استفسار ضروري جداً عن عمليات سحب الماء من الأذن؟!!!

[هاجر]

السلام عليكم ورحمة الله وبركاته


اخواني وأخواتي أعضاء الشبكة مساكم الله بالخير والنور والسرور وردَ الله عنكم كل شر ومكروه اللهم آمين


بنتي عمرها أربع سنوات ونص كثيرة الشكوى من أذنها ودائماً التشخيص يكون التهاب بالأذن والعلاج بالمضاد الحيوي،فأخذتها اليوم للإستشاري الطبيب/عبدالعزيز الجفيري
وبعد الفحص تبين ونتيجة للإلتهابات المتكرره اللي تعرضت لها تجمعت كمية كبيرة من الماء والبلغم خلف طبلة الأذن :(
وكان الضغط عالي جداً في أذنها.
ونصحني بإني أسوي لها عملية سحب الماء من الأذن وعملية اللوز بعد
طبعاً أنا سئلته عن مضاعفات العملية ونتائجها وطمني عن كل شيء ولله الحمد وقال لي ماتستغرق أكثر من عشرين دقيقة وقال لي القرار يرجع لي طبعاً أوافق أو لا.


أنا صحيح مطمئنة وأدري أنه هذا الأفضل لها، بس بعد خايفة من العملية خصوصاً إنها بتكون تحت تخدير عام.

فهل تعرفون أطفال بعمر بنتي أجريت لهم عمليات سحب الماء من الأذن؟
كيف كانت حالتهم قبل وبعد العملية؟
هل تنصحوني بعد الإستخارة والإستشارة بإني أوافق على اجراء العملية وأريح بنتي من مشاكل أذنها المتكررة؟



ودعواتكم لبنتي بالشفاء التام وجميع مرضى المسلمين والمسلمات اللهم آمين

[قطرية مثقفة]

مرحبا أختي ،،،،،،،،،،
أنه أختي مسوي هالعملية حق بنته لما كانت بعمر بنتج وهي الحين ماشالله تمشي في الست ،،،،، المهم اهي سوته في البحرين عند دكتور اسمه أمين الساعاتي على ماأذكر وكانت عبارة عن ثلاث عمليات شيل لحمية من الأنف واللوزتين والأذن بس ماأذكر إذا في ماي في الأذن ،،،،،، وكانت قبل العملية على طول مريضة وقرر الدكتور يسوي لها العملية لأن ماكان في فايدة من الأدوية واللوزتين واللحمية سببوله صعوبة في التنفس وماشاالله بعد العملية كل شي تغير حتى صوته صار رقيق لأن قبل العملية كان الصوت ثقيل من التهاب اللوزتين وردت لها عافيته وشهيته للأكل ،،،،،،،،

[هاجر]

مرحبا أختي ،،،،،،،،،،
أنه أختي مسوي هالعملية حق بنته لما كانت بعمر بنتج وهي الحين ماشالله تمشي في الست ،،،،، المهم اهي سوته في البحرين عند دكتور اسمه أمين الساعاتي على ماأذكر وكانت عبارة عن ثلاث عمليات شيل لحمية من الأنف واللوزتين والأذن بس ماأذكر إذا في ماي في الأذن ،،،،،، وكانت قبل العملية على طول مريضة وقرر الدكتور يسوي لها العملية لأن ماكان في فايدة من الأدوية واللوزتين واللحمية سببوله صعوبة في التنفس وماشاالله بعد العملية كل شي تغير حتى صوته صار رقيق لأن قبل العملية كان الصوت ثقيل من التهاب اللوزتين وردت لها عافيته وشهيته للأكل ،،،،،،،،





صحيح أنا الدكتور قال لي ثلاث عمليات :(
مشكورة أختي ماقصرتي والله يحفظ لكم بنيتكم يارب

[قطرية مثقفة]

أختي توني متأكدة من أختي إذا كان في الأذن ماي ،،،،،،،،،، نفس ماقلتي كان فيها ماي وتم سحبه ،،،،،،،، ووضع لها أنبوب صغير لخروج الماي منه ويسقط بعد أشهر تلقائياً ،،،،،،،، سوي استخارة واسألي عن الدكتور أكثر وتوكلي على الله ،،،،،،،، والله يكتب لها العافية والصحة بإذن الله ،،،،

[هاجر]

أختي توني متأكدة من أختي إذا كان في الأذن ماي ،،،،،،،،،، نفس ماقلتي كان فيها ماي وتم سحبه ،،،،،،،، ووضع لها أنبوب صغير لخروج الماي منه ويسقط بعد أشهر تلقائياً ،،،،،،،، سوي استخارة واسألي عن الدكتور أكثر وتوكلي على الله ،،،،،،،، والله يكتب لها العافية والصحة بإذن الله ،،،،







بيض الله وجهج أختي وماقصرتي والله :(
وفعلاً الأنبوب اللي بيحطه بالإذن صغييييير جدااا يادوب تشوفينه
الدكتور ماشاء الله عليه معروف وممتاز بس ودي أعرف إذا أحد أجرى عنده مثل هذي العملية أو لا وإن شاء الله اخواني وخواتي بالمنتدى مايقصرون معاي وأنا طبعاً ما أفكر أسويها برى نبي نكون وسط أهلنا والله يكتب اللي فيه الخير لها يارب :(


الله يرضى عليج أختي ومشكورة مره ثانية

[ابـو مــحــــمـــــد]

العمليه بسيطه ولا منها خوف
عندي 2 من بنات اختي مسوينها والحمدلله امورهم طيبه
ولدي راح يسوي تركيب الانبوب بعد شهر عند الاستشاري عمر الحكيم في حمد

العمليه بسيطه وان شالله تطمنين عليها
صلي استخاره وتوكلي على الله

والله يشافي لكم البنت ويطمنكم عليها

[ام سلطون]

هلا حبوبه
انا اخوي مسويها عند الجفيري وااااااااايد زين ماشاء الله عليه
ولاتخافين تراها عملية سهله وصج بترتاح بعدها
وبنت خالي سوتها وهي عمرها 2 ونص والحمد لله ماتعبت كللللللش
قال الدكتور كل ماكان الياهل اصغر كان احسن

[كازانوفا]

ربي يطمنك عليها ان شالله وتقوم لكم بالف سلامه هي وكل اطفال امة محمد صلى الله عليه وسلم

[هاجر]

العمليه بسيطه ولا منها خوف
عندي 2 من بنات اختي مسوينها والحمدلله امورهم طيبه
ولدي راح يسوي تركيب الانبوب بعد شهر عند الاستشاري عمر الحكيم في حمد

العمليه بسيطه وان شالله تطمنين عليها
صلي استخاره وتوكلي على الله

والله يشافي لكم البنت ويطمنكم عليها




الله يرضى عليك ياخوي وماقصرت
ومايشوف شر إن شاء الله ولدك وجزاك الله خير

[ماريسا]

الله يشفيها ان شالله
رفع

[سوق واقف]

لاأنصحك عبدالعزيز اي واحد يروح له يقوله شيل اللوز ما عنده غير شيل اللوز

يا ناس اللوز تحمي الجسم من المكيروبات وانتو تشيلونها من أطفالكم أستغرب...

[هاجر]

هلا حبوبه
انا اخوي مسويها عند الجفيري وااااااااايد زين ماشاء الله عليه
ولاتخافين تراها عملية سهله وصج بترتاح بعدها
وبنت خالي سوتها وهي عمرها 2 ونص والحمد لله ماتعبت كللللللش
قال الدكتور كل ماكان الياهل اصغر كان احسن



ماقصرتي أختي جزاك الله خير






ربي يطمنك عليها ان شالله وتقوم لكم بالف سلامه هي وكل اطفال امة محمد صلى الله عليه وسلم



اللهم آمين وجزاك الله خير
وربي يديم علينا وعليكم الصحة والعافية


الله يشفيها ان شاء الله
رفع



آمين يارب
جزاكِ الله خير

[هاجر]

لاأنصحك عبدالعزيز اي واحد يروح له يقوله شيل اللوز ما عنده غير شيل اللوز

يا ناس اللوز تحمي الجسم من المكيروبات وانتو تشيلونها من أطفالكم أستغرب...




بالعكس أخوي أختلف معاك في هذي النقطة، صحيح اللوز تحمي لكن مع كثرة التهابها وتكرار المضاد الحيوي مايعود الجسم يقدر يقاوم الميكروبات والمضادات تهد الجسم وتضعفه
وأنا كنت أراجع عند أخصائي قبله وقال لي نفس الكلام وانه حرام أعيشها على المضادات الحيوية بدون أي فايدة


وجزاك الله خير

[darkuae]

أنا سويت العملية لبنتي وكان عمرها 4 سنوات عند الجفيري

وكلفت العملية حول 10 آلاف ريال، ولو في تأمين تكون العملية ببلاش

والمواعيد ما تأخر: يوم الأربعاء قررنا العملية، الخميس فحص الدم والضغط في العمادي، السبت العملية في مستشفى العمادي

ومستشفى رميله يسوون العملية بنفس الجودة واثنين من عيال خواتي مسوين العملية في رميله ويمدحونها بس عيبهم فالمواعيد


والعملية ما فيها أي مخاطر، والأنبوبة تطيح بنفسها بعد سنه (وطاحت من اذن بنتي قبل اسبوع)
واهم شي بعد العملية انها ما تسبح إلا وهي حاطه معجون في اذنها (تحصلينها في الصيدليه)

وبعض اليهال عقد ما تطيح الأنبوب ممكن يحتاج عملية ثانية ، والأغلب ما يحتاجون عملية ثانية

[هاجر]

أنا سويت العملية لبنتي وكان عمرها 4 سنوات عند الجفيري

وكلفت العملية حول 10 آلاف ريال، ولو في تأمين تكون العملية ببلاش

والمواعيد ما تأخر: يوم الأربعاء قررنا العملية، الخميس فحص الدم والضغط في العمادي، السبت العملية في مستشفى العمادي

ومستشفى رميله يسوون العملية بنفس الجودة واثنين من عيال خواتي مسوين العملية في رميله ويمدحونها بس عيبهم فالمواعيد


والعملية ما فيها أي مخاطر، والأنبوبة تطيح بنفسها بعد سنه (وطاحت من اذن بنتي قبل اسبوع)
واهم شي بعد العملية انها ما تسبح إلا وهي حاطه معجون في اذنها (تحصلينها في الصيدليه)

وبعض اليهال عقد ما تطيح الأنبوب ممكن يحتاج عملية ثانية ، والأغلب ما يحتاجون عملية ثانية




صحيح الدكتور خيرني بين مستشفى حمد وعطاني موعد تقريبي بعد 8 شهور إلى سنه :(
أو إذا حبيت أسويها في العمادي بنفس التكلفة اللي ذكرتها مع إقامة ليلة وحده
مبدئياً أنا مقررة أسويها لها بإذن الله بس نرتب أمورنا ونطمئن أكثر والله ييسر لنا إن شاء الله


والحمدلله على سلامة البنوته الله يحفظها وعيال المسلمين والمسلمات من كل مكروه
والله يرضى عليك ويرضيك ماقصرت

[darkuae]

الحمد لله بعد العملية قعدنا حول ساعتين وطلعنا ورحنا البيت

بس لا يفوتك قامت البنيه تهاذي من البنج

وعقب سالناها تقول انا ما حسيت بأي شي

والله يعافي بنتك ويقومها بالسلامة

[حمود قطر]

قووواج الله اختي ..

والله يشافي بنتج ويقومها بالسلامه ..

أول شي ..

العملية ما فيها أي خطورة تذكر .. لأنها مجرد سحب ماااي من الاذن وبعدها راااح

ترتاح بنتج وانتي راح ترتاحين من الأذية :victory:

ثاني شيء ..

الدكتور / عبدالعزيز الجفيري .. من أفضل الدكاتر في الاذن والانف والحنجرة ..

وأعرف وااايد نااااس مسويين عنده عمليات وحتى عيالهم ..

والحمدلله محد يتشكى من عملياته ..

وانا بروحي مسوي عنده عملية في الانف .. والحمدلله الوضع ممتاز الحين ..

وانتي اذا كان عندج تأمين صحي ( ببلااااش )

واذا ما عندج يا انج اتسوينها بفلووسج ( والله يعوضج )

او ببلااااش في مستشفى حمد .. عند نفس الدكتور بس المواعيد راح اتطووول

وبنتج راح تتأذى .. فالأفضل اتسوينها في اسرع وقت عند الدكتور / عبدالعزيز الجفيري ..



والله يقوومها بالسلامه ..

[قطرية وافتخر]

انا سويت هالعمليه حق ولدي وعمره سنه والحين كمل السنتين الحمدلله سويتها في حمد عند الاستشاري عمرو الحكيم ممتاز الصراحه

[القائــد]

الله يشفيها ويعافيها

[هاجر]

الحمد لله بعد العملية قعدنا حول ساعتين وطلعنا ورحنا البيت

بس لا يفوتك قامت البنيه تهاذي من البنج

وعقب سالناها تقول انا ما حسيت بأي شي

والله يعافي بنتك ويقومها بالسلامة



قووواج الله اختي ..

والله يشافي بنتج ويقومها بالسلامه ..

أول شي ..

العملية ما فيها أي خطورة تذكر .. لأنها مجرد سحب ماااي من الاذن وبعدها راااح

ترتاح بنتج وانتي راح ترتاحين من الأذية :victory:

ثاني شيء ..

الدكتور / عبدالعزيز الجفيري .. من أفضل الدكاتر في الاذن والانف والحنجرة ..

وأعرف وااايد نااااس مسويين عنده عمليات وحتى عيالهم ..

والحمدلله محد يتشكى من عملياته ..

وانا بروحي مسوي عنده عملية في الانف .. والحمدلله الوضع ممتاز الحين ..

وانتي اذا كان عندج تأمين صحي ( ببلااااش )

واذا ما عندج يا انج اتسوينها بفلووسج ( والله يعوضج )

او ببلااااش في مستشفى حمد .. عند نفس الدكتور بس المواعيد راح اتطووول

وبنتج راح تتأذى .. فالأفضل اتسوينها في اسرع وقت عند الدكتور / عبدالعزيز الجفيري ..



والله يقوومها بالسلامه ..


انا سويت هالعمليه حق ولدي وعمره سنه والحين كمل السنتين الحمدلله سويتها في حمد عند الاستشاري عمرو الحكيم ممتاز الصراحه


الله يشفيها ويعافيها







الله يجزيكم خير وماقصرتوا
والله يجيركم من كل شر اللهم آمين

[ولد سالم]

انا مسويتــها لبنتي من سنه كان عمرها 3 سنوات ونص في الخور عند الدكتور حســام ممتــاز

سوى لها لوز+ لحميه + سحب ماي

لا تحاتين العملية سهله اذا تحتاج بيحطون لها انبوب عقب فتره بيطيح

بنت سالم