داعم او مدعوم ...عليك غرامه

[قطري 22]

الاسبوع اللي فات دعم الدريول بالسياره وجاني مسج من مطراش بمخالفه
قلت يمكن لانه غلطان ... مو مشكله
ثاني يوم اندعم الدريول (يعني مغلوط عليه)وبعد جاني مسج من مطراش .. صراحه انقهرت :eek5:شسالفه
يعني طالع ماكل نازل ماكل

احس ان الشغله صارت تجاريه بحت

[شيط ويط]

المره الثانية يمكن الغلط مشترك :rolleyes2:

[ودي أكون]

صح يمكن الغلط مشترك ..

او يمكن العبت الواسطه دور :secret:

[شبح الصمت]

قصدك المخالفه 100 ريال أنا أخبرها على الي غلطان !!!!!!!!

[OTOsan]

في موضوع الدعمات .. تكون انت الغلطان احسن لك !!

يعني عالاقل تتحمل غلطتك وسيارتك تصلحها بكيفك ، ولكن لو انت مدعوم .. تتلعوز مع سيارتك اللي ماتمشي ومدري وين توديها وتروح للمرور وتدفع عشرين ريال لروقة التصليح وبعدين انت والتأمين واذا قديمة ادفع خمسين بالميه على قطع الغيار الاصليه .. وبعدين بهذلة الكراجات في الصناعية !!!

وكل هذا عشان كنت تسوق في امان الله ورابط حزامك هههههههههه

[الرويـس]

ان صح تعديل العنوان

(داعم او مدعوم ...عليك المرمطه )
:(

[متابع عن قرب]

لا لا لا



انا انظلمت في قطر قبل سنة ومادريت وين اروح اشتكي لأنهم قالوا مالك حق خذ سيارتك وسافر الامارات



الحاصل تعرضت لحادث مغلوط علي

والسيارة جدييييييدة عمرها 3 اشهر


ويوم رحت شركة التأمين قالو تحتاج تبديل بابين ورفرف ودواسة


المهم يوم عرفوا اني من الامرات قالو وش رايك نعطيك 1500 ريال وتوكل على الله

سألت عن التصليح والتبديل قالو يكلف حدود ال8000 ريال

رفضت وطلبت تصليح الوكالة بحكم ان سيارتي جديدة:anger1:


قالو ماعندنا مانع وودوها للشركة وخذت اسبوعين تصليح يوم جيت استلم السيارة قالو ادفع 4500 ريال :eek5::eek5:


ليييييش ؟.


قالو هذا النظام اذا بتصلح فالوكالة حتى لو سيارتك مدعومة امس لازم تدفع النص


قلت انا مغلوط عل يعني لا لي ناقة ولا جمل


قالو تدفع يعني تدفع :omen2:



دفعت وانا ميت قهرررررررررر



سألت ضابطين فالمرور عن الموضوع وافادوا بصحة اجراءات شركة التأمين

على فكرة نفس شركة التأمين فرعها في الامارت (( ماتوطوط )) عندنا

لكن النظام عندكم فيه مستفيد من ورى شركات التأمين ولا ما كان استقووا عليكم


حسبنا الله ونعم الوكيل

[OTOsan]

لا لا لا






قالو هذا النظام اذا بتصلح فالوكالة حتى لو سيارتك مدعومة امس لازم تدفع النص


قلت انا مغلوط عل يعني لا لي ناقة ولا جمل


قالو تدفع يعني تدفع :omen2:


حسبنا الله ونعم الوكيل

اللي يقهرك ان بعد هالمرمطة والتعب .. سيارتك سعرها ينقص عنداخواننا (الشريطيه) وتعتبر مدعومة ومب صبغ وكاله حتى لو صبغتها في الوكالة:funny:

[متابع عن قرب]

اللي يقهرك ان بعد هالمرمطة والتعب .. سيارتك سعرها ينقص عنداخواننا (الشريطيه) وتعتبر مدعومة ومب صبغ وكاله حتى لو صبغتها في الوكالة:funny:

اي والله

وديتها المعرض عند واحد من الربع اجتموا الشريطية وطلعو فالصبغ عيوووووب

ويوم قلتلهم القصة

قالو لو خذت 1500 وصلحتها في كراج في الامارات بتدفع خمس الاف


وشغل على كيف كيفك

وانا الحين شغل تعبان ودافع 4500


ظلللللللللللللللللللللللللللللللللللللللللللم