كيف تقوم بادارة حساباتك الشخصية؟ اشلون تحسب زكاتك؟؟ هل تعرف شي عن Excel, MS Money

[عابر سبيل]

السلام عليكم و رحمة الله و بركاته...
هل تقوم بعمل اي نوع من تقييد لحساباتك الشخصية
و اموالك بطاقتك الائتمانية اسهمك..الخ الخ الخ..
او ثروتك (ان صح التعبير)..

سواء اكنت مليونيرا ام " مديونيرا"

هالسؤال جاء في بالي و انا اتحاور مع زميل لي...

انصدمت انه عنده قرض بنكي كبير...و ما يعرف يحسن ادارته
و لا هو بشكل صحيح..متابعه...

و ما عرف قيمة هالامر..الا لما قام بالاتصال
بالبنك... يسألهم كم بقى له من الدين( مبلغ و مدة)...
و الجواب..باقي لك اكثر من 15 سنه؟
قال اشلون..انا متلسف على 15 سنة
و من 4 او 5 اسنين قاعد اسدد!!

قالوا له..نعم..بس احنا طبقنا عليك شرط ..
كان من بين الاوراق اللي انت وقعت
عليها!! و تم اعادة جدولة قرضك..طبعا مو من بعد اذنك!

تخيلوا..لو قسطع 10 ألاف....و ايزيد عليه 5 اسنين..
يعني السلفية زادت عليه بحدود نص مليون ريال!!!

و مع الكلام..تبين لي الن الرجال..
و لو انه عنده من الخير كراتب
او اسهم او او..و عدد من بطاقات الائتمان..

يعني شخص (typical) اقطري مثل اغلب القطريين (و الحمد لله)..

لكنه..ابدا غير مسيطر على شؤونه المالية و لا يعرف
كم مدخوله و كم خرجه...

يحسبها بأول النهار..
و باخر اليوم..الحسبة كلها غلط في غلط...

و يبقا اسير شي من لهموم..و التفكير!!

هذا كله بالنسبة للبعض قد لا يكون مهم لانهم ما يمرون به...

بس..من عنده مدخول مالي..او متعدد..يعني..راتب..
و ارباح من حسابات بنكية و يمكن توزيعات اسهم..
او حتى شي من عقار يدر عليه اجار..
او عنده دوبي او حلاق او يملك له راس تريلا او بوكلين او او او..

كل هالامور..تتشابك و تصير الحسبة...
لو ما كانت حساباتها مقيدة..
صعبة و مستحيلة لكي يقوم الواحد..
امام ربه..
يحسب الزكاة اللي عليه لما يدور الحول..
فيخرج اللي هو واجب عليه و ملزوم به
و ايكون في ارقبته لين يوم القيامه!

الزكاة..ركن من اركان الاسلام...
و الاهتمام ابها واجب ما يحتاج توضيح..
و من اسباب اداء الزكاة بشكل صحيح..
هو القيد و الحسبة الصحيحة..
مثل ما الوضوء..و البسملة حق الوضوء...و اسباغ الوضوء
و غسل اليدين الى المرفقين و التخليل بين اصابع الرجلين..كلها رغم صغرها
الا انها من متممات و مكملات الوضوء..
اللي بدونه (اي الوضوء) ..
ما يكون للمسلم اي صلاة..

فبالمثل..قيد الداخل و الخارج..
لكي يتمكن المرء عند حلول الحول..
ان يحسب ما وجب عليه من الزكاة...
هو امر مهم..خارج عن اي نقاش.. في تصوري..

خاصة...لمن ابتلاه الله بشيء من مال فائض..يحول عليه الحول او الخمسة اعوام..
و لا يعلم راعيه انه ربما يكون آثم
لانه ما اخرج كامل مقدار الزكاة!

حتى تأتي بعد ذلك..الراحة و الطمأنينة التي يحس بها المرء..
متى ما عرف اللي له و اللي عليه..و بدأ تكون اوضاعه المالية
مرتبة..و ما يتخذ اي قرارات مالية "مزاجية" قد تكون عليه
"اغلى من بيع السوق"!

ما ابي اطيل في التقديم..
و احب اني اترك المجال....
لكل من له خبرة او معرفه ان يدلي بدلوه..

السؤال) هل عنك نظام او برنامج او حتى دفاتر..تقوم من خلاله بقيد امورك المالية
و متابعة حلالك...و يمكن حلال اعيالك...؟

ان كان نعم..

فما هي البرامج او الانظمة اللي تستخدمها و تحب تنصحنا ابها...
من واقع تجربة....و باي قدر من الشرح...بسيطا كان او مسهبا فيه!

و فيما يلي...اقتراحي للبرنامج اللي انا على دراية..به!

[عابر سبيل]

برنامج Excel اعتقد انه اسهل برنامج متوافر و منتشر و اللي يكثر استخدامه
بين الناس لعمل قيودهم او تسجيل حساباتهم..و لو بابسط صوره..او حتى للعارفين
بشكل شبه مبرمج مع اضافات او حتى رسم غرافات الخ الخ!

شخصيا..ما استخدمت الـExcel في هالامر..فما راح اتكلم عنه..و باترك المجال لاي حد مجرد
ان احب ان يسرد شرحه..مشكورا!

البرنامج اللي لي معاه خبرة و من اكثر من كمن سنه..
هو برنامج ميكروسوفت موني

MSMoney!


http://www.mypublicinfo.com/images/MSmoney07.jpg
هالبرنامج مر بعدة مراحل للتطوير و به كثير
من الميزات التي تجعله مو بس صالح للاستخدام الشخصي
للافراد..الا حتى انه يصلح للاعمال التجارية الصغيرة او البسيطه!

البرنامج...معروف و واسع الانتشار و بالبحث في
غوغل او ياهو سيجد المهتم عنه كثييير مما يرغب
معرفته...

فاحب اليوم اني اطرح تعريف مبسط له..
من خلال تجربتي الشخصية معاه..
لاني من الصعب ان اجيب كل ميزاته!

البرنامج...يساعدك لقيد

حسابك(حساباتك) البنكية

واتصنفها بنفس التعريف اللي فالبنك..
ي
عني حساب عادي(جاري) او توفير ( saving) او حساب ائتماني (credit card) او قرض..او حتى لو انت
تسلف الاخرين..فانك تقدر تقيد حساب سلف!

و فوق ذلك..بنك قطر الوطني ( +الاسلامي) فيه فنكشن تقدر تسوي
ربط بين البرنامج اللي عندك و بين الخدمة اللي عندهم
ع النت..بس للحق..انا ما جربتها...
اما في امريكا ..فالربط بين البرنامج للشخص و بنكه..
فهو سهل و متاح من زمان!

يعني تسوي "داون لود" للداتا.. لحسابك بالبنك و تعمل لها ابديت في برنامجك في
جهازك الشخصي..و لا يحتاج انك انت تدخل الداتا و تقيد كل حركة على حسابك..ان ما كان لك
مزاج لهالامر!

و بعد فوق ذلك..ان كنت من النوع اللي في عمره ما فكر ايحط ميزانية..و ماشي ع البركة
و اصرف ما في الجيب يأتيك ما في الغيب..
البرنامج حط في اعتباره هالنوعيات..
و يامكثرنا!

فبعد مدة من الزمن..اعتقد سنه ولا يمكن اقل..
تشوف البرنامج اذا انك تقيد فيه حساباتك و اتصنفها
تصنيف معين..يعني ..فواتير..
تحطها اذا اجار بيت او كيوتل او تذاكر
او متنوعة ...او او... على هواك

و اذا شريت من مطعم او من الجمعية..
تدخلها تحت خانة الطعام ( Food) و اذا ملابس
او او او...كل شي متوفر...
فبعد مدة كمن شهر..تشوف البرنامج ياخذ التقرير الشهري
اللي يصدره من ضمن الخدمااااتالكثيرة و الميزات المتوفرة
(حتى بدون ما تقول له)
و منه..يبني لك نوع من ميزانية لمصروفاتك
و حتى مداخيلك الماضية و المتوقعة...
و يعمل لك مقارنات و وو ...
اشياء كثيييرة يعجز الشرح عن عرضها!

في الاسهم

..طبعا..
ايفيييدك جدا جدا..في تسجيل محفظتك للاسهم..و بكم اشتريت كل سهم
و اذا فيه توزيع اسهم مجاني..هو بروحه اايسوي الspliting اذا انت دخلت المعلومات..

و يحسب لك متوسط كلفة السهم..اذا انك شريت سهم باسعار مختلفه...و في مدد متباعدة..

اضافة للاسهم المجانية اللي يمكن حصلت عليها..
و فوق ذلك...لكل سهم..يفتح معاه حساب كاش..
و انت تدخل فيه اي عوائد نقدية تكونحصلت عليها من توزيعات..
او حتى بيع لجزء من اسهمك...
و منها..يحسب لك بشكل دقيق...اداء محفتظتك..
و كم ربحك من هالسهم و كم خسارتك من ذاك السهم
و اشلون ادائك في المحفظة ككل...

كل هذا..مع الممارسة و التعديل و و و..الواحد بسهولة يقدر يعرف هالميزات في البرنامج!

و الرسومات البيانية او Bar charts و حتى ال Bi charts متوافرة بشكل فوق ما الواحد يتصور..لكل شي..

مقارنة بين الدخل و الصرف..
مقارنة بين اداء سهم و اخر...
بيانات تاريخية و تحديث لسعر السهم...
انت كل يوم /اسبوع/ شهر....
تدخل السعر الجديد للسهم في خانة (Price update) و بعد مدة
هالرسومات البيانية اللي انشوفها بالنت..تكون عندك في كمبيوترك فقط للاسهم حقتك
او الاسهم اللي تهمك...
حتى للاندكس للبورصة تقدر تسجل له ريكورد..و محفوظ
عندك!

الاصول اللي عندك..

سيارة (سيارات) او بيت...اسهم كراج مخزن..

او اي شي انت تعتبر اصله راسمالي لك..
تسجله بهالطريقة....و اتحط قيمتها الاصلية/ السوقية/ الدفترية...الخ..و تقدر اتسوي لها تحديث
متى ما شئت..
و ان كان الاصل اللي عندك..عقار مثلا او بوكلين...له مردود مالي..شهري او سنوي..

تقدر اتقيد هالشي و منها تعرف اداء هالاصل الراسمالي عندك..بعد ان تقوم بتقييد المعلومات
اللازمة لذلك!

و تقدر اتسجل كل فواتيرك.يعني..شهريا عندك فواتير للهاتف..او اقساط او تحويل لحساب اي حد
من اهلك او اعيالك..تقدر اتسجل هالشي..و يعطيك تنبيه قبل موعده....
يظهر لك..كتذكير..للعمليات المالية القادمة ..لمدة اسبوع او حتى شهر او شهرين..
اذا نسيت اتسوي اللازم!

مقارنة بين قرض و قرض...

يعني اذا انك تفكر تسوي لك عملية
تمويل من بنكين..او من نفس البنك ...بس منت بعارف ايش الافضل
تحط دفعة اولى او ما تحط..او تخليها على سنة او خمس اسنين..
في بالبرنامج..خاصية تخليك تسوي مقارنة بين عمليتين تمويل
و اتشوف تكاليف كل عملية بعد ما تحط المعلومات المطلوبة..
و منها تقدر تتخذ قرارك..و انت بشكل اكثر وعي لما فيه مصلحتك!


حقيقة..انا اشوف ان اللي جبته..
يمكن شي بسيط من المعلومات او المميزات للرنامج
و اللي فيه الكثييير..و كلن على حسب حاجته..
معقدة او بسيطة...

بس في الاخير...بآخر كل سنة مالية ( حلول الحول)..

تقدر تقارن كم كان عندك باول السنة..بضغطة زر...من احد هالتقارير
و كم عندك في نهاية السنة المالية للحول حقك..
بارمضان او في محرم او اي شهر تختاره...

و اتشوف...كم اللي بالفعل حال عليه الحول
و كم ادخرت زيادة(ان تمكنت من ذلك) و كم صرفك على اللي محتاجه
و كم صرفك ع الفاضي..و منه..
تقدر توصل لحسبة اكبر دقة لزكاتك..

بشكل يكون المرء فيه متقي الله باكبر قدر..
ومسوي افضل ما عنده لحسبة امواله الزكوية..و تشعباتها...
و باذن الله..ايكون الواحد مأدي اللي في ذمته امام الله للفقراء و أهل الزكاة!

اتمنى ان بالشرح الطويل اعلاه..ما يفيد كل من قرأ...

و ادناه..شوية صور مأخوذة لصفحات من البرنامج
و اللي ممكن اتزيد لاي متابع ..توضيح ما اجتهدت في شرحه اعلاه..
ان اصبت فمن الله..و القصور و الخطا مني...فنرجو المسامحة!



الواجهة الرئيسية للبرنامج
http://images.snapfiles.com/screenfiles/msmoney.gif

نموذج اخر للواجهة الرئيسية
http://www.microsoft.com/money/images/moneyPlus/HmBiz_HmPg_Final1.png


تصنيف المصروفات

http://z.about.com/d/financialsoft/1/0/P/7/MS_Money_Category_Split_from_Subcategory.png


مقارنة المصاريف و الفواتير القادمة بما سيبقى بعده

http://quicken.intuit.com/images/hub/sgas/quicken-online-screen-ms-money.png



تقارير متنوعة..الدخل مقابل الصرف للشهر الماضي+اخرى

http://www.microsoft.com/money/images/moneyPlus/Dlx_HmPg_Final1.png


مقارنة المصروف الفعلي (بالاصفر) مع الميزانية بالازرق(لمن يعمل ميزانيات)

http://thesmarterwallet.com/images/money-essentials-budget-2.jpg


و ايضا

http://blog.kudymovsky.com/wp-content/uploads/2009/10/ss_overview_home_business.jpg

و اخيرا..رابط لبرنامج فيديو تعريفي للبرنامج
لمن احب اي شيء زيادة..


http://www.microsoft.com/money/MSMoneyVideo.html




و البرنامج متوفر بالاسووواق..محلياو عالميا



و من عنده شي اخر..برنامج او فكرة..
لا يبخل بعرضها..لتعم الفائدة

[wrc]

جزاك الله خير ....برنامج رائع وكاتب اروع.

[عابر سبيل]

جزاك الله خير ....برنامج رائع .


و لك بمثل ما دعوت يا / wrc..

شكرا ع المرور..و اتمنى لك الفائدة..
دنيا...و آخرة!

[تغلبية]

شكراً جزيلا عابر سبيل على موضوعك المفيد جداً ..
أنا وحدة ..ما اعرف في الحسابات ودايماً ضايعة في حساباتي ..!!:(

صرنا في وقت لازم نضبط حساباتنا أكثر من قبل .. أو بمعنى آخر إدارة أموالنا بشكل جيد وحكيم ..
أكيد عشان الزكاة في المقام الأول ..
وعشان نشوف .. هل فعلاً مصروفاتنا حكيمة .. وتتناسب مع الوضع المادي السائد خاصة بعد الأزمة أو لا!

طيب..
من وين ممكن أحصل على هذا البرنامج ؟

[عابر سبيل]

شكراً جزيلا عابر سبيل على موضوعك المفيد جداً ..
أنا وحدة ..ما اعرف في الحسابات ودايماً ضايعة في حساباتي ..!!:(

صرنا في وقت لازم نضبط حساباتنا أكثر من قبل .. أو بمعنى آخر إدارة أموالنا بشكل جيد وحكيم ..
أكيد عشان الزكاة في المقام الأول ..
وعشان نشوف .. هل فعلاً مصروفاتنا حكيمة .. وتتناسب مع الوضع المادي السائد خاصة بعد الأزمة أو لا!

طيب..
من وين ممكن أحصل على هذا البرنامج ؟


العفو اخت/ تغلبية...

و ابشرج..منتي بروحج اللي تايهة في حسبة
امورها..
كثييير غيرج و منهم اللي منصبهم
كبييير ..
بس في هالأمر..
اموره ماشية بالبركة!

عموما..
البرنامج اخبر انه متوافر في مكتبة جرير..
و هو بحدود ال 200 ريال...

و هو منتشر و من الممكن الحصول عليه مجانا
من هنا او هناك...
انا شخصيا جاني بالمجان من ضمن CD قبل مدة طويلة
ولما سألت صاحبي من وين حصله..قال هو ما يدري
و لا كان يعرف عن البرنامج اصلا!!.

كان مهديني الديسك..عشان برنامج ثاني
و طلع من ضمن البرامج
هالبرنامج بالصدفه

***

اما عن معرفة الحكمة في مصاريفنا
فالحكمة في وادي و مصاريفنا..في الاتجاه الاخر
و الله المستعان!

بس حقيقة..انا اعرف ان كثير من الناس
ما تحب التقييد و اتقول انه ما له داعي ..
و اشله الواحد يسحب على عمره...او ايسوي
ميزانية و من هالكلام...
فالمقصود....لا هو تقتير ع النفس و لا شي..
و لا انا اللي اسوي لي ميزانية اصلا!!

بس اهم شي..لمن عنده عدة مداخيل..
صغرت او كبرت..
انه يكون متهيئ بشكل جيد لحساب زكاته بالدقة..

للاسف اختي..ان الغربيين سوو هالبرامج لان
عليهم وازع دنيوي من انظم حكمهم اللي تجبرهم
لدفع الضرايب....لذلك البرنامج( MS Money)
فيه جزء خاص بس لحسبة الضرايب!!
فمن هالشكل ...الناس اهناك مهتمة
بالترتيب و التقييد لمداخيلها و مصروفاتها..

اما احنا..فمع انا كمسلمين..
علينا وازع و مطلب اكبر من
الضرايب..
الزكاة..
اللي هي ركن من اركان الاسلام الخمسة...

بس الناس مهملة
( حسب اطلاعي المحدود لمحيطي )
في اخذ الحيطة في هالشأن..
و لا حول و لا قوة الا بالله...

***

و اي استفسار اضافي..انا حاضر..
متى ما اي حد حصل ع البرنامج
او هو متوافر عنده و يبي يستفسر
عن اي شي فيه...
فخلنا نضع الاستفسارات
و نحاول انجيب عليها..لتعم الفائدة

[HiTec]

مشكور على هالبرنامج

[شموخ دائم]

,


,



تسلم اخوي على الموضوع

بارك الله فيك


ما ينقصنا في قطر هو ترتيب الامور للاسف

اتمنى من الجميع كتابه كل شي بورقه وقلم

المعلومه هي اساس النجاح في الحياه

اذا ما عرفنا كم نصرف وكم ندخل ما بنعرف شي بالحياه

التخطيط ولو كان بسيط يخلي الانسان يعرف رايح الى وين !!

تسلم على موضوعك المفيد

دمت بطيب

,

,


اخوك


شموخ دائم

[بيّز]

بال ياخي سالفه معقده مافي اشي اسهل
انا بقولك شسوي
اذا حال الحول احسب كل الي عندي في يوم استحقاق الزكاه
ولنفرض مثالا انا اطلع كل 1 رمضان زكاتي
اشوف كم اسهمي كم قيمتها في السوق لاني حزات اضارب
واشوف كم عندي في البنك كاش موني او التوفير
افرض مثلا كل الي عندي 100 الف ريال قطري من مجموع اسهم وفلوس كاش في البنك
سحبت 2500 ريال وطلعت زكاتي ان هذي الزكاه الي يتقبلها واذا هي مب صحيحه يعني في فلوس توها داشه من شهرين او 3 شهور وماحل عليها الحول طبعا زكاتي لازم تكون اقل من 2500 صح؟
اقولك صح بس تزيد ولا تنقص يعني الزياده بانويها صدقه فهمت؟
هذي عندي اسهل طريقه حتى لو يوم 30 شعبان دش في حسابي 50 الف ريال بطلع زكاتها في 1 رمضان فهمت
يعني يوم 1 رمضان كل الي عندي يتعرضون للحسبه الزكاه
مادري اذا انا غلطان حد يصلحلي بليز
مشكور على برنامجك بس انا ماعرف حق هالتعقيد اسمحلي

[عابر سبيل]

Hi Tec
شكرا ع المرور..و اتمنى لك كل الفائدة
من خلال البرنامج بعينه او الاهم
الفكرة الاساسية للموضوع!



,


,



تسلم اخوي على الموضوع

بارك الله فيك


ما ينقصنا في قطر هو ترتيب الامور للاسف

اتمنى من الجميع كتابه كل شي بورقه وقلم

المعلومه هي اساس النجاح في الحياه

اذا ما عرفنا كم نصرف وكم ندخل ما بنعرف شي بالحياه

التخطيط ولو كان بسيط يخلي الانسان يعرف رايح الى وين !!

تسلم على موضوعك المفيد

دمت بطيب

,

,


اخوك


شموخ دائم


الله ايديم عليك نعمة الصحة و العافية..
يا الطيب..اخوي/ شموخ دايم


ما شاء الله عليك..سديت الخلل اللي فاتني ان اشير له
في بداية الموضوع..يعني..حتى الكتابة باسلوب بدائي
و بورقة و قلم...تأدي الغرض..

المهم..الوصول باي صيغة لترتبيب شؤوننا
هذي هي الفكرة الاساسية.....
و حسن الادارة المالية...
تخلي الواحد بالمقارنة مع غيره..
مثل الحر..و الاسير او العبد!

المُرتّب و المنظم..في الغالب..
لا يقع تحت اسر الديون
او الاقتراض غير المدروس..
و عسر السداد او تعثر الدين..

و من ثم التعرض لقسوة هم سداد الدين
و أذية ملاحقات الدائنين...
و هو امر قاسي على أي حُر..

حتى ان الرسول - صلى الله عليه و سلم- كان كثيرا ما
يستعيذ منه في دُبُر كل صلاة!
(..و اعوذ بك من غلبة الدين و قهر الرجال..الخ)
او كما قال-صلى الله عليه و سلم-

اما غير المنظم و الذي لا يعرف كيف يحسن ادارة
شؤونه المالية..
فقد قال العارفون..انه كالاسير او العبد ..
تحت سيادة دائنيه و مقرضيه..؟

اشخصا كانوا او بنوكا!
*
*
،،
شرفني مرورك و تعقيبك
يا خوي شموخ!

[عابر سبيل]

بال ياخي سالفه معقده مافي اشي اسهل
انا بقولك شسوي
اذا حال الحول احسب كل الي عندي في يوم استحقاق الزكاه
ولنفرض مثالا انا اطلع كل 1 رمضان زكاتي
اشوف كم اسهمي كم قيمتها في السوق لاني حزات اضارب
واشوف كم عندي في البنك كاش موني او التوفير
افرض مثلا كل الي عندي 100 الف ريال قطري من مجموع اسهم وفلوس كاش في البنك
سحبت 2500 ريال وطلعت زكاتي ان هذي الزكاه الي يتقبلها واذا هي مب صحيحه يعني في فلوس توها داشه من شهرين او 3 شهور وماحل عليها الحول طبعا زكاتي لازم تكون اقل من 2500 صح؟
اقولك صح بس تزيد ولا تنقص يعني الزياده بانويها صدقه فهمت؟
هذي عندي اسهل طريقه حتى لو يوم 30 شعبان دش في حسابي 50 الف ريال بطلع زكاتها في 1 رمضان فهمت
يعني يوم 1 رمضان كل الي عندي يتعرضون للحسبه الزكاه
مادري اذا انا غلطان حد يصلحلي بليز
مشكور على برنامجك بس انا ماعرف حق هالتعقيد اسمحلي


جزاك الله خير على حرصك على اخراج
زكاتك يا خوي/ بيّز...

و عسى الله ايبارك لك في مالك و ايزيد ثروتك!

اللي تسويه..تبسيط للمسالة و ما اختلف معك فيه..
و هو...لو تعرف..فيه ناس حتى هذا ما تسويه..

فكلامك..اعرف انه ربما ايفيد من لا تعرفه و لا انا
حتى تصورت ان موضوعي..قد يفيده!

فبارك الله فيك على هالاضافة اللي هي حتما مفيدة!

عموما..بالنسبة لزكاة الاسهم..
ليتك تتأكد من صحة اللي تسويه..
و لو تحب من ذلك..عندك صندوق الزكاة
على
www.zf.org.qa

او ممكن تتصل على هالرقمين و باذن الله
بيفيدونك:

5188889
5188887

اليوم جايني المسج منهم بخصوص توافر
هالرقمين للرد على اي استفسارات!

***

بس ..خل هالموضوع في بالك..
يمكن- باذن الله و بركته-
تتشعب امور حلالك....
فربما حزتها ايكون مثل هالبرنامج..
مفيد لك!

لكن..لو من اليوم انت بديت ترتب امورك
صح و اتنظمها بشكل مريح..
ما بتخسر اي شي..
و بتستفييد جدا..
يوم اتصير زكاتك..
مثلا 25 الف او 100 الف
او يمكن نص مليون!

[dream-team]

هلا اخوي اول شي مشكو علي البرنامج بس عندي استفسار
البرنامج علي قولتك سهل في الاستخدام بس ابي اعرف شلون طريقت الزكاة هل ان ادخل نسبة الزكاة وهو يحسبها لي ويذكرني بموعد زكاتي
ارجو الافادة

[عابر سبيل]

هلا اخوي اول شي مشكو علي البرنامج بس عندي استفسار
البرنامج علي قولتك سهل في الاستخدام بس ابي اعرف شلون طريقت الزكاة هل ان ادخل نسبة الزكاة وهو يحسبها لي ويذكرني بموعد زكاتي
ارجو الافادة


حياك الله يا فريق الاحلام..
و العفو..مهناك شي كبير ..الامر كله
تقديم او تعريف لفكره..و معه نظرة على البرنامج!

عموما يا خوي...
البرنامج..من تجربتي معاه..تقريبا ايقول للمستخدم..
و بلا اي تعني او تعب..

"حاضر و عندي اللي تبي"!

الا في مسالة حسبة الزكاة..يعني ميكروسوفت اللي مسوينه
فما اظن انهم ايعرفون حق هالمسألة..بس اعتقد انه لو تنبهوا
لهالامر..عن طريق كثرة استخدام المسلمين للبرنامج..
انهم ما بيبخلون علينا في هالامر! و كل شي بحسابه:omg:

عموما...التذكير..بالزكاة..
و بالقسط و حتى بموعد
تجديد الاستمارة و دفع التأمين...
و اي شي تبي البرنامج ايذكرك
به...تحويل لحساب اخر او احساب حد من العيال..
او لجمعية خيرية(كفالة يتيم/ اسرة..الخ) ..او دفع ايجار
او دفع رسوم البريد او او او...الخ

كل هالامور..
تقدر تسوي لها ستنغ
في خانه بالبرنامج
اسمها Bills
و اتحط اللي تبيه..
و في تواريخ شهريه او ربع سنوية او نصف سنوي
او سنوية..و اوتوماتيكيا ..
تحصل البرنامج
اذا فتحته بعد اسبوع او شهر..و انت ناسي السالفة
ايجيك تذكير بموعد استحقاق الشي اللي انت
سويت له ستنج...و اوتوماتيكيا..يحسب كم بحسباك
بعد هالعملية!

و حسبة الزكاة..ما اسهلها..اذا الواحد كان عارف
مداخيله و خرجه و الالتزامات اللي عليه...

يعني..لو حد عليه سلفه او ثنتين...قول 500 الف...
قسط سيارة و البيت..السيارة على 3 سنوات
و البيت على 7 سنوات...
اشلون تتعامل مع هالمسألة!!

نفترض ان مجموع القسطين...7524 ريال..
يعني..بالسنة القادمة مطلوب منه انه يدفع
90288 ريال خلال السنة القادمة..

اللي انا اعرفه من اراء الفقهاء المعاصرين..
انه يخصم هالمبلغ من المال الموجود عنده
لانه دين (حال) في ذمته.. و لو كان مقسط..
و بعدين يحسب الزكاة للمبلغ المتبقي عنده!

و لو عنده مشروع تجاري صغير..و هالمشروع
يدخل عليه مبلغ شهري او سنوي..
بس له افلوس عهلى اخرين..
وعليه التزامات في السوق او لاحد
البنوك..بعد يحسب اللي له بالسوق
و اللي عليه..و الباقي يطلع عليه الزكاة..

و هلم جرا!

من هالشكل..
توفر الارقام و الحسابات الصحيحة
بشكل فوري اول ما يحول الحول
يجعل المرء اقرب للصواب و ايبرئ
ذمته من اللي عليه كزكاة!

اعتقد يا فريق الاحلام ...
ان البرنامج به من المزايا الكثيييرة...
بس بالتعود عليه و ادخال المعلومات..
كل واحد بيوصل للي يبيه

[Reuters]

جزاك الله الف خير

[احمد1]

اللهم صل على محمد واله و اصحابه اجمعين

[eXpert*]

مواضبعك أخوي (عابر سبيل) تدل على شخصية ناجحة .

يا ريت تكمل جميلك وتضع ولو نسخة تجريبية من البرامج للتفاعل معك.

[عابر سبيل]

رويترز..
أسأل الله لك بمثل ما دعوت..





مواضبعك أخوي (عابر سبيل) تدل على شخصية ناجحة .

يا ريت تكمل جميلك وتضع ولو نسخة تجريبية من البرامج للتفاعل معك.



اخجلتني بجميل ظنك و لطافة تعبيرك
يا eXpert*

انا تراني مثل المراية...
يعني ان كنت انت شايف هالشي
فهو انعكاس لشخصك الكريم يا خوي..

و اسأل الله ان يغفر لي و لك!

عموما....
طلبك غالي و هو صعب المنال على شخص مثلي..
لاني بهالسوالف..كلش موب خبير( انترنت و برمجيات)
و جزاه الله خير اخونا/ بوضاري (مشرف الكمبيوتر) هو اللي
علمني اشلون احط لصور..و لا غيره مافيه!.

عموما..سيدي الكريم...
بسببك انا بحثت و اكتشفت اكتشاف خطير
و هو خبر مخجل بالنسبة لي و لو موضوعي..

انا اليوم بس..اكتشفت ان ميكروسوفت من سنة
قاموا بالاعلان عن توقفهم عن اصدار اي
نسخة جديدة من هذا البرنامج MSMoney..

بحثت لك يا خوي عن اي شي ممكن ايفيدنا و ايلبي طلبك..

لكني..ما حصلت الا بعض الروابط...اللي بحطها بعد اشوي
و اتمنى انها تفيدك و اتفيد المتابعين...لفهم البرنامج..
لكني..اتمنى ان الفكرة الاساسية للموضوع هذا اوصلت لكم..
بغض النظر عن البرنامج المستخدم او الوسيلة لذلك..

شوف اخوي eXpert*

هذا الرابط:
http://en.wikipedia.org/wiki/Microsoft_Money

ممكن انه ايفيد اكثر لمعرفة تاريخ البرنامج و ما آل اليه
و الاسباب اللي دفعت ميكروسوفت للتوقف عن اصداره..


و هذا رابط ثاني ممتاز....فيه مقارنة بين العديييد من البرامج
المحاسبية..سواء للشركات او الشخصية..
و من ضمنهم بادنى الصفحة برنامج msmoney
http://en.wikipedia.org/wiki/Comparison_of_accounting_software



و هذا رابط اخير قد يكون فيه مزيد من الفايده

http://www.microsoft.com/money/freetrial_info.mspx





و اسمح لنا ع القصور بسبب قلة الحيلة يا خوي!

[dream-team]

يعطيك العافية اخوي علي الجهد بس عندي سؤال
انت ماقصرت وحطيت روابط البرنامج والحين مكروسوف وقفو عن الاصدار الاخو الاعضاء لو يبون البرنامج مب لاقينة في السوق والسبب ان شركة مكروسوف وقفت الاصدار يعني جهدك راح خالي بلاش

[السندان]

جزاك الله خير اخوي عابر سبيل

دائما مواضيعك مميزه مثلك

بارك الله لك في اهلك و مالك

أجتهدت بالتذكير على اداء الزكاة

وطريقة الحرص على ادائها بالشكل الصحيح فابدعت

لك مني اجمل تحية - اخوك السندان

[عابر سبيل]

يعطيك العافية اخوي علي الجهد بس عندي سؤال
انت ماقصرت وحطيت روابط البرنامج والحين مكروسوف وقفو عن الاصدار الاخو الاعضاء لو يبون البرنامج مب لاقينة في السوق والسبب ان شركة مكروسوف وقفت الاصدار يعني جهدك راح خالي بلاش




حياك الله مجددا يا فريق الاحلام!

متأكد ان جهدي راح بلاش!

انت بارك الله بك...
لو دورت عنه بالسوق المحلي
و حصلته..اشرايك تخبرنا عن مكانه...
عشان اللي يبغيه يعرف مكانه..
و بهالشكل..
ايكون
لا جهدي
و لا جهدك انت
راح بلاش!

عموما يا سيدي الفاضل..
الفكرة للموضوع لو تاملت..
ما كانت محصورة بهالبرنامج
و انا جبته كمثال انا على دراية و معرفة به..
لا للدعاية المحضة له!

و انا مع ذلك..اتوقع انه ما زال
متوافر
في السوق..
مو بس عند الوكلاء..
و بشكل او بآخر

خاصة الاصدارات السابقة عن عامي
2007 و 2008 ..
لانها ما كانت تتطلب أي تفعيل
من خلال موقع الشركة بالانترنت...


و هذا اللي حصل معي..
الاصدار اللي عندي قديم
و مع ذلك موفي احتياجاتي!

اما بالنسبة للبرامج المحاسبية فهي كثيرة
و يمكن حتى عملها عن طريق مبرمجين
محليين.. لمن كانت له حاجات خاصة
للاعمال التجارية بالذات...

و هذا اللي حاصل معي شخصيا...
MSmoney
لحساباتي الشخصية...
و برنامج ( مفصل و مدفوع عليه الشيء الفلاني)
حق الاعمال التجارية..

و في كل الاحوال حياك الله!

****

اخوي السندان..
بارك الله بك..و اسأل الله لك
بمثل ما دعوت..

و افرحتني كل هالتحايا
مع اطلالتك
اللطيفة على الموضوع..

و زبدة الموضوع
هي عين ملاحظتك الدقيقة!

تقبل شكري و عرفاني

[RAHA]

اخوي عابر سبيل
الصراحه موضوعك
مهم جدا خاصة للأخوة العرب
و بالأخص القطريين المبذرين :)
و المشكله الكبيره تكمن في التوعيه
و توعية العالم في كيفية الإدخار و طرقها
ليس بهدف دنيوي فقط و جمع المال
و لكن لتحسين معيشتنا و صرفها في الخير بإذن الله

و الحمدلله الله من علينا بالإسلام و فرض
علينا مساعدة المحتاجين و دفع الزكاة المفروضه
و هذا سبب كبير في نمو الإقتصاد الإسلامي
فلما يدور الحول يجب ان تدفع ما هو مفروض عليك
لإعانة المحتاجين

نرجح للبرنامج
او اسلوب التحكم في مصروقنا
انا من مؤيدين استخدام مثل هذه البرامج
و ذلك لتسهيل معرفة مصاريفنا الشهريه
كيف يتم ذلك

يتم بتحديد الميزانيه Budget
فكلما نزلت بيانات أكثر كل ما حددت ميزانيتك
فعليا اتحدى اي شخص يعرف ميزانيته
و السبب عائد انه لا يعرف حدود الميزانيه

لإعطاء مثال تكلفة الخدامه
هي كل المصروف عليها من راتب
و تأشيره و رسوم مكتب و بطاقه صحيه و إقامه
لمدة سنه
مثال لجلب خادمه:
الراتب: 700* 12- 8400 ريال
المكتب شامل التأشيرة : 7000 ريال
الإقامة: 300 ريال
بطاقه صحيه: 100 ريال
الأكل: محسوب من ضمن أكل البيت إلا إذا في طلبات خاصة
دلع: 50*12=600 ريال كل شهر (ممكن حسابه شهريا)
لو نجمع كل المصاريف تطلع مصاريف الشهريه في سنه:
16400/12= 1366.67 ريال شهريا في السنه الأولى
مصروفها حتى رحيلها في السنه الثانيه:
نضيف التذكره: 1500 ريال
إكراميه للتسوق: 1400 ريال
تجديد إقامه: 300
المجموع بيطلع
=16400+16400+1500+1400+300= 36000
=36000/24 (24 شهر) = 1500
يطلع راتب الخدامه من دخولها لخروجها في حدود
1500 ريال شهريا لمدة سنتين
هذا من غير الها وبعض الإكراميات و شوية بيبسي و شبس و اكل مطاعم
فلو وضعنا ميزانيه محدده لوصلنا لنتيجه مقنعه
ان خدامه واحده تكفي و على قد راتبي
:nice:

فيجب تحديد بنود كثيره ممكن تستخدم المبلغ او لا
و تحدد ميزانيتك على حسب وضعك لا تخليه عالي جدا او نازل
تخليه في المعقول و ممكن تستخدم البند بالكامل و ممكن ان لا تستخدمه
و ممكن تستلف من بند لبند أخر و البنود عباره عن حسابات تحدد فيها ميزانيتك مثل:
الشهري:
مصروف البيت (راتب شهري للمواد الغذائيه الأساسيه تخليه عندك)
مصروف الزوجه (راتب شهري مغلق و لا تدخل فيه)
مصروف الأولاد (راتب شهري مغلق تخليه عندك لأن المدام راح تخلص عليه)
مصروف الزوج (طبعا 3 ثياب و نعال و 4 فنايل و 4 سراويل من عيد لعيد :nice:)
مصروف الخدم
مصروف السيارات بترول و صيانه و غسيل و تبديل ايل
مصروف التلفون و الانترنت
مصروف الطلعات

السنوي:
ميزانية الزكاه و الصدقات
مصروف النقاهة من سفر و سياحه
ميزانيه بيت من أثاث و مستلزمات كهربائيه
ميزانية الصيانه الدوريه
ميزانية كوارث
ميزانية أجيال المستقبل

و مصاريف اخرى يختلف من شخص لأخر

[عابر سبيل]

اخوي عابر سبيل
الصراحه موضوعك
مهم جدا خاصة للأخوة العرب
و بالأخص القطريين المبذرين :)

**و المشكله الكبيره تكمن في
****التوعيه*****
و توعية العالم في كيفية الإدخار و طرقها
****ليس بهدف دنيوي فقط و جمع المال
و لكن لتحسين معيشتنا و صرفها في الخير بإذن الله****

و الحمدلله الله من علينا بالإسلام و فرض
علينا مساعدة المحتاجين و دفع الزكاة المفروضه
و هذا سبب كبير في نمو الإقتصاد الإسلامي
فلما يدور الحول يجب ان تدفع ما هو مفروض عليك
لإعانة المحتاجين

نرجح للبرنامج
او اسلوب التحكم في مصروقنا
انا من مؤيدين استخدام مثل هذه البرامج
و ذلك لتسهيل معرفة مصاريفنا الشهريه
كيف يتم ذلك

يتم بتحديد الميزانيه Budget
***فكلما نزلت بيانات*** أكثر كل ما حددت ميزانيتك
فعليا اتحدى اي شخص يعرف ميزانيته
و السبب عائد انه لا يعرف حدود الميزانيه






و انا اول الخاسرين لو قلت اني باكسر
تحديك يا خوي الكريم / راحة

نعم...من الصعب..خاصة لمن هم مثلنا..
لم تتوافر لاغلبنا فرص خصبة اثناء مراحل التنشئة..
للتعلم على اسلوب منظم في شؤوننا المالية...
من الصعب ان تجد من عنده القدرة على
حصر ميزانيته..

الكلام هنا..
فقط على من يعرف مصروفه مقابل مدخوله..

ما نتكلم للحين
على من يبي يقيد نفسه بصرف محدد
طول الشهر اوالسنة..هذي اصلا بعيدة
عن الطرح هنا!

اخوي/ راحة..ما شاء الله..رد تفاعلي
مع الموضوع..و بمثال جدا جدا واقعي و مهم..
لتعرية حقيقة فشل اغلبنا في ادارة شؤونه المالية الخاصة..
لبيته..موب حق عمله التجاري و لا الشراكة..
فما بالك لو تكلمنا عن اللي عندهم تركة
و صاروا الاخوان و الخوات شراكه..
ايهيييه..يا هي شرباكه...

و الكلام الفصل عند المحاكم
و انا اخوك و ليس من عندي
(عافانا الله)!

اعتقد ان في ما قدمته لنا يا سيدي/راحه
مقدمة طيبة جدا..لدرس حقيقي في اهمية
تقييد حساباتنا...

و لفتتك الى اهمية تجميع البيانات او(الداتا)
هي لفتة شخص خبير و محنك...

فيعني..انا قصدت بترشيح برنامج مثل MSMoney
او ما يشابهه..هو ان يتمكن المرء اللي جديدة عليه هالمسألة
من تقييد تصرفاته المالية بكل سهولة و يسر و بساطة..
الصبح- مثلا- صرف من مكينة السحب 500 اريال...
و تعشى في مطعم..و راح للجمعية...

اخر يومه..يفتح البرنامج...و يقوم فقط بتقييد
هالحركات فيه... و يصنفها..
السحب..مصروفات نثرية...
و المطعم تحت خانة تكاليف الطعام (Food)
و الجمعية..تحت خانة التموين (Food-Grocery)
و باخر الشهر..تحصله بيعرف ايقارن بين
كشف احساب البنك..
و بين ما قيده هو في البرنامج..
و بيشوف..ربما فيه اختلاف...
و بيتعلم..بعد كم(ن) شهر..
كيف ايكون دقيق في التقييد..

و بعد 6 شهور او سنه..
تتجمع له البيانات..اللي من خلال هالبرنامج
بتشكل له خزينة فوق الخيال عن سلوكه المالي...
بيعرف..كم صرف ع الاكل و التموين..
و كم صرف
على شراء الكتب(مثلا)...
و كم..دفع على التلفونات و الانترنت و و ..
و لو سوا مثل ما تقول يا/ راحه..
بيعرف كم تكلفة الخدم و الحشم عنده!

اكرر..موب المقصود من مثل هالطرح..
ان الواحد ايقتّر على عمره
و يمنع نفسه ....
لكن..مع مرور الوقت..الانسان بيعرف
يقرا سلوكه المالي..بشكل صحيح..
و من ثم..كل(ن) عقله في راسه
و بيعرف..قطعا انه يحسّن من تدبير
شؤونه!

و اتمنى..لو ما عليك كلافة يا خوي/ راحة..
سواء من خلال هالموضوع
او بموضوع اخر تطرحه
و انت في مزاج على (الراحه)

تضع لنا فيها خبراتك الواضحة في عمل ميزانية

سواء شخصية او للاعمال التجارية و الشركات...

اعتقد..انه من الواضح...ان المسألة كما نبهتنا اعلاه...
تتطلب عمل برامج او مواضيع توعوية...
لربما..قدّر الله ان ينفع بما نكتب احد من المسلمين..
او..ان يتسخر لنا..مزيد من امثالك يا /راحة
لكي نتعلم منهم ..من خلال ما
يطرحونه من اسداء التوجيهات السديده!


اتحرى..لك عودة اخرى..
و من كل من هم هل الخبرة و الدراية..
لاضافة المزيد من التوعية...لي شخصيا..
و لكل من يهمه الامر ممن يتابع معنا!

[dream-team]

هلا اخوي عابر سبيل والله تعبت وان ادور مالقيت كل يقولون لي هاي البرنامج موقف من شركة مكروسوف من سنتين اذا عندك رابط اي برنامج الله لا يهينك نبي نحسب فلوسنا وين تروح وين تجي وكم علي زكاة

[عابر سبيل]

هلا اخوي عابر سبيل والله تعبت وان ادور مالقيت كل يقولون لي هاي البرنامج موقف من شركة مكروسوف من سنتين اذا عندك رابط اي برنامج الله لا يهينك نبي نحسب فلوسنا وين تروح وين تجي وكم علي زكاة


انشاء الله يا العرباوي...
رغم ضيق وقتي....بابحث
و باجيب الخبر..

عسا الله يرزقني و اياك..المزيد من الصبر..

او بيصير بيننا حل اخر...
بعون الله!

عموما..
جزاك الله خير..
و جهدك باذن الله ما يروح سدى!

و منك..
انقلها للخبراء من اعضاء هالمنتدى..
الاخوة الكرام..
اللي لهم معرفة في محلات
البرامج في الدوحة...

اذا حد يساعدنا في هالامر...
و يعرف كيف او وين نحصل على نسخة
من البرنامج...
من اجل اخونا/ دريم تيم..
و يمكن غيره..
فليتكرم علينا مشكورا...
محتسبا عند الله الأجر.

[عابر سبيل]

اذا عندك رابط اي برنامج الله لا يهينك


يا طويل العمر..
هذا رابط اذا انه بيفيد...
للبرنامج MSMoney
تجربة مجانية لمدة 60 يوم..

http://www.microsoft.com/downloads/details.aspx?displaylang=en&FamilyID=d7e321d1-3965-46aa-87e2-8f4259e63b63#QuickInfoContainer
انا ما جربته..
و كحل مؤقت..
اتمنى انه يشتغل معاك او اي مهتم!

عموما..
اللي اعرفه ان البرنامج الجديد اللي هو
مقارب حق MSMoney
اسمه
Quicken
و ممكن الحصول على معلومات كثيرة عن طرق غوغل
و هذا بعد رابط له

http://quicken.intuit.com/set-goals-for-budgeting-and-saving/index.jsp

و انا باحاول اجد حلول مجدية اكثر
خلال فترة الويك اند..

فمان الله

[راعي طموح]

الله يعطيك العافيه اخوي عابر سبيل

انا مثل اخوي عرباوي دورت البرنامج في كل مكان و ما لقيته .. و افكر اشتريه اون لاين

بس حبيت اسألك .. البرنامج اللي عندك كم رقم اصداره؟؟ و وشو اسمه الكامل؟؟

لانه لقيت 2004 و 2006 و 2008 و غيرها منها ديلاكس و منها هوم اند بزنس فمحتار وشو اختار

في انتظار ردك اخوي


الله يعطيك العافيه


اخوك

راعي طموح

[عابر سبيل]

الله يعطيك العافيه اخوي عابر سبيل

انا مثل اخوي عرباوي دورت البرنامج في كل مكان و ما لقيته .. و افكر اشتريه اون لاين

بس حبيت اسألك .. البرنامج اللي عندك كم رقم اصداره؟؟ و وشو اسمه الكامل؟؟

لانه لقيت 2004 و 2006 و 2008 و غيرها منها ديلاكس و منها هوم اند بزنس فمحتار وشو اختار

في انتظار ردك اخوي


الله يعطيك العافيه


اخوك

راعي طموح



قواك الله..و يا حياك ..
بارك الله فيك...


عموما..تصدق عاد..ان اللي انا اشتغل عليه
هو اصدار سنة 2000.

و كان اول اصدار اشتغلت عليه..
ان ما خانتني الذاكرة
يمكن اصدار 1996 او 1997!

فمن تجربتي مع الموديلات او الاصدارات القديمة..
ما اشوف..انها لنا احنا في قطر و الخليج
تأثير جوهري...
الا من ناحية "الغرافات" و "البار شارتس"
و بعض التقارير..و هلم جرا..كل مالها تتطور
بشكل احدث و احلى.. و بس!!

و اكبر تغيير..تحصله يخص الغربيين..لانه يتعلق
بقوانينهم بخصوص الضرايب..اللي كل مالها تتغير!

فما اعتقد..و الله اعلم..ان الاختلاف في اي من
الاصدرارات هو جوهري و يأثر علينا في هالمنطقة..


فانت..بارك الله فيك..تاخذ اي شي تبيه..
و اخوي..كان عنده اصدار احدث..اعتقد 2007
و عطاني اياه..بس تكاسلت اسوي نقل للداتا
حقتي...و من هالشكل...بقيت على القديم
اللي عندي!و كل شي ماشي تمااام.


اتمنى...اني افدتك يا خوي/ راعي الطموح...

و تتكرم..لو انت قدرت تحصل عليه..
و اتقول لنا...ان ما كان به مانع منك..
مكان توافر البرنامج..
محليا..او عنوانه ان كان بالانترنت!

ارحم الله والديك..تراك بتسعفني
و تسعف وقتي الضيق في اجازتنا الاسبوعية:shy:

[عابر سبيل]

الاخوين/ دريم تيم و راعي طموح..

ارجو التشييك ع الخاص للضرورة!

[عابر سبيل]

للمهتمين..
اضافة للعرباوي(دريم تيم) و الاخ الكريم/ راعي طوح...

يجري..العمل...
لتوفير نسخة من البرنامج..
ننتظر مجهودات الطيبين
لتوفيرها ..بشكل عملي!

و سيتم الاعلام بذلك..
متى ما يسر الله
لهم هالأمر!

[dream-team]

ماتقصر اخوي والله لا يهينك

[العضو الماسي]

اخوي ابغي نسخه اشلون عجبني البرنامج صراحه

[ام ناصر1]

جزاك الله خير ع البرنامج ، مافي نسخه معربه

[عابر سبيل]

جزاك الله خير ع البرنامج ، مافي نسخه معربه


للاسف....ما فيه نسخة معربة..
بس البرنامج...يقبل ادخال البيانات/الكتابة
بالعربي..

لكن..التقارير..و الرسومات
كلها ..حسب النسخة التي عندي
بالانجليزي

[عابر سبيل]

للعلم...لكل مهتم..
و تحديدا من سأل
اوتواصل ع الخاص

كانت هنالك محاولة...
لتوفير نسخة من البرنامج
من قبل احد الاخوة..جزاه الله خير
بوضعها في مركز تحميل و اتاحتها لكم
لتنزيلها و تجريب البرنامج!

و كنا قد تمكنا من الحصول على عدد من النسخ
من اصدار 2003

لكن.للاسف..
لاسباب فنية
( ليس لي بها خبرة)
لم يتمكن اخونا من تحقيق الامر!
فالمعذرة...لهذا الامر!

عموما...من خلال البحث
اشوف ان البديل المتوافر في السوق
(موب في قطر..بس بالانترنت)

و الذي هو (حسب التقارير)
مقارب لـMSMoney..
فانه برنامج
Quicken


و البرنامج..وجدته ايضا في
الصفحة الاكترونية لبنك قطر الوطني
بحيث ان المرء يقدر اينزل بياناته
من البنك ( كشوف حسابات)..
متوافقه معه!

و بالتوفيق للجميع