وظيفه في سبيتار

[شـعـشـبـونـه]

السلام عليكم

سؤأل : :rolleyes2:

احد عنده فكره عن ادارة سبيتار وطبيعة العمل في سبيتار
لان جاتني وظيفه عندهم ومتردده حدي فياااليت الي عنده اي معلومه عن هالمكان حتى لو بسيطه بتكون كبيره عندي ..انا الحين اشتغل واذا قبلت في سبيتار لازم استقيل من وظيفتي الحاليه (الي مب مرتاحه فيها)
انا مابي اغامر .. قلت اسأل اول وعقب اقرر ..
رجاااء الي يعرف احد يشتغل هناك يسأله ...


واسمحولي عالمقدمه الدفشه :shy:

[هدهد سليمان]

استخيري اختي .. بالنسبه لي اتمنى اني استطيع افادتك .. لكن انصحك بالاستخارة اولا .. ثانيا حددي اذا كنت تستطيعين العمل معهم بعد المقابله !

[بوطويشم]

وعليكم السلام

ماعندي خلفية عن المكان ان شاء الله الأعضاء يفيدونج

بالتوفيق

[شـعـشـبـونـه]

اخوي قابلتهم من زمان واليوم كلموني اوقع العقد

جزاك الله خير اخ هدهد

اخوي استخرت وبعد خايفه خاطري اعرف اكثر عنهم

[شـعـشـبـونـه]

بوطويشم

جزاك الله خير

[sendarala]

اذا استخرت وشفتي انج مرتاحة على طول اخذي قرارج ولا تترددين
بنات اختي العام الماضي تدربوا عندهم وايد ارتاحوا معهم لين اليوم يشكرون فيهم وفي طريقة تعاملهم

[شـعـشـبـونـه]

اذا استخرت وشفتي انج مرتاحة على طول اخذي قرارج ولا تترددين
بنات اختي العام الماضي تدربوا عندهم وايد ارتاحوا معهم لين اليوم يشكرون فيهم وفي طريقة تعاملهم

هلا اختي مشكوره عالرد ماقصرتي

اهم شي عندي الادراه

اذا الاداره زينه ونظيفه باذن الله كل شي بيكون تمام
بس اذا الاداره تعبانه هني المشكله

الشي الوحيد الي يخليني اتردد اني بنقل من وظيفه لوظيفه ثانيه (مبدأيا احسن منها) لكن بعد مابي استعجل .

[خوخه وحلو]

موفقه اختي

[بويوسف]

انتي تقولين ان عندج فرصتين عمل (ماشاءالله الله يرزقنا من فضله) ومحتارة من بينهم .. طيب هل مستوى العملين متشابه ؟ يعني في اعمال تفضل عن اعمال ثانية ..

[شـعـشـبـونـه]

تسلمون عالرد


انتي تقولين ان عندج فرصتين عمل (ماشاءالله الله يرزقنا من فضله) ومحتارة من بينهم .. طيب هل مستوى العملين متشابه ؟ يعني في اعمال تفضل عن اعمال ثانية ..

الوظيفه الحاليه مب مرتاحه فيها لاسباب ماله داعي اذكرها

الوظيفه الجديده بصراحه بصراحه احسن بواااجد لكن بعد مابي استعجل .. اهم شي الاداره وجو الشغل عندهم الي عنده اي فكره ياليت لو يفيدني

[برزان]

والله اني ماتحمل اكتم شي اعرفه خصوصا حق هل قطر و لو الموضوع ايكون في الصفحة العاشره .
في عضو طرش لي رساله اسمه قلبي الملتاع ...سئلني عن شي ولاني بعارف كيف اطرش له بسبت ماعندي خدمة الرسايل الخاصه .

ع العموم اختي ... كل الي تبينه بافيدج به ان شاء الله ... و طريقتج فيها حكمة ولاتستعجلين ..الا لين تعرفين الوضع هناك هل هو ايناسبج ولا لا .

بس المهم انا ابي اعرف شنهي طبيعة العمل الي بتشتغلين فيها عشان اخصص لج الوضع فيها واعطيج بعون الله الاجابة الشافيه و من ثم اعطيج فكره عامه عن المستشفى ككل .

واذا هذي الامور فيها تحرج بالنسبة لج ياريت ترسلين لي هالمعلومات عن طريق حدى الاخوات من ادارة المنتدى .

الله ايسر لج كل خير ان شاء الله

[نورالهدى]

موفقة أختي
والله ييسرلك اللي فيه الخير

[شاهيناز]

اسبيتار رواتبهم عاليه تصل 20 الف واكثر حسب الوظيفه
بس الدوام لحد 4

وبالتوفيق

[محمد11]

لخبرتي في سبيتار ف العلاج .. من بداية الافتتاح

تقريبا 90% اجانب

ومن ناحية المستقبل في مستقبل ان شاء الله وامتيازات كثيره اختي

وقعي العقد اختي وتوكلي على الله

[فلفل حار]

الله يسمح درررربج ...
:)

[كازانوفا]

بالتوفيق ان شالله وادعي الله وين الخير يقدمه لك
بس اول مره اسمع عن اسم سيبيتار هذا ايش بالضبط ؟؟؟
ومشكوريين

[برزان]

بالتوفيق ان شالله وادعي الله وين الخير يقدمه لك
بس اول مره اسمع عن اسم سيبيتار هذا ايش بالضبط ؟؟؟
ومشكوريين

هذا مستشفى متخصص في جراحة العظام و الطب الرياضي في المدينة الرياضيه ..(أسبيار زون)

[ماريسا]

الله يوفقج

[ودي أكون]

اسبيتار .. بااال ماندشرت هالكلمه .. اشوفهم جددوها :)

طبعا اول شي الاستخاره .. كرريها اكثر من مره اذا اتشوفين نفسج لين اللحين ماعرفتي شتبين ..

وعقب اخذي لج ورقه حبيبتي .. وكتبي مساوئ الجهة اللي انتي فيها .. والجهة اللي بتروحين لها ..
واكتبي مميزات الجهتين ..

وعقب شوفي شو الاحسن لج .. كامتيازات وظيفيه .. واختاري حبيبتي ..

وبالنسبه للخوف حبيبتي هذا شي طبيعي .. كونج بتغيرين مكانج الى مكان مجهول ماتعرفين أحد هناك .. وبدايتج راح اتكون من الصفر .. شي طبيعي الخوف حبيبتي ..

قوي قلبج وخلج واثقه من عمرج .. وقولي في قلبج ان شاءالله بقدر .. باذن الله .. وصدقيني بيروح خوفج وبتقدرين ان شاءالله ..

الله يوفقج حبيبتي ..

[شبح الصمت]

أخــتي دامج مهب مرتاحه في وظيفتج السابقة توكلي على الله وروحي الوظيفة الجديدة والله بيسمح دربج ويوفقج ولا تحاتين ربك يسهل الأمــور وإن شاء الله إن شاء الله تكون الوظيفة الجديدة فاتحة خير عليج ..

[شواطئ منسيه]

بالتوفيق انشاء اللة بس اعتقد ان المكان نزين واللي فيها مرتاحين
انان اعرف وحدة كانت تشتغل عندهم والحين مطرشينها تكمل برع

[الحجاجي]

بعد كل هالردود
وهالتشجيع

وللحين خايفه .


عيل تمي في الوظيفة اللي انتي مب مرتاحه فيها لين يصيدج الضغط والسكر والخ ..


اختي انتي بنفسج جاوبتي
انتي مب مرتاحه

توكلي على الله
وانطلقي إلى عالم آخر ..

وإن شاء الله بيوفقك ..

والخوف وارد في كل لحظة ..

لكن التردد هو اللي يخلي الأنسان فاشل ..

[شـعـشـبـونـه]

هدهد سليمان
بوطويشم
sendarala
خوخه وحلو
بويوسف
(برزان) :)
نور الهدى
شاهيناز
(محمد11) :)
فلفل حار
كازانوفا
دانتيل ورديك
(ودي اكون) :)
(شبح الصمت) :)
شواطئ منسيه
(الحجاجي) :)

الله يجزيكم خير كلكم ويكثر من امثالكم

الحمدلله جاني رزق من السماااا ماراح ارفضه بس الخووف ومايسوي

بس اليوم الحمدلله واثقه اكثر وراضيه بالوظيفه الجديده

وانا ولله الحمد من الي راح يبتعثونهم ندرس ماستر وعقب بكمل شغل عندهم


دعواتكم اخواني وخواتي والله ماقصرتوا بردودكم الطيبه


الله يبيض وجوهكم ويرزقكم كلكم .... :)

[برزان]

الله ايسر لج ان شاء الله بالتوفيق... وهلله هلله بهل قطر :)

[شـعـشـبـونـه]

888888


هههههه هم الخير والبركه .. افا عليهم بس ^_^

[بو خليفه 123]

مرحبا شعشبونه

اللي اعرفه و على حسب ماسمعت من موظفه تشتغل هناك شخصياً قالت انه جو الشغل حلو و قسمها كلهم على قلب واحد و وقت الشغل شغل و معظم الاوقات ضغط عليها من ناحية كمية الشغل اللي عليهم لذلك يطلعون في وقت متأخر .

من وجهة نظري .. الدنيا فرص و الواحد الحين يفكر في مصلحته بدال ولائه لشغله لأنه اخرتها كلنا بنطلع تقاعد و بيقولون لنا مع السلامه :)

أنا اقول استخيري ربج و توكلي على الله و بجي عندج عشان تتوسطين لي للعلاج لين شيّبت :nice:

[مضارب مستثمر]

فارق الامتيازات عن الوظيفه الحاليه و كذلك اوقات الدوام

اذا كانوا مناسبين,,,,توكلي على الله واقبلي,,,,و المكان حسب

ما نسمع عنه واعد و محتاج خصوصا لعمل المواطنين,,,,,

بالتوفيق على كل الاحوال,,,,:victory:,,,

[h a m a d]

توكلي على الله

والله يوفقج ان شاء الله

[شـعـشـبـونـه]

مرحبا شعشبونه

اللي اعرفه و على حسب ماسمعت من موظفه تشتغل هناك شخصياً قالت انه جو الشغل حلو و قسمها كلهم على قلب واحد و وقت الشغل شغل و معظم الاوقات ضغط عليها من ناحية كمية الشغل اللي عليهم لذلك يطلعون في وقت متأخر .

من وجهة نظري .. الدنيا فرص و الواحد الحين يفكر في مصلحته بدال ولائه لشغله لأنه اخرتها كلنا بنطلع تقاعد و بيقولون لنا مع السلامه :)

أنا اقول استخيري ربج و توكلي على الله و بجي عندج عشان تتوسطين لي للعلاج لين شيّبت :nice:

صدقت اخوي الدنيا فرص والحمدلله على هالفرصه الي جاتني

الله يعطيك الصحه وطولة العمر ..

لي الشرف اخدمكم .. ولوووو :shy:

[شـعـشـبـونـه]

فارق الامتيازات عن الوظيفه الحاليه و كذلك اوقات الدوام

اذا كانوا مناسبين,,,,توكلي على الله واقبلي,,,,و المكان حسب

ما نسمع عنه واعد و محتاج خصوصا لعمل المواطنين,,,,,

بالتوفيق على كل الاحوال,,,,:victory:,,,

بخصوص الامتيازات بصراحه الفرق كبيييييييييييير واحسن الحمدلله

وبالنسبه لساعات الدوام تقريبا مناسبه ..

جزاك الله خير اخوي والله يوفقك انت بعد ويرزقك :)

[شـعـشـبـونـه]

توكلي على الله

والله يوفقج ان شاء الله

ونعم بالله

الله يوفقك انت بعد ويرزقك .. جزاك الله خير ..

خلاص وقعت العقد اليوم بس انتظر الاستقاله من وظيفتي الحاليه عشان اباشر عندهم :)

الحمدلله والله يجزيه خير كل من دعالي :)

[ام سلطون]

الله يوفقج يااااااااااااااااارب

[قول و فعل]

مبرووووووووووووووك