تجهيزات غرف الولادة

[]دانة الدنيا]

ابي حد يساعدني في افكار جديدة حلوة وراقية حق تجهيزات غرفة الولادة في المستشفى والاماكن اللي تتكفل بالتجهيزات كامله واكون شاكرة لكم ..

[أم جود]

حبيبتي روحي كازا اللي فشارع المطار

وبتدعين لي صدقيني

كل شي عندهم حتى التوزيعاااات

شي خيااااااااااااااااااال ما تتخيلين

[]دانة الدنيا]

تسلمين

[]دانة الدنيا]

وينكم يابنات

[احساس الدوحة]

عندج ماسيس ومحلات تجهيز الافراح

وبالتوفيق

[ســداويــه]

كازا حلو انا جهزت غرفة ولادة بنتي في ليالي اللي في بن عمران والكل استخف على الغرفة

وبالتوفيق

[مشتاقة لقطر]

موووووووووفقة

[يغار الحلى]

بالنسبه للاماكن كازا و لوليتا ..

[]دانة الدنيا]

مشكورين حبايبي لوليتا هذا اسم محل وين يكون

[ALK]

موفقه

[كبشينو]

مووووووووووفقه

[فدوى]

موففففففففففففففففففففففففففففففقه

[هميان قطر]

يعطيكم العافيه

[قطريه 121]

مرحبا اختي ،،،، انا اقدر اسوي لج تجهيزات راقية للولادة غير الموجود بالمحلات ،، وتقدرين تتواصلين معاي تشوفين شغلي ،، تواصلي معاي على الرقم 7937556

[مساهم غشيم]

هلا وين بالقى اطقم البيبي غير بيبي شوب ارجوووووووووووووووووووووكم الرد بسررررررررررررررررررررعه

[ربي سامحني]

اختي الله يوفقج ان شالله ويقومج بالسلامة
تقدرين تجهزين اغراض الغرفة بروحج وهذا اللي نسويه ويسوونه وايد بنات وحرام تدفعين مبلغ كبير على الغرفة وكلها يومين 3 وتطلعين ان شالله
حددي اللون واشتري كم شمعة راقية وتشكيلات حلوة من لايف ستايل او هوم سنتر ويكونون كلهم متناسبين في الالوان والملحف يكون مقارب لهم في اللون ومفرش البيبي وتقدرين تشترين توزيعات من لاريسا او حتى تسوينهم بنفسج
واشتري باقة ورد طبيعية ناعمة تنحط في وسط الطاولة وجهزي صواني الضيافة والدلال والاكلات اللي بتقدمينهم والله يبارك لج في رزقج وفي عمل يدج وخلي خواتج يساعدونج خاصة الصغار افكارهم وايد حلوة
وعن اطقم البيبي الصراحة مافي احسن من بيبي شوب ثيابهم جودة وتكدينهم كد

[الأصيلة]

عزيزتي
غرفة الولادة ماتحتاج أكثر من ملحف راقي + كم قميص نوم ناعمين
+ 3مزهريات ورد طبيعي ...وتحتها شراشف دانتيل صغيرة دائرية أو مربعة من دوحه ستي
شوكلاته راقيه حلوة من ركن الشوكلاته او لافوندوم أو فوشون
في صينية متوسطة مش كبيرة او علبه خشبية راقية او فضيه( وبس )
بالإضافة إلى بيالات وفناجين حلوة متناسقة وصواني تقديم بسيطة...
مافيه داعي للتوزيعات والشراشف الدفشة والمخدات والشموع والخرز والريش والفرو
...الخ
مثل مايسون هالناس اللي تدخل غرفة الولادة كأنها خلة عرس...
الوحده طالعة من ولادة وتعب المفروض تهتم بنفسها وصحتها
مب في هالكماليات اللي مالها لزوم...وفي نفس الوقت تضيق الغرفة وتخليها مش مريحة..
صدقيني بالطريقة هذي تطلع غرفتك ناعمة وراقيه وتعجب الجميع...
مجرد وجهة نظر ولك الإختيار
وتقومين بالسلامة إن شاء الله..

[]دانة الدنيا]

مشكورين على الآراء الحلوة

[Dissney]

انا مع اختي الاصيله

كل اللي تحتاجينه ملحف نااااااعم خامه وحده حاولي قد ماتقدرين تبتعدين عن الدفاشه والقطع الزايده وتداخل الالوان افضل تاخذين الملاحف اللي جودتها امريكيه نااعمه ومريحه وموديلاتها راقيه جدا وراح تستفيدين منه بعد الولاده افضل محل دويل اللي في الستي او الصالون الازرق
مفرش ناعم على الطاوله حتى لو كان مزخرف بس يكون شي بسيط بتلاقينه في لايف ستايل تحطين في وسط الطاوله اما ورد طبيعي مايكون كبير او ارتفاعه عالي واااجد او تحطين علبة شوكليت من لافوندوم او لاسيجال او ركن الشوكولاه لان عندهم ديزاينات حلوه وراقيه والشوكولاته يمممم ماعليها كلااام
طقم بيالات وفناجيل نفس الشي وتكون ناااعمه بدون كرستالات وهالسوالف لانها صارت موضه قديمه واكواب الشاي افضل تروحين هوم ار اص في الحياة بلازا رووووعه حتى لو كان فيها بعض التشكيلات او الوان متداخله مب لازم تلتزمين بنفس اللون واكواب العصير عندج زارا هوووم او ذاون
اما عن البيبي انا صراحه عن نفسي خذت لولدي بدلة روبيرتو كفالي ايجيج البلوفر مع قبعه ومريله في علبه وحده بتلاقينهم في هاي لاند والصالون الازرق وخذت مفرش ناااعم بعد من روبيرتو كفالي واكييييد ماتلتزمين بلون لبس الياهل مع ترتيب الغرفه
ومحلات اليهال في وااااجد عندج ماركس اند سبنسر مذركير بيبي شوب لان الياهل في هالسن لازم انج تبدلين له باستمرار وهالمحلات زينه واسعارهم مناسبه وجودتها عاليه
اتمنى اني افتدج الشيخه

[]دانة الدنيا]

ميرسي على الافكار الحلوة

[qatary_2001]

اناوطفلي فالسد روعه