المساعد الشخصي الرقمي

مشاهدة النسخة كاملة : :::النظره الايجابيه...ونهج الحياه...:::احم


The Master
14-02-2010, 08:22 PM
احم احم...ثم احم

مرحب مراحب بالجميع...

موضوعي اليوم...يعبر عن وجهة نظري في الحياة...
يعني...اسلوب انا متخذه وماشي عليه...
طبعا في من خالفني الراي...وفي من وافقني...
وفي من اقتنع واتخذه نهجه...
وهذا لا يمنع...اختلاف في وجهات النظر لا يوحي اني غلط او اني صح...
لكن...تبقى قناعه...وحبيت اوصلها لكم...
اعجبتكم...واقتنعتوا...شي طيب...وممكن اتطبقونها...
ما اعجبتكم...وما اقتنعتوا...ماخسرتوا شي...


ومثل دايما...اسهل طريقه لوصول المعلومه...الامثله...


ها علي اخبار البحث اللي طالبينه منك الجامعه في استراليا واللي لازم تسوونه...يارجال تبهدلت على ما خلصته...حتى اجازتي شهر ماكملتها...10 ايام...والباقي كراف...
من وزاره لوزاره...ومكتب لمكتب...حتى لدرجه خليناهم يسوون آليه جديده في الوزاره بس عشان نقدر نخلص البحث...
والحمدلله الامور تيسرت...وقدرت اخلص البحث قبل لا يبتدي الكورس بكم يوم...

ها بو فلان اخبارك واخبار البحث خلصته؟؟...لا من صجك...فاضي لهم...يبا علي انا استانست وعشت حياتي...وحللت الاجازه...طيب والبحث؟؟؟...لاحقين عليه...باسويه خلال الدراسه...

يقول المحاضر...تقدر تألف البحث من خبرتك وتعطيه اياه على البور بوينت...وهو بيشيك عليه...اشدعوه؟؟؟...يعني الشقى والتعب كله عالفاضي؟؟...
التفت على بوفلان...لقيت الابتسامه طولها مترين...وانا عيوني اطلعت على بره...احم...

المهم...
نظرتي للي صار لي...
البحث والتعب اللي راح عليه...بيكون خبره لي في حياتي المستقبليه...وبينحط في سجلي...وبيكون شي في رصيدي...

خلال ال 20 يوم اللي كنت اكرف فيهم عشان المشروع في الدوحه...اشوفه كان خيره لي...جبرني اقعد في الدوحه...واقعد بين هلي وجماعتي...
لان لو كنت فاضي...كان سافرت وحست في الاجازه...وماطولت القعده في الدوحه...


ها يا فلان...سويت اللي قلت لك عليه...عجل فيه...المدير طالبه...ان شاء الله...خلال دقايق...
اوووووووفففففف....الله الله...علام يا فلان...ياخي صدق ظلم...افا...عسى ماشر...ياخي المدير منرفزني وظالمني...ليه؟...
اكرف كراف ليل ونهار...ولا القى منهم لا شكر ولا عرفان...مب مقدريني ابد...ياخي على الاقل ابتسموا...قولوا لي يعطيك العافيه...امدحوني شوي...حسسوني اني اسوي شي...


نظرتي لهالحاله...
ابتسم...واحط في بالي...ان الشغل اللي انا اسويه يحلل معاشي اولا...
واشوف الاشيا الايجابيه من اللي قاعد اسويه...واستفيد منه...
مثلا في الطباعه...اكتسب خبره...واتعلم سرعه الطباعه ومنها تفيدني بعدين...
المعاملات...اعرف عن وشو...واتفحص...واشوف الخطوات المتبعه...تفيدني في مستقبلي المهني...وتطور من عقليتي...وبعدين اقدر اطورها...

القصد...اني استفيد من اللي اسويه...صحيح التقدير يحسسك بالاهميه...لكن انا الاهم عندي فايدتي اللي باطلع منها من اللي اسويه...واخلي هالشي هو اهتمامي...مش القيل والقال...



طبعا في كذا مثال...لكن اتوقع هذول شاملين...ومانبغي نطول...


الهدف من الموضوع...

خل دائما نظرتك ايجابيه للامور...والاشياء اللي تحصل لك...
مهما صادفتك من مشاكل...احباطات...تحطيم نفسي...كربات...امراض...مصائب...
خل نظرتك ايجابيه للامور...
واحفظ "خيره لك"

منها تكسب الاجر...تكسب الخبره...تكسب ردة الفعل...تكسب القوة...تكسب النضج...

دائما...ابحث عن الايجابيه...في اللي يصير لك...
مرض...اجر...وتقرب من الله
مشكله...خبره وتشغيل العقل...
احباطات...شوف الناتج منها...
تحطيم نفسي...خبره وتقوية العقل والنضج...والركاده...
مصائب...الاجر...والتقرب من الله...

ترا اكثر الامراض...من "السلبيه" اللي حنا فيها...
واكثرها نفسيه...

الله يجيركم ويحفظكم...ويشفيكم... وجميع المسلمين يارب...

فا ما اوصيكم...
اخلقوا في انفسكم هالصفه...
وازرعوها في غيركم...ترا من تصيدهم مشكله يكونون عميان...مايعرفون وش التصرف...

وان شاء وصلت الرساله...ونظريتي في الحياة...
بغينا منها الاجر...لا اكثر ولا اقل...

ويامرحبا بكم...
شـعـشـبـونـه
14-02-2010, 08:39 PM
مادري اشعندك هالمره ماقلت احم الا مره او بالكثير مرتين ^_^

المهم

بخصوص الموضوع طبعا اشكرك عليه والله يعطيك العافيه

وصدقت الواحد لازم تكون نظرته للحياه ايجابيه ويتفائل ويؤمن بالقدر

لانه لو صار سلبي اولا نفسيته بتتعب من التفكير السلبي هذا ويخرب يومه ويعيش نفسه بنكد ولا راح يطور من نفسه

والمثال الي كتبته هذا ابسط شي ممكن نتعرض له وهذا اصلا شي طبيعي لازم يحصل الضلم في التقييم على جهودنا لكن في النهايه اكون راضيه عن نفسي لان الأمانه والاخلاص في العمل في ميزان حسناتنا وحقي عند رب العالمين ..

في هالزمن وعلى كثر المصايب والبلاوي الي نشوفها ونسمع فيها نحتاااج لقلب وتفكير (ايجابي ومتفائل) ..

والحمدلله على كل حال اهم شي .. :)
برزان
14-02-2010, 08:48 PM
بيض الله وجهك ثم بيض الله وجهك ثم بيض الله وجهك
عين العقل والحكمه

وبارك الله فيك
bshayer
15-02-2010, 12:22 AM
لما الانسان يبرمج نفسه ويعودها حتى العقل الباطن بيتعود على الاسلوب الايجابي والتفائلي ..
وحب الشغله الي انت فيها ..واستمتاعك بشغل حتى لو مو من قلبك هذا يعطينا طاقه
وانجاز العمل باسرع واتقن ..وبالاخير احنا الي بنستفيد ..

^^^^^^
بخصوص التسويف اذكر بداية الجامعه اتعب نفسيآ ومنعويآ من مسألة التسويف مثل زميلاتك ..:(
وبعد فتره تعودت انجز المهام باسرع وقت واستغل الفرص من نصح الي معاي .
..ببالبدايه صعب ومع التعود سهل ...والإ يشجعك تفائلك والنتيجه بعدين ...:)

المهم شكرآ ع الموضوع التفائلي والايجابي ...>>شكلي طولت سوري ..!
عساها دوم حياتنا اجابيه ..:)
ام السعف
15-02-2010, 12:27 AM
هل الأحم في حالة انقراض،، اختفى كثيرا في هالموضوع،،

يعطيك العافية على نظرتك ،،
The Master
15-02-2010, 08:25 AM
للرفع
ولنا عوده للتعقيب على الردود
The Master
15-02-2010, 08:27 AM
للرفع
ولنا عوده للتعقيب على الردود
OTOsan
15-02-2010, 08:39 AM
يقول الرسول الكريم (صلى الله عليه وسلم ) :عَجَبًا لأَمْرِ المؤمنِ إِنَّ أمْرَه كُلَّهُ لهُ خَيرٌ ، ليسَ ذلكَ لأَحَدٍ إلا للمُؤْمنِ ، إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ ) ..

بالتالي فالنظرة من ناحية الاسلام تقتضي على المؤمن ان يكون كما اسلفت في موضوعك .. متفائلا بشوشا مهما حدث .. فهو في خير مهما حدث له ..

ولكن للاسف ما عاد احدنا يطبق هذا المبدأ .. فالتشاؤوم والتأفف من امور الحياة اصبح السمة الغالبة للجميع وتناسى الناس حتى مبدأ الابتسامة البسيطة والتفاؤل ،،

لك كل الشكر اخوي عليان وماقصرت ،،
كلمات
15-02-2010, 12:13 PM
يقول الرسول الكريم (صلى الله عليه وسلم ) :عَجَبًا لأَمْرِ المؤمنِ إِنَّ أمْرَه كُلَّهُ لهُ خَيرٌ ، ليسَ ذلكَ لأَحَدٍ إلا للمُؤْمنِ ، إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ ) ..

بالتالي فالنظرة من ناحية الاسلام تقتضي على المؤمن ان يكون كما اسلفت في موضوعك .. متفائلا بشوشا مهما حدث .. فهو في خير مهما حدث له ..

ولكن للاسف ما عاد احدنا يطبق هذا المبدأ .. فالتشاؤوم والتأفف من امور الحياة اصبح السمة الغالبة للجميع وتناسى الناس حتى مبدأ الابتسامة البسيطة والتفاؤل ،،

لك كل الشكر اخوي عليان وماقصرت ،،



ما كنت سأستدل به استدل به الأخ OTOsan فالحمدلله كل ما نمر به من أمور قدر الله تعالى ونحن راضون به
وكل ما نمر به من ظروف يجب أن نتعلم منها ما يدفعنا للأمام
أهم شيء رضا الله علينا وبالتالي تكون النفس راضية

جزاك الله خيرا
The Master
15-02-2010, 05:28 PM
مادري اشعندك هالمره ماقلت احم الا مره او بالكثير مرتين ^_^

المهم

بخصوص الموضوع طبعا اشكرك عليه والله يعطيك العافيه

وصدقت الواحد لازم تكون نظرته للحياه ايجابيه ويتفائل ويؤمن بالقدر

لانه لو صار سلبي اولا نفسيته بتتعب من التفكير السلبي هذا ويخرب يومه ويعيش نفسه بنكد ولا راح يطور من نفسه

والمثال الي كتبته هذا ابسط شي ممكن نتعرض له وهذا اصلا شي طبيعي لازم يحصل الضلم في التقييم على جهودنا لكن في النهايه اكون راضيه عن نفسي لان الأمانه والاخلاص في العمل في ميزان حسناتنا وحقي عند رب العالمين ..

في هالزمن وعلى كثر المصايب والبلاوي الي نشوفها ونسمع فيها نحتاااج لقلب وتفكير (ايجابي ومتفائل) ..

والحمدلله على كل حال اهم شي .. :)

هلا ومرحب اختي شعشبونه...
احم...شنسوي...في المواضيع الجاده وجودها ماله داعي...
واذا قلناها تكون لها معني..."عندي...احم"...

نرجع للمهم...

احسنتي اختي...والعفو...ويعافيك يارب...

اكيد السلبيه مايجي وراها الى البلاوي...والعزله...والانطوائيه...وغيرها من الامراض النفسيه...
وهذا مادعاني الى كتابة هالموضوع...
لعل وعسى الناس تنتفع...وتفيد وتستفيد...

اشكرك على اثرائك الموضوع برايك الطيب...

كان ودي اذكر امثله ثانيه...لكن قلت هذول ابسط شي...واذا زدنا يمكن يطول الموضوع...وتدرين بربعنا يتمللون بسرعه...احم

اكيد الحمدلله على كل حال...

ويامرحبا بك اختي
ولاهنتي على هالتواجد...
The Master
15-02-2010, 05:32 PM
بيض الله وجهك ثم بيض الله وجهك ثم بيض الله وجهك
عين العقل والحكمه

وبارك الله فيك

هلا ومرحب اخوي برزان...
ووجهك ابيض...ومن قال...
ماعليك زود ياخوي...
وفيك بارك...

تشكر على المرور...

ويامرحبا بك
ولاهنت
The Master
15-02-2010, 05:44 PM
لما الانسان يبرمج نفسه ويعودها حتى العقل الباطن بيتعود على الاسلوب الايجابي والتفائلي ..
وحب الشغله الي انت فيها ..واستمتاعك بشغل حتى لو مو من قلبك هذا يعطينا طاقه
وانجاز العمل باسرع واتقن ..وبالاخير احنا الي بنستفيد ..

^^^^^^
بخصوص التسويف اذكر بداية الجامعه اتعب نفسيآ ومنعويآ من مسألة التسويف مثل زميلاتك ..:(
وبعد فتره تعودت انجز المهام باسرع وقت واستغل الفرص من نصح الي معاي .
..ببالبدايه صعب ومع التعود سهل ...والإ يشجعك تفائلك والنتيجه بعدين ...:)

المهم شكرآ ع الموضوع التفائلي والايجابي ...>>شكلي طولت سوري ..!
عساها دوم حياتنا اجابيه ..:)

هلا ومرحب اختي بشاير...

اشكر لك تواجدك ووجهة نظرك الجميله...وعساك دوم ايجابيه...

وصحيح...كل شي بالتعود...وهي البرمجه...
ومنها حب وشعلة نشاط للي يسويه...

طبعا...الانسان يمر في لحظات يحس بالاحباط...لكن يعديها اسرع من غيره...دامه عود نفسه على الايجابيه...وتخطي اللي يصيبه...

التسويف...احم...
من اكبر المشاكل اللي احاول اعالجها...طبعا يكون تسويف على حسب الاولوية...

العفو اختي...
الا استفدنا منك...والموضوع موضوعك...ونبغي الكل يستفيد ويطلع بشي من هالموضوع...

امين يارب...

ويامرحبا بك
ولاهنتي على هالتواجد الجميل...
The Master
15-02-2010, 05:47 PM
هل الأحم في حالة انقراض،، اختفى كثيرا في هالموضوع،،

يعطيك العافية على نظرتك ،،

هلا ومرحب اختي ام السعف...

لا تحاتين...الاحم موجوده من سنة 1999 الى يومنا هذا...
هل تتوقعين بتختفي الحين؟؟...احم
بتلقين الجواب في ردي على شعشبونه...احم

ويعافيك يارب...
اهم شي الفايده اختي...

ويامرحبا بك
ولاهنتي على المرور...
The Master
15-02-2010, 07:06 PM
احم احم...ثم احم

مرحب مراحب بالجميع...

موضوعي اليوم...يعبر عن وجهة نظري في الحياة...
يعني...اسلوب انا متخذه وماشي عليه...
طبعا في من خالفني الراي...وفي من وافقني...
وفي من اقتنع واتخذه نهجه...
وهذا لا يمنع...اختلاف في وجهات النظر لا يوحي اني غلط او اني صح...
لكن...تبقى قناعه...وحبيت اوصلها لكم...
اعجبتكم...واقتنعتوا...شي طيب...وممكن اتطبقونها...
ما اعجبتكم...وما اقتنعتوا...ماخسرتوا شي...


ومثل دايما...اسهل طريقه لوصول المعلومه...الامثله...


ها علي اخبار البحث اللي طالبينه منك الجامعه في استراليا واللي لازم تسوونه...يارجال تبهدلت على ما خلصته...حتى اجازتي شهر ماكملتها...10 ايام...والباقي كراف...
من وزاره لوزاره...ومكتب لمكتب...حتى لدرجه خليناهم يسوون آليه جديده في الوزاره بس عشان نقدر نخلص البحث...
والحمدلله الامور تيسرت...وقدرت اخلص البحث قبل لا يبتدي الكورس بكم يوم...

ها بو فلان اخبارك واخبار البحث خلصته؟؟...لا من صجك...فاضي لهم...يبا علي انا استانست وعشت حياتي...وحللت الاجازه...طيب والبحث؟؟؟...لاحقين عليه...باسويه خلال الدراسه...

يقول المحاضر...تقدر تألف البحث من خبرتك وتعطيه اياه على البور بوينت...وهو بيشيك عليه...اشدعوه؟؟؟...يعني الشقى والتعب كله عالفاضي؟؟...
التفت على بوفلان...لقيت الابتسامه طولها مترين...وانا عيوني اطلعت على بره...احم...

المهم...
نظرتي للي صار لي...
البحث والتعب اللي راح عليه...بيكون خبره لي في حياتي المستقبليه...وبينحط في سجلي...وبيكون شي في رصيدي...

خلال ال 20 يوم اللي كنت اكرف فيهم عشان المشروع في الدوحه...اشوفه كان خيره لي...جبرني اقعد في الدوحه...واقعد بين هلي وجماعتي...
لان لو كنت فاضي...كان سافرت وحست في الاجازه...وماطولت القعده في الدوحه...


ها يا فلان...سويت اللي قلت لك عليه...عجل فيه...المدير طالبه...ان شاء الله...خلال دقايق...
اوووووووفففففف....الله الله...علام يا فلان...ياخي صدق ظلم...افا...عسى ماشر...ياخي المدير منرفزني وظالمني...ليه؟...
اكرف كراف ليل ونهار...ولا القى منهم لا شكر ولا عرفان...مب مقدريني ابد...ياخي على الاقل ابتسموا...قولوا لي يعطيك العافيه...امدحوني شوي...حسسوني اني اسوي شي...


نظرتي لهالحاله...
ابتسم...واحط في بالي...ان الشغل اللي انا اسويه يحلل معاشي اولا...
واشوف الاشيا الايجابيه من اللي قاعد اسويه...واستفيد منه...
مثلا في الطباعه...اكتسب خبره...واتعلم سرعه الطباعه ومنها تفيدني بعدين...
المعاملات...اعرف عن وشو...واتفحص...واشوف الخطوات المتبعه...تفيدني في مستقبلي المهني...وتطور من عقليتي...وبعدين اقدر اطورها...

القصد...اني استفيد من اللي اسويه...صحيح التقدير يحسسك بالاهميه...لكن انا الاهم عندي فايدتي اللي باطلع منها من اللي اسويه...واخلي هالشي هو اهتمامي...مش القيل والقال...



طبعا في كذا مثال...لكن اتوقع هذول شاملين...ومانبغي نطول...


الهدف من الموضوع...

خل دائما نظرتك ايجابيه للامور...والاشياء اللي تحصل لك...
مهما صادفتك من مشاكل...احباطات...تحطيم نفسي...كربات...امراض...مصائب...
خل نظرتك ايجابيه للامور...
واحفظ "خيره لك"

منها تكسب الاجر...تكسب الخبره...تكسب ردة الفعل...تكسب القوة...تكسب النضج...

دائما...ابحث عن الايجابيه...في اللي يصير لك...
مرض...اجر...وتقرب من الله
مشكله...خبره وتشغيل العقل...
احباطات...شوف الناتج منها...
تحطيم نفسي...خبره وتقوية العقل والنضج...والركاده...
مصائب...الاجر...والتقرب من الله...

ترا اكثر الامراض...من "السلبيه" اللي حنا فيها...
واكثرها نفسيه...

الله يجيركم ويحفظكم...ويشفيكم... وجميع المسلمين يارب...

فا ما اوصيكم...
اخلقوا في انفسكم هالصفه...
وازرعوها في غيركم...ترا من تصيدهم مشكله يكونون عميان...مايعرفون وش التصرف...

وان شاء وصلت الرساله...ونظريتي في الحياة...
بغينا منها الاجر...لا اكثر ولا اقل...

ويامرحبا بكم...



غيرنا لون الخط عشان شيبانا...
ذاك اللون يضايقهم...
ويستاهلون...
hope4all
15-02-2010, 11:48 PM
موضوع شيق .. النظرة الايجابية المتفائلة مهمة للاستمرار ف الحياة رغم ضغوطها
(بوعوف)
16-02-2010, 08:54 AM
الايجابية شيء مهم بالحياة ....وهي حليف للنجاح والتفوق ..

والإيجابية نستطيع نكونها عن عمد ووعي بمجرد تغير طريقة تفكيرنا ونظرتنا للأمور ...وتغير طرق
تعاملنا مع الحدث الضاغط أو السيء أو ما يحتاج منا لجهد مضاعف لتحقيقه رغم عدم توفر أرضية له
أو ما يجب التعايش من ألم ( كالمرض المزمن ..فقد عزيز ..رعاية ذوي الاعاقة بالاسرة ) ....

فمثلا ..حينما تعاني من مرض كالسكري أوالضغط ..أخوك يعاني من الثاني

فالايجابية إنك لازم تتعود على نمط الصحي للأكل ...

- منها تقليل الملح والتعود على الطعم الماسخ للأكل ( مع إنه مالاه حلاه ) ...وتقلل اكل المعلبات ...الخ ...
وتقلل الدهون لأقصى حد في اكلك
اهو حلو انك تغير سلوكك الغذائي ومفيد للصحة ...والاصعب إنه يكون
أكلك أكل رجيم طول الوقت ....ويبغي فترة لتتأقم بايجابية مع هالشي
أنا طولت اشوي ليمن قدرت أتأقلم مع نظام الآكل ( كطعم ) ...

والإيجابية الثانية ..التقرب من الله أكثر ..ورجاء الآجر والمثوبه على البلاء

ويعطيك ألف عافية ع الموضوع ..لاهنت
The Master
16-02-2010, 07:43 PM
يقول الرسول الكريم (صلى الله عليه وسلم ) :عَجَبًا لأَمْرِ المؤمنِ إِنَّ أمْرَه كُلَّهُ لهُ خَيرٌ ، ليسَ ذلكَ لأَحَدٍ إلا للمُؤْمنِ ، إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ ) ..

بالتالي فالنظرة من ناحية الاسلام تقتضي على المؤمن ان يكون كما اسلفت في موضوعك .. متفائلا بشوشا مهما حدث .. فهو في خير مهما حدث له ..

ولكن للاسف ما عاد احدنا يطبق هذا المبدأ .. فالتشاؤوم والتأفف من امور الحياة اصبح السمة الغالبة للجميع وتناسى الناس حتى مبدأ الابتسامة البسيطة والتفاؤل ،،

لك كل الشكر اخوي عليان وماقصرت ،،

هلا ومرحب اخوي اوتوسان...كونيتشيوا

بصراحه حرقت علي الفكره...احم
لان كنت ناوي اذكر هالحديث بعد كم يوم من طرح الموضوع...احم
لان لو قريت العنوان... نهج حياة...وطبعا وشو نهج المسلم؟؟؟
القرآن والسنه...
القصد التنويع في الطرح ب اسلوب مختلف...يعني بدال ما اذكر حديث نفس باقي المواضيع واعقب عليها...فكرت في العكس...ومنها عشان الناس تفهم وتستوعب اكثر...ومن عقبها يتفاجؤن بهالحديث... يعني شي فيه من التفهي...اوه قصدي الفنتق...احم

على العموم...
بارك الله فيك...واحسنت...
كلامك جدا منطقي...واتمنى ان الناس تتناسى...وتفكر في ايجابيه...
وطبعا هالتفكير اللي هم فيه...مش بين يوم وليله... تلقى الاب والام والجد والجده...يعني بالوراثه...اكتساب...

ان شاء الله...نغير من نمط حياتنا...ونحاول نكون افضل من امس...وبكره افضل من اليوم...
لان في النهايه تصرفاتنا تنتقل من جيل لجيل...

يامرحبا بك اخوي
ولاهنت على حرقة فكرتي...قصدي تواجدك واثرائك...
The Master
16-02-2010, 07:46 PM
ما كنت سأستدل به استدل به الأخ otosan فالحمدلله كل ما نمر به من أمور قدر الله تعالى ونحن راضون به
وكل ما نمر به من ظروف يجب أن نتعلم منها ما يدفعنا للأمام
أهم شيء رضا الله علينا وبالتالي تكون النفس راضية

جزاك الله خيرا

هلا ومرحب اخوي كلمات...
اشكر لك تواجدك...واكيد ما ورد في رد اخوي اوتوسان افضل الاستدلال...

ان شاء الله نتعلم...ونكون افضل...

اكيد...اهم شي في حياتنا هو رضا رب العباد سبحانه...

وجزاك بالمثل...يارب

يامرحبا بك
ولاهنت على التواجد اخوي
The Master
16-02-2010, 07:49 PM
موضوع شيق .. النظرة الايجابية المتفائلة مهمة للاستمرار ف الحياة رغم ضغوطها

هلا ومرحب hope4all

تشكر على المرور...
اكيد...وهذا ما نسعى له...رضا النفس...ومحاولة تطوير عقليتها...للافضل دائما....وابعاد الاحباط...الذي ينتج عنه الامراض والنفسيات...

يامرحبا بك
ولاهنت
The Master
17-02-2010, 01:26 PM
الايجابية شيء مهم بالحياة ....وهي حليف للنجاح والتفوق ..

والإيجابية نستطيع نكونها عن عمد ووعي بمجرد تغير طريقة تفكيرنا ونظرتنا للأمور ...وتغير طرق
تعاملنا مع الحدث الضاغط أو السيء أو ما يحتاج منا لجهد مضاعف لتحقيقه رغم عدم توفر أرضية له
أو ما يجب التعايش من ألم ( كالمرض المزمن ..فقد عزيز ..رعاية ذوي الاعاقة بالاسرة ) ....

فمثلا ..حينما تعاني من مرض كالسكري أوالضغط ..أخوك يعاني من الثاني

فالايجابية إنك لازم تتعود على نمط الصحي للأكل ...

- منها تقليل الملح والتعود على الطعم الماسخ للأكل ( مع إنه مالاه حلاه ) ...وتقلل اكل المعلبات ...الخ ...
وتقلل الدهون لأقصى حد في اكلك
اهو حلو انك تغير سلوكك الغذائي ومفيد للصحة ...والاصعب إنه يكون
أكلك أكل رجيم طول الوقت ....ويبغي فترة لتتأقم بايجابية مع هالشي
أنا طولت اشوي ليمن قدرت أتأقلم مع نظام الآكل ( كطعم ) ...

والإيجابية الثانية ..التقرب من الله أكثر ..ورجاء الآجر والمثوبه على البلاء

ويعطيك ألف عافية ع الموضوع ..لاهنت

هلا ومرحب اخوي بوعوف...
ماشاء الله...ابدعت صراحه في توضيح كيفية تغيير نمط الحياة...
ترتيب خيو...

واكيد والاهم هي التقرب من الله...هو بيده الامر كله...يقول له كن فيكون...سبحانه...

اشكر لك تواجدك واثراءك الموضوع بشي عملي ومفيد...

ويامرحبا بك
ولاهنت خيو...نورت...
HarMoniCa
18-02-2010, 09:52 AM
يعطيك العافيه اخوي على المواضيع المتميزه دايماً

من فينا ما يتمنى تكون هذي نظرته لكل الامور... ربك كريم ان شاالله نوصل لهذي الايجابيه قبل فوات الاوان :)
The Master
20-02-2010, 07:47 PM
يعطيك العافيه اخوي على المواضيع المتميزه دايماً

من فينا ما يتمنى تكون هذي نظرته لكل الامور... ربك كريم ان شاالله نوصل لهذي الايجابيه قبل فوات الاوان :)

هلا ومرحب اختي هارمونيكا...
معليش على التاخير في الرد...تفهي...احم

ويعافيك يارب...التميز في تواصلكم...والاهم هو تطلعون بفايده...

التمنى لحالي ما ياكل عيش...احم
القصد...لازم الاصرار والعمل...وتثبيت النيه على التغيير...
واكيد كل شي بيد الرحمن...لكن نحتاج لدقة السلف...بلاها ماراح نشتغل...

ويامرحبا بك
ولاهنتى على المرور اختي...
The Master
22-05-2010, 08:37 PM
للرفع...احم
بـــــــنت النوخـّــــذه
22-05-2010, 08:59 PM
http://www.s3udy.net/pic/sign002_files/12.gif
7
7
7
7

باختصار :nice:
The Master
22-05-2010, 09:04 PM
http://www.s3udy.net/pic/sign002_files/12.gif
7
7
7
7

باختصار :nice:

شسالفه؟؟؟...احم

شغاله الاختصارات...مب عوايدك...الظاهر النيو لوك...احم

اكيد ان تكن ذا همه تصل للقمه...
احييك عليها...بس احس اني قاريها من قبل...بس مادري وين...

ويامرحبا الساع...