها فاتورة التسوية او المقاصة
يبين فيها كل شي
انا متاكد من كلامي


وياليت تراجعين الخاص

[الـقـنـاص]

خبر
حلو



بس عندي استفسار بخصوص البرود باند الغير محدود مافي عروض حوله يعني بيتم ب400 والا شسالفه ؟؟؟؟؟

[حليتان*]

تسلم احب قطر على الخبر



تلفون الأغبياء

الله يرحم والديك

شدخل العالم الحين تقول عنهم اغبياء ثمن الكلمه قبل لا تقطه ترى مهب زين

[العاقل]

البرودباند عليه عرض حاليا
ان المودم مجانا في حال خذت اشتراك غير محدود لمدة سنة
قيمة المودم 399

[HarMoniCa]

اخوي ( احب قطر ) عندي استفسار لو سمحت بخصوص لمت استخدام البلاك بيري اللي هو (10) ميجا
حابه اعرف لو انا اشتركت في خدمة البرودباند الجوال بأي باقه سواء ال 250 ميجا أو الواحد جيجا مثلا فهل استخدامي للنت بينحسب منها بعد ما اعدي ال 10 ميجا مالت البلاك بيري ولا هذي غير هذي؟

ومشكور مقدماً واسمحلنا ع الازعاج

[احب قطر]

اخوي ( احب قطر ) عندي استفسار لو سمحت بخصوص لمت استخدام البلاك بيري اللي هو (10) ميجا
حابه اعرف لو انا اشتركت في خدمة البرودباند الجوال بأي باقه سواء ال 250 ميجا أو الواحد جيجا مثلا فهل استخدامي للنت بينحسب منها بعد ما اعدي ال 10 ميجا مالت البلاك بيري ولا هذي غير هذي؟

ومشكور مقدماً واسمحلنا ع الازعاج

صباح الخير اختي ، استخدام الانترنت في البلاك بيري غير محدود ..بس لاتستعملين موزاييك او موبينت..خلج على الانترنت براوزر او البراوزر.

[ماريسا]

صباح الخير اختي ، استخدام الانترنت في البلاك بيري غير محدود ..بس لاتستعملين موزاييك او موبينت..خلج على الانترنت براوزر او البراوزر.

اخوي انا ما استخدم موازيك و لا موبينت بس أتصفح النت و حسبوا قيمتها :(

[HarMoniCa]

صباح الخير اختي ، استخدام الانترنت في البلاك بيري غير محدود ..بس لاتستعملين موزاييك او موبينت..خلج على الانترنت براوزر او البراوزر.


اولا مشكور اخوي ع الرد السريع
وانا فعلا استخدم البراوزر العادي بس بعد حابة اتأكد مثل ماتقول زيادة احتياط لاني انزل برامج البلاك بيري مثل الفيس بوك مثلا او بعض برامج الجافا غير طبعا كذا ايميل كل واحد فيهم يستقبل ايميلات يوميا ومب حابه ازيد عن اللمت من غير ماكون فاهمه يعني عندي استعداد ازيد الفاتوره باشتراك البرودباند ولا اني اضيع في حسابات الميجابايت الزياده غير ان عندي برنامج مب راضي يشبك ويطلعلي خطأ في الاتصال بدون سبب مع انه كان يشتغل عادي لما كنت استخدم شريحة البرودباند ع الجوال فقلت يمكن اعدادات اشتراك البرودباند فيها صلاحيات اكثر مثلا؟
مشكور مره ثانيه واسفه مره ثانيه ع الازعاج والله يعطيك العافيه ويعينك على استفساراتنا

[دريمز]

يسلموو ع الخبر

[م. عبدالعزيز]

اخوي انا ما استخدم موازيك و لا موبينت بس أتصفح النت و حسبوا قيمتها :(
شلون عرفتي انه حاسبينها؟ كاتبين بالفاتوره Mobile Internet ولا شنو؟

[وحيد-الشوق]

صباح الخير اختي ، استخدام الانترنت في البلاك بيري غير محدود ..بس لاتستعملين موزاييك او موبينت..خلج على الانترنت براوزر او البراوزر.

طيب انا عندي برنامج اليوتيوب ؟ هل بيحسبون علي بعد ولا ؟

ومثل ماقالت الاخت HarMoniCa برنامج الفيس بوك ايضا ؟

:rolleyes2:

[عضو قديم]

وفوق هذا كله اني اشتركت في خدمة لبلاك بيري وطرشت مسج من جوالي هلا وخذوا من رصيدي 100 وللحين مافتحوا الخدمة ؟؟؟؟شكلهم قاصديني كيوتل

انا من اول ما نزلوا الخدمة وانا مشغلها طرشت رسالة وفي اقل من دقيقة فعلوا الخدمة

سؤال للاخت احب قطر

على قولتهم الحلو ما يكملش انا مشغل الخدمة على كرت هلا وفيه رصيد بس ما تشتغل في دبي ؟ ليه ؟ هل الخدمة غير متوفرة في دبي او شو السبب؟

تحيتي للكل

[Most Wanted]

احب قطر ممكن تفهمني هالنقطه لما السيم كارد يضيع او انه يتلف الواحد ياخذ بدل عنه ويدفع 100 ريال في حين لما افتح خط جديد هلا ادفع 50 ريال وفيه رصيد 25 ريال يعني ربع قيمة بدل كرت شهري ؟؟؟!!!!

استفسار ثاني بخصوص بلاك بيري الحين رعي كرت الهلا بيفتح له بلاك بيري بــ 100 ريال لمدة شهرين وراح يستخدم نفس الخدمه اللي فيها راعي الشهري يدفع 150 ريال زايد عليها اشتراك 3 شهور اجباري يعني المجموع كله 525 ريال.

اللي اعرفه في شركات الاتصالات انها تراعي راعي الاشتراك الشهري لان يعتبر زبون دايم لهم مب راعي الخدمه المؤقته بس في كيوتل اشوف العكس صاير عندكم.

[ماريسا]

شلون عرفتي انه حاسبينها؟ كاتبين بالفاتوره Mobile Internet ولا شنو؟

بالفعل أخوي كاتبين mobile internet
وهذا مقطع من فاتورة البلاكبيري

http://i47.tinypic.com/30m26v5.jpg


مشكوورين

[thefoox]

السلام عليكم

شباب انا باخذ بلاك بيري بس ابي اعرف ال 3g مهم عشان افتح الخدمه ولا مب لازم

وعرض الشهرين من كيوتل للهلا متى يخلص العرض

[عازف الاورج]

كذب من يقول انه انترنت البلاك بيري ببلاش

ذاك اليوم دخلت عالانترنت وزاد الرصيد 22 ريال وربي ماتكلمت بس تصفح

متاكد100%

[Rayane]

اللــــــــــــــــه يخلي لنا stc السعوديه وبس

[ماريسا]

ياريت الكلام الأكيد عن تصفح الانترنت بالبلكبيري هل هو مجاني وله صارت غلطة بالحساب في فاتورتي انا بس؟؟ تكفوون ردوا :(

[سهم طايش]

stc السعوديه جربوا و بعدين احكموا

شي رهيب و سريع

[Just a Gurl]

stc السعوديه جربوا و بعدين احكموا

شي رهيب و سريع


يصير استعمل خط Stc في قطر؟؟؟؟؟ :rolleyes2:

[م. عبدالعزيز]

بالفعل أخوي كاتبين mobile internet
وهذا مقطع من فاتورة البلاكبيري

http://i47.tinypic.com/30m26v5.jpg


مشكوورين

هاي انترنت الجوال العادي (الموزايك Mozaic) وليس البلاك بيري .. :)

[alqtri]

افشل تلفون عرفه التاريخ البلاك بيري

:)

[لاداعي]

يعطيك العافيه

[الدوحي7]

افشل تلفون عرفه التاريخ البلاك بيري

:)

تدرى ليش لان يعطيك الخبر اول باول،، افضل هاتف استعملته ولان رخص المكالمات المحليه والدوليه وراح تستوى المكالمات برخص الاتراب وتذكر كلامي، ولان يربط الانسان بالاخر وبدون مقدمات ولان الدول ماتقدر تراقبه وتسيطر عليه،، بتوفيق يابلاك بيري،،

[الدوحة قطر]

حاسبو يا شباب تطرشون المسج مرتين لان بيخصمون منكم مرتين نفس ما صار لي

تلفوني كان كرت عادي وحولته هلا واول ما وصلني مسج ان كرتي تحول هلا طرشت لهم مسج عشان يفتحون لي الخدمه وتفاجئت عقبها وصلني مسج مكتوب فيه " عميلنا العزيز نعتذر لإبلاغك بانه لا يمكنك الاشتراك في خدمة بلاك بيري بما انك لست عميل هلا حاليا "
اتصلت عقب حق 111 وقلت لهم بالي صار والموظف ابروحه استغرب وقالي يبين عندي ان كل شي تمام بس غريبه ما انفتحت لك الخدمه وقالي انطر 24 ساعة وشوف شيصير معاك واذا ما اشتغلت الخدمه كلما

وعقب ما سكرت طرشت المسج الي يفتح الخدمه مره ثانيه ووصلني مسج ان خلاص الخدمه انفتحت

بس عقبها تفاجئت ان رصيدي من 255 صار 55 ريال وردت كلمتهم وقتلهم بالي صار معاي ويوم شيكو على السيستم قالوا صح

وقالوا لي السبب اني طرشت المسج مرتين

وقالوا لي قدم شكوة وطروشلي مسج مكتوب فيه " شكرا لاتصالك بخدمة العملاء في كيوتل تم تسجيل الشكوى تحت رقم 172---، وهي قيد المعالجة سيم ابلاغك مباشرة باي جديد نعتز دائما بخدمتكم "

وبس هذا الي صار

[م. عبدالعزيز]

حاسبو يا شباب تطرشون المسج مرتين لان بيخصمون منكم مرتين نفس ما صار لي

تلفوني كان كرت عادي وحولته هلا واول ما وصلني مسج ان كرتي تحول هلا طرشت لهم مسج عشان يفتحون لي الخدمه وتفاجئت عقبها وصلني مسج مكتوب فيه " عميلنا العزيز نعتذر لإبلاغك بانه لا يمكنك الاشتراك في خدمة بلاك بيري بما انك لست عميل هلا حاليا "
اتصلت عقب حق 111 وقلت لهم بالي صار والموظف ابروحه استغرب وقالي يبين عندي ان كل شي تمام بس غريبه ما انفتحت لك الخدمه وقالي انطر 24 ساعة وشوف شيصير معاك واذا ما اشتغلت الخدمه كلما

وعقب ما سكرت طرشت المسج الي يفتح الخدمه مره ثانيه ووصلني مسج ان خلاص الخدمه انفتحت

بس عقبها تفاجئت ان رصيدي من 255 صار 55 ريال وردت كلمتهم وقتلهم بالي صار معاي ويوم شيكو على السيستم قالوا صح

وقالوا لي السبب اني طرشت المسج مرتين

وقالوا لي قدم شكوة وطروشلي مسج مكتوب فيه " شكرا لاتصالك بخدمة العملاء في كيوتل تم تسجيل الشكوى تحت رقم 172---، وهي قيد المعالجة سيم ابلاغك مباشرة باي جديد نعتز دائما بخدمتكم "

وبس هذا الي صار
ان شاء الله يحلون المشكله.. وخبرنا وش صار معاك لاحقا :)

[الدوحة قطر]

ان شاء الله يحلون المشكله.. وخبرنا وش صار معاك لاحقا :)

بخصوص المشكله الي صارت لي والي هي انهم اسحبو مني 100 ريال بالغلط وقالوا لي قدم شكوة

اليوم وانا اشيك على الرصيد لقيت ان في 100 ريال زيادة على رصيدي فضاهر انهم حلو مشكلتي

مع انهم في رسالتهم الي مطرشينها لي كاتبين لي " سيتم ابلاغك مباشرة باي جديد نعتز دائما بخدمتكم "

يله الحمدلله جزاهم الله خير

على فكره انا كنت مسافر البحرين من كم يوم صارت لي مشكله في كرتي البحريني ان ما قام يتصل دولي واتصلت حق خدمة العملاء وطبعا وقت الانتضار كان اقل من 3 دقايق من غير مبالغة وقلت لهم المشكله وقالوا لي جرب سكر التلفون وشغله عقب 10 دقايق وذا ما ضبط كلمنا مره ثانيه وسويت نفس ما قالوا لي وما نحلت المشكلة وقالوا لي خلاص بنكلملك قسم ال اي تي ما ادري عاد اش سالفة هل قسم ونفس الشي وصلتني رساله برقم شكتوتي وعلى طول ثاني يوم وصلني مسج ان المشكله انحلت والحمدلله المشكله انحلت :)

يله بعد بنقول الله يجازي كيوتل كل خير على خدماتهم

[م. عبدالعزيز]

مبروك عليك عودة ال100 ريال .. والمفروض كيوتل تحل هالمشكله .. انه لو واحد طرش مسج وتفعل خلاص يخصم مره وحده .. :)

[الدوحة قطر]

مبروك عليك عودة ال100 ريال .. والمفروض كيوتل تحل هالمشكله .. انه لو واحد طرش مسج وتفعل خلاص يخصم مره وحده .. :)

يله شنقول

احنا بنتم واقفين معاهم لين ما يوصلون حق هدفهم الي هو انهم يصيرون ضمن احسن 20 شركة اتصالات في العالم

الى الامام يا كيوتل

[ماريسا]

قامت كيوتل اليوم بمضاعفة حجم البيانات المتداولة على باقات البرودباند الجوال ليتمكن العملاء من استخدام الانترنت لمدة أطول وبدون أي أسعار إضافية.

فقد تم ترقية عملاء الباقة "لايت" 1 غيغابايت لباقة "لايت" 2 غيغابايت، وهو ما يعد مضاعفة حجم بياناتهم مجاناً. أما عملاء باقة "بلاس" 3 غيغابايت، فتم ترقيتهم لبلاس 5 غيغابايت، وبالمجان أيضاً. ومن خلال ترقية إثنين من باقاتها الأكثر إقبالاً، تقوم كيوتل بدعم دورها الرائد في تطوير الانترنت لعملاءها، ومثال على ذلك حملتها في 2009 لمضاعفة سرعة الانترنت لجميع عملاء خدمة ADSL بالمجان.

وتقدم خدمة البرودباند الجوال من كيوتل لعملاءها النفاذ على الانترنت من أي جهاز مدعوم بتكنولوجيا الجيل الثالث. وفي المتوسط، يستطيع العملاء استقبال سرعة تتراوح بين 1 – 3 ميغابت \ الثانية حسب موقعهم من أقرب برج لتكنولوجيا الجيل الثالث من كيوتل، وحسب عدد العملاء المتواصلين على نفس البرج.

بالنسبة للعملاء الحاليين، فسوف تتم الترقية الجديدة يوم 14 فبراير. وليس مطلوب من العملاء فعل أي شىء لتفعيل هذه الترقية.

ويمكن للعملاء الجدد الاشتراك في باقة لايت 2 غيغابايت مقابل مصاريف تفعيل 100 ريال قطري ومثلهم كل شهر. أما العملاء الراغبون في الاشتراك في باقة بلاس 5 غيغابايت، فيمكنهم الاشتراك مقابل 100 ريال قطري مصاريف تفعيل و200 ريال قطري كل شهر. ويمكن للعملاء الاشتراك لمدة 12 شهراً للحصول على جهاز مودم USB مجاناً. للمزيد من المعلومات، رجاء زيارة أي من مراكز كيوتل أو زيارة موقعنا على الانترنت www.qtel.qa.

ويتجلى دور كيوتل في دعم استراتيجية برودباند قطر، وهي الاستراتيجية التي تهدف إلى أن تصبح قطر الدولة الأكثر تواصلاً على الانترنت في العالم، من خلال استثماراتها وابتكاراتها المختلفة في مجال خدمات الانترنت.

أخوي عندي سؤال لو أنا صكرت خط الشهري اللي عنده اللي فيه خدمة البلاكبيري هل بخسر الايميل اللب مسويته بالبلاكبيري qtel.blackberry.com ؟؟؟

[صوت الضمير]

stc السعوديه جربوا و بعدين احكموا

شي رهيب و سريع

عندي كرت سعودي stc يصير افتح الخدمة وانا بقطر

[الدوحي7]

عندي كرت سعودي stc يصير افتح الخدمة وانا بقطر

هو المفروض يصير ، بس انت طرش رساله على 902 واكتب في الرساله 8811 وبيفعلون لك الخدمه ان شاء الله واذا ماصار مالك غير تروح على لحدود وتفعل الخدمه وترجع،،