Dodge R/T Daytona

[ALGROOR]

شرايكم Dodge R/T Daytona 2006 كستخدام كسياره سبورت بس 4 ابواب


وقووة وخرابات طبعا هي 8 سلندر

ابي اجابياتها وسلبياتها لاني اول مره اخذ امريكي ومتخوفة منها حق اخوووي وخاطره فيها :shy:


بس مابي شي يحطيح بجبدنا :rolleyes2:


http://www.q8hp.com/Charger%20RT%20daytona'06-3.jpg



سعرها من الاخير 70,000 ريال

وممشاها تقريبا 65000 K.M


ابي رااايكم ...........؟؟

[Mody]

بصراحه سياره رزه وحلوه وادائها وايد قوي يعني سريعه من قلب لان هالنوع يجي 8 سلندر
بحجم 6100 سي سي اذا ماخاب ظني واذا الموتر نظيف حيل ترى ماله في الخرابات
واخذي وانتي مغمضه بس شرط النظافه

[ALGROOR]

تسلم يا الغالي ع المرور


والسياره نظيفة

[خيال شمر]

السعر غالي
انا ولد عمي خذ 2009
مااادري كم سعرها في الشركه لكن قالي بعتها بالزوووووووووووور 65 الف
لكن الخاطر مشكله حاولي تنزلين من سعرها قد ماتقدرين لاني والله اشوف 75 وموديل 2006 وامريكي وااايد صراااحه ولا تقولين لي السوق ... :)

[بعيد النظر]

غالية على موديل 2006 !

وثاني شي اذا بدون ضماان ما تسوى ..
لانها من الاخير صنعت فـ امريكاا !


اما عن قوة فـ الموتر قوي ..

[بوطويشم]

السلام عليكم

خليه يفكر فسيارة ثانية لان الدوج تشيكاتها فالصناعية (اذا ما عنده مشكلة)

خليه يشوف الشفر او مواتر يبانية

اما عن خرابات فمادري

وبالتوفيق

[traiem]

خذها وانت مغمض انا عندي وحده لا خراب ولا شي يعتمد على استعمالك وفي ناس ماتعرف الموتر لما ينباع رخيص ترى هاي 6 سلندر المهم موفق اخوي

[ALGROOR]

تسلمووون كلكم ع المرور

بس لا 8 سلندر يقوولي راعيها

[قطـ VERTU ـر]

اللي في الصورهـ .. 8 سلندر و 5700 سي سي .. ( 5,7 لتر )

واللي موديل 2009 وانباعتـ ب 65 هاي أكيد انها 6 سلندر

هـ السياره في منها حوالي 3 مكاين

6 سلندر واللي هي التشارجر العاديه

8 سلندر 5700 سي سي واللي هي الشارجر آر تي نفس اللي في الصورهـ .. وسعرها في الوكاله اذا ماخاب ضني من 130 لين 170 اذا ماكنت غلطان

8 سلندر 6100 سي سي واللي هي الشارجر اس آر تي وهذي ماتنزل عندنا في قطر في الوكاله .. سعرها من 180 وطالع ..

انا اشوفـ او ينزل السعر لين 65 الف بيكون سعر مناسبـ .. لان السيارهـ صار لها 4 سنين الحينـ ..

والسياره قويه مقارنة مع مثيلاتها .. مثل اللومينا اس اس من نفس الموديل .. و اقوى من الموستنجات

الخرابات الصراحه مادري عنها .. بس الاكيد ان القطع غيار بتكون غاليه لان السياره أمريكيه ووكيلها واحد في قطر ومافي موزعين معتمدين ومافي محلات تبيع قطع الغيار غير الوكاله ..

بـ 65 الف اخذوها .. بس بعد ماتفحصونها في المحلات اللي في طريق سلوى .. وأهم شي سلامة القير والمكينه .. وان السياره ماتكون مزودهـ من قبل ..

[ALGROOR]

تسلموون كلكم ع المرور

ولاهنتواا