موظوع مهم جدا ماذا يريد السحرة الافارقة منا عبر جوال الهاتف ؟؟؟؟؟؟؟؟؟؟؟؟

[مبارك سعد]

اخر تطور السحر على احدث هاتف جوال

--------------------------------------------------------------------------------

ظاهرة غريبة تطفو على السطح وهى استخدام الهواتف المحمولة كوسيلة جديدة للدجالين والمشعوذين



السحر والشعوذة ليسا جديدين على مسامعنا لكن الغريب أن يتم تطويع التكنولوجيا الحديثة لهذه الأغراض، ومؤخراً طفت ظاهرة غريبة على السطح وهى استخدام الهواتف المحمولة كوسيلة جديدة للدجالين بدلاً من إشعال النيران واستحضار الجن كما كان فى السابق، تماشياًُ مع لغة العصر.

ففي مملكة البحرين تلقى المئات من مستخدمي الهواتف المحمولة مكالمات مجهولة مصدرها دول أفريقية مختلفة يدعي المتصل منها أنه إحدى الشيوخ وأن المتصل به مصاب بالسحر من قبل امرأة أو رجل أو كلاهما والحل لديه عبر تحويل مبلغ مادي سينهي معاناة المتصل به.

وما يثير الدهشة في الاتصالات وحسب ما يرويه أشخاص وقعوا ضحايا للمكالمات أن المتصل يخبرهم بالأسماء وبجميع الأشياء الموجودة حولهم والملابس التي يرتدونها وألوانها وقت الاتصال، مما يضع ضحاياه في دوامة من الخوف والرعب.

وليست البحرين فقط التى تتعرض لمثل هذه الحوادث، ولكن وحسب مصادر إخبارية عدد كبير من الدول العربية والخليجية هي الأخرى تواجه نفس المشكلة.

وتشير التقارير إلى أن هناك آلاف المكالمات يتلقاها مواطنون ومستخدمو الهواتف المحمولة يومياً من أرقام من بعض الدول الأفريقية، وغالباً ما تكون عصابات للسحر والشعوذة وراءها وتستغل الانترنت وبرامجه لتهديد المواطنين.

وما يزيد الطين بلة أن تكلفة المكالمة الواردة تحتسب على هواتف المتلقين أنفسهم وذلك من خلال استخدام المتصل برامج للهواتف على الإنترنت.

[ودي أكون]

يعني شو يبون غير الفلوس :)

أنا عني ما أأمن بقدرتهم ولا 0% .. أبداً ماعندي ايمان بهم .. تخيل مره متصلين حق اختي اللي اصغر وحده وهي نايمه في عز نومها .. جان يقولها انا فلان الفلاني وشفت رقمج فالحلم (( أما :tease: )) وانتي مسحورة .. :omg:

وانتي تعانين انج مامتوفقه .. واتعانين من امراض .. وراح تمرضين اكثر ..

اتصلي لي بعد 10 دقايق وبقولج اشياء ثانيه .. اتقول انا نسيت شي اسمه نوم .. ع طووول جان اتجي عند امي واتقول لها سالفتها وانا موجوده هاا .. :shy:

فأيلست عندنا ميته خوووف واتقول اي مامتوفقه عشان جي ماكملت جامعه وانا اقولها هيه انتي اشدخل ..:anger1:

وترجع اتقول كله مريضه اشوف ليش كله تعبانه ومريضه .. واقولها اي واتحبين تاكلين وايد ..
جان اتسبني :tooth:

قلت لها هيه شهالخرافات اللتي تأمنين فيها الا اتقولي اشعرفج انتي انا صج مسحوره .. قلت لها حلفي عااد .. :rolleyes2:

رحت اصلي المغرب الا اسمعها تتكلم بالتلفون .. واتقول للساحر شو لازم اسوي اللحين .. :omg:

جان اخلص صلاه وع طوول هواش معاها .. وانتهى الموضوع .. :anger1:

وقسم بالله اليوم الثاني أختي من الامارات متصله وسوالف معاها الا اتقول انتشرت عندكم سالفة الشعوذه قلت لها شو .. قالت يتصلون ويقولون انج مسحورة ومادري شو عشان لفلوس .. قلت لها بس الله يابج هاج كلمي اختج المحسورة وقولي لها ان السالفه انتشرت عندكم وانها خرابييط ..:anger1:

وعقبها جاتني اختي اتقول اتصدقين احس براحه .. قلت لها اي الساحر فك السحر ..:nice:

وجان اتسبني :tooth:


عموما السالفه كلها سالفة فلوس .. واللي ابي اقولها ان صج في ناس تأمن بهالخرافت .. وهالشي اللي خلاهم يتمادون بأفكارهم وطرائقهم :rolleyes2:

[اسعاف]

اذا جاك رقم غريب اياك ان تستقبله

ترى قد يكون المتكلم (ساحر) ويعلمه( شيطانه) اسمك وكل شئ عنك حتى رقم السري للبطاقة البنكية

فلا تستقبل اي مكالمة

والحرمة الي تاخذ وتعطي معاهم ويسمعونها بكل تفاصيل حياتها عن طريق اتصال الساحر بالجن

هذه الحرمة المسكينة المغفلة، سوف تخاف وترسل لهم مصرو شهري كل شهر ويبتزونها ويخوفونها

فالحذر الحذر

[*¤ بن قطر¤*]

ايش هالتفاهات و الكلام الفاضي ... العيب مو في هالنصابين الافارقة حسبي الله عليهم ...

العيب في ضعفاء النفوس و الايمان اللي يصدقون و ينجرفون وراء هالخرافات ...

وكل ساقط له لاقط ... :anger1:

[ثرية]

ياريت الموضوع يتوقف على النصابين اللحين في نيبالية بالشه اختي تتتصلهااااااااااااا الساعه 1 او 2 في الليل تلعوزهاااااااااااااااا وطبعا هاي وقت نوم عندنا لكن في في النيبال الصبح ومتنشطين وهاي حالها تتصل كل يوم تلعوز اختي وتقومها وبتقولون خل اختج تسكر الجوال او تخليه صامت اختي ماتقدر تقول يمكن امي تتتصل تبي شي مايصير تسكر جوالهاااااا


لكن اختي ادبتهاااااااااااااااااااا صارت ترد لها نفس الحركه تتصلهااا اختي في وقت النيباليه رااقده فيه وتزعجهااااااااا واللحين اختي مطفره النيباليه وتقول يا اانا ياهي

[الحجاجي]

ياريت الموضوع يتوقف على النصابين اللحين في نيبالية بالشه اختي تتتصلهااااااااااااا الساعه 1 او 2 في الليل تلعوزهاااااااااااااااا وطبعا هاي وقت نوم عندنا لكن في في النيبال الصبح ومتنشطين وهاي حالها تتصل كل يوم تلعوز اختي وتقومها وبتقولون خل اختج تسكر الجوال او تخليه صامت اختي ماتقدر تقول يمكن امي تتتصل تبي شي مايصير تسكر جوالهاااااا


لكن اختي ادبتهاااااااااااااااااااا صارت ترد لها نفس الحركه تتصلهااا اختي في وقت النيباليه رااقده فيه وتزعجهااااااااا واللحين اختي مطفره النيباليه وتقول يا اانا ياهي

كفو عليها ...

العين بالعين ..

هههههههه اما نيباليه .. حسبي الله عليهم

هذي مشكلة الأتصالات ..

اول الناس مب محصلة تاكل .. عشان تشتري تلفون وجوال ..

الحين التلفونات والأرقام ارخص من الأكل ..

الله المستعان

[هذلان]

السلام عليكم


حاسبو ايضا من الاتصالات الي مصدرها اليمن .

[ماريسا]

تأكدوا من الارقام الغريبة قبل الرد ع المكالمات

و بس

[مرتبش]

تحكم في التلفون ولاتخليه يحكمك
في الليل سكره ونام قرير العين.. اللي محتاجك ضروري بيتصل لك على تلفون البيت لا تحاتي.

رقم غريب او خارجي مب شرط ترد عليه. التلفون مثل باب البيت ساعات يدقون الجرس ناس مزعجين ..واخرتها يدورورن بيت فلان ..

تدخل المسجد سكر التلفون او حطه على الصامت. عندك اجتماع صامت طوالي.. عند الدكتور عيب كل رنة تلفون تربكك وتنسيك وين انت... قاعد مع الوالد او الوالدة وكل ساعة ترد على مكالمة ,,خير شنو وزير؟

ماشي في مجمع وتلفونك في ايدك على اهبة الاستعداد ؟ استعداد للفواتير !

[simsim1963]

يبون فلوسكم ... واذا هالساحر شاطر خله ينفع نفسه ويسحر الفلوس ويزيدها لنفسه مب يبوق الناس هذولا الناس نصابين ومحترفين كلام

[هذلان]

تحكم في التلفون ولاتخليه يحكمك
في الليل سكره ونام قرير العين.. اللي محتاجك ضروري بيتصل لك على تلفون البيت لا تحاتي.

رقم غريب او خارجي مب شرط ترد عليه. التلفون مثل باب البيت ساعات يدقون الجرس ناس مزعجين ..واخرتها يدورورن بيت فلان ..

تدخل المسجد سكر التلفون او حطه على الصامت. عندك اجتماع صامت طوالي.. عند الدكتور عيب كل رنة تلفون تربكك وتنسيك وين انت... قاعد مع الوالد او الوالدة وكل ساعة ترد على مكالمة ,,خير شنو وزير؟

ماشي في مجمع وتلفونك في ايدك على اهبة الاستعداد ؟ استعداد للفواتير !

السلام عليكم

اسمحلي الشيخ بملاحظه . ترى التلفون اهميته تختلف من شخص لشخص . و انت شكل التلفون عندك امره هين و هذي نعمه الله لا يغير عليك .
غيرك عنده شيبه ولا عجوز صحته على قده ممكن في اي وقت يجيه اتصال يفزع به للمستشفى .
و غيرك دوامه يحتاج منه استفسار او ينطلب في اي لحظه .
وللاسف انا عندي الثنتين من خذت جوال ما اخبر اني طفيته، البارحه نصايف الليل داقين علي الدوام و بعد شوي بسافر .

[مبارك سعد]

مشكورين على المرور