جامعات الانتساب .. ياريت حد يفيدني !!!

[شمعة الدوحه]

السلام عليكم ورحمة الله وبركاته

شحالكم جميع ؟؟

الموضوع الله يسلمكم حبيت انتسب لاي جامعه برى بس اكون بالدوحه واقدم امتحاناتي هني

انا قيد 2004 وطلعت من الجامعه بسبة الانذارات

وفكرت اني ارجع ادرس موازي بس مااقدر بقيدي القديم لازم اعيد الثانويه

وانا نسبتي ولله الحمد 82 ومافيني شده اعيد ثانويه

فسمعت انه اقدر انتسب لجامعه في مصر بس امتحاناتي اقدمها في الدوحه

وحده من ربعي قالت لي بس ماعندها التفاصيل او شلون اقدر اسجل

فبلييييز اللي عنده اي خلفيه بهالموضوع يفيدني لاني حابه اكمل

وبكون شاكرة لكم :)

[JIJiiiJI]

فيه جامعه في الصومال بدور اسمها لك لحظه يارب احصله

[لاجئ عاطفي]

عندج جامعة النيلين لها مقر اهني التسجيل والامتحانات كلها اهني وهي جامعة سودانيه ومقر مركزهم في المرخيه

[eastqatar]

انا اخبر انه الانتساب غير معترف فيه في الدوحه

لكن اخبر الشباب دايماً يروحون لبنان ، السودان ، والحين اطلعت اليمن هذا غير مصر اذا فيها

[شمعة الدوحه]

فيه جامعه في الصومال بدور اسمها لك لحظه يارب احصله

مشكور اخوي وماتقصر
بس تتوقع معترف فيها
ماابغي ارجع ادرس واتعب روحي في الاخير مايعترفون فيها
جامعة قطر غسلت يدي منها :omen2:

[شمعة الدوحه]

عندج جامعة النيلين لها مقر اهني التسجيل والامتحانات كلها اهني وهي جامعة سودانيه ومقر مركزهم في المرخيه

نفس السؤال
هل هي معترف فيها ؟؟
ومشكور اخوي

[شمعة الدوحه]

انا اخبر انه الانتساب غير معترف فيه في الدوحه

لكن اخبر الشباب دايماً يروحون لبنان ، السودان ، والحين اطلعت اليمن هذا غير مصر اذا فيها


يااخي ليه مايعترفون فيه

اذا جامعتنا شاطرين في الطرد والانذارات وين نروح ؟؟

[راحيل]

للاسف وزارة التعليم عندنا متحنطة من عهد ابو جهل
حتى تطوير في سياستها وتسهيل التعليم عن بعد مازال حتى اليوم في طي النسيان

كل دول العالم الان تعتمد نظام الدراسة عن بعد اللي يسمونه distance learning عن طريق الانترنت وكبرى الجامعات الاوربية الامريكية فيها هذا النظام لتسهيل الدراسة لكل شخص يواجه ظروف تعيق اكمال دراسته الجامعية النظامية


نصحيتي لك انك تتاكدين من وزارة التعليم عن الجامعات المعترف فيها عندهم
اغلب اللي درسوا بالانتساب لم يتم الاعتراف بشهاداتهم الاكاديمية حتى الان

[شمعة الدوحه]

للاسف وزارة التعليم عندنا متحنطة من عهد ابو جهل
حتى تطوير في سياستها وتسهيل التعليم عن بعد مازال حتى اليوم في طي النسيان

كل دول العالم الان تعتمد نظام الدراسة عن بعد اللي يسمونه distance learning عن طريق الانترنت وكبرى الجامعات الاوربية الامريكية فيها هذا النظام لتسهيل الدراسة لكل شخص يواجه ظروف تعيق اكمال دراسته الجامعية النظامية


نصحيتي لك انك تتاكدين من وزارة التعليم عن الجامعات المعترف فيها عندهم
اغلب اللي درسوا بالانتساب لم يتم الاعتراف بشهاداتهم الاكاديمية حتى الان


صدقت والله
الدول الثانيه مسهلين عليهم نظلم الدراسه
واحنا لو فكرنا ندرس في جامعه غير جامعاتنا مايعترفون فيها
خلاص يسهلون علينا الامور اذا هذا نظامهم

لاهم باللي مخلينا ننتسب ولا هم اللي مسهلين علينا قوانين الجامعه

الله يعين
واشكرك عالمرور اخوي

[ممنوع اللمس]

اختي اسمها جامعة القاهره للتعليم المفتوح
مقرها في شارع المطار
اختي قبل كان الواحد لو يبي ينتسب يروح لمصر يقدم اختبار ويرجع
الحين يقدم الاختبارات هنا والمراقبين وكل شي تحددهم السفاره المصريه وكل شي عن طريق السفاره المصريه والاختبارات تجي من مصر
المسؤوله عن هالكلام..د.امل العمادي
...بس شالفايده دام ربعنا ما يعترفون بالانتساب
الانتساب يعترفون فيه االشركات الخاصه فقط... اما الحكوميه ما تعترف فيه
يعني احنا موظفين نحتاج للأنتساب بسبب ظروف عملنا
لازم نفنش علشان نكمل دراسه؟ والله حرام وظلم يقولون لنا خذو تفرغ والله التفرغ الواحد مع الواسطه زين يقدر يدبره
انصحج اختي كملي انتساب في جامعة القاهره للتعليم المفتوح في الدوحه واشتغلي بأماكان خاصه عقب او يمكن ان شاء الله مع الشكاوي والضغوطات راح يعترفون بالانتساب...

[شمعة الدوحه]

اختي اسمها جامعة القاهره للتعليم المفتوح
مقرها في شارع المطار
اختي قبل كان الواحد لو يبي ينتسب يروح لمصر يقدم اختبار ويرجع
الحين يقدم الاختبارات هنا والمراقبين وكل شي تحددهم السفاره المصريه وكل شي عن طريق السفاره المصريه والاختبارات تجي من مصر
المسؤوله عن هالكلام..د.امل العمادي
...بس شالفايده دام ربعنا ما يعترفون بالانتساب
الانتساب يعترفون فيه االشركات الخاصه فقط... اما الحكوميه ما تعترف فيه
يعني احنا موظفين نحتاج للأنتساب بسبب ظروف عملنا
لازم نفنش علشان نكمل دراسه؟ والله حرام وظلم يقولون لنا خذو تفرغ والله التفرغ الواحد مع الواسطه زين يقدر يدبره
انصحج اختي كملي انتساب في جامعة القاهره للتعليم المفتوح في الدوحه واشتغلي بأماكان خاصه عقب او يمكن ان شاء الله مع الشكاوي والضغوطات راح يعترفون بالانتساب...

حلووو الكلام
انا اولريدي شغاله في القطاع الخاص
وماراح يعطوني تفرغ
فعلشان كذا حابه اني ادرس بنظام الانتساب
وان شاء الله يعترفون فيها عقب
اشكرك اخوي على هالمعلومات

[لاجئ عاطفي]

اختي اسمها جامعة القاهره للتعليم المفتوح
مقرها في شارع المطار
المسؤوله عن هالكلام..د.امل العمادي
...

قصدك امينه العمادي

[برزان]

اختي الفاضله

حسب معلوماتي وتجاربي و جلوسي مع بعض الدكاتره الارشاديين في التعليم العالي هو ان بما انك قطري
يمنع الاعتراف باي جامعة بالانتساب بأي شكل من الاشكال . و المعترف فيها هي جامعة عين شمس وفي تخصصات معينه فقط مثل القانون + اللغة العربية فقط و انتظامي وليس انتساب .
فا الافضل انج تروحي بنفسج بارك الله فيج وتسئلين كل التفاصيل ولا يكفي السؤال اذا قدرتي تاخذين اوراق تثبت ذلك بعد افضل لان الامور في تغير مستمر .

الشي المهم والي ماسمعنا له حس ولا خبر .... ان في جامعات بريطانية مقرها في البحرين وتكون دراستها على شكل حضور اسبوعي و هي جامعات قوية وليست ضعيفه .... معترف فيها ولا حد يدري بها الا القليل وحتى مافي اي نصح لبعض الموظفين او الناس الي ظروفهم تصعب عليهم التغرب لفترات طويله انهم ايسجلون فيها مخلينها حق الناس مثل ضربة حظ في جوجل .
وانتمنى ان الجماعة بدوا يفتحون جامعات تناسب ظروفنا الحياتيه خصوصا للناس الي عندها رغبة في مواصلة تعليمها و في نفس الوقت مهب الخريجين الجدد ...لان جات فترة من الفترات مافي طوفة ما قفلت في وجهنا . وعلى الي سمعته ولمسته من بعض التصريحات ان لستة الجامعات فيها تحديث .

وانتمنا لج التوفيق والسداد

الله ايسرج لج ان شاء الله .

[خالد624]

المركز الثقافي العربي

مديرته امينه العمادي

عندهم جامعات انتساب

[عزووز قطر]

يعني احنا موظفين نحتاج للأنتساب بسبب ظروف عملنا
لازم نفنش علشان نكمل دراسه؟ والله حرام وظلم يقولون لنا خذو تفرغ والله التفرغ الواحد مع الواسطه زين يقدر يدبره
انصحج اختي كملي انتساب في جامعة القاهره للتعليم المفتوح في الدوحه واشتغلي بأماكان خاصه عقب او يمكن ان شاء الله مع الشكاوي والضغوطات راح يعترفون بالانتساب...


:nice:
والله قهر .. لأن وايد شباب يشتغلون وبنفس الوقت يبون يكملون دراستهم
واذا قالو تفرغ يبيلها واسطة والشي الثاني اتوقع ينقص الراتب ..
والمجلس الأعلى يوقف في وجه الشباب الطموح ..
وانقهر اذا يتكلمون عن التعليم والتطوير في المجتمع ..

وخااااطري أعرف سبب عدم الاعتراف بالانتساب ..!!!؟؟؟

[ممنوع اللمس]

كل يوم بانين مدينه تعليميه وقطر من اكبر البلدان المهتمه بالتعليم فالعالم
طيب ليش يوقفون قدام احلام الشباب شالسبب مادري؟
الله كريم بس
الله كريم بس

[متداول عالمي]

يا زين الاضراب :)

[نورالهدى]

فاتحين الجامعات ليش اذا مب مسهلين العلم لطالبين العلم

[شمعة الدوحه]

اشكركم عالمرور كلكم

[راحيل]

نصيحة لا تفكرين بالانتساب لان وزارة التعليم المخرفه اللي عندنا ما تعترف بشهادات اي طالب منتسب

[شمعة الدوحه]

نصيحة لا تفكرين بالانتساب لان وزارة التعليم المخرفه اللي عندنا ما تعترف بشهادات اي طالب منتسب

يعني شالحل :weeping:
اشكرك عالمرور اخوي

[بوجاسم 2009]

ليش انتساب؟؟

عندج مركز ابتك للتعليم الكمبيوتر بجوار اللولو هايبر ماركت في المطار القديم

تخصصات بكالوريوس كمبيوتر من برطانيا و معترفه و قويه و بدون ايلس و لابطيخ و الدراسة 4 سنوات


تحياتي

بوجاسم

[qatar.1995]

حلووو الكلام
انا اولريدي شغاله في القطاع الخاص
وماراح يعطوني تفرغ
فعلشان كذا حابه اني ادرس بنظام الانتساب
وان شاء الله يعترفون فيها عقب
اشكرك اخوي على هالمعلومات


للعلم حتى القطاع الخاص يبي اعتماد انتبهووووو انا قبلكم وماااااازلت ابحث عن طريقه وتحدث مع الدكتوره امينه العمادي وقالت القطاع الخاص يعترف بها عادي بس عقب ماسئلت شوون الموظفين في احدى البنوك وبالخص الدوحه والتجاري قالو يجب اعتماد الشهاده ومن ثم معادلته

المشكله في المعادله ام الاعتماد شي عادي لانه الشهاده مصدقه ومعتمده

بتوووووووووفيق للكل ومن عنده جواب ايدزه على الخاص ومن ايهمه الموضوع ايدز على الخاص حتى اذا لقيت احل اعلمه

[شمعة الدوحه]

ليش انتساب؟؟

عندج مركز ابتك للتعليم الكمبيوتر بجوار اللولو هايبر ماركت في المطار القديم

تخصصات بكالوريوس كمبيوتر من برطانيا و معترفه و قويه و بدون ايلس و لابطيخ و الدراسة 4 سنوات


تحياتي

بوجاسم


انت متأكد انه معترف فيها
خوفي اقط فلوسي واضيع سنين من عمري
وعقبها ابلها في قلاص ماي واشربه

[البنـدري]

الانتساب بجميع انواعه مب معترف عندنا :(

سألت لين خست مافيه شي معترف عندنا :(

[ابو مشعل]

ابتك يعطي بكلوريس ؟
:)

[شمعة الدوحه]

للعلم حتى القطاع الخاص يبي اعتماد انتبهووووو انا قبلكم وماااااازلت ابحث عن طريقه وتحدث مع الدكتوره امينه العمادي وقالت القطاع الخاص يعترف بها عادي بس عقب ماسئلت شوون الموظفين في احدى البنوك وبالخص الدوحه والتجاري قالو يجب اعتماد الشهاده ومن ثم معادلته

المشكله في المعادله ام الاعتماد شي عادي لانه الشهاده مصدقه ومعتمده

بتوووووووووفيق للكل ومن عنده جواب ايدزه على الخاص ومن ايهمه الموضوع ايدز على الخاص حتى اذا لقيت احل اعلمه

افااا التجاري مايعترف فيها :weeping:

بتأكد عقب

ومشكور اخوي عالرد

[بوجاسم 2009]

ابتك يعطي بكلوريس ؟
:)

يس

انا رحت المركز بنفسي و سألت و اعرف شباب درسوا و خلصوا و توظفوا

صراحة ممتاز

[بوطويشم]

السلام عليكم

الآنتساب مب معترف فيه

مادري لين متى هالتخلف

الله يعينج

[شمعة الدوحه]

يس

انا رحت المركز بنفسي و سألت و اعرف شباب درسوا و خلصوا و توظفوا

صراحة ممتاز

اخوي

يعني هل احسبوهم درجه جامعيه

وهل اهما قطاع خاص او حكومي ؟

[شمعة الدوحه]

السلام عليكم

الآنتساب مب معترف فيه

مادري لين متى هالتخلف

الله يعينج


مايبغون الكل جامعيين بعدين بيضطرون يصرفون رواتب اكثر :telephone:

واسعدني مرورك اخوي

[ابو مشعل]

يس

انا رحت المركز بنفسي و سألت و اعرف شباب درسوا و خلصوا و توظفوا

صراحة ممتاز

يالغالي شنهي التخصصات ؟
:)

[umm yousef]

يعني الغير قطري شهادته تكون معترف فيها؟.. ولا لازم يصدقها بعد؟..

شكرا