حد سافر الأمارات طريج بر وندم بسبب زحمة المراكز؟

[Thamer_Qat]

باخذ العيال لدبي ومحتار بر ولا جو

حد سافر هاليومين يعلمنا اوضاع المراكز
وهل تتوقعون في رحلة العودة بنهاية عطلة الربيع بتكون زحمة وخاصة على مركز سلوى؟!!

[DEMAC]

زحمة اقل شي يبي لك 12 ساعة توصل ابوظبي
سافروا يوم الجمعة افضل تكون خفت الزحمة

[رجل الجزيرة]

زحمة اقل شي يبي لك 12 ساعة توصل ابوظبي
سافروا يوم الجمعة افضل تكون خفت الزحمة
والسبب؟
آخر مرة سافرت صيف 2007

[رجل الجزيرة]

باخذ العيال لدبي ومحتار بر ولا جو

حد سافر هاليومين يعلمنا اوضاع المراكز
وهل تتوقعون في رحلة العودة بنهاية عطلة الربيع بتكون زحمة وخاصة على مركز سلوى؟!!

في آواخر الليل، الزحمة خفيفة.

[عازف الاورج]

الله يعيييييييييينكم في مركز السعوديه يجيب الظغط

وزححمه زحمه صج

[qtrose]

إذا تبي تتحاشى الزحمة اطلع من وقت ، يعني اطلع قبل

صلاة الفجر وان شاء الله ما راح تتعطلون.

انا واصلة دبي من يومين والحمد لله ما كان في زحمة لأن

طلعنا من البيت بدري.

[كاتم الاسرار]

باخذ العيال لدبي ومحتار بر ولا جو

حد سافر هاليومين يعلمنا اوضاع المراكز
وهل تتوقعون في رحلة العودة بنهاية عطلة الربيع بتكون زحمة وخاصة على مركز سلوى؟!!

مرحباا يالغالي انا امس سافرت العصر والحمدالله مافي زحمه وبعدين الزحمه خفت وااايد وسهوله حتى مركز البطحاء والغويفات نفس الشي مافي زحمه ورجعت اليوم الظهر مافي زحمه كلش

والله يحفظك ان شاءالله اتروح وترجع بالسلامه

[اسعاف]

زحمة اقل شي يبي لك 12 ساعة توصل ابوظبي
سافروا يوم الجمعة افضل تكون خفت الزحمة

لا

انا سافرت صباح الجمعة فأذا الناس محشورة حشر

كلمني احد اقاربي انه كان معهم خدامة

وقعدوا ينتظرون التأشيرة لمدة 3 ساعات

نصيحة لا تودون معاكم الخدم ترى بتشوفون العذاب وتتمنون لو تتركون الخدامة ترجع لوحدها للدوحة وانتوا تواصلون السفر

[>الخسرانة<]

احنا عانينا من نفس المشكلة والسبب الخدامة واحنا ماشين الصبح بدري يبالفيت عشان الزحمة وناخذها نطره اربع ساعات واحنا في مركزهم الله يسامحهم وعلى كثر الناس اللي مسافره الموظف اللي يخلصهم واحد ؟تخيلوا
نصيحه سوو فيزكم للخدم من السفارات ولا يسوا اللي صار فينا .

[Thamer_Qat]

مشكورين على افاداتكم الطيبه
فعلا اتصلت بمركز بوسمره ويقول لي مال الجمارك الزحمة كانت اول ايام العطلة والناس بدت ترد بس اتوقع الخميس والجمعه نهاية العطلة الزحمة بتزيد وخاصة بسلوى و بوسمرة

عموما انا حجزت على القطرية وسيارة من المطار وعشقت الراحه

[الـقـاسـي]

انا بمشي الخميس صوب الامارات الله يستر من زحمة المراكز ..
..

[نجم سهيل]

السلام عليكم

رحت الخميس اللي طاف وكانت الزحمة واصلة برع مركز سلوى

أما البطحا جدامنا موترين بس ..

وهالخميس ان شالله رايح بعد مرة .. والله يعين ويستر

[بودندن]

المشكلة من مركز الطرف الثاني فيه تأخير دايم ولم يتم فتح كوانترات ثانية لتفادي التكدس من العائلات القطرية اللي تبقي تافر عن طريق البر وهذه صايرة في مراكزهم فقط .

[رجل الجزيرة]

الليلة بإذن الله ساري على الساعة 11 وإنشاء الله بوصل المركز الساعة 12 فالله يعين.إلا ويش أخبار الفقع في السعودية من صوب النعيرية، حد يفيدنا جزاه الله خير.

[ورقــة أمــل]

مافي زحمة ولاشي

انا رجعت اول امس عالساعة 3

وطلعنا الفجر مافي زحمة

[halcrow]

انا وااحد من الي حضر الزحمه في الخميس الي طاف 11 -2
وطالع الساعه 8 الصبح يابلفيت بشرد من الزحمه



ودخلت في زحمه سلوى
والكل كان متضايق ومتنرفز من المعامله البطيئه في الحدود السعوديه
وتنقعنا 3 ساعات


والغريبه
الجانب الاماراتي ( الغويفات )
3 ساعات ونص
تخيل
وعدد الموظفين سته يخدمون الالاف ( الله يهديهم )

للاسف ماتعودنا منهم

مفروض يحطون في بالهم ان في زحمه في هاليوم ويعالجونها قبل ماتصير

لو زودو عدد الموظفين في الكونترات لحلت المشكله لكن الله المستعان


وتوقع ان الزحمه انتهت لان نسبه كبيره سافرت .....

وذا ناوي على السفر
الساعه وحده في الليل هي اقل وقت تعين ناس ع الحدود

وتروح وترد بالسلامه

ملاحظه

اول مره اوصل دبي ب 12 ساعه
بالعاده 7 ونت مرتاح

[شيط ويط]

اخوي يقولون (السفر قطعة من العذاب) .. يعني لابد من الزحمة والتعب والانتظار وان شاء الله

مافيه ندم :)

رافقتكم السلامه

[ANONYMOUS]

من خرج من داره قل مقداره

[halcrow]

اخوي يقولون (السفر قطعة من العذاب) .. يعني لابد من الزحمة والتعب والانتظار وان شاء الله

مافيه ندم :)

رافقتكم السلامه




ايه ونت الصادق هالكلام ينطبق ع الدول العربيه الشقيقه بس

لكن بين الدول الاوربيه \\\\\\\\\\ كلامهم السفر قطعه من السكر

وحنا مانبي غير السكر

[fa6ma]

التعطيل وتظييع الوقت يصير عند المطبقه انا نطرت ساعة وطبعا فوضه كلن يتدازز جنقل

انا في الروحه طبقت لكن في الرده ما طبقة لاني ماتغطى وماله داعي التطبق

الي ماتتغطى ترا مافي داعي اتطبق حتى لو تتغطى لما توصل للشرطي ترفع الغطا والله بتخصلون بسرعه

[lord-qatar]

نا جربت الخط وااااااااااااااااااااايد لدرجه حفضت الشير الي على الخط ورادارات الجديده في خط بو ظبي

بس الزحمه الحمدالله ما مرت علي

^_^

[المجروح81]

والله امس جاي من الاماراات والزحمه معقوله

[بوسعود911]

الجوووووووووو احسن لك لاني تنقعت اول امس في المركز السعودي 5 ساعات

[مساهم عادي]

انا والله مستغرب من اللي يقول زحمة وتنقع 5 ساعات وعشر ساعات ومادري ايش..؟؟..
من الدوحة الى دبي 7 ساعات الى 9 ساعات بالكثير ... مراكز وطريق ووقفة صلاة ومحطة بترول وسرعة ماتزيد عن 140 ....

[الدمعه]

في الروحه كان مركزسلوى زحمه لانهم مسوين نظام البصمه حق الخدم وساعتين متنقعين

ويوم وصلنا الامارات بعد كان زحمه واول مره ناخذ هالكثر وقت لين نوصل ضربنا الرقم

القياسي في الطريج .. كل مره اذا كلش مطولين حدنا 8ساعات وكل شوي نوقف عشان اليهال

وسوالفهم عالطريج .. س هالمره خذنا 12ساعه @@ لاعت جبدنا ..والحمدلله والشكر على

كل حال اهم شي وصلنا سالمين غانمين ..