المساعد الشخصي الرقمي

مشاهدة النسخة كاملة : ادوات التاديب في الماضي الجميل


hemoud123
14-02-2010, 09:13 PM
لقد كان الضرب الرحيم احد اهم وسائل التربيه والتقويم في الزمن الماضي الجميل سواءا في البيت او المدرسه , اما اليوم فالمدرس او المدرسه يفكر الف مره قبل ان يقذف تلميذ ببقايا طبشوره ليحثه على الانتباه , وكذلك الاب والام لم تعد القوانين تسمح لهم بضرب الابناء دزن ان يتعرضوا للمسائله واحيانا التعهد اما ضابط الشرطه بعدم تكرار تلك الجريمه :secret:الموضوع عباره عن محاولة لتعريف الجيل الجديد جدا بوسائل التاديب في الماضي القريب , وكذلك تذكير من ذاق حلاوتها :secret:

ما اطول عليكم , ولنبدأ:

1- الكف:
ويطلق عليه في بعض المناطق ( السطار ) وهي ضربه براحة اليد على الخد الايمن او الايسر وغالبا يكون الايسر , وتعتمد قوة السطار على
ا- جنس المضروب ( ذكر او انثى ).
ب - جنس الضارب ( الاب او الام ) وغالبا يكون سطار الاب اشد اثرا ؟
ج - الحاله المزاجيه للضارب .
د - نوع المخالفه
2 - المسطره :
وهي اداة قياس حاده الاطراف طولها 12 بوصه , يستخدمها المدرسين والمدرسات للضرب على راحة اليد متحاشين الضرب بحافة المسطره .
3- الفرص (القرص):
وعادة تعاقب به الفتيات في المنزل , وهو الضغط على الجلد بالابهام والسبابه

4 - العسو :
وهي اداه تستخلص من اشجار النخيل تستخدم في تنظيف وكنس المنازل وعند الضروره تنظف بها جلود الاولاد والبنات عند ارتكاب الاخطاء , وغالبا ما يترك الضرب بالعسو علامات بسيطه على الجلد ما تلبث ان تزول ويعود الولد اة البنت للشطانه .

5- الخيزران :
وهي عباره عن عصى خشبيه رفيعة جدا ومرنه , تختلف في الطول والسماكه , والخيزران لها تاثير نفسي وبدني اللهم ياكافي , وعادة يستخدمها الكبار في السن الذين لا يقوون على مطارده الاطفال escape, فضربه واحده كفيله ان تؤدي الغرض المرجو .
6- العقال :
وهي اداة مصنوعه من الصوف , يلبسها الرجال فوق الغتره , يستخدم غالبا عندما يكون الامر طارئ ولا يحتمل الانتظار لحين ايجاد عسو او خيزران وغالبا يستخدمه الاب .

الان اخي واختي السؤال هل لك/ي ذكرى مع اي من تلك الادوات ؟:)
بالنسبه لي تم تجريب اغلبها :nice:
Mozanee
14-02-2010, 09:37 PM
موضوع من التراث بس مؤلم بصراحة ,,اذكر امي تلحقنا بالعسو ,, بس ابوي الله يرحمه ما كان يضرب البنات بس الاولاد وما كان يستخدم هالوسائل بس للتخويف ومرة كانت اختي متشيطنه وتبي تحرقنا بالكبريت وعشان ابوي يخوفها قالنا روحوا دوروا لي لوح فيه مسمار حتى اضربها ولين اليوم واحنا نضحك على السالفة ,,,
hemoud123
14-02-2010, 10:54 PM
:)
موضوع من التراث بس مؤلم بصراحة ,,اذكر امي تلحقنا بالعسو ,, بس ابوي الله يرحمه ما كان يضرب البنات بس الاولاد وما كان يستخدم هالوسائل بس للتخويف ومرة كانت اختي متشيطنه وتبي تحرقنا بالكبريت وعشان ابوي يخوفها قالنا روحوا دوروا لي لوح فيه مسمار حتى اضربها ولين اليوم واحنا نضحك على السالفة ,,,

صادقه في وقتها كانت مؤلمه , لكن الحين الواحد يتذكرها ويضحك ويترحم عليهم , الله يرحمهم ويسكنهم الجنه
على طارئ اللوح بو مسمار
من سنتين احضر الى مستشفى حمد طفل في الثالثه عشره من جنسيه عربيه وقد تلقى ضربه في راسه بلوح فيه مسمار من والده طبعا بالخطا ما كان يدري ان اللوح فيه مسمار , ومكث في العنايه المركزه وراح في غيبوبه لشهرين كاملين , ولا اعلم ما جدث له بعد ذلك

شكرا لمرورك العطر وواضح ان اغلب الاعضاء ما جربوا اي من تلك الادوات :)
الـقـنـاص
14-02-2010, 11:01 PM
ذكرى وبس

انت نسيت النعال والكعب

انا جربت كل شيء وفوقهم بكوس خخخخخخخخ
hemoud123
14-02-2010, 11:19 PM
ذكرى وبس

انت نسيت النعال والكعب

انا جربت كل شيء وفوقهم بكوس خخخخخخخخ

ههههههههههههههههههههههههههه
جميل الانسان يجرب شوي من كل شي
Mozanee
14-02-2010, 11:58 PM
أذكر في ناس عند بيتنا يحرقون اصابع اليهال اذا اسرقوا ,, :(,, وأنا كنت اطق ولدي بيدي بس ,,لكني متندمة وايد لانه ساعات يذكرني اني كنت اطقه ومرة قالي انا ما انسى يوم الي طقيتيني فيه ,, ويقصد يوم كنت صج افتريت فيه ,, ودايما اقول ياليت لو يرجع الزمن ورى ما كنت امد يدي عليه والله الضرب ما منه فايدة الا يتعقد الياهل وانا كل ضربي من الضيم الي اشوفه وما الاقي الا ولدي جدامي فاضربه من الحرة لين قام يحن علي ,,ياليت يدي انقطعت ولا مديت يدي عليه ,, وانا اكتب لك احس العبرة بتخنقني ,,فديت بوسنيدة :(
بو شريم
15-02-2010, 12:04 AM
تلشطنا عشان الصلاه
بوخالد911
15-02-2010, 12:04 AM
جربناها كلهم
:(
Mozanee
15-02-2010, 12:10 AM
اييييييي نسيت أقولك كانوا أخواني الصبيان يطقوني طق ,,انا بالذات هههههههههههههههه كنت اعاندهم ومرة اخوي الكبير داسني على راسي وطلعت لي دلقومة من الصوب الثاني واخوي المتوسط كان يطقنا بالخيزرانه عشان الصلاة وقبل السبع ,,, لا احد يضحك ,,:(
hemoud123
15-02-2010, 12:40 AM
أذكر في ناس عند بيتنا يحرقون اصابع اليهال اذا اسرقوا ,, :(,, وأنا كنت اطق ولدي بيدي بس ,,لكني متندمة وايد لانه ساعات يذكرني اني كنت اطقه ومرة قالي انا ما انسى يوم الي طقيتيني فيه ,, ويقصد يوم كنت صج افتريت فيه ,, ودايما اقول ياليت لو يرجع الزمن ورى ما كنت امد يدي عليه والله الضرب ما منه فايدة الا يتعقد الياهل وانا كل ضربي من الضيم الي اشوفه وما الاقي الا ولدي جدامي فاضربه من الحرة لين قام يحن علي ,,ياليت يدي انقطعت ولا مديت يدي عليه ,, وانا اكتب لك احس العبرة بتخنقني ,,فديت بوسنيدة :(

صدقيني لا تشيلين هم بيكبر وينسى , واذا ما نسى بيذكر وبيضحك مثل ما ضحكتي على مواقف الوالد معاكم الله يرحمه
hemoud123
15-02-2010, 12:43 AM
تلشطنا عشان الصلاه

هذي عاد قصه ثانيه
غير الضرب الماي البارد في الشتاء حق صلاة الفجر
الله يرحم الميت منهم ويطول في عمر الباقي منهم
hemoud123
15-02-2010, 12:46 AM
اييييييي نسيت أقولك كانوا أخواني الصبيان يطقوني طق ,,انا بالذات هههههههههههههههه كنت اعاندهم ومرة اخوي الكبير داسني على راسي وطلعت لي دلقومة من الصوب الثاني واخوي المتوسط كان يطقنا بالخيزرانه عشان الصلاة وقبل السبع ,,, لا احد يضحك ,,:(

لا عادي اختي ما فيه شي يضحك تصير دايما


ههههههههههههههههههههههههههههههههههههههههههههه
هههههههههههههههههههههههههههههههههههههههههههه

دلقومه ؟ باال من وين طلعت هالكلمه احس معاها غبار وايد :)
Most Wanted
15-02-2010, 12:48 AM
اما انا جررربت كل اللسته اللي فوق زايد عليها الوالد الله يحفظه لحقني وانا اخوي العود بالسياره يبغي يروعنا لان انا كنت مسوي مصيبه فوق الجايده الله ستر.

كنا راعيين مصايب ومشاكل خخخخخ :)
عاشق الشهادة
15-02-2010, 12:58 AM
السلوكا :weeping: يومياً:weeping:
hemoud123
15-02-2010, 01:05 AM
السلوكا :weeping: يومياً:weeping:

هذي طريقه جديده يا عاشق الشهاده
وضح فضلا لا امرا
khaleeji
15-02-2010, 03:00 AM
جربتهم كلهم ولله الحمد بس في المدرسه كانوا يضربوننا بخيزران عليها شلوشن

وكووني مره واحده,,,,,,,,,,لاني حرقت المجلس بالكبريت

احس اني مظلوم
Mozanee
15-02-2010, 03:01 AM
لا عادي اختي ما فيه شي يضحك تصير دايما


ههههههههههههههههههههههههههههههههههههههههههههه
هههههههههههههههههههههههههههههههههههههههههههه

دلقومه ؟ باال من وين طلعت هالكلمه احس معاها غبار وايد :)

تعمدت اذكر هالكلمة لانها تناسب موضوعك ,, الله وكيلك سبب لي عاهة هو داسني على جنب وجهي ومن الناحية الثانية طلعت هالدلقومة والله ما اكذب عليك شفت النجوم والله
بنسل
15-02-2010, 03:23 AM
العسو ؟
http://www.qatarshares.com/vb/images/smilies/escape.gif
بنسل
15-02-2010, 03:25 AM
قبل يطقونا بالعسو والخيزران والعقال الحين يطقونهم بواير البليستيشن 3
http://www.qatarshares.com/vb/images/icons/icon10.gif
Mozanee
15-02-2010, 03:29 AM
اي ومرة عضيت ولدي بيده وكان صغير ما يعرف يتكلم بس راح يشتكي عند يدتي ويرويها شلون عضيته وقامت تبوس يده وكل شوي يرويها عشان تبوسه احس اني مجرمة :(
بنسل
15-02-2010, 03:32 AM
^
وقفت عالعض ؟
شرايج بالقفشه ع النار ؟ والكوي :(
Mozanee
15-02-2010, 03:35 AM
^
وقفت عالعض ؟
شرايج بالقفشه ع النار ؟ والكوي :(

اي والله كنت اشوف جيرانا يسون جذي في عيالهم وحتى عندنا طالب امه حارقته بصدرة ومرة ابو قام يشوت ولدة عند المدرسة عشان ما ركب الباص واضطر هو ياخذه واكتبوا عنه في الجريدة
بنسل
15-02-2010, 03:38 AM
اي والله كنت اشوف جيرانا يسون جذي في عيالهم وحتى عندنا طالب امه حارقته بصدرة ومرة ابو قام يشوت ولدة عند المدرسة عشان ما ركب الباص واضطر هو ياخذه واكتبوا عنه في الجريدة

أما .. :(
لا احنا كانو يكوونا ع خفيف يروح الاثر بسرعه
يعني ماتكون حاره حااره
بس اللي يربي ولده بالعنف الزايد هاي غبي مع احترامي له


في أشياء اكثيره كانو يعاقبونا فيها اذا تذكرت ع طول بكتب
والي عنده لا يستحي الحاله من بعضه http://www.qatarshares.com/vb/images/icons/icon10.gif
Mozanee
15-02-2010, 03:44 AM
أما .. :(
لا احنا كانو يكوونا ع خفيف يروح الاثر بسرعه
يعني ماتكون حاره حااره
بس اللي يربي ولده بالعنف الزايد هاي غبي مع احترامي له


في أشياء اكثيره كانو يعاقبونا فيها اذا تذكرت ع طول بكتب
والي عنده لا يستحي الحاله من بعضه http://www.qatarshares.com/vb/images/icons/icon10.gif

مشكلة اذا كان الضرب تشفي مب تاديب ومعظم الي يضربون عيالهم تشفي والله ,,حرام شلون ما نحس فيهم هم صغار وعظامتهم طرية واحنا يدنا مثل المزربة ,,ويعه :(
دريمز
15-02-2010, 09:42 AM
أنا بس كنت انقرص

لأنهم ماكانوا يقدرون يصيدوني

خخخ

يسلموو ع الموضوع ذكرتني بالماضي
بنت العلي
15-02-2010, 09:48 AM
ذكرى وبس

انت نسيت النعال والكعب

انا جربت كل شيء وفوقهم بكوس خخخخخخخخ


الصراحة انا اذكر الزنوبه هههه انضربت فيها مره من امي عالصبح عشان اروح المدرسة هههههههههه
hemoud123
15-02-2010, 12:47 PM
أما .. :(
لا احنا كانو يكوونا ع خفيف يروح الاثر بسرعه
يعني ماتكون حاره حااره
بس اللي يربي ولده بالعنف الزايد هاي غبي مع احترامي له


في أشياء اكثيره كانو يعاقبونا فيها اذا تذكرت ع طول بكتب
والي عنده لا يستحي الحاله من بعضه http://www.qatarshares.com/vb/images/icons/icon10.gif

والله صدقت الحال من بعضه , بس اكيد فيه ناس يستحون يقولون انهم انلشطوا بعقال او بخيزران , يعني علشان ما يخترب البرستيج :omen2:




مشكلة اذا كان الضرب تشفي مب تاديب ومعظم الي يضربون عيالهم تشفي والله ,,حرام شلون ما نحس فيهم هم صغار وعظامتهم طرية واحنا يدنا مثل المزربة ,,ويعه :(

لكن احيانا لابد من الضرب ولو خفيف
وعلى العموم الطفل يكبر وينسى مثل ما يقولون


أنا بس كنت انقرص

لأنهم ماكانوا يقدرون يصيدوني

خخخ

يسلموو ع الموضوع ذكرتني بالماضي

هههههههههههههههههههههههه
كان مفروض يستخدمون معاك اسلوب الخيزران :) لانها عادة طويله ولا ينفع معاها السرعه


الصراحة انا اذكر الزنوبه هههه انضربت فيها مره من امي عالصبح عشان اروح المدرسة هههههههههه

ولمن لا يعرف الزنوبه فهي عادة مصنوعه من البلاستيك وتكون شديده المرونه , ويكثر استخدامها لهذا الغرض بسبب توافرها في كل بيت :)
اشكر الجميع على المرور العطر
بنت العصـيمي
15-02-2010, 12:56 PM
امي كانت وااايد تقرصني

الوالد ماطقني الا مره وحده وخليته يتحسف فديت قلبه

اما خواتي طاحو فيني طق لين ما قالو بس خبركم الصغيره

وانا الحين مقطعتهم ومستلمتهم بس ما يقدرون يطقوني الحين

فبدا الانتقام نيا هاهاهاهاهاها ولد اختي الحين ينطق
hemoud123
15-02-2010, 11:24 PM
امي كانت وااايد تقرصني

الوالد ماطقني الا مره وحده وخليته يتحسف فديت قلبه

اما خواتي طاحو فيني طق لين ما قالو بس خبركم الصغيره

وانا الحين مقطعتهم ومستلمتهم بس ما يقدرون يطقوني الحين

فبدا الانتقام نيا هاهاهاهاهاها ولد اختي الحين ينطق

الله يعينه المسكين
بس المهم الحين البيوت تخلو من العساوه وهذا المهم
عاشق الشهادة
15-02-2010, 11:31 PM
هذي طريقه جديده يا عاشق الشهاده
وضح فضلا لا امرا





هههههههههههههه اشلون اوضح مافي الا اصور طريقه السلوكا واحط الصورة لك :victory:
بوغانم995
17-02-2010, 07:46 AM
ماضر ضرب الوالدين للأطفال في الصغر ايام زمان وشوف هم الآن رجال يعتد بهم خلقاً وكرماً وتواضعاً .
hemoud123
17-02-2010, 09:00 AM
ماضر ضرب الوالدين للأطفال في الصغر ايام زمان وشوف هم الآن رجال يعتد بهم خلقاً وكرماً وتواضعاً .

صدقت يا بوغانم
ضرب الوالدين رحمه وادب
ياسلام على ذاك الوقت , كان الاب يضرب ابنه وتجي الام تقول لولدها روح بسرعه حب ابوك على راسه علشان يرضى عليك ونفس الشي اذا الام ضربت ولدها
بوغانم995
17-02-2010, 10:57 AM
صدقت يا بوغانم
ضرب الوالدين رحمه وادب
ياسلام على ذاك الوقت , كان الاب يضرب ابنه وتجي الام تقول لولدها روح بسرعه حب ابوك على راسه علشان يرضى عليك ونفس الشي اذا الام ضربت ولدها

مأحلا هذا الوصف والله أنك صدقة وين الأم الأن من هذا الكلام - يكفي انها دفعت الأبن أو البنت لتقبيل راس أبوها أو الأب دفع أولاده لتقبيل رأس أمهم والأعتذار لها أو لـه الصوب والعقل في كبح وتحجيم الغضب العكسي او ردة الفعل......خوش كلام وتكر على هذا الرد الموفق وفقك الله في الدنيا والأخره ووالديك .آآآمممين .
فلفل حار
20-02-2010, 07:25 AM
والله ماتم شي ماجا على ظهري حتي هوز الحمامات الحديد تلشطت به ههههههه
والله ماصرنا رجال الآ من الضرررب والحمدلله ...



مشكووور بوجاسـم على الموضوع الجميـل ...
:)
بنت ذياب
20-02-2010, 11:26 AM
انا ماجربت كل هالاشيااا .. الحمددلله ههههههههه

بس امي كانت تطقني بالنعاال :shy:

اما ابوي مايضرب .. بس يصرخ صرخه وحده .. اطيح من طولي وانهاار :weeping::weeping:
pure
20-02-2010, 11:35 AM
هههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه


والله ضحكتوني عل الصبح خخ

انا عني " مامي" تنوع لي هههههههههههههه

اما ابوي فديته ما يطقني بس نظرات واذا عصب عصب وصل حده يطقني بيده على ظهري ,,
فلفل حار
20-02-2010, 11:48 AM
بنت ذياب + بيور

يبيلكم على خفيف خخخخخ ...:telephone:


http://www.alyaum.com/images/12/12716/574708_1.jpg
hemoud123
20-02-2010, 11:50 AM
والله ماتم شي ماجا على ظهري حتي هوز الحمامات الحديد تلشطت به ههههههه
والله ماصرنا رجال الآ من الضرررب والحمدلله ...



مشكووور بوجاسـم على الموضوع الجميـل ...
:)

ههههههههههههههههههههههههههه
يا اخي والله احب صراحتك وايد
ترى حتى اللي يقول انه ما انضرب لازم يكون جرب بس يمكن نسى:secret:
والصراحه انا ما الوم الاهل في السابق على استخدام الضرب , لان الاطفال كانوا شياطين بزياده وخاصه الاولاد
تسلم على المرور
hemoud123
20-02-2010, 11:54 AM
هههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه


والله ضحكتوني عل الصبح خخ

انا عني " مامي" تنوع لي هههههههههههههه

اما ابوي فديته ما يطقني بس نظرات واذا عصب عصب وصل حده يطقني بيده على ظهري ,,

لا ال ضرب باليد ما ينفع ولا يوجع هذا اسمه تهميز بس
اذا العسو ما يلبب ويزغرد ويلولش على الظهر والا ما اسميه ضرب :)
بس حلو تنوع لك الماما
يعني من باب التغيير وكسر الروتين
هههههههههههههههههههه
pure
20-02-2010, 12:07 PM
بنت ذياب + بيور

يبيلكم على خفيف خخخخخ ...:telephone:


http://www.alyaum.com/images/12/12716/574708_1.jpg

ههههههههههههههههههههه

وانت يبيلك على ثقيل

http://www.shamsqatar.com/up3/get-4-2009-e433zl64.jpg
بنت ذياب
20-02-2010, 12:08 PM
هههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه


والله ضحكتوني عل الصبح خخ

انا عني " مامي" تنوع لي هههههههههههههه

اما ابوي فديته ما يطقني بس نظرات واذا عصب عصب وصل حده يطقني بيده على ظهري ,,


تصدقين بيور اني احيانا انضرب هههههههههههههههههههههههههههههههههه

بس قووولي شلون؟؟

يوم امي تبي تضرب اختي الصغيرة

انا اوقف بالنص عشان ماتضربها

واتيي الضربة علي ههههههه

واحيانا اخواني الشباب يتهاوشون واناا يازعم بفرقهم

اللي يرفسني من صوب

واللي يكفخني من صوب

هههههههههههههههه :d


بنت ذياب + بيور

يبيلكم على خفيف خخخخخ ...:telephone:


http://www.alyaum.com/images/12/12716/574708_1.jpg

هاي خفيف:(
pure
20-02-2010, 12:09 PM
لا ال ضرب باليد ما ينفع ولا يوجع هذا اسمه تهميز بس
اذا العسو ما يلبب ويزغرد ويلولش على الظهر والا ما اسميه ضرب :)
بس حلو تنوع لك الماما
يعني من باب التغيير وكسر الروتين
هههههههههههههههههههه

ايييه امي عندها حب المفاجات , شكلها "وعلى قدر اهل العزم تأتي العزائم " هههههههههههه

بس ابوي , اذا ضرب االواحد على ظهره يصيده لمدة يومين اعوجاج بالعمود الفقري :(
غير البشر
20-02-2010, 12:15 PM
بااااااااااااال :weeping: تبلح جنبي منهم :(

وبعد في شي جربته مانذكر ههههههههههههههههههههههههه

السوط : كان ابوي الله يرحمه عنده سوط طوله تقريبا متر وزياده

وهو نفس المسطره الطويله مصنوعه من البلاستيك لكنها مرنه

يعني مب يابسه بس حق التحرقص ههههههههههههههههههههههه

جربتها يوم كان يقومنا للصلاه :rolleyes2:


يعطيك العافيه الغاليه على التذكير المؤلم :nice:
pure
20-02-2010, 12:15 PM
تصدقين بيور اني احيانا انضرب هههههههههههههههههههههههههههههههههه

بس قووولي شلون؟؟

يوم امي تبي تضرب اختي الصغيرة

انا اوقف بالنص عشان ماتضربها

واتيي الضربة علي ههههههه

واحيانا اخواني الشباب يتهاوشون واناا يازعم بفرقهم

اللي يرفسني من صوب

واللي يكفخني من صوب

هههههههههههههههه :d



هاي خفيف:(


انا تدرين ليش اغث امي واخليها تلجأ للعنف المنزلي ههههه

اني ما ارتب اغراضي هههههههههه

وحركات اني انطق بالغلط حفظتها عشان جي لو حد تهاوش افججهم من بعيد ههههههههههه
hemoud123
20-02-2010, 12:24 PM
بااااااااااااال :weeping: تبلح جنبي منهم :(

:rolleyes2:
:nice:

هذي احلى كلمه شفتها في هالموضوع كله :)
صحيح عليها شوي غبار لانها قديمه ومرتبطه بالضرب :nice: